ބްރިޖު ސައިޓަށް ވަދެ ބަލައިލުމުގެ ފުރުސަތު އާއްމުންނަށް ދެނީ

މާލެ-ހުޅުމާލެ އާ ދެމެދު އަޅަމުންދާ ބްރިޖް -- ފޮޓޯ: ނިޝާން އަލީ/މިހާރު

ފަޒީނާ އަހުމަދު، މިހާރު

04 އޮކްޓޯބަރ 2016 - 14:32

މާލެ އާއި ހުޅުލެއާ ދެމެދު އަޅާ ބްރިޖުގެ މަސައްކަތް ކުރާ ސައިޓުގައި ތިިބެ ބަލައިލުމުގެ ފުރުސަތު އާއްމުންނަށް ދޭން ނިންމާފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު އިއްޔެ ވިދާޅުވެއްޖެ އެވެ.

ބްރިޖުގެ މާލެ ސައިޓާއި ހުޅެލޭ ސައިޓަށް ނޫސްވެރިންނާއި ވަޒީރުން އިއްޔެ ކުރި ޒިޔާރަތުގައި މިނިސްޓަރު ވިދާޅުވީ ބްރިޖު މަޝްރޫއު ހިނގާ ގޮތް ބަލައިލަން ވަރަށް ގިނަ ބަޔަކު ބޭނުންވާ ކަމަށެވެ. އެހެންވެ ބްރިޖުގެ މަސައްކަތް ކުރާ ދެ ސައިޓަށް އާއްމުން ވަނުމުގެ އިންތިޒާމް ހަމަޖައްސަމުން އަންނަ ކަމަށް އޭނާ ވިދާޅުވި އެވެ.

"މަސައްކަތަށް ދަތިނުވާނެ ގޮތަށް ތާވަލްކޮށްގެން ސްކޫލް ކުދިންނާއި އެކި ކަހަލަ އުމުރުފުރައިގެ މީހުންނަށް ބްރިޖު ބަލައިލުމުގެ ފުރުސަތު ދޭނަން. [ބްރިޖް] މިއީ ރައްޔިތުންގެ މަސައްކަތެއް،" މުއިއްޒު ވިދާޅުވި އެވެ.

މާލެ ސައިޓުގައި ބްރިޖުގެ ހޮޅިއެއް ވެލްޑިންކުރަނީ: ފޮޓޯ: ނިޝާން އަލީ/މިހާރު

ލޮނުޒިޔާރަތްކޮޅުގައި ތިބެގެން ބްރިޖުގެ މަސައްކަތް ބަލައިލަން އެ ސަރަހައްދުގައި ޕްލެޓްފޯމަކާއި ރެސްޓޯރަންޓެއް ހަދަން ވަނީ ބަޔަކާ ހަވާލުކޮށްފަ އެވެ.

އަށް މިލިއަން ރުފިޔާ ހޭދަވާ މި މަސައްކަތަކީ ބޭކާރު ހަރަދެއް ކަމަށް ދައްކާ ވާހަކަތަކަށް ރައްދު ދެއްވައި، މިނިސްޓަރު ވިދާޅުވީ އެގޮތަށް ވާހަކަ ދައްކާތީ ހައިރާންވެވަޑައިގަންނަވާ ކަމަށެވެ. އެ މަސައްކަތް ނިއު ޕޯޓާ ހަވާލުކުރި ދުވަހު ވެސް އެއީ، ސަރުކާރުން އެއްވެސް ހަރަދެއް ކުރާ ކަމެއް ނޫން ކަން ސާފުކޮށްދީފައިވާނެ ކަމަށް މުއިއްޒު ވިދާޅުވި އެވެ.

"ސަރުކާރުން ކުރާ ހަރަދެއް ނުވަތަ އިސްރާފެއް ނޫން އެއީ،" މިނިސްޓަރު ވިދާޅުވި އެވެ.

ސަރުކާރުން ހަރަދެއް ނުކޮށް އެ ޕްލެޓްފޯމުގެ ސަބަބުން، މުއިއްޒު ވިދާޅުވި ގޮތުގައި، ސަރުކާރަށް އާމްދަނީ ލިބޭނެ އެވެ. އެ ޕްލެޓްފޯމާ އެކު ރެސްޓޯރަންޓް ފަދަ ތަންތަން ހަދާއިރު، އެ ބިމުން މަހު ކުލި ސަރުކާރަށް ލިބޭނެ ކަމަށް ވެސް އޭނާ ވިދާޅުވި އެވެ.

މިހާރު ކުރަމުން އަންނަނީ ބްރިޖުގެ ތަނބުތައް ޖެހުމުގެ މަސައްކަތެވެ. ބްރިޖުގައި ޖުމްލަ ހަތް ތަނބުގައި އިންނަ 35 ހޮޅީގެ ތެރެއިން 13 ހޮޅި މިހާރު ވަނީ ޖަހައި ނިންމައިފަ އެވެ. ހޮޅި ޖެހުމުގެ މަސައްކަތް ޑިސެމްބަރު މަހުގެ ނިޔަލަށް ނިންމަން ވަނީ ޝެޑިއުލްކޮށްފަ އެވެ.

ދިވެހި ސަރުކާރު ހައުސިން މިނިސްޓްރީ ޑރ. މުހައްމަދު މުއިއްޒު، މާލޭގެ މޭޔަރު މާލެ-ހުޅުމާލެ ބްރިޖު ސިނަމާލެ ބްރިޖު

43 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

05 October 2016

ސަރުކާޜުން ނިއުޕޯޓަށް އެ ބިން ކުއްޔަށް ދީގެން ސަރުކާރަށް ލިބޭނީ ކިހާވަރެއްބާ؟ ތިޔައީ ހަމަ އެންމެ ހިތްފަސޭހަ ހިސާބުން ނިއުޕޯޓަށް ރެސްޓޯރެންޓް ހިންގަން ބިންދޭންވެގެން ކުރިކަމެއް. ތިޔަތަން ކުއްޔަށް ދިނީ ކިތައް އަހަރަށްތޯ. ބުރިޖް އަޅާ ނިމޭނެ 2018 ގަ. އޭގެ ފަހުންވެސް ތިޔަތަން ހުންނާނެތޯ؟ އެއޮށް ބޮޑު ނަސަންދުރަ ހުރި ބިންވެސް އެއޮތީ ސަޅި ގޮތަކަށް ދީފަ. އެތާ ހަދާ ބިޔަ ހޮޓާ އަޅާގޮތް ބަލަން ޖޯލިފައްޗެއްނަމަވެސް އަޅާލާނެ ތަންކޮޅެއް މަށަށް ދީބަލަ. އޭރުން ހުޅުމާލޭ ފެރީން އަންނަ އެންމެންނަށް މަ އައިސްކްރީމް ވިއްކާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލަކު. މުހައްމަދު

05 October 2016

"ތަންދޮރު" ނުބަލާތަ؟ ވާހަކަ ދައްކަނީ ރާއްޖޭގެ ރައްތަކުގަ ސަރޮކާރުން އާދަޔާ ޚިލާފު ކިތައް މަޝްރޫޢު ހިންގަމުން އެބަދޭތޯ، މާލެއިން ތިޔަ ފެންނަނީ ހަމަ އެކަނި ބުރިޖުތޯ، ކޮބާތޯ އެއާޕޯޓު ބޮޑު ކުރަން ހިން ގާ ބިޔަ މަޝްރޫޢު، މަލޭ މަގުތައް ރީ ޑިޒައިން ކޮށް އަލުން ހަދާ މަޝްރޫޢު، މާލޭ ހުޅަނގު ދެކުނުގަ ހިންގާ މަޝްރޫޢު، ކޮބާތޯ ހުޅުމާލޭ ހިންގާ ބޯހިޔާ ވަހިކަމުގެ މަޝްރޫޢުތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮޅުގަޑި ބައި

05 October 2016

ރައްޔިތުން ފެލައިގެން އަޅަންވީ ބުރިޖެއްނޫ ހަދަންވީ މަގެއްނޫން. ރައްޔިތުން ޓެކްސް ގޮތުގަ ދައްކާ ފައިސާ ބޭކާރު ގޮތުގަ ޚަރަދުކޮއްގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްވަލަ އަހައްމަދު

05 October 2016

ބުރިޖް ބަލަން އަރާތިބެ ޔާމީން އިސްތިއުފާޔަށް ނުގޮވާތި. ވަގުތުން ބޭލޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަންދޮރު

05 October 2016

ބުރިޖު އެކަނިތަ ރައްޔިތުންނަށް ދައްކަނީ؟ ރައްޔިތުންގެ ޓެކްސް ފައިސާ ހަރަދުކުރާގޮތުގެ ތަފުސީލު ދައްކަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަބޭނުމީ..

05 October 2016

މަ ބޭނުމެއްނޫން ބްރިޖް ބަލާކަށް، މަބޭނުމީ ކާޑުގެތަކެތި އަގުހެޔޮވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަޕްޝަން 101

05 October 2016

މުއިޒު ތިޔަތަން ނިއުޕޯޓާ ހަވާލު ކުރެވުނު މައްސަލަ އެންޓިކަރަޕްޝަން ކޮމިޝަނުން އެބަޖެހޭބަލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައްޔަ

05 October 2016

ޥެފައި ވާ ގޮތް ބައްލަވާލައްވާ. ޙަބަރުތަށްވެސް ކިޔުއްވާ ނޫޅުއްވަންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދު ނާސިރު ބ ކުޑަރިކިލު

04 October 2016

ޙ މަރުހަބާ ރައީސް ޔާމިން އަޅުގަނޑުމެންވެސް ބޭނުންވަނީ ބ ކެންދޫފަދަ ރަށަކައް ބަދަލުވާން މިރަށުގަ މިތިބަ ދެތިން މީހުންނައް ހުރިހާ ހިދުމަތެއް ނުދެވޭނެކަން ކެންދޫފަދަ ތަރައްގީ ރަށަކައް ހިޖުރަ ކުރުމީ ކުޑަރިކިލު ރައްޔިތެއްގެ ހައިސިއްޔަތުން ވަރައް އެދޭ އެދުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެންދޫ މީހާ

05 October 2016

ކެންދޫ ރައްޔިތުން ވެސް ދިރިއުޅޭނެ ތަންކޮޅެއް ރަށުގަ ނެތިގެން މިއުޅެނީ. ދެން ކިހިނެތް ކުޑަރިކިލު މީހުން ކެންދޫއަށް ބަދަލު ކުރެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަންދީ

04 October 2016

މުއިއްޒު ދިވެހި ރައްޔިތުން ބަޑައް ޖެހެމުންދާއިރު ބުރިޖު ދެއްކުމަކުން ހައިހޫނު ކަމެއް ނުފިލާނެ ތިޔަ ބާވަތުގެ ކޮންމެ ޖަރީމާއެއް ހިންގުމައް ފަހު ރައްޔިތުން ގުބޯ ހެއްދޭނެކަމައް ތިޔަ ކުރާ އުއްމީދަކީ މުޅިން ކުށްހީއެއް ރަށްޔިތުން މަގުމައްޗައް ނުނިކުމެ ތިބީ އެއްވެސް ޙާލެއްގައި މިސަރުކާރުން މިހިންގާ ކަންތައްތަކާ ރުހިގެނެއްނޫން ކުރާ އަނިޔާއައް ކެއްނުކުރެވޭތީ