ހަކުރުބަލީގެ މީހުން ދޮންކެޔޮ ކާންވާނެތަ؟

ދޮންކެޔޮވަކެއް.

އަހުމަދު އަދްޝަން، މިހާރު

02 މާޗް 2020 - 07:25

ހަކުރުބަލީގެ މީހުންނަކީ ކެއުމަށް ވަރަށް ބަލައިގެން އުޅެންޖެހޭ ބައެކެވެ. ހަކުރުބައްޔާ އެކު ކުރިމަތިވާ މައްސަލަތަކުގެ ތެރޭގައި ކެއުން ބަހައްޓާނެ ރަނގަޅު އާދަތައް ނޭނގޭ މައްސަލަ ހިމެނެ އެވެ. މިއާ އެކު އެތަކެއް ކަންބޮޑުވުންތަކެއް އުފެދެ އެވެ.

މިސާލަކަށް، މޭވާ ކަހަލަ އެއްޗެހި ކެއުމަކީ މައްސަލައަކަށް ވެދާނެތޯ އުފައްދާ ސުވާލުތައް ގިނަ އެވެ. ދޮންކެޔޮ ކާހިިތްވާ، ހަކުރުބަލީގެ ބަލީގެ މީހަކަށް ދޮންކޭލަކީ ކާން އެކަށީގެންވާ އެއްޗެއްތޯ ވެސް ވަރަށް ގިނަ މީހުން ސުވާލު އުފައްދަ އެވެ.

ހަކުރު ހުއްޓަސް ދޮންކެޔޮ ކެއުން ހުއްޓާލަން ކޮންމެހެން ނުޖެހޭ ކަމަށް ތަޖުރިބާކާރުން ބުނެ އެވެ. ދޮންކޭލަކީ ޖީއައި ސްކޭލް ނުވަތަ ގްލައިސެމިކް އިންޑެކްސް އިން ކިރާ ނަމަ ފުރުކްޓޯޒް (މޭވާތަކުގައި ހުންނަ ހަކުރު) ކަންބޮޑުވާން ޖެހޭ ވަރަށް ހަކުރު ހުންނަ މޭވާއެއް ނޫނެވެ. ދޮންކެޔޮވަކެއްގައި އާންމުކޮށް ޖީއައި ހުންނަ މިންވަރު ބިނާވަނީ އެ ދޮންވެފައިވާ ނިސްބަތަށެވެ. އާދައިގެ ސައިޒްގެ ދޮންކެޔޮވަކެއްގައި ހުންނާނީ 14 ގްރާމްގެ ހަކުރާއި 6 ގްރާމްގެ ސްޓާޗެވެ. އެހެންވެ މިއީ ކަންބޮޑުވާން ޖެހޭ ނަމްބަރުތަކެއް ނޫނެވެ.

ދޮންކޭލަކީ ފައިބަރުން މުއްސަނދިވެފައިވާ ހަށިގަނޑަށް ހަކަތަ ލިއްބައިދޭ މޭވާއެކެވެ. އެކަމަކު ހަކުރުބަލީގެ މީހުން ދޮންކެޔޮ ކެއުމުގައި ކޮންޓްރޯލެއް ގެންގުޅެން ޖެހޭނެ އެވެ. އެގޮތުން ހަފުތާ އަކު ދޭއް ނުވަތަ ތިން ދުވަހު ދޮންކެޔޮ ކެވިދާނެ އެވެ. ކާ އިރު ޕޯޝަން ވެސް ކޮންޓްރޯލް ކުރުމުގެ އިތުރަށް މާ ބޮޑަށް ދޮން ނޫން ކެޔޮ ކެއުމަކީ ވެސް ރައްކާތެރިކަމުގެ ފިޔަވަޅަކަށް ވާނެ އެވެ.

ދޮންކޭލުން ލިއްބައިދޭ ފައިދާތަކުގެ ތެރޭގައި އެތަކެއް މިނެރަލާއި ވިޓަމިންގެ އިތުރުން މިއީ އެންޓި-އޮކްސިޑަންޓްތަކުން ވެސް މުއްސަނދި މޭވާއެކެވެ. އެހެންވެ ޑައިޓްގައި ކޮންމެހެން ވެސް ދޮންކެޔޮ ހިމަނަން ޖެހޭނެ އެވެ.

ސިއްހަތު ދިރާސާ ދުޅަހެޔޮ ދިރިއުޅުން ފައިދާހުރި ކާނާ ދޮންކެޔޮ ހަކުރު ބަލި

10 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކާޅުސޮރު

25 August 2020

ރާއްޖޭގެ އާދައިގެ ދޮންކެޔޮވަކެއްގއި ހުންނަނީ 4، 5 އިންޗި. ބޭރުން ގެންނަ އާދައިގެ ކެޔޮވަކެއްގާ 8، 10އިންޗި ހުރޭ. ޑަބަލް ދިގުވެފާ އެހާފަލަ. ދެން އާދައިގެ ސައިޒް ކަނޑައަޅަންވީ ކިހިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙާލާ

02 March 2020

ހަކުރު ހުންނަ މީހުންނަށް ކަރާ ކެވިދާނެބާ؟ އަދި ހަފްތާއަކު ކިތައް ދުވަހު ކެވިދާނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީބު

02 March 2020

މަގޭކާރީ ޑޮކްޓަރ ބުނީ ދޮންކޭލާ މޭބިސްކަދުރު ފަޅޯ ފިޔަވައި ކޮންމެ މޭވާއެއް ކެއަސް މައްސަލައެއްނެތޭ. އެއްފަހަރު ދޮންކެޔޮ ކެއުމުން ހަކުރު 185 އަށް އެރި ދެން އިތުރު ބޭހެއްދީގެން 115 އަށް ތިރިވީ.