ވަގަށް ނެގި މަގެއް 55 އަހަރު ފަހުން ހަވާލުކޮށްފި

އަހުމަދު އަދްޝަން، މިހާރު

27 ފެބުރުއަރީ 2020 - 07:23

އެމެރިކާ އަންހެނަކު ޖަރުމަނަށް ކުރި ދަތުރެއްގައި އެ ގައުމުގެ ރެސްޓޯރަންޓަކުން ވަގަށް ނެގި މަގެއް 55 އަހަރު ފަހުން ހަވާލުކޮށްފި އެވެ.

ސެލެސްޓީ ސްވީނީ، 73، ޖަރުމަންގެ ހޮގްބްރޯހަސް މަންޗެން ރެސްޓޯރަންޓުން މި މަގު ވަގަށް ނެގީ އޭނާގެ ދައްތައާ އެކު 1965 ގައި ޖަރުމަނަށް ކުރި ދަތުރެއްގަ އެވެ. ސްވީނީ ބުނި ގޮތުގައި އެ މަގު އޭނާ ވަގަށް ނެގީ ރީތިކަމުން ސުވެނިއާއެއްގެ ގޮތުގައި ގެންދާށެވެ. އެ މަގަކީ ގާތްގަނޑަކަޑް 30-40 ޑޮލަރުގެ އަގުހުރި އެއްޗެކެވެ.

ނަމަވެސް ވަގަށް ގެންދިޔަ އެއްޗެއް ބަހައްޓަން ހިތް ގަބޫލުނުވާތީ އެހާ ޒަމާންކޮށްފައި ވެސް އެ ހަވާލުކުރަން ނިންމީ ކަމަށް ބުންޏެވެ. އޭނާ ސީއެންއެން އަށް ބުނީ ކުރެވުނު ކުށެއް އިސްލާހުކުރަން ވަކި ވަގުތެއް ނޯންނާނެ ކަމަށާއި މަގު ވަގަށް ނެގުނީތީ އެކަމާ ހިތާމަކުރާ ކަމަށެވެ.

މަގާ އެކު، ސްވީނީ ވަނީ އެކަން ކުރެވުނުކަމަށްޓަކައި މާފަށް އެދި ޕޯސްޓް ކާޑެއް ވެސް ފޮނުވައިފަ އެވެ. އަދި މަގު ޕޯސްޓްގެ ޒަރީޒާ އިން ޖަރުމަނަށް ފޮނުވީ އެ ހަލާކުވެއްޖެ ނަމަ އެ ގެއްލުން ފޫބެއްދުމަށް 100 ޑޮލަރުގެ އިންޝުއަރެންސަކާ ވެސް އެކީގަ އެވެ. ސްވީނީ ވަގަށް ނެގި މަގަކީ މުށިން ހަދާފައިވާ ހުދު ކުލައިގެ މަގެކެވެ. އޭގެ ބޭރުގައި ނޫކުލައިން އެތަނުގެ ލޯގީ "އެޗްބީ" ލިޔެފައިވެ އެވެ.

މި މަގު ބައި ގަރުނަށް ވުރެ ގިނަ ދުވަސްފަހުން އަލުން އަނބުރާ ލިބުމުން ހޮގްބްރޯހަސް މަންޗެން ރެސްޓޯރަންޓުން ވަނީ އެ ވާހަކަ ފޭސްބުކްގައި ވެސް ހިއްސާކޮށްފަ އެވެ. އަދި މަގު އަނބުރާ ލިބުނީތީ ވަރަށް އުފާކުރާ ކަމަށް ބުނެ ސްވީނީ އަށް ޝުކުރު ވެސް އަދާކޮށްފައިވެ އެވެ.

ކުށްކުރުން އަންހެނުން ވައްކަމާއި ފޭރުން ޖަރުމަން އެމެރިކާ

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލެއްގި ކޮމިޝަނަރ

27 February 2020

ވެލާނާގެއިން ވައްކަންކޮށް ގާޒީއަކު ވަގަށްނެގިމީހާ މާފަށް އެދެފިބާ؟ މާފަށް ނޭދޭނަމަ އކަންކޮށް އަވަހަށް ތައުބާވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނަން

27 February 2020

‫ސްކޫލް ލައިބްރަރީއިން ނެގި ފޮތެއް އެބޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރުތީބު

27 February 2020

"އޭނާ ސީއެންއެން އަށް ބުނީ ކުރެވުނު ކުށެއް އިސްލާހުކުރަން ވަކި ވަގުތެއް ނޯންނާނެ ކަމަށާއި މަގު ވަގަށް ނެގުނީތީ އެކަމާ ހިތާމަކުރާ ކަމަށެވެ" އަހަރުމެން ތެރޭން އެއްވެސް މީހަކަށް މިކަހަލަ ކުށެއް ކުރެވިފައިވާނަމަ، އެބަހީ ތަނަކުން ޓިނުކޮޅެއް ވަގަށް ނެގިފައިވާނަމަ މީ އެކަމާ ހިތާމަކޮށް ޓިނު އަނބުރާ ދޭންވީ ވަގުތު.