ދިރާގު-އުރީދޫގެ ސަބްމެރިން ކޭބަލަކީ "ޑިޖިޓަލް ދިވެހިރާއްޖެ" ހުވަފެން ހަގީގަތަކަށް ހެދުމަށް ލިބޭ ބާރެއް: މިނިސްޓްރީ
އުރީދޫގެ ސަބްމެރިން ކޭބަލް އޭދަފުއްޓާ ގުޅާލަނީ.---ފޮޓޯ: ރާއިފް ޔޫސުފް
05 ފެބުރުއަރީ 2020 - 15:02
27 comments
ދިރާގާއި އުރީދޫ ގުޅިގެން އާ ސަބްމެރިން ކޭބަލެއް އެޅުމުގެ މަސައްކަތް ފެށުމަކީ، ދިވެހިން ދެކޭ "ޑިޖިޓަލް ދިވެހިރާއްޖެ" ގެ ހުވަފެން ހަގީގަތަކަށް ހެދުމަށް އަޅާ ވަރަށް މުހިންމު ފިޔަވަޅެއް ކަމަށް ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓްރީން މިއަދު ބުނެފި އެވެ.
ރާއްޖެ އާއި ސްރީލަންކާއާ ދެމެދު ފައިބާ އޮޕްޓިކް ސަބްމެރިން ކޭބަލެއް އެޅުމުގެ މަސައްކަތް، ރާއްޖޭގައި މުވާސަލާތީ ހިދުމަތް ދޭ ދެ ކުންފުނިން ފެށުމާ ގުޅިގެން އެކަމަށް މަރުހަބާ ކިޔައި ކޮމިއުނިކޭޝަން މިނިސްޓްރީން ނެރުނު ބަޔާނެއްގައި ބުނީ، މިފަދަ ކޭބަލެއްގެ ސަބަބުން، ރާއްޖޭގައި މިހާތަނަށް އަޅާފައިވާ ކޭބަލްތަކުގެ ޑައިވާސިޓީ އިތުރުވެ، އޭގެ މަންފާ ޓެލެކޮމް ކުންފުނިތަކަށް ކުރާނެ ކަމަށެވެ. އަދި ހާއްސަކޮށް، ޓެލެކޮމް އިންފްރާސްޓްރަކްޗާ ގާއިމް ކުރުމަށް ބޮޑު ފަސޭހައެއް ލިބި ދުނިޔެ އަށް އީޖާދުވާ އާ ޓެކްނޮލޮޖީތައް ރާއްޖެ އަށް ގެނައުމަށްޓަކައި މުވާސަލާތީ ކުންފުނިތަކަށް ވަރަށް ބޮޑު އެހީއެއް ލިބޭނެ ކަމަށް އެ މިނިސްޓްރީން ބުނެ އެވެ.
"ޑިޖިޓަލް ދިވެހިރާއްޖެއެއް ބިނާކުރުމަށް ކުރެވޭ ކޮންމެ މަސައްކަތަކީ އެ ކަމަކަށް މި މިނިސްޓްރީން މަރުހަބާ ކިޔާ ކަމެކެވެ. އެހެންކަމުން އަދިވެސް އިތުރު ފައިބާ އޮޕްޓިކް ސަބްމެރިން ކޭބަލްތައް ރާއްޖެ އަށް ލޭންޑް ކުރުމަކީ މިނިސްޓްރީން ދެކޭގޮތުގައި މުހިންމު ކަމެކެވެ،" ކޮމިއުނިކޭޝަން މިނިސްޓްރީ
ރާއްޖެ އާއި އިންޑިޔާގެ ޓްރިވެންޑްރަމް އަދި ރާއްޖެ އާއި ސްރީ ލަންކާއާ ދެމެދު މިހާރު ވެސް ސަބްމެރިން ކޭބަލެއް އަޅާފައިވެ އެވެ. ދިރާގާއި އުރީދޫ ގުޅިގެން އަލަށް އަޅާ މި ކޭބަލް ވާނީ މިގޮތަށް ރާއްޖޭގައި އަޅާ ތިންވަނަ ކޭބަލަށެވެ.
ކޮމިއުނިކޭޝަން މިނިސްޓްރީން ބުނިގޮތުގައި، މުޅި ދުނިޔެ މުވާސަލާތީ ހިދުމަތަށް ބަރޯސާވެފައިވާ އިރު، މިފަދަ އިތުރު ކޭބަލެއް އައުމުން އިގްތިސާދީ ގޮތުންނާއި އިޖްތިމާއީ ގޮތުން ރާއްޖެއަށް ކުރިއެރުން ލިބޭނެ އެވެ. ޑިޖިޓަލް ރާއްޖެއެއް ބިނާކުރުމަށްޓަކައި މިފަދަ އިތުރު ސަބްމެރިން ކޭބަލް އައުން ވަރަށް މުހިއްމު ކަމަށް އެ މިނިސްޓްރީން ބުނެ އެވެ.
ދިވެހިރާއްޖެއާއި ސްރީލަންކާއާއި ދެމެދު ފައިބަރ އޮޕްޓިކް ސަބްމެރިން ކޭބަލެއް އެޅުމުގެ މަސައްކަތް ދިރާގާއި އުރީދޫ މޯލްޑިވްސް އާއި ސްރީލަންކާގެ ޑައިލޮގް އެޒިއޭޓާ އާއި ގުޅިގެން ކުރިއަށްގެންދިއުމަށް ނިންމާފައިވާތީ އެކަމަށް މި މިނިސްޓްރީއިން މަރުހަބާ ކިޔަމެވެ pic.twitter.com/bMKEup53dI
— Ministry of Communication, Science and Technology (@MoCSTmv) February 5, 2020
ކޮމިއުނިކޭޝަން މިނިސްޓްރީގެ ބަޔާން
"ޑިޖިޓަލް ދިވެހިރާއްޖެއެއް ބިނާކުރުމަށް ކުރެވޭ ކޮންމެ މަސައްކަތަކީ އެ ކަމަކަށް މި މިނިސްޓްރީން މަރުހަބާ ކިޔާ ކަމެކެވެ. އެހެންކަމުން އަދިވެސް އިތުރު ފައިބާ އޮޕްޓިކް ސަބްމެރިން ކޭބަލްތައް ރާއްޖެ އަށް ލޭންޑް ކުރުމަކީ މިނިސްޓްރީން ދެކޭގޮތުގައި މުހިންމު ކަމެކެވެ،" ކޮމިއުނިކޭޝަން މިނިސްޓްރީގެ ބަޔާނުގައި ވެ އެވެ.
އާ ސަބްމެރިން އެޅުމުގެ އެއްބަސްވުމުގައި ދިރާގުން މިހާރު ވަނީ ސޮއިކޮށްފަ އެވެ. މި މަސައްކަތަށް ދިރާގުން 8.4 މިލިއަން ރުފިޔާ ހަރަދު ކުރުމަށް ހަމަޖެހިފައިވެ އެވެ.
މި ކޭބަލްގެ 45 ޕަސެންޓްގެ ހިއްސާ ދިރާގުވާ އިރު ރާއްޖޭގައި މުއާސަލާތީ ހިދުމަތް ދޭ، އުރީދޫ މޯލްޑިވްސް އިން ވެސް މި ކޭބަލްގެ 45 ޕަސެންޓު ހިއްސާވެ އެވެ. ބާކީ 10 ޕަސެންޓު ހިއްސާ ވަނީ ސް ރީލަންކާގެ މުވާސަލާތީ ހިދުމަތް ދޭ ކުންފުންޏެއް ކަމަށްވާ ޑައިލޮގް އެޒިއޭޓާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯލް
06 February 2020
ދިރާގުގެ ޚިދުމަތުގެ ފެންވަރު ދަނީ ދަށަށް. 14 ދުވަސް ވެއްޖެ ދިރާގު ޓީވީ އަށް އެޕްލައި ކުރިތާ، ޚަބަރެއް ނުވެގެން 123 އަށް ގުޅީމަ މިބުނަނީ ދިރާގުން ގުޅަން މަސައްކަތް ކޮށް ނުގުޅިގެން ނުދެވިފައޯ. އެކަމަކު އަލުގަޑުގެ ފޯނަށް އެންމެ ފަހަރަކުވެސް ނުގުޅާ އަދި އެއްވެސް މިސްކޯލެއް ނެތް. ދިރާގުގެ މުވައްޒަފުން ދޮގު ހަދާކަން މިއީ ވަރަށް ދެރަކަމެއް. އެތަނުގެ ސުޕަވައިޒަރުންގެ ޒިންމާ އެންމެ ރަގަޅަށް އަދާ ނުކުރެވޭ ކަމެއް ފެނޭ.
އަލިހަންޑޯ ޓޮލޭޑޯ
06 February 2020
އިންޓަރނެޓު ހެޔޮގޮތުގައި ބޭނުންކުރަނީ މަދުބަޔެއް. ގިނަމީހުން މީގެ ބޭނުންހިފަނީ ލަވަޔާއި މިޔުޒިކާއި ފިލްމު ބެލުމަށާއި ޓިކްޓޮކް، އަދި ބޭކާރުގޮތިގައި ސޯސަލްމީޑިޔާ ބޭނުންކޮށް މީހުންގެ އަނބިންނާއި ފިރިންނަށް ގުޅުމާއި މިކަހަލަ ފާހިޝްކަންކަމަށާއި ސިޔާސީ ދޮގުބުހުތާން ފަތުރައި މީހުންގެ އަބުރުކަތިލައި ހުޅަނގުގެ ލާދީނިއްޔަތު ފެތުރުމާއި ދީނީ ހަރުކަށި ފިކުރު ފެތުރުން. އަދި އޮރިޔާން ސައިޓްތަކަށް ވަނުން އިންތިހާއަށް މިރާއްޖޭގައި އެބައޮތް.
ނޯ ޕާރޓީ
06 February 2020
ލިޔުމުގައި މިކޭބަލްއިން ފައިދާވާ ވާހަކަ ބުނިއިރު ނުވިސްނުނު ވާ ފައިދާއަކީ ކޮބައިކަމެއް. ވާފައިދާ ރަގަޅަށް ބުނެ ދިންނަމަ ރަގަޅުވީސް. މިހާރުވެސް ދެފައިބާ ކޭބަލް އަޅާފަ އޮންނައިރު. ހަމަގައިމުވެސް އަޅުގަނޑަށް ވީ ފައިދާއެއް ނެތް. ތިދެ ކުންފުނީގެ ވެސް ހިދުމަތް އެބަ ބޭނުންކުރަން. އަދިވެސް ކޮލިޓީ ވަރަށް ދަށް. ތިދެފައިބާ ކޭބަލް މިހާރުވެސް ހުންނައިރު ނުލިބޭ 10 އެމް ސްޕީޑްވެސް ރަގަޅަށް.އަގު އެހާ ބޮޑު. އެހެންވެ ނުވިސްނޭ ރައްޔިތުންނަށް ތީގެން ކުރާނެ ފައިދާ.
މުހައްމަދުބެ
06 February 2020
ދެކުންފުނި އެއްކޮށްލުމަށް އުރިދޫއިން ކުރަމުން އައި މަސައްކަތް ކާމިޔާބު ވަނީއެވެ. ކޭބަލްޓީވީ ވެސް ފެށީ ވާދަވެރި 2 ކުންފުނިން ނެވެ. ވަކިހިސާބަކުން ދެކުންފުނި އެއްކޮށްލައިގެން ރައްޔެތުން ފެލަނީއެވެ. އަނެއްކާ ދިރާގާއި އޫރިދޫވެސް ހަމަ އެއުޅެނީ އެ ކުޅި ކުޅޭށެވެ. އިންފޮރމޭޝަން މިނިސްޓަރަށް ވެސް ތީގައި ބައި އަޅާނެކަމާމެދު ޝައްކެއް ނެތެވެ. ދިވެހިން ދިވެހީންގެ ގޮތުގައި ގަޅިކަންމަތީ އަބަދަށް.!!!!!
ދިރާގުގެ
06 February 2020
"މަމެން" ފައިބާ ކޭބަލް އަޅާނީ ދިރާގާ "އެކު" -އުރީދޫ-
އަރުވާލި އާދަނުގެ ސިޔާސީހާސަރު
05 February 2020
މާލޭސިޓީ ކައުންސިލް އިން އަމިއްލެ މާލޭގައި ފައިބަރ ރިންގްއެށް ގާއިމްކޮށް ރެންޓް ކުރުން ބުއްދި ވެރި.
އުސްމާނުބެ
05 February 2020
ކަލޮ ކިހާވަރަކުން ދާނެބާ، މިހާރު 3 މަސްވަނީ ރަގަޅައް މޮބައިލް ކޯލެއް ނުކޮއްލެވޭތަ ނެޓްކޯ ރަގަޅުކަމުން، ފައިބަރ ނެޓް އަޅައިގެން ވީކަމެއް ހަރާން ބިލް ބޮޑުވުންނޫންކަމެއް.... ދެންބުނާނެ ދިރާގައް ބިލިއަނުން ފައިދާ ވެއްޖެޔޭ.... ހިދުމައި ސުމެއް،
ބޮޑު މީހާ
05 February 2020
7 ފެނުލައި ކެއްކިޔަސް މިގައު މު ރަގަޅެއް ނުވާނެ. ދިރާގާއި އުރީދޫން ދިވެހިން ފެލަނީ ކޭބަލް ނެތިގެންތަ. އިންޓަނެޓް އަގުހެޔޮ ނުވަނީ ލިބޭ ފައިދާ ކުޑަވީމ މަތަ މިނިސްޓަރަށް ވައުދު ނުފުއްދެނީ ކީއްވެ
ހޭބަލިމިތުރު
05 February 2020
20 ފައިބަރ ކޭބަލް އަޅާފަ 20ޖީ ކިޔަސް ތިޔަދިރާގުގެ މޮބައިލް ބޭންޑްވިތް ރަގަޅެއްނުވާނެ.
ޟުޅޯ
05 February 2020
މޯބައިލް ބޭންޑްވިތޭ...ވާނުވާނޭގޭއިރުވސް ކިޔަންޖެހޭތ؟
ލޮލީމޭން
05 February 2020
ކޮންބަޔަކަށް؟