މާލިއްޔަތު ކޮމިޓީގެ މެމްބަރުން. --ފޮޓޯ/މަޖިލިސް
18 ފެބުރުއަރީ 2020 - 18:06
7 comments
އާ ސީޕްލޭން ޓާމިނަލުން ޓީއެމްއޭ އަށް ޖާގަ ދޫކުރުމަށް ސަރުކާރުން ނިންމާފައިވާ އުސޫލަށް، އެކަން ހިނގި ގޮތް ބެލި ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ތާއީދުކޮށްފި އެވެ.
ޓީއެމްއޭ އަށް ޓާމިނަލް ދޭން އެމްއޭސީއެލުން އުޅޭ ގޮތާ މެދު މެދު ކަންބޮޑުވުން ފާޅު ކުރައްވައި، ދާންދޫ ދާއިރާގެ އެމްޑީޕީގެ މެމްބަރު ޔައުގޫބު އަބްދުﷲ ހުށަހެޅުއްވި މައްސަލައާ މެދު މާލިއްޔަތު ކޮމިޓީން ގޮތް ނިންމީ ސަރުކާރުގެ ނިންމުން ތަންފީޒު ކުރައްވާނެ ކަމަށް ފިނޭންސް މިނިސްޓަރު އިބްރާހީމް އަމީރު އެ ކޮމިޓީގެ ރޭގެ ބައްދަލުވުމުގައި ވިދާޅުވެފައި ވަނިކޮށެވެ. ސަރުކާރުގެ ހުށަހެޅުން ރަނގަޅު ކަމަށާއި އެގޮތަށް ކުރިއަށް ދާން ފެންނަ ކަމަށް ކޮމިޓީން ފާސްކުރީ ހަތް މެމްބަރެއްގެ ތާއީދާ އެކުގަ އެވެ.
ސަރުކާރުގެ ނިންމުމަށް ތާއީދު ކުރުމަށް ނިންމި ނަމަވެސް ސީޕްލޭން ޓާމިނަލް ޓީއެމްއޭ އަށް ދޫކުރުމާ ގުޅޭ ގޮތުން އެމްއޭސީއެލްއާ އެކު ކުރިން ހިންގާފައިވާ މުއާމަލާތްތަކާ މެދު އޮތް ކަންބޮޑުވުންތައް މެމްބަރުން ދޫކޮށެެއް ނުލައްވަ އެވެ. އެ މުއާމަލާތުގައި، ޖިނާއީ ކުށްތަކެއް އެކުލެވޭ ކަމަށް ތުހުމަތު ކުރެވޭތީ، އެ މައްސަަލަ ދައުލަތުގެ ކަމާ ބެހޭ މުއައްސަސާތަކުން ބަލަން ޖެހޭނެ ކަމަށާއި އެ ތަހުގީގު ހިނގާނުހިނގާ ގޮތް މަޖިލީހުން ބަލަން ވެސް ބައެއް މެމްބަރުން ހުށަަހެޅުއްވި އެވެ. ނަމަވެސް، އެކަމަކަށް ކޮމިޓީގެ ރިޔާސަަތުން ވޯޓަކަށް ނާހަ އެވެ.
ފިނޭންސް މިނިސްޓަރު އަމީރު ރޭ ވިދާޅުވީ އާ ސީޕްލޭން ޓާމިނަލުން ޓީއެމްއޭ އަށް ޖާގަ ދޭނީ ސަރުކާރުން ނިންމި ގޮތަށް ކަމަށާއި އެކަން އެގޮތަށް އެމްއޭސީއެލްގެ ބޯޑުން ތަންފީޒު ނުކުރާ ނަމަ ބޯޑު ވެސް ބަދަލުކުރުމުގެ ފުރުސަތު އެބައޮތް ކަމަށެވެ.
ސަރުކާރުގެ ނިންމުމަށް ތާއީދު ކުރުމަށް ނިންމި ނަމަވެސް ސީޕްލޭން ޓާމިނަލް ޓީއެމްއޭ އަށް ދޫކުރުމާ ގުޅޭ ގޮތުން އެމްއޭސީއެލްއާ އެކު ކުރިން ހިންގާފައިވާ މުއާމަލާތްތަކާ މެދު އޮތް ކަންބޮޑުވުންތައް މެމްބަރުން ދޫކޮށެެއް ނުލައްވަ އެވެ. އެ މުއާމަލާތުގައި، ޖިނާއީ ކުށްތަކެއް އެކުލެވޭ ކަމަށް ތުހުމަތު ކުރެވޭތީ، އެ މައްސަަލަ ދައުލަތުގެ ކަމާ ބެހޭ މުއައްސަސާތަކުން ބަލަން ޖެހޭނެ ކަމަށާއި އެ ތަހުގީގު ހިނގާނުހިނގާ ގޮތް މަޖިލީހުން ބަލަން ވެސް ބައެއް މެމްބަރުން ހުށަަހެޅުއްވި އެވެ. ނަމަވެސް، އެކަމަކަށް ކޮމިޓީގެ ރިޔާސަަތުން ވޯޓަކަށް ނާހަ އެވެ.
ސަރުކާރުން ހުށަހަޅާފައިވާ ގޮތް ޓީއެމްއޭއިން ގަބޫލު ނުކުރުމުގެ ފުރުސަތު އޮންނާނެ ކަމަށް ގަބޫލުނުކުރައްވާ ކަމަށާއި ސަރުކާރުގެ ހުށައެޅުން އޮތް ގޮތުން ޓީއެމްއޭއަށް ގެއްލުން ނުވާނެ ކަމަށް ވެސް އޭނާ ވިދާޅުވި އެވެ.
އަމީރު ދެއްކެވި ވާހަކަތަކަށް ބަލާއިރު، ޓީއެމްއޭއަށް އާ ޓާމިނަލުން ޖުމްލަ ދެނީ 6،400 އަކަމީޓަރުގެ ޖާގަ އެވެ. ތަފުސީލު ނުދެއްވިޔަސް، އޭގެ ތެރޭގައި ލައުންޖްތައް ހަދަން ހާއްސަ ކޮށްގެން ގާތްގަނޑަކަށް 5،000 އަކަމީޓަރުގެ ޖާގަ ހިމެނޭނެ ކަމަށް ބެލެވެ އެވެ. އަނެއް ބަޔަކީ، ޓާމިނަލްގެ އެހެން ހިދުމަތްތަކަށް ޓީއެމްއޭ އަށް ބޭނުންކުރެވޭނެ ޖާގަ އެވެ.
ޖާގަ ދެނީ އަކަމީޓަރެއް 10.35 ޑޮލަރުގެ ރޭޓުންނެވެ.
އަމީރު ވިދާޅުވި ގޮތުގައި ޖާގަ ދޫކުރަނީ ކުރިއަށް އޮތް ދެ އަހަރު ދުވަހަށެވެ. އޭގެ ފަހުން މުޅި ޓާމިނަލްއާ ހަވާލުވާނީ އެމްއޭސީއެލް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައީދުތުރީ
19 February 2020
އަބޫޖަހުލު ބުނިހެން ތީމާކުރިންވެސް ރޭގަޑެއްގަ ބަޔަކު ރާވާ ނިންމާފަ ވާކަމެއް ނޫންތޯ ރައްޔަތުންނާއި އެކްޓުވިސްޓުން ރުއްސަން ކުޅުނު ޑުރާމާއެއްތީތާދޯ އެކަމަކު ނަންވާނީ ސިލޯނު މީހުން ހަރިމަނިޔާ ސަހަރޯ މިޔޮއް ގައުމެއްތާދޯ ލަދުމިގަންނަން ޖެހެހެނީ ރައްޔަތުން އަކަފޫޓަކައް 45.22 ރުފިޔާ ކޮބާތޯ ޒީރޯ ހީރޯޔަކައް ބަދަލްވީތޯ ބަދަލްވީތޯ މިތުރުލޯބިން ހަނދުމަނެތުނީ ވެވުނުވައުދެއް
ބޮޑުމީހާ
18 February 2020
2 އަހަރު ދުވަހަށް ރައްޔިތުންގެ ޚަޒާނާއިން އެތައް ފައިސާއެއް މި ގެއްލުނީ. ޖީއެމްއާރްއަށް އެއާރޕޯޓް ދީގެން މުޒާހަރާކުރިގޮތަށް މުޒާހަރާކޮށްގެން ނޫނީ މިކަމެއް ނުހުއްޓާނެ. މިފައިސާއަކީ މާދަމާވެސް އާސަންދަ، ބަދަރު، ތައުލީމަށް ހަރަދުކުރާނެ ފައިސާ. ރައްޔިތުން ވިސްނާ ގެއްލިއްޖެ ވަގުތެއް ނުލިބޭނެ، 2 އަހަރު ފަހުން ކޮންމެޗެސް އެއްޗެކޭ ކިޔާ އެގްރީމަންޓް 50 އަހަރަށް ހަދާނެ
ކުމުންދޫ އާދަންބެ
18 February 2020
10.35 ޑޮލަރުގެ ރޭޓުން، ސީޕްލޭން ޓާމިނަލުން 6،400 އަކަމީޓަރުގެ ޖާގަ ޓީއެމްއޭއަށް އެކަމަކު ޔާމީނުސަރުކާރުގައި މާލޭގެ ރައްޔަތުން 4000 ގޯތި އަކަފޫޓަކައް 2000 ރުފިޔާގެ ރޭޓުން މިކަން ހުއްޓުވީ މިސަރުކާރުގެ މިހާރު މަތީ ވަޒީފާ ތަކުގަ ތިބި މީހުން އޭސީސީން ނުނިކުމެ ތިބެ އެކަމަކު ތިޔަ ޓީއެމްއޭ އައް އަކަފޫޓަކައް 48.36 ރުފިޔާގެ ރޭޓުން ހިލޭ ކަހަލަ ގޮތަކައް މިދެނީ މީތޯ އެވިދާޅުވާ 0 ޓޮރޮލަންސް ރައްޔަތުން އަޅުވެތި މިވަނީ މިވަރުގެ ބަޔަކައްތޯ ވޯޓް ދެއްވާއިރު ވިސްނާ
ހުވާ
18 February 2020
2 އަހަރުތެރޭ 2023ގެ ރިޔާސީއިްތިހާބަށް ހަރަދުކުރާނެ ލާރި ލިބޭނެ.
ޖަޒީ
18 February 2020
ކޯއްޗަކަށް މިވީ؟ ހަމަ ނުއަގުގަ ދެނީ. މިހާރު 2 އަހަރަށް ފަހުން ރައްޔިތުން މިކަން ހަނދާންނެތޭހާ ދުވަސްވީމަ އެއްބަސްވުމުގެ މުއްދަތު 99 އަހަރަށް އިތުރުކޮއްލަން. ސަރުކާރާއި މަހުޖަނުންގެ ހީލަތްތެރިކަން ބަލަން އަހަރުމެން ހަމަ ތިބެންވީ. ރައްޔިތުންނަށް ތާހިރު ދިރިއުޅުން ހޯދަދޭން އަންނާނެ އަނެއްކާ އިންތިހާބު ގާތްވީމަ. އޭރުން އަންނިމެނަށް މަހުޖަނުންވެސް ގޯސްވާނެ.
އިއްބެ1
18 February 2020
ނުއަގުގައި ދެއަހަރު ދުވަސް ވަންދެން ޓީއެމްއޭއަށް މިތަން ދީގެން ރައްޔިތުންނަށްވާ ގެއްލުމުގެ ބަދަލު، މާލިއްޔަތު ކޮމިޓީގެ މެމްބަރުންނާ، ސަރުކާރު ހިންގަންތިބި މީހުން ކޮންމެވެސް ދުވަހަކުން ދޭން ޖެހޭނެކަން ހަނދާން ކުރާތި
ޓީއެމްއޭ ރާއްޖެއިން ބޭރުކުރޭ
18 February 2020
ތީޖަންބޯ ޖެޓް ޖައްސާ ބަޔަކަަށް ކާރެއްފަދަ އެއްޗެއް ޗެކިން ނުވާނޭ ކިޔާ އެމްއޭސީއެލް މިހާރު ބޯޑު ސަރުކާރަށް ދިން ލަނޑެއް. ނުޖެހޭ 1 އަހަރު ކީއްކުރަން 1 ދުވަހަށްވެސް ރިސޯޓްތަކަށް ލޯއުންޖް ސްޕޭސް ޓީއެމްއޭއަށް ދޭކަށް. އެމީޙުންނަކީ ރިއަލް އެސްޓޭޓް ކުންފުންޏެއްނޫން. ރާއްޖޭން ބޭރު ބައެއް އައީ ބޯޓު ދުއްވުަން. ހުޅުލޭ އެއަރޕޯޓް ގެ ބިން ކުއްޔަށް ދީގެން ފައިދާ ހޯދާކަށް ނޫން. އަދިވެސް ވާނެ އެމެރިކާ މީޙުންނަށް ޓީޢެމްއޭ ޖެއްސި ފްރޯޑް ފަޅާއަރުވާ ފައްސާލަނިކޮށް.