ސީޕްލޭން ޓާމިނަލްގެ މައްސަލަ ކާމިޔާބުވެއްޖެ، ވޯޓު ނުދިނީ އެމްއޭސީއެލްގެ ބޯޑަށް އިތުބާރު ނެތުމުން: ޔައުގޫބު
ރައްޔިތުންގެ މަޖިލީހުގެ ދާންދޫ ދާއިރާގެ މެމްބަރު ޔައުގޫބް އަބްދުﷲ. ޓީއެމްއޭ މައްސަލަ ނިމުމު ގޮތަކީ ކާމިޔާބެއް ކަމަށް އޭނާ ވިދާޅުވި.
18 ފެބުރުއަރީ 2020 - 19:19
37 comments
އެމްއޭސީއެލުން ބޮޑު ޚަރަދެއް ކޮށްގެން ވެލާނާ އިންޓަނޭޝަނަލް އެއާޕޯޓުގައި ހަދަމުން އަންނަ އާ ސީޕްލޭން ޓާމިނަލުން ބޮޑު ޖާގައެއް 15 އަހަރު ދުވަހުގެ މުއްދަތަށް ޓީއެމްއޭ އަށް ދޫކުރުމަށް ބަޔަކު ކުރަމުން އައި މަސައްކަތް ނާކާމިޔާބުކޮށްލެވިއްޖެ ކަމަށް، އެކަމަށް އެންމެ ބޮޑަށް މަސައްކަތް ކުރެއްވި ދާންދޫ ދާއިރާގެ މެމްބަރު ޔައުގޫބް އަބްދުﷲ މިއަދު ވިދާޅުވެއްޖެ އެވެ.
އޭނާ އެހެން ވިދާޅުވީ، އާ ސީޕްލޭން ޓާމިނަލުން ގާތްގަނޑަކަށް 6،400 އަކަމީޓަރުގެ ސަރަހައްދެއް ކުރިއަށް އޮތް ދެ އަހަރުގެ މުއްދަތަށް ޓީއެމްއޭ އަށް ދޫކުރަން ކަނޑައަޅައި، އޭގެ ފަހުން މާކެޓުގެ އަގުތަކަށް ބަލައި ޓާމިނަލުން ލައުންޖުތައް ދިނުމަށް ސަރުކާރުން ނިންމި ނިންމުމަށް ތާއީދު ކުރުމަށް ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ފާސްކުރުމާ ގުޅިގެންނެވެ.
މުޅި ޓާމިނަލްގެ ކޮންޓްރޯލް އެމްއޭސީއެލް އިން ޓީއެމްއޭ އަށް ދޫކޮށްލަން މަޝްވަރާ ކުރާކަން އެނގިވަޑައިގެން، ޔައުގޫބު ހުށަހެޅުއްވި މައްސަލައިގައި ކޮމިޓީން ފާސްކުރީ ސަރުކާރުން ހުށަހެޅި ގޮތަށް ތާއީދު ކުރުުމަށެވެ.
އާ ސީޕްލޭން ޓާމިނަލުން 19،000 އަކަމީޓަރުގެ ޖާގައެއް 15 އަހަރުގެ މުއްދަތަކަށް ޓީއެމްއޭ އަށް ދޫކުރުމަށް އެމްއޭސީއެލް އާއި ޓީއެމުން މަޝްވަރާ ކުރަމުން ދަނިކޮށް، ފިނޭންސް މިނިސްޓްރީން ނިންމާފައި ވަނީ އެ ކުންފުންޏަށް ދޫކުރާނީ 6،400 އަކަމީޓަރުގެ ޖާގައެއް ކަމަށެވެ. އެއީ އަކަފޫޓަކަށް 10.35 ޑޮލަރުގެ ރޭޓުން ދެ އަހަރު ދުވަހަށެވެ. ސަރުކާރުގެ ނިންމުމުގައިވާ ގޮތުން ދެ އަހަރު ދުވަހުގެ އެ އެއްބަސްވުން ނިމުމުން ޓާމިނަލް ހިންގުމާ ހަވާލުވާނީ އެމްއޭސީއެލުންނެވެ.
މާލިއްޔަތު ކޮމިޓީގެ މެމްބަރުން ބައްދަލުވުމެއްގައި.--ފޮޓޯ/މަޖިލިސް
ސަރުކާރުގެ އެ ނިންމުމަށް ޔައުގޫބު ތާއީދު ކުރެއްވިޔަސް އެއާ އެއްކޮޅަށް މާލިއްޔަތު ކޮމިޓީގައި މިއަދު ނެގި ވޯޓުގައި، އެކަމަށް އެންމެ ބޮޑަށް ވަކާލާތު ކުރެއްވި ޔައުގޫބު ބައިވެރިވެވަޑައެއް ނުގަންނަވަ އެވެ.
ޔައުގޫބު "މިހާރު"އަށް ވިދާޅުވީ ސަރުކާރުގެ ނިންމުމަކީ "ވިން" އެއް ކަމަށް ދެކެވަޑައިގަންނަވާ ކަމަށާއި ވޯޓު ނުދެއްވީ އެ ނިންމުން ގޯސްވެގެން ނޫން ކަމަށެވެ.
"ދައުލަތަށް ބޮޑު ގެއްލުމެއް ވާ ގޮތަށް އެ މުއާމަލާތްތައް ހިނގި އިރު، އަދި އޭގެ ފަހުން އެކަން އޮޅޭ ގޮތަށް، އިތުރުފުޅު ހެއްދެވުމުން، އެމްއޭސީއެލްގެ ބޯޑަށް އަޅުގަނޑު އިތުބާރެއް ނުކުރަން: ޔައުގޫބު
ޔައުގޫބުގެ މައްސަލަ އަކީ އެމްއޭސީއެލްގެ ބޯޑަށް އޭނާގެ އިތުބާރު ނެތުމެވެ. މިހާތަނަށް ވެސް، އާ ސީޕްލޭން ޓާމިނަލް ދޫކުރުމާ ގުޅޭ ކަންތައްތަކުގައި މާލިއްޔަތު ކޮމިޓީ އަށް ދޮގު މައުލޫމާތުތަކެއް ދެއްވާފައިވާ ކަމަށް ތުހުމަތު ކުރެވޭ މެމްބަރުންތަކެއް ތިއްބެވި ބޯޑަކާ ކަމެއް ހަވާލުކުރުމަށް ރުހުން ދިނުމަށް ޔައުގޫބު ބޭނުން ނުވީ ކަމަށް އޭނާ ވިދާޅުވި އެވެ.
"ސަރުކާރުގެ ނިންމުން ހަމަ ވަރަށް ރަނގަޅު. އަޅުގަނޑު ދެކެނީ ހަމަ މިއީ ވިން އެއް ކަމަށް. ދައުލަތަށް ބޮޑު ގެއްލުމެއް ވާ ގޮތަށް އެ މުއާމަލާތްތައް ހިނގި އިރު، އަދި އޭގެ ފަހުން އެކަން އޮޅޭ ގޮތަށް، އިތުރުފުޅު ހެއްދެވުމުން، އެމްއޭސީއެލްގެ ބޯޑަށް އަޅުގަނޑު އިތުބާރެއް ނުކުރަން. އެހެންވީމާ އެ ބޯޑާ ކަމެއް ހަވާލުކުރަން ރުހުން ދިނުމުގައި ބައިވެރި ނުވާން ވެގެން ވޯޓް ނުދިނީ،" އޭނާ ވިދާޅުވި އެވެ.
ޔައުގޫބު ވިދާޅުވި ގޮތުގައި، ދައުލަތަށް ބޮޑު ގެއްލުމެއް ވާ ގޮތަށް އާ ސީޕްލޭން ޓާމިނަލް ޓީއެމްއޭ އަށް ކުއްޔަށް ދޭން އުޅޭ މައްސަލަ މާލިއްޔަތު ކޮމިޓީއަށް އޭނާ ހުށަހެޅުއްވި އިރު އޮތީ އެ ކުންފުންޏަށް ޓާމިނަލްގެ ކޮންޓްރޯލް ދޫކޮށްލުމާ ދާދި ގާތަށް މަޝްވަރާތައް ގޮސްފަ އެވެ. އަދި އެކަމުގައި ސަރުކާރުގެ "ހަރުދަނާ ސްޓޭންޑް" ނެގީ މާލިއްޔަތު ކޮމިޓީން އެކަން މިހާ ބޮޑަށް ބެލުމުން ކަމަށް ވިދާޅުވި އެވެ.
އާ ސީޕްލޭން ޓާމިނަލް އެމްއޭސީއެލުން ހިންގައިފި ނަމަ ދައުލަތަށް އާމްދަނީ ލިބޭނެ މިންވަރު އެނގުނީ މާލިއްޔަތު ކޮމިޓީން އެދިގެން އޮޑިޓާ ޖެނެރަލް ހަސަން ޒިޔަތު ކުރެއްވި އޮޑިޓަކުންނެވެ. އެ އޮޑިޓުން އެނގުނީ ޓާމިނަލް ކުއްޔަށް ދޭން ކުރިން މަޝްވަރާތައް ކޮށްފައިވާ ގޮތަށް އެކަން ނިންމި ނަމަ ދައުލަތަށް އަހަރަކު 41 މިލިޔަން ޑޮލަރުގެ ގެއްލުމެއް ވާނެ އެވެ.
މި މައްސަލައިގައި އެމްއޭސީއެލުން ވެސް ބޮޑެތި ގޯސްތަކެއް ހަދާފައިވާތީ، ޖިނާއީ ތަހުގީގެއް ހިންގަން އެންޓި ކޮރަޕްޝަން ކޮމިޝަނުން ވެސް ވަނީ ނިންމައިފަ އެވެ.
.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރިއަތް
20 February 2020
ޔައުގޫބަކީ އަމިއްލައަށް މޮޅުކަމަށް ދެކިގެންއުޅޭ މީހެއް. ކޮންކަމެއްތަ ވިންވީ. އެބުނާހެން މާލޭގެ ކުލީކޮޓަރިއެއްގެ އަކަމީޓަރަކަށް ޖެހޭވަރަށްވުރެ އެތައްގުނައެއް ބޮޑުކޮށް އެތައް މިލިޔަން ޑޮލަރެއް ލޯނުނަގައިގެން ކުރާ މަސައްކަތުގެ ރޭޓާ އަޅާބަލާއިރު ތިހިރީ ވިންވެފަ. ކޯއްޗެއް ކަލޭ ކިޔަވައިގެން ހިސާބުޖަހަން ދަސްކުރީ. ކުޑަކުއްޖަކަށްވުރެ ކަލޭގެ ސިކުނޑި ޅަ. ވިންވާނީ ތިވަރަށް. ތީ ހަމަ ކޮރަޕްޝަން
ާއައިމިނަ
19 February 2020
ޖޯކު ޖަހާ މީހުން ރަނގަޅަށް މި ޚަބަރު ކިޔާލާފަ ކޮމެންޓް ކުރުން ރަނގަޅު. ބުނެފަ އެއޮތީ 19000 އަކަފޫޓް 15 އަހަރަށް ޓީ.އެމް.އޭ އަށް ދޭން އެމް.އޭ.ސީ.އެލް އާއި ޓީ.އެމް.އޭ އިން މަޝްވަރާ ކުރަމުން ދަނިކޮށް އެކަން ފެއިލް ކޮށް ސަރުކާރުން ނިންމީ 6400 އަކަފޫޓް 2 އަހަރު ދުވަހުގެ މުއްދަތަށް ދޭންށޭ. ސަރުކާރުގެ އެ ނިންމުމަށް ތާއީދު ކުރި ވާހަކަ އެއޮތީ. އަދި އެކަން ވިން ކުރި ވާހަކަ
ިޖަސްޓިސް
19 February 2020
ކޮން އެއްޗެއް ވިންވި ވާހަކަތޯ؟ ކުރިންވެސް ވާހަކަ ދެއްކި ގޮތަށް 2 އަހަރަށް ތަންދޫކޮށްނިންމީ ވާހަކަ ދެކެވުނު އަގުގަ. އެ އަގަކީ ޔައުޤޫބް ގެ އެމް.ސީ.އެލް އިން ކަނޑާލި ފްރެންޑްގެ ޚިޔާލީފޮލާ އަގުތަކާ ނޫސްތަކުގެ ސުރުޚީ އަގުތަކުގެ ބޭރުން ހަޤީޤީ އަގުވެސްމެ. މީމަޖްލިސް އިން މި މައްސަލަ ކުރިންއޮތްގޮތަށް ނިންމި ސަބަބުވެސްމެ.
ޢަމިނަ
19 February 2020
ނޫނޭ އެމް.އޭ.ސީ.އެލް އާއި ޓީ.އެމް.އޭ އިން މަޝްވަރާ ކުރަމުން ދިޔައީ 19000 އަކަފޫޓް 15 އަހަރަށް ދޭން.
އިސްމާލި
19 February 2020
މައްސަލައެއް އެބަ އުޅޭ. ބޯޑާއި އެ މަސައްކަތް ހަވާލުކުރާނީ މަޖިލީހަކުން ނޫން. އެހެންވީމައި ޔައުގޫބު ވޯޓު ދިނަސް ނުދިނަސް ތަފާތެއް ނެއް. ތަފާތު އަންނަނީ، ޔައުގޫބު ވޯޓު ނުދިނުމުގެ ސަބަބުން ކޮމިޓީގެ ނިންމުން (ޓީ.އެމް.އޭ ބޭނުންވާ ގޮތަށް ޓަރމިނަލް ނުދިނުން) ގެ ބާރު ކުޑަވުން. އަދި ޔައުގޫބު ވޯޓު ނުލުމުގެ ސަބަބުން އެގޮތަށް ފާސް ނުވި ހާލަތެއްނަމަ އަދި މާ ސެންސިޓިވް ވީސް.
ބޭއިންސާފުމަޖްލިސް
19 February 2020
ވިން ވީ އަމިއްލަ ޖީބަށް. ރައްޔިތުންނަށް ދޯކާ. ކޮން އޮޅުވާލުމެއް. މީހުން ތިއަށްވުރެ ހޭލުންތެރިއޭ މިހާރު. ކޮންމެސް ބޭފުޅަކު ވިދާޅުވެގެން ތިކުދިން ރައްޔިތުންގެ ލޮލުގަ އަނދުންވަޅުވަންވެގެން މާ މޮޅު ކޮމިޓީއެއް ބާއްވާފަ ލައިވް ކުރީ. ދައްކަން ބޭނުންވީ ލީޑަރ ވިދާޅުވިހެން ބަދަލުދޭން ޖެހިދާނެކަން އެހެންވީމަ ލީޑަރ ވިދާޅުވިގޮތަށް ތިކުދިން ތި ނިންމީ. އޭ.ސީ.ސީ ގެ ބަޔާން އެގޮތަށް އޮއްވާ އެންމެ ދުވަހަކަށްވެސް އެ ރޭޓްގަ ކުއްޔަކަށް ނުދެވޭނެ. ތިއީ ޚިޔާނަތެއް
ވަޒީރު
19 February 2020
ޔައުގޫބަށް ބޭނުންވާވަރު ލިބުނީމަ ވިންވީ
ރޯނުއަދުރޭ
19 February 2020
ދައުލަތަށް އަހަރަކު 41 މިލިޔަން ޑޮލަރުގެ ގެއްލުމެއް ވިޔަސް ކަޓްލިބޭ ބޭފުޅުންންގެ ޖީބަށް އޭގެން ބައެއްވަންނަންޏާ އެބޭފުޅުންނަށް އޯކޭ! ބޮޑުމީހާ މައްސަލަނެތީ! ބޮޑުވަޒީރު މައްސަލަނެތީ! އެމްއޭސީއެލް ބޯޑް މެމްބަރު މައްސަލަނެތީ! ރައްޔިތުމީހާއަށް ވޯޓާ ދިމާކޮށް ކުޑައެތިކޮޅު ދިނީމަ މައްސަލަނެތީ! ދެން ޔަޢުޤޫބު ކޮންމައްސަލަ ހުންނަނީ......
ކައިޖީން
19 February 2020
އަކަ މީަރަކަށް 10.35 ޑޮލަރުގެ ރޭޓުން ނެގުމަށްފަހު، ގޮޅި އަޅާފައި ރިޒޯޓުތަކަށް ލައުންޖް ހެދުމަށްޓަކައި ކުއްޔަށް ދެނީ އަކަ މީޓަރަކަށް 180 ޑޮލަރަށް ވުރެ ބޮޑު އަގެއްގައި. މީގެ އިތުރުން ރިޒޯޓްތަކުން ހަދާ ލައުންޖްތަކަށް ވަންނަ ގެސްޓުންގެ އަތުން ބޮލަކަށް 10 ވަރަކަށް ޑޮލަރުގެ ފީއެއް ޓީ އެމް އޭ އަށް ދައްކަން ޝަރުތުކުރޭ. އެހެން ކަމުން މަށަށް ވެސް ހީވޭ ވަރަށް ގެއްލުމުގަ ހެން ހިންގޭނީ. މި ބައިވަރުގަނޑު އަދިވެސް ހީކުރަނީ ބަޔަކަށް ނޭނގޭނެއޭ މި ގަންނަ ގަނޑެއް.
ބަނާނާ
19 February 2020
ބޮޑުބައެއް ކެނެރީގޭ ތެރެއަށް ވަންނަގޮތައްވީ މާ ހިގާނެ.
ޕަބްލޯ
19 February 2020
ޓާމިނަލް ހިންގަންޖެހޭނީ އެމްއޭސީއެލްއިން. ޓީއެމްއޭއާއި އެމްއޭސީއެލްއިން ހަދާފައިވާ ދޮގުތަކާއި މިކަމާއި ގުޅިފައިވާ ރިޝްވަތުގެ ފުރިހަމަ ތަހުގީގެއް ކުރުމަށްފަހު ޓީއެމްއޭގެ ހުއްދަ ކެންސަލްކުރަންޖެހޭ. އަދި އައިލެންޑް އޭވިއޭޝަންގެ ހިއްސާ އާއްމުންނަށް ވިއްކާފައި، މޯލްޑިވިއަންގެ ސީޕްލޭން އޮޕަރޭޝަން ފުޅާކުރަންޖެހޭ.
އެމްއެމްއައި
19 February 2020
ފަތުވެރިކަމުގެ ޚިދުމަތުގެ އަގުތައް އެހާވަރަށް ހުރި.. އެއާޕޯޓުގައި ހުންނަ އެމީހުންނަށް މަރުހަބާ ކިޔާ މެހެންމާންސަރައްކާލިތަކުގެ އަގު ފީ އިލޮއްޓެއްގެ އަގާވެސް ނުބައްދަލުވީމާ، ނުކިޔަވާ ހުރި ޖާހިލަކަށްވެސް މިހިސާބެއް ދިމާނުވާކަން އެނގޭނެ. 2/2.2