ކުޑަކުދިންނަށް ޖިންސީ ގޯނާކުރުމުގެ ހުރިހާ މައްސަލައެއް މާޗް މަހުގެ ނިޔަލަށް ހައި ކޯޓުން ނިންމަނީ

ހައި ކޯޓު: އެ ކޯޓުގައި ހުރި ކުޑަކުދިންނަށް ޖިންސީ ގޯނާ ކުރުމުގެ ހުރިހާ މައްސަލަތަކެއް މާޗް މަހުގެ ނިޔަލަށް ނިންމަން ވަނީ މަސައްކަތް ފަށާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

23 ޖެނުއަރީ 2020 - 22:24

2 comments

ހައި ކޯޓަށް ހުށަހަޅާފައިވާ ކުޑަކުދިންނަށް ޖިންސީ ގޯނާ ކުރުމުގެ ހުރިހާ މައްސަލަތަކެއް އަންނަ މާޗް މަސް ނިމުމުގެ ކުރިން ނިންމުމަށް އެ ކޯޓުން މަސައްކަތް ފަށައިފި އެވެ.

ކުޑަކުދިންނަށް ޖިންސީ ގޯނާ ކުރުމުގެ މައްސަލަތައް ކޯޓަށް ހުށަހަޅާ ދުވަހުން ފެށިގެން ހަ މަސް ތެރޭގައި ކުރިއަށް ގެންގޮސް ނިންމަން ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ވަނީ މިއަދު ހުރިހާ ކޯޓުތަކަށް އަންގައިފަ އެވެ.

ހައި ކޯޓުން ބުނީ ކުޑަކުދިންނަށް ޖިންސީ ގޯނާ ކުރުމުގެ 40 މައްސަލައެއް އެ ކޯޓަށް އިސްތިއުނާފް ކޮށްފައި އެބައޮތް ކަމަށާއި އޭގެ ތެރެއިން 27 މައްސަލައެެއް އިސްތިއުނާފް ކުރީ ދައުލަތުން ކަމަށެވެ. އަދި އެ ހުރިހާ މައްސަލަތަކެއް ވެސް އަންނަ މާޗް މަހުގެ ނިޔަލަށް ނިންމައި، ހުކުމް ކުރުމަށް އެ ކޯޓުން މިހާރު މަސައްކަތް ފަށާފައިވާ ކަމަށް ވެސް ހައި ކޯޓުން ބުންޏެވެ.

ކުޑަކުދިންނަށް ޖިންސީ ގޯނާ ކުރުމުގެ މައްސަލަތައް އަވަހަށް ނިންމުމަށް ކޯޓުތަކާ އެކު ޖުޑީޝަލް ސާވިސް ކޮމިޝަން (ޖޭއެސްސީ) އިން ވެސް ދާދި ފަހުން ވަނީ މަޝްވަރާ ކޮށްފަ އެވެ.

ކުޑަކުދިންނަށް ޖިންސީ ގޯނާ ކުރުމުގެ ގިނަ މައްސަލަތަކެއް ދާދިފަހުން ފެންމަތިވެ، އެފަދަ ކުށްތައް ކުރާ މީހުން މުޖްތަމައުގެ ތެރެއަށް ދޫވެފައި ތިބޭކަމުގެ ފާޑުކިޔުންތައް ވަރަށް ބޮޑަށް ވަނީ އަމާޒުވެފަ އެވެ. އަދި އެކަމާ ގުޅިގެން ރައްޔިތުންގެ މަޖިލީހުން ވެސް ވަނީ ޚާއްސަ ފިޔަވަޅުތަކެއް އަޅަން ޖެންޑާ މިނިސްޓްރީއަށް އަންގައިފަ އެވެ.

ކުޑަކުދިން ކުޑަކުދިންނަށް އަނިޔާކުރުން ހައި ކޯޓް ކުޑަކުދިންގެ ހައްގުތައް ކޯޓް މައްސަލަތައް ކުދިންނަށް ޖިންސީ ގޯނާކުރުން

2 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

24 January 2020

މީގެ ކުރިން ތިހުރިހާ މައްސަލަތައް ޕާކް ކޮށްފަދޯ އޮތީ، ވަކިކަމެއްވީމަ މައްސަލަތައް އަވަސްވެފަ ލަސްވީމަ އެބަ އިގޭ ސިސްޓަމްގަ ބޮޑެތި މައްސަލަތަކެއް ހުރިކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކަތަ

23 January 2020

އާނ އެބަ ރަނގަޅުވޭ. ޝަރުޢީ ނިޒާމަށް އިތުބާރު ލިބޭނީ ތިގޮތަށް ބާރު ސްޕީޑުގަ މައްސަލަތައް ނިންމަން ފެށީމާ. ރައްޔިތުންނަށް އިންސާފު ހޯދައިދީ، މުޖުރިމުން މުޖުތަމައުން އެކަހެރިކޮށް، ކުޑަކުދިންނާ ޢާންމުންނަށް އަމާންކަން އޮތީ ކޯޓުތަކުން ކުރާ މަސައްކަތް ރަނގަޅުކޮށްގެން. ދެން ތިކިޔާ ޅެންތައް ފަރިއްސަށް ނުހަދާ ކުރިއަށް ގެންގޮސް މިކަން ކޮށްދީ. މި ދިވެހި މުޖުތަމައު އަލުން ރަނގަޅު މަގަށް ގެންދިޔުމަށް 4، 5 އަހަރުވަންދެން މައްސަލަތައް ދިގު ނުދަންމަން ގޮވާލަން