ސޯބެ އެމްޑީޕީގެ ރައީސް މުހައްމަދު ނަޝީދާ އެކު.
01 ފެބުރުއަރީ 2020 - 17:18
39 comments
އަންނަ އޭޕްރީލް މަހު ބާއްވާ ލޯކަލް ކައުންސިލް އިންތިހާބުގައި އެމްޑީޕީން ނެރޭނެ ކެންޑިޑޭޓުން ހޮވަން އިއްޔެ ބޭއްވި ޕްރައިމަރީގައި ނާކާމިޔާބީއާ ކުރިމަތިވެ ވަޑައިގެންނެވި މޭޔަރުން ފެއިލްވީ ނޫން ކަމަށާއި ކުރީގެ ރައީސް ޔާމީންގެ ސަރުކާރުން ކައުންސިލްތައް ފެއިކްކޮށްލީ ކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ނަޝީދު މިހެން ވިދާޅުވީ އައްޑޫގެ މޭޔަރު އަބްދުﷲ ސޯދިގު (ސޯބެ) އާއި މާލޭގެ މޭޔަރު ސިފާ މުހައްމަދަށް ޕްރައިމަރީގައި ކުރިމަތިވެވަޑައިގެންނެވި ނާކާމިޔާބީ އަކީ އެ ބޭފުޅުން ފެއިލްވުން ކަމަށް ދެކެވަޑައިގަންނަވާތޯ ނޫސްވެރިއަކު ސުވާލު ކުރުމުންނެވެ.
"އަޅުގަނޑަށް ފެންނަ ފެނުމުގައި ފެއިލްވީ ކުރީގެ ސަރުކާރުން އިނގޭތޯ. ފޭލް ކޮށްލައިގެން މިއުޅެނީ. އަޅުގަނޑުމެންގެ ސިޓީކައުންސިލްތަކަށް އެނގިވަޑައިގަންނަވާނެ މަސައްކަތް ނުކުރެވުނު އެންމެ ބޮޑު ސަބަބަކީ ރައީސް ޔާމީނު ލާމަރުކަޒީ ގާނޫނު ރޫޅާލުމާ ސިޓީ ކައުންސިލްތައް ހަލާކުކޮށްލުމާ،" ޔާމީންގެ ސަރުކާރުން ސިޓީ ކައުންސިލްތަކާއި ކައުންސިލްތަކުގެ ބާރުތައް ހަނިކޮށް ގާނޫނަށް ގެނައި އިސްލާހުތަކަށް އިޝާރާތްކުރައްވައި ނަޝީދު ވިދާޅުވި އެވެ.
ނަޝީދު ވިދާޅުވީ ކުރީގެ މޭޔަރުންގެ ތަޖުރިބާ ބޭނުންކުރެވޭނެ ގޮތްތަކެއް ސިޓީކައުންސިލްތަކުގައި ހިމެނެން ޖެހޭ ކަމަށް، އައްޑު އާއި މާލޭގެ މޭޔަރުކަމުގެ ޓިކެޓް ލިބިވަޑައިގެންނެވި ދެ ބޭފުޅުން ވިދާޅުވި ކަމަށެވެ. އައްޑޫގެ މޭޔަރުކަމުގެ މަގާމަށް ވާދަކުރަން އެމްޑީޕީގެ ޓިކެޓް ލިބިވަޑައިގެންނެވި ރައްޔިތުންގެ މަޖިލީހުގެ ކުރީގެ މެންބަރު އަލީ ނިޒާރާއި މާލޭގެ ޓިކެޓް ލިބިވަޑައިގެންނެވި އެމްޑީޕީގެ ސެކްރެޓަރީ ޖެނެރަލް އަނަސް އަބްދުއްސައްތާރާ ހަވާލާދެއްވައި ނަޝީދު ވިދާޅުވީ ކުރީގެ މޭޔަރުންގެ ތަޖުރިބާ ބޭނުންކުރަން އެކި ބޯޑުތަކާއި އެޑްވައިޒަރުން ކައުންސިލްތަކުގައި ހިމެނެން ޖެހޭ ކަމަށެވެ. އެތެރޭގެ އިންތިހާބަށް ފަހު ޕާޓީގެ އެތެރޭގެ އެއްބައިވަންތަކަަން ދެމެހެއްޓުމަށް ޓަކައި އެކި ކެންޑިޑޭޓުންނަށް މިއަދު ގުޅުއްވާނެ ކަަމަށް ވެސް ވިދާޅުވި އެވެ.
"އަޅުގަނޑަށް ފެންނަ ފެނުމުގައި ބަލިވި ކެންޑިޑޭޓުންނަށް ހުރިހާ އެއްޗެއް ގެއްލޭކަށް ނުޖެހޭ. މިސާލަކަށް އަޅުގަނޑު ގާތުގައި މިއަދު އައްޑޫގެ ކެންޑިޑޭޓް، ނިޒާރު ވެސް އަދި އަޅުގަނޑާ މިއަދު ބައްދަލުވި އަނަސް ވެސް، އެ ދެބޭފުޅުން ވެސް ވިދާޅުވޭ ކުރީގެ މޭޔަރުން ކޮށްދެެއްވާފައި ހުރި މަސައްކަތާ އަދި އެބޭފުޅުންގެ ތަޖުރިބާއާ އަދި އެބޭފުޅުންގެ ބައިވެރިވުމާ، މި ގާނޫނު މިހާރު މި ލިބިދީފައި އޮތް ފެންވަރުން، އެކި އެކި އެޑްވައިޒަރުންނާއި އެކި އެކި ބާވަތުގެ ބޯޑުތައް ކައުންސިލް ތަކުގައި ހިމެނެން ޖެހޭ،" ނަޝީދު ވިދާޅުވި އެވެ.
އެމްޑީޕީގެ ޕްރައިމަރީގައި މާލޭގެ މިހާރުގެ މޭޔަރު ޝިފާ އާއި މިދިއަ ތިން ދައުރު އައްޑޫގެ މޭޔަރުގެ މަގާމުގައި ހުންނެވި އަބްދުﷲ ސޯދިގު (ސޯބެ) ގެ އިތުރުން ފުވައްމުލަކުގެ މިހާރުގެ މޭޔަރު އަބްދުﷲ ފަލާހަށް ވެސް ކުރިމަތިވީ ނާކާމިޔާބީ އެވެ. ފުވައްމުލަކުގެ މޭޔަރުކަމަށް، އެމްޑީޕީގެ ފަރާތުން ވާދަކުރައްވާނީ އިސްމާއިލް ރަފީގެވެ.
ނަޝީދު ވިދާޅުވި ގޮތުގައި ލޯކަލް ކައުންސިލްތަކުގެ އިންތިހާބުގައި އެމްޑީޕީ އަށް 60 ޕަސެންޓް ގޮނޑި ކާމިޔާބު ކުރެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިނބޫ
02 February 2020
ހުވާތަ!؟ އެހެންވިއްޔާ ޔާމީން ސަރުކާރަށް ސެލިއުޓް ކުރަން. ވަރަށް ބޮޑު ހެޔޮކަމެއް ތިކޮށްދެއްވީ ޝުކުރިއްޔާ ރައީސް ޔާމީން.
އަބްދޫ
02 February 2020
މިގައުމަށް ހަމަޖެހުމެއް އޮތީ ނަސީދު ގެކިބައިންގައުމު ސަލާމަތްކުރެވިގެން.
އިބިރިހިންބެއްޔާ
02 February 2020
ފެއިލްވި ކައުންސިލަރުނަނަކީ ވަކިމީހަކަށް ތަބާވެ ވަކިވެރިކަމަކަށްނޫނީ މަސައްކަތްނުކުރާގޮތަށް ޕްރޮގްރާމްކޮއްފައި ތިބި ރޮބޮޓުން. ފެއިލްވުމުގެ ޒިންމާ ނަގަންޖެހޭނީ ޕްރޮގްރާމަރ. އާދެ މުހައްމަދު ނަޝީދު.
ކުނިގޮނޑު
02 February 2020
މާލޭ ކުނި ގޮނޑު ކުނިވެ، މީހުނަށް ނޫޅެވޭވަރަށް ދުއްވާލީ ތި ކައުންސިލާ ހަވާލުކުރިފަހުން، އެކަމަށް ހައްލު ހޯދައި ދިނީ ޔާމީނު، ދެން މިޔަށް ކިޔަނީ ފެއިލްވުންތަ!
ނަޖުދާ
02 February 2020
އެހެން ވެގެންނޭ އެމީހުން ފޭލްވީ. ދެން ނުބުނެވޭނެތަ ޔާމީނުގެ ސަރުކާރާހެދިއެޖޭ. އެސޮރު ތެދެއް ހެދިޔަސް މިމީހުނަށް ކަމަކުނުދޭ.
ޖަމާލުއްޒަމާނު90
02 February 2020
މީނާ އިސްތިއުފާ ދިނީވެސް ކުރީގެ ސަރުކާރާ ހެދީ ކަމަށް ވާނީ...ހެހެހެހެހެހެހ
އިހުމާލް
02 February 2020
ބޮޑު މަންޒަރު އެފެއްނަނީ. މި ސަރުކާރަށް 2 އަހަރު ވީއިރުވެސް ވީކަމެއް، ވާކަމެއްނެތް، އަދިވެސް ޔާމީން، ތިޔަ މޭޔަރުން ރައްޔަތުން ނާ ހިސާބައް ތިރި ތިޔަކުރުވީ ހަމަ ރައްޔަތުން، މާނަޔަކި، މިހާރު، މިއޮއް އެމްޑީޕީ، ލީޑާރޝިޕު ރައްޔަތުން ބަލައިނުގައްނަކަން، މަނިކުފާނު ކޮއްފާނެ ކަމަކަށް ބިރުން، ރައީސް ކަމަށް މީހަކު ކުރިމަތި ނުލީ،،،، ނޫންނަމަ، މޭޔަރު ދިޔަ ހިސާބައް ދިޔައީސް
ނަސީދު
02 February 2020
ނަސީދުބޭނުން މީހުން ހޮވާފައި ޔާމިން ބޮލުފައި އަޅުވާލަނީ އަދިވެސް ހާދަބިރެކޭ ތިގަންނަނީ ޔާމިންދެކެ ޔަމިން އެބަޖެހޜ 2023 ގައި ވެރިކަމައް ގެންނަން އެހެންނޫނީ މިހައުމް ބެންކްރަޕްސީ އިއުލާންކުރާހިސާބައް ގައުމް ދުއްވާލާބެ / ޔަމިންވެސް ކަނީ މިސަރުކާރުވެސް ކަނީ އެހެންވީމާ ތަރައްގީ ގެންނަ މީހަކު ލީމާ ކޮއްމެވެސް ކަމެއް ގައުމައް ވާނީ
މުގުރާން
02 February 2020
މިކަލޭގެ ވަކިތަކުން ޕާޓީ އާއި ގައުމު ސަލާމަތްވެގެން ނޫނީ ހަމަޖެހުމެއް ނުލިބޭނެ ? ހީވާކަހަލަ އެންމެނަކީ ގަނާރުންނޭ ? އަމަލުތައް ހުންނަގޮތުން ހީވަނީ އަލިފާނުން ހެއްދެވި މަޚްލޫގުންނާއި ގުޅުމެއްވާހެން?
އަބުލްބަރކާ
02 February 2020
މަނިކުފާނުގެ މިއަދު ބަސްމަގު ހުރިގޮތުން ހައިރާން ވެއްޖެ.2008ވަނަ އަހަރު ވެރިކަމަށް އައިސަ ފުރަތަމަ ބޭއްވި ލޯކަލްކައުސިލް އިން އިދިކޮޅު ޑީއާރުޕީއިން މެޖޯރިޓީ ލިބުމުން ހަދަންފެށީ ގައުމީއިދާރީ(ޕްރޮންވިންސް އޮފީސް) ސްޓޭޓް މިނިސްޓަރުންނާއި ކޯޑިނޭޓަރުންލީ.އަމިއްލަ ވެރިކަމުގައިހެދި ގާނޫނީބާރުކަޑުވާލާ ޗާޓުންބޭއްރަށްވަޑައިގަތީ. ސިއްޙީމަރުކަޒުތައްހެލްތުކޯޕަރޭޝަންހަދާ މުއައްޒަފުންސިޔާސީކުރުވީ.އިންޖީނުގެތައްޔުޓިލިޓީކުންފުނި ހަދާ ޕާޓީގެބޮޑުންނަށް ވަޒީފާދިނީ.
ނަޖުދާ
02 February 2020
ދިވެހިރާއްޖޭގެ މީހުން ދިރިއުޅޭ 190 ރަށުގައި މިވީ 1 އަހަރުގެ ތެރޭގައި ތަރައްގީގެ އެކިއެކި މަސައްކަތްތަށް މިހާރު އެބަކުރެވޭ، އެންމެ އަސާސީ ހިދުމަތުގެ ގޮތުގައި ފެނާއި، ނަރުދަމާގެ ހިދުމަތް ދިނުމަށް ޖުމްލަ 32 ރަށުގައި މިހާރުވެސް މަސައްކަތް އެބަކުރެވޭ! ޓާޝަރީ ހޮސްޕިޓަލުގެ 4 ހޮސްޕިޓަލުގެ މަސައްކަތް ބާރަށް އެބަކުރެވޭ! ތަރައްގީއަކީ މިއި! ޔާމީނުގެ ތަރައްގީއަކީ ޅިޔަނަށް ނަސަންދުރަ ދީގެން 15 ބުރިއަށް ހެދުން. ހެހެ. އިކޮނޮމިސްޓެކޯ!