އެމްޑީޕީން ކުޅުދުއްފުށީގައިި މިއަދު ފެށި "ތިލަދުންމަތީ އިރުވައި ކޮންފަރެންސް"ގައި ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އަހުމަދު އަބްދުﷲ، ފިނޭންސް މިނިސްޓަރު އިބްރާހީމް އަމީރު، ރައީސް އިބްރާހީމް މުހައްމަދު ސޯލިހު އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބައިވެރިވެވަޑައިގަންނަަވަނީ.
15 ޖެނުއަރީ 2020 - 13:01
5 comments
ލޯކަލް ކައުންސިލްތަކަށް ދީފައިވާ ބަޖެޓުން ހަރަދު ކުރުމުގައި އިސްކަންދޭންވީ ރިކަރެންޓް ހަރަދުތަކުގެ ބަދަލުގައި އިގުތިސާދު ފުޅާކުރުމަށް އިންވެސްޓްކުރަން ކަަމަށް ފިނޭންސް މިނިސްޓަރު އިބްރާހީމް އަމީރު މިއަދު ވިދާޅުވެއްޖެ އެވެ.
ވެރިކަންކުރާ ކޯލިޝަންގެ މައި ޕާޓީ އެމްޑީޕީން ކުޅުދުއްފުށީގައިި މިއަދު ފެށި "ތިލަދުންމަތީ އިރުވައި ކޮންފަރެންސް"ގައި އަމީރު ވިދާޅުވީ ކައުންސިލްތަކުން ބަޖެޓް ހަދާ އިރު އިގުތިސާދު ފުޅާކުރަން ހިންގާނެ ހަރަކާތްތައް ހިމަނަން އިސްކަން ދޭން ޖެހޭ ކަމަށެވެ.
"ކައުންސިލްތަކުން އަޅުގަނޑުމެން ބަޖެޓް ހުށަހެޅުމުގައި ބަޖެޓް ހެދުމުގައި މިލިބޭ ބޮޑު ގްރާންޓުން، ހުށަހެޅުމުގައި ވެސް ބަލަން އެބަ ޖެހޭ އިގުތިސާދު ފުޅާކުރުމަށް ހިންގަން ބޭނުންވާ ހަރަކާތްތައް ބަޖެޓްގައި ހިމަނައިގެން ބަޖެޓް ހުށަހެޅުމަށް އަހަންމިއްޔަަތުކަން އެބަ ދޭން ޖެހޭ،" އަމީރު ވިދާޅުވި އެވެ.
އޭނާ ވިދާޅުވީ މިއަހަރު ހިންގާ ތަރައްގީގެ 900 މަޝްރޫއުގެ ތެރެއިން 700 މަޝްރޫއު ހިންގަން ކަނޑައަޅާފައި ވަނީ ކައުންސިލްތައް މެދުވެރިކޮށްގެން ކަމަށް ވާތީ، އެ މަޝްރޫއުތަކަށް މީހުން ބިނާކުރުމަކީ ކައުންސިލްތަކުގެ ވެސް ޒިންމާއެއް ކަމަށެވެ.
އެމްޑީޕީން ކުޅުދުއްފުށީގައިި މިއަދު ފެށި "ތިލަދުންމަތީ އިރުވައި ކޮންފަރެންސް"
"އޭގެ މާނަ އަކީ ކޮންމެ ޕްރޮޖެކްޓެއްގެ އިންޖިނޭރަކު، ކޮންމެ ޕްރޮޖެކްޓެއްގެ ސާވޭޔަރެއް، ކޮންމެ ޕްރޮޖެކްޓެއްގެ ޓެކްނިކަލް އެކިއެކި މަސައްކަތްތައް ކުރާނެ މީހުން އުފެދިގެން ދާނެ. އެހެންވީމާ ކައުންސިލްތަކުގެ ވެސް ޒިންމާއަކަށް އެބަވޭ މިކަންތައްތައް ފަހިކުރުމަށް ޓަކައި ބަޖެޓްގެ ތެރެއިން ކެޕޭސިޓީ ބިލްޑިންއާ ޓްރޭނިންގެ މަސައްކަތްތައް ކުރުމަށް ޓަކައި ބަޖެޓްކުރުން،" އޭނާ ވިދާޅުވި އެވެ.
އަމީރު ވިދާޅުވީ ދައުލަތަށް މިއަހަރު ލިބޭ ހިލޭ އެހީގެ ތެރެއިން 1.6 ބިލިޔަން ރުފިޔާ ރަށު ކައުންސިލްތަކަށް ހާއްސަކޮށްފައިވާ ކަަމަށާއި އެހެންވީމާ މީގެ ކުރީ ދެ އަހަރާ އަޅާ ބަލާއިރު ރަށު ކައުންސިލްތަކުގެ ބަޖެޓް 160.8 ޕަސެންޓް އިތުރުވާނެ ކަމަށެވެ. އަތޮޅު ކައުންސިލްގެ ތަކުގެ ބަޖެޓްް 38.5 ޕަސެންޓަށް އަދި ސިޓީ ކައުންސިލްތަކުގެ ބަޖެޓް 400 ޕަސެންޓް މިއަހަރު ބޮޑު ކަމަށް ވެސް އޭނާ ވިދާޅުވި އެވެ.
ކުޅުދުއްފުށީގައި މިއަދު ފެށި ކޮންފަރެންސްގައި ރައީސް އިބްރާހީމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދާއި އެމްޑީޕީގެ އިސްވެރިންނާއި އެ ޕާޓީ އަށް ނިސްބަތްވާ މިނިސްޓަރުންނާއި ރައްޔިތުުންގެ މަޖިލީހުގެ މެމްބަރުން ބައިވެރިވެވަޑައިގަންނަަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިފޫ
15 January 2020
ދުނިޔަވީ ކަންކަމުގަ ނޫޅޭ މީހުންގެނެސް އިންވެސްޓް ކުރާށޭ ބުނީމަ އެމަިހުން ކުރާނީ އެއްކަލަ ކަހަލައިންވެސްޓް
އޮނަރަބްލް އަފީފު ދީދީ
15 January 2020
ކައުންސިލްތަކަށް ބާރުދެނީއޭ ބަޖޭޓް ހަވާލު ކުރަނީއޭ ކިޔައިގެން ހަންފަތުރަނީ މުޅި މަސްރަޙް އެހެންގޮތަކަށް ބައްޓަންކޮށްގެން ތިބެގެންކަން އިގެނީ ސަރުކާރުގެ ސިޔާސަތު ރާވަމުންދާގޮތުން. # މިވަގުތު މާލޭގައިހިންގަމުންގެންދާ ކިތަންމެކަމެއް (ޕާކް ހެދުމާއި ވެހިކަލްޕާކިންގ ފަދަ އެތައްކަމެއް) ހިންގަނީ ކައުންސިލްގެ ބަޖޭޓަށް ނުވެސް އެގި ރައީސް އޮފީހުގެ ވަޒީރެއްގެ ބެލުމުގެދަށުން ހައްދެއްނެތް ދައުލަތުގެ ބަޖޭޓުން ޙަރަދުކޮށްގެން. މިއީ ކަންހިގާގޮތުގެ ކުޑަ މިސާލެއް.
ޝޮކްތެރަޕީ
15 January 2020
ބޮޑު ބޯޓަކައް ލައިގެން މީހުން ގެނެސް ރައްްއިތުންނަ ދަޅަ ދައްކަނީ. ދައުލަތުގެ ލަރި ބޭކާރު ގޮތުގާ އިސްރާފު ކުރަނީ
ހަވަރު ތިނަދޫ ބިގަރު ކައުންސިލ
15 January 2020
ކައުންސިލްތަކުން އިންވެސްޓް ކުރެވޭނީ ކައުންސިލަރުންނަށް ބުއްދިހަމަޖެހޭ ފޮނިނޫން ދެއްކުންތެރިކަންނެތް ރައްޔިތުންނާއި ގާތުން މަސައްކަތްކުރެވޭ ބަޔަކު ތިބެގެންނެވެ. ހަވަރު ތިނަދޫ ބިގަރު ކައުންސިލްގަ މިހާރަކު ކަމެއްކޮއްލެވޭނެ ބުއްދިއެއް ހުރި މީހަކު ނެތެވެ ޖާނުން ބޮޑުވެފަ ތަންތަން ބޮޑުވެފަ ހިސާބައްވުރެ ރުޅިގަދަވެފަ އަނެއް ދައުރަށް ބިގަރު ކައުންސިލަށް ހޮވުމަށް މޮޅެތި ފޯމިއުލާ ނެރުމަކުން އިންވެއްޓެއް ނުކުރެވޭނެއެވެ. ބޮލުގައި ތެތްކަމެއް ހުންނަން އެބަޖެހޭ
ފފފފ
15 January 2020
މާލޭން ގޮވައިގެން ދިޔަ 300 މީހުންދޯ ތިއުޅެނީ؟