ކުރީގެ އިސްލާމިކް މިނިސްޓަރު ޑރ. ޝަހީމް.--
09 ޖެނުއަރީ 2020 - 19:35
19 comments
ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީގެ މަރާ ގުޅިގެން ރިޔާސީ ކޮމިޝަނަށް ދޮގު މައުލޫމާތު ދިން ކަމުގެ ތުހުމަތުގައި ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދުގެ މައްސަލަ އިތުރަށް ތަހުގީގުކުރަން ފުލުސް އޮފީހަށް ފޮނުވައިފި އެވެ.
މަރުގެ މައްސަލަތަކާއި ގެއްލުވާލާފައިވާ މީހުންގެ މައްސަލަތައް ބަލަން އުފެއްދި ކޮމިޝަންގެ މެމްބަރު ފަރީޝާ އަބްދުﷲ "މިހާރު" އަށް މިއަދު ވިދާޅުވީ، ދޮގު މައުލޫމާތު ދިނުމާއި ތަހުގީގަށް ހުރަސް އެޅުމުގެ ދައުވާ ކޮށްދިނުމަށް އެދި ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވާފައިވަނިކޮށް، ޝަހީމްގެ މައްސަލަ ފުލުހަށް ހުށަހެޅީ ޕީޖީގެ ލަފައަކަަށް ކަމަށެވެ.
ނަމަވެސް އެ މައްސަލަ ފުލުހަށް ހުށަހެޅި ތާރީހެއް ވިދާޅެއް ނުވެ އެވެ.
ޝަހީމްގެ މައްޗަށް ދައުވާ ކޮށްދިނުމަށް އެދި ޕީޖީގެ އޮފީހަށް ހުށަހެޅީ މިދިޔަ މަހުގެ ކުރީކޮޅެވެ.
އަފްރާޝީމްގެ ރިޕޯޓު އާއްމުވުމާ އެކު، އޭނާގެ މަރާ ގުޅިގެން އެންމެ ބޮޑު ތުހުމަތެއް އެޅުނު އެއް ބޭފުޅަކީ ޝަހީމެވެ. ސަބަބަކީ އަފްރާޝީމް، އަވަހާރަކޮށްލި ރޭ ޓީވީއެމްގެ ޕްރޮގްރާމަށް އަރާވަޑައިގަތުމާ ގުޅޭ ގޮތުން ޝަހީމް ދެއްވި ބަޔާނާއި ހެކީގެ ގޮތުގައި ހޯދި މެސެޖްތަކުގައި ބޮޑެތި ފުށުއެރުންތަކެއް ހުރުމުންނެވެ.
އެކަމަކު މި ތުހުމަތު ދޮގުކުރައްވައި ޝަހީމް ވިދާޅުވެފައި ވަނީ ކޮމިޝަނަށް އޭނާ ދެއްވީ ތެދު މައުލޫމާތު ކަމަށެވެ. އަފްރާޝީމަށް، އިލްމުވެރިންނާ އެއް މޭޒަކުން ބައްދަލުވެވޭ ގޮތާއި ޓީވީ ޕްރޮގްރާމުން ފުރުސަތު ހޯއްދެއްވީ އޭނާ އެދިވަޑައިގަތުމުން ކަމަށް ޝަހީމް ވިދާޅުވެފައިވެ އެވެ. އަދި ދައުވާކުރަން ފޮނުވީ ސިޔާސީ މުސްތަގުބަލް ދުއްވާލަން ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހނ
11 January 2020
ޑރ.ޝަހީމް އާ ޖައްސާލައިގެން މިއުޅެނީ ސަރުކާރުގަ މިހާރުތިބިމީހުން ފަޅިއަށް ވަޑައިނުގެންނެވީމަބާ? ޝަހީމަށް ހެޔޮގޮތް މިންވަރުކުރައްވާށި. އާމީން.
އެމްސް
10 January 2020
ދީނީ ޢިލްމުވެރިން ސިޔާސަވެގެން އުޅޭ ތަނެއްގަ މަސްލަޙަތެއް ނޯންނާނެ!
ދަންނަ ނުދަންނަ
10 January 2020
ބަލަ ތިޔަ ރިޕޯޓުގައި އެބައޮތެއް ނޫންތަ ހުމާމާއެކު އަފުރާޝީމު މަރާލުމުގައި ބައިވެރިވި އެހެން މީހަކު ހުރި ވާހަކަ. އެމީހާ ހުރި ވަޒީފާއިން ވަކިވެސް ކުރި ނޫންތަ. އެ މީހާގެ މައްސަލަ އިތުރަށް ތަހްގީގު ނުކުރަންވީ ކީއްވެ؟ ތަހްގީގުކޮށް ހަންދަމަންވީ ބަލި ހަނދާނަކަށް ނަމަވެސް އެހެން ގޮތަކުން ނަމަވެސް އެއްޗެއް ބުނެވުނު މީހާގެ މައްސަލަތަ؟
ވަތަން އިސްކުރަންޖެހޭ
10 January 2020
ޝަހީމަ ތުހުމަތު ކުރާވަރަކަށް އެމްޑީޕީ ފަލީހެއްވާނީ.
މަންޑޭލާ
10 January 2020
ޝަހީމަކީ އަހުލާގު ރަގަޅު މީހުންނާ ގުޅޭ. ދިވެހި ވަތަން ދެކެ ލޯބިވާ މީހެ.
ޝޮކްތެރަޕީ
10 January 2020
ރައިސް ނަޝީދު ބުނީ އަފްރަސީމު މަރާލި މީހުން ފުރައިގެން ގޮސްސިއޯ. ކީވެތަ ނަޝީދު ހާޒިރު ނުކުރެވެނީ. މަސްސަލަ ބަލާވަރަކަށް އެމްޑީޕީޔާ ދިމާލަ މަސްސަލަ ދަނީ.
ބޮޑުމީހާ
09 January 2020
މަރު ކޮމިޝަނުގެ މަގްސަދަކީ ކޮބައިކަން މިހާރު އޮޅިއްޖެ.
ަޒަކަރިއްޔާ
09 January 2020
ކޮންމެ އެއްޗެކޭ ކިޔަސް ޝަހީމު ހެދީ ދޮގު. އޭނާއަށް އެ މެސެޖު ކުރި މީހާ ބުނެދެވެން އެނގެން ޖެހޭނެ. ފޮރުވަން އުޅުމުގެ ބޭނުމެއް ނެތް ބައިވެރިވުމެއް ނެތިއްޔާ. ހަމަ އެގޮތަށް އަންނި ދެއްކި ވާހަކަޔާ މެދު އޭނާއާވެސް ސުވާލުކުރެވެން ޖެހޭނެ.
މަހަށްދޭދޭބަލަ
09 January 2020
ތަމެން ކަމަކީ މީހުންގެ މަސްކެއުން ދޯ ވެރިކަން ލިބުމުން ވެސް ކަމެއް ކުރެވެނީ އެއް ނޫން ދޯ ތަމެން ދެން މަހަށް ދޭބަލަ މަހަށް މަހަށް މަހަށް ދޭބަލަ...
ޖަމަލު
09 January 2020
ޝަހީމްގެ ހަބަރެއް ޖެހީމަ ހަދާންވީދޯ ޝަހީމް މަތިން. ހަމަ ގަިމުވެސް އެމްޑީޕީގެ ރޫހާނީ ލީޑަރު އަފްރާޝީމްގެ މަރާ ބެހޭ ގޮތުން އެއްވާހަކަ އާ އަނެް ވާހަކަ ފުށުއަރާ ގޮތަށް މީޑިއާގަ ވާހަކަ ދައްކާފައެބަހުރި.