ސްޓޭޓް ބޭންކް އޮފް އިންޑިއާ. އެތަނުގެ ބޭރުގައި ހުރި ސެކިއުރިޓީ ގާޑަކަށް ވަނީ ހަމަލާދީފައި.
17 ޖެނުއަރީ 2020 - 14:26
2 comments
ހެންވޭރުގައި ހުންނަ ސްޓޭޓް ބޭންކް އޮފް އިންޑިއާ (އެސްބީއައި) ކައިރީގައި ސެކިއުރިޓީ ބަލަހައްޓަމުން ދިޔަ މީހަކަށް ހަމަލާ ދިން މީހަކު މިއަދު ހައްޔަރުކޮށްފި އެވެ.
ފުލުހުން ބުނީ ހެނދުނު 7:30 ހާއިރު އެސްބީއައި ކައިރީގައި ހުރި ސެކިއުރިޓީ ގާޑަކަށް ހަމަލަދީ މާރާމާރީ ހިންގި މައްސަލައިގައި 18 އަހަރުގެ ފިރިހެނަކު ހައްޔަރުކޮށްފައިވާ ކަމަށެވެ.
އެކަމަކު، ސެކިއުރިޓީ ގާޑަށް ހަމަލަދިން ސަބަބެއް ފުލުހުން ނުބުނެ އެވެ. ފުލުހުން ހަމައެކަނި ބުނީ މި މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
މީގެ ދެ އަހަރު ކުރިން، ނޮވެމްބަރު، 2017 ގައި އައްޑޫ ހިތަދޫގައި ހުންނަ އެސްބީއައިގެ ބްރާންޗުގެ ސެކިއުރިޓީ އަށް ތޫނު އެއްޗަކުން ހަމަލާދީ، އެތަނުގެ އޭޓީއެމަށް ގެއްލުން ދިނުމަށް ފަހު ފައިސާ ނަގަން ވަނީ މަސައްކަތްކޮށްފަ އެވެ. މި ހާދިސާގައި ބަންގްލަދޭޝްގެ ސެކިއުރިޓީ ގާޑުގެ ކޮނޑަށް ހަމަލާ ދިނެވެ.
ހިތަދޫ ބޮޑު މަގުގައި ހުންނަ އެސްބީއައިގެ އޭޓީއެމް ހަލާކުކޮށްލައިގެން ފައިސާ ނަގަން މަސައްކަތް ކުރި ނަމަވެސް، އެކަން ކާމިޔާބެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސި-ދާއިތަ
17 January 2020
ކޮމިޝަނަރ އޮފް ޕޮލިސްގެ އިސްތިއުފާ އަށް ގޮވާލައި މުޒާހަރާ ކުރަން ވީނު
ދަތްނެތްކުއްޖާ
17 January 2020
މިހާރު އަމިއްލަ ގޭގަވެސް މި ޖެހެނީ ދަނގަޑު ގޭޓު ހަރުކޮއް 20 ކަށް ތަލު ހަރުކޮއްގެން ތިބެންޖެހިފައި. ޤައމުގައި ރައްޔިތުންގެ ސަލާމަތީ އެއްވެސް ކަމެއް ނެތްކަމަށް ދެކެން. ދަޢުލަތް މި އޮންނަނީ ގޭންގް ކުދިންގެ ދަށުގައި ކަމަށް ދެކެން. ދެން ކިހިނެއް ރަގަލުވާނީ.