ޚަބަރު / ރައީސް އިބްރާހިމް މުހައްމަދު ސޯލިހް

އަނިޔާ ލިބޭ ކުދިންނަށް އަވަހަށް އިންސާފު ހޯދައިދޭން ރައީސް އެދިވަޑައިގެންފި

ރައީސް އިބްރާހިމް މުހައްމަދު ސޯލިހު: ކުޑަކުދިންނަށް ކުރާ ޖިންސީ ގޯނާގެ މައްސަލަތާ ގުޅިގެން މަޝްވަރާކުރައްވަން ކެބިނެޓް ބައްދަލުވުމެއް މިއަދު ބޭއްވެވި

ލަމްޔާ އަބްދުﷲ، މިހާރު

21 ޖެނުއަރީ 2020 - 22:35

10 comments

ކުޑަކުދިންނަށް ޖިންސީ ގޯނާ ކުރާ މައްސަލަތަކުުގައި އަނިޔާ ލިބިފައިވާ ކުދިންނަށް އަވަހަށް އިންސާފު ހޯދައިދޭން ރައީސް އިބްރާހިމް މުހައްމަދު ސޯލިހު މިއަދު އެދިވަޑައިގެންފި އެވެ.

ތުއްތު އަންހެން ކުއްޖަކު ރޭޕް ކުރި މައްސަލަ ބޮޑުވެފައި ވަނިކޮށް، ބޭއްވި ކެބިނެޓް ބައްދަލުވުމުގައި ރައީސް ވަނީ އަނިޔާ ލިބޭ ކުދިންނަށް އިންސާފު ހޯދައިދީ، ކުށްވެރިންނަށް ހައްގު އަދަބު ދިނުމަށް މަސައްކަތް ކުރުމަށް އެދިވަޑައިގެންފައި ކަމަށް ރައީސް އޮފީހުން ބުންޏެވެ.

ރައީސް އޮފީހުން ބުނި ގޮތުގައި ކުޑަކުދިންނާ ގުޅުން ހުރި މިފަދަ މައްސަލަތައް މުޖުތަމައުގައި އޮތީ ކިހާ މިންވަރަކަށް ކަން ދެނެގަންނަން ޖެހޭ ކަމަށް ވެސް ރައީސް ވިދާޅުވި އެވެ. އަދި ކުޑަކުދިންނަށް ޖިންސީ ގޯނާކުރާ މައްސަލަތަކާ މެދު ސަރުކާރުން ގެންގުޅޭނީ "ޒީރޯ ޓޮލަރެންސް" ގެ އުސޫލް ކަމަށް ރައީސް ވިދާޅުވި އެވެ.

ރައީސް އޮފީހުން ބުނި ގޮތުގައި ކުޑަކުދިންނަށް ކުރާ ޖިންސީ ގޯނާގެ މައްސަލަތަކާ މެދު މި ބައްދަލުވުމުގައި މިނިސްޓަރުން ވަނީ ކަންބޮޑުވުން ފާޅުކުރައްވައިފަ އެވެ. އަދި މިފަދަ ހުރިހާ މައްސަލައެއްގައި އިންސާފު ހޯދަން ހުރިހާ މުއާސަސާތައް ގުޅިގެން މަސައްކަތްކުރެވޭނެ ގޮތްތަކާ ބެހޭ ގޮތުން ވެސް މި ބައްދަލުވުމުގައި މިނިސްޓަރުން މަޝްވަރާކުރެއްވި ކަމަށް ރައީސް އޮފީހުން ބުންޏެވެ.

ގއ. ކަނޑުހުޅުދޫގައި ދެ އަހަރު ނުވާ ކުޑަ ކުއްޖަކު އެ ކުއްޖާގެ 62 އަހަރުގެ ކާފަ އާއި 82 އަހަރުގެ މުނި ކާފަގެ ޖިންސީ ޝިކާރައަކަށްވި މައްސަލާގައި އެކި އިދާރާތަކުގެ އިހުމާލު އޮތް ކަމަށް ބުނެ ފާޑުކިޔުންތައް ވަނީ އަމާޒުވެފަ އެވެ. އަދި އަނިޔާ ލިބޭ ކުދިންނަށް އިންސާފު ހޯދައިދިނުން އަވަސްކުރުމަށް އަންނަނީ ގޮވާލަމުންނެވެ.

ކެބިނެޓް ރައީސް އޮފީސް ރައީސް އިބްރާހިމް މުހައްމަދު ސޯލިހް ކުދިންނަށް ޖިންސީ ގޯނާކުރުން

10 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސަރީއަހުމަދު

22 January 2020

އިއްޒަތްތެރި ރައީސް. މަނިކުފާނުގެ ކެބިނެޓުގެ ޖާހާއި، މި ޤައުމުގެ ބައިތުލްމާލު ބަންޑުކޮށްލިއަސް، އެ ކުދިންނަށް އިންސާފެއް ނުލިބޭނެ. އެ އަނިޔާގެ ބަދަލެއް ނުދެވޭނެ، އެކަން ކުރިމީހުން ކަތިލިޔަސް. މަނިކުފާނު ތިހެން ވިދާޅުވުމުން އެ އަނިޔާގެ ބުރަދަން ލުއިކުރެވެނީ އެ. ކަމެއް ކޮށްދެއްވެންޏާމު، އެފަދަ ދެން އިތުރު ދިވެހި ދަރިޔަކަށް އެފަދަ ކަމެއް ވިޔެނުދިނުމަށް އެޅެންހުރި ހުރިހާ ފިޔަވަޅެއް އަޅުއްވާ. އެ ޒާތުގެ މީހުން މި ޤައުމުގަ ސިއްރެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮލި މުލައް

22 January 2020

ހޯރަ އިއްބެއަށް އިންސާފުލިބުނީ އެގޮތުން ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީތާވެދާނެ

22 January 2020

"މީގެ 14 އަހަރު ކުރިން ފެންމަތިވެ ކޯޓުގައި އޮންނަތާ 10 އަހަރު ފަހުން، ސާބިތުނުވާ ކަމަށް ހުކުމް ކުރި ޖިންސީ ގޯނާގެ މައްސަލަ ޕްރޮސިކިއުޓަ ޖެނެރަލްގެ އޮފީހުން އިސްތިއުނާފްކޮށް، ހައި ކޯޓުގައި މި ހަފުތާގައި އަޑުއެހުންތައް..." މިވާހަކަ ރައީސް ވިދާޅު އެވަނީ ކޯޓުތަކައް އަމުރެއް ނުކުރެވޭނެކަންވެސް ނުވިސްނޭނެ ޔާމިނުގެ ސަޕޯޓަރުނަކައް. މައްސަލަޔެއް ނޫން ތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

22 January 2020

އަޅެފަހެ މީހަކު ހައިރާނެއް ނުވާނެތަ. މިނިސްޓްރީތަކަކީ މަނިކުފާނުގެ ދަށުން ހިނގާ ތަންތަން. އެކަން އަވަސްކުރުވުމަކީ މަނިކުފާނުގެ ޒިންމާއެއް ނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިހިރޭ

22 January 2020

ކުއްޖެއް ރޭޕްކޮށްލީމާ ދެން އޭނާއަށް އިންސާފު ލިބޭނެ އެއްވެސް ގޮތެއް އޮވޭތޯ. ރޭޕް އެނޫނަސް އަނިޔާކުރާ މީހުންނަށް ޙައްޤު އަދަބު އަވަހަށް ދޭންޖެހޭނެ. އެއީ، މުޖުތަމަޢުގެ ސަލާމަތާ ރައްކާތެރިކަމަށްޓަައި. މަރާލާ މީހަކަށް މިދުނިޔޭގަ އިންސާފު ނުލިބޭނެ. ރޭޕް ކޭހަކަށްވެސް ޝިކާރައަކަށްވީ މީހަކަށް އިންސާފު ނުލިބޭނެ. ދައުލަތުގެ ޒިންމާއަކީ، އެފަދަ އަނިޔާތައް ލިބުމުގެ ކުރިން ކުދިން ސަލާމަތް ކުރުމަށް ކުރެވެން ހުރިކަމެއް ކުރުން. ކުރެވެން އޮތް ގޮތަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވާލި19

22 January 2020

ކިހިނެއް އެކަންކުރާނީ އަނިޔާދޭމީހާޔައް އަދަބުދޭންފަށައިރައް ކަލޯ އެތަނައްވަދެ އެނީހާ ސަލާމަތްކޮށްލާ ދެންބުނާނެ އެއީ އިންސާނިއްޔަތައްޓަކައޭ އެންބުނެ އެކަންކުރާއިރު ހީވަނީ އަނިޔާލިބުނީ ވަލުކުކުޅަކަށްހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

22 January 2020

މިމީހުން އިދިކޮޅުގަ ތިބޭ އިރުވެސް ގޮވަނީ މިގޮވެލި ފަތި. ހުރިހާ އާރާއި ބާރެެއް ދިނީމަވެސް ޖެހުނުތާ މިޖެހެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަފީޒާ

21 January 2020

ކުޑަކުއްޖަކަށް ޖިންސީގޯނާކުރިކަން ކޯޓަށް ސާބިތުވެ ހުކުމް އިއްވާފަ ހުރި މީހާ ދޫކޮށްލީ..ތުހުމަތު ކުރެވޭ މީހެއްވެސްނޫން..ސާބިތުވެ ޖަލުގައި ހުއްޓައި ދޫކުރީ..ދެން ކޮން ހިމާޔަތެއް ދެވޭނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީގް

21 January 2020

ރައީސްއަށް މާފް ނުދެވޭ ކުށެއް ކަމަށް ވަނީ ކުޑަކުދިންނަށް ޖިންސީގޯނާ ކުރުން..އެކަމު ގާތްމީހެއްވީމަ ހޯރަ ދޫކުރީ..ޖިންސީއަނިޔާ ލިބޭ ކުދިންގެ ހިމާޔަތުގައި އިޚްލާސްތެރިކަމެއްނެތްކަން ސާބިތުވޭ..