ގިނަ އޮފީސްތަކެއް ހިންގާ ބިލްޑިންގް: ޕްރައިމަރީގައި ވާދަކުރާ ސިވިލް ސާވިސް މުވައްޒަފުންގެ ސަސްޕެންޝަން އުވާލަން ވަނީ ނިންމާފައި -- ފޮޓޯ/މިހާރު
19 ޖެނުއަރީ 2020 - 20:25
6 comments
ކުރިއަށް އޮތް ލޯކަލް ކައުންސިލްތަކުގެ އިންތިޚާބުގެ ޕްރައިމަރީގައި ވާދަކުރާ ސިވިލް ސިވިސް މުވައްޒަފުން ސަސްޕެންޑް ކުރަންޖެހޭ ގޮތަށް އޮތް މާއްދާ އިސްލާހުކުރަން ނިންމައި، އެފަދަ މުވައްޒަފުންގެ ސަސްޕެންޝަން ސިވިލް ސާވިސް ކޮމިޝަން (ސީއެސްސީ) އިން މިއަދު އުވާލައިފި އެވެ.
ސިވިލް ސާވިސް ގަވާއިދުގައިވާ ގޮތުން، ސިވިލް ސާވިސް މުވައްޒަފުންނަށް ލޯކަލް ކައުންސިލްތަކުގެ އިންތިޚާބުގައި ވާދަކުރުމުގެ ފުރުސަތު އޮވެ އެވެ. އެކަމަކު، އެ ގަވާއިދު އޮންނަ ގޮތުން ކައުންސިލް އިންތިޚާބުގެ ޕްރައިމަރީގައި ވާދަކޮށްފި ނަމަ އަދި ކައުންސިލް އިންތިޚާބުގައި ވާދަކޮށްފި ނަމަ ވެސް އިންތިޚާބުގެ ދާއިމީ ނަތީޖާ އިއުލާން ކުރަންދެން އެ މުވައްޒަފަކު ސަސްޕެންޑް ކުރަން ޖެހޭނެ އެވެ.
ނަމަވެސް ސީއެސްސީން މިއަދު ނެރުނު ސާކިއުލާއެއްގައި ވަނީ ޕްރައިމަރީގައި ވާދަކުރާ މުވައްޒަފުން ސަސްޕެންޑް ކުރަންޖެހޭ ގޮތަށް އޮތް މާއްދާ އަށް އިސްލާހު ގެންނަން އެ ކޮމިޝަނުން ނިންމާފައިވާ ކަމަށެވެ. އެހެންވެ، އަންނަ އޭޕްރީލް 4 ގައި ބާއްވާ ކައުންސިލްތަކުގެ އިންތިޚާބުގެ ޕްރައިމަރީގައި ބައިވެރިވުމުގެ ސަބަބުން ސަސްޕެންޑް ކޮށްފައިވާ ސިވިލް ސާވިސް މުވައްޒަފުންގެ ސަސްޕެންޝަން ނިމުމަކަށް ގެނެސްފައިވާ ކަމަށް ސީއެސްސީން ބުންޏެވެ.
އެކަމަކު ކައުންސިލް އިންތިޚާބަށް ކުރިމަތިލާން ހުށަހެޅުމުން، އެކަން އިލެކްޝަންސް ކޮމިޝަނުން ގަބޫލުކޮށްފި ނަމަ، އެ ދުވަހުން ފެށިގެން އެ މުވައްޒަފަކު ސަސްޕެންޑް ކުރެވޭނެ ކަމަށް ވެސް އެ ސާކިއުލާގައިވެ އެވެ.
މި އަހަރުގެ ކައުންސިލް އިންތިޚާބުތަކުގެ ޕްރައިމަރީގައި ވާދަކުރުމުގެ ފުރުސަތު ޕާޓީތަކުން ކުރިން ވަނީ ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނަމަނަ
20 January 2020
ރާއްޖޭގައިމިހާރުކުރަނީ ގެރިބަކަރިވެރިކަމެއް
ކަލޯގަޔާ
20 January 2020
ބަލަ އަދިވެސް ވަކި މީސްމީހުންނަށް ގަވާއިދު ހެދުން ހުއްޓާކަށް ނުވޭދޯ.. ބާރުހުރި ފަރާތަކުން ޕްރެޝަރ ކޮށްލުމުން ސަސްޕެންޝަން އުވާލުމަކީ ގަބޫލުކުރެވޭނެ ކަމެއްނޫން. އެހެންނޫންނަމަ، ތިޔަ ޕްރައިމަރީއަކަށް އިއުލާނުކުރުމުގެ ކުރިން ތި ސަސްޕެންޝަން އުވާލަން ނިންމިނަމަ، ތިޔަ ކަމިޝަނާއި ދޭތެރޭ ރައްޔިތުން ކުރާ އިތުބާރު ތަންކޮޅެއް ބޮޑުވާނެ... މިހާރު އެގެނީ ކޮމިޝަން އޮތީ ސިޔާސީވެ ނިމިފައިކަން.
ވިލިނގިލީ ދޮން ކަމަނަ
20 January 2020
މިފަހަރުގައި ކައުންސިލަށް ލެވޭކަށް ނޯންނާނެ ތޯ؟ ވީމާ އެފުރުސަތު އަލުން ހުޅުވާނަން ފެނޭ އަލުން. އަޅުގަނޑަކީވެސް ކައުންސިލަށް ލާން ވަރަށް ޝައުގުވެރިވީ ފަރާތެއް ނަމަވެސް ސަސްޕެންޝަން އޮންނާތީ ނުލީ
ޢާޣާ
20 January 2020
ވިސްނެނީ ޕްރައިމަރީން އެކަނި 2000 ވަރަކަށް ސިވިލްސާވަންޓުން ސަސްޕެންޑްކުރަން ޖެހުނުކަން އެނގުމުންދޯ. ގަމާރަސް ބޮޑުވަރު
ސީއެސްސީ
20 January 2020
ނޫނޭ. އެންމެ 4 މުވައްޒަފުން ސަސްޕެންޑް ކުރީ
ޗޮމމ
20 January 2020
ސަސްޕެންޑް ކުރުމުން އިންތިހާބަށް ނުފޫޒުފޯރުވާނެ މަގުތަށް ހަނިވާނީ.