މެންގޯއިން ރާއްޖޭގައި ހުޅުވި ފުރަތަމަ ފިހާރައިގެ އެތެރެ-- ފޮޓޯ: މެންގޯ
06 މާޗް 2020 - 20:14
7 comments
ބާސެލޯނާގެ މަޝްހޫރު ފެޝަން ބްރޭންޑެއް ކަމަށްވާ "މެންގޯ" ގެ ފިހާރައެއް މާލޭގައި ހުޅުވައިފި އެވެ.
އަންހެނުންނަށް ހާއްސަ ހެދުމާއި ރީތިވާން ބޭނުންވާ އެކްސަސަރީސްތަކަށް ހާއްސަކޮށްގެން މަޖީދީމަގުގައި ހުޅުވި މި ފިހާރައަކީ ރާއްޖޭގައި ހުޅުވި މި ބްރޭންޑުގެ ފުރަތަމަ ފިހާރަ އެވެ. މިއާ އެކު ދެކުނު އޭޝިއާ ސަރަހައްދުގައި އެ ބްރޭންޑުން ހުޅުވާފައިވާ ފިހާރަތަކުގެ އަދަދު 27 އަށް އެރީ އެވެ.
ރާއްޖޭގައި ފުޅާ ދާއިރާއެއްގައި ވިޔަފާރިކުރާ ސޮނީ އާ ގުޅިގެން "މެންގޯ" އިން ހުޅުވި މި ފިހާރައިން ރަސްމީ ކަންކަމުގައި ލާނެ ޒަމާނީ ހެދުމާއި ހަވީރީ ހެދުން ވެސް ލިބެން ހުންނާނެ އެވެ. މިއީ ރާއްޖޭގެ އިތުރުން ދުނިޔޭގެ އެތައް ބައެއްގެ މެދުގައި މަގުބޫލުކަން ހޯދާފައިވާ ފެޝަން ބްރޭންޑުތަކުގެ ތެރެއިން އެންމެ މަޝްހޫރު އެއް ބްރޭންޑެވެ.
މި ފިހާރަ ހުންނަނީ މަޖީދީމަގުގައި، ކުރިން ސޮނީ ހާޑްވެއާ ޕްރޮފެޝަނަލް ހިންގި ތަނުގަ އެވެ.
"މެންގޯ" އިން ބުނި ގޮތުގައި ރާއްޖޭގައި ހުޅުވި ފިހާރައިގެ ސަބަބުން ދެކުނު އޭޝިއާގައި އެ ބްރޭންޑު ވަރުގަދަ ވެގެންދާނެ އެވެ. އަދި މި ފިހާރަ އަކީ ކަސްޓަމަރުންނާ ގުޅޭ، ވިޔަފާރި ކުރުމަށް ފަސޭހަ ފިހާރައެއް ކަމަށް ވެސް ބުންޏެވެ.
"މެންގޯ" ބްރެންޑު އުފެދިފައިވަނީ 1984 ވަނަ އަހަރު ބާސެލޯނާގަ އެވެ. މި ބްރޭންޑު އުފެދުނުތާ މިހާރު 36 އަހަރު ވެފައިވާއިރު ކޮންމެ އަހަރަކު އެ ބްރޭންޑުގެ 18،000 އަށްވުރެ ގިނަ އާ ހެދުމާއި އެކްސަސަރީސް ބާޒާރަށް ނެރެ އެވެ. މީގެ ތެރޭގައި އަންހެނުންނާއި ފިރިހެނުންގެ އިތުރުން ކުޑަކުދިންގެ ހެދުންތައް ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮނޮ
07 March 2020
މެންގޯ އޮންލައިން ސްޓޯއިން ވަރަށް އަގުހެޔޮ.
ނަޝީދު.
07 March 2020
ފުދޭވަރަކަށް ލާރި ހުންނަންވާނެ ބަގުރޫޓުނުވެ ހިފަހައްޓަން ބޭނުމިއްޔާ. ވައިރަސް އާ ހުރެ ތިފިހާރައިން މިއަހަރަކު ދެކޮޅުޖެހޭ ވިޔަފާރިއެއް ނުވާނެ.
ބަޑީ
07 March 2020
ސޮނީއަށް މިއަދު އެކަހަލަ ފިހާރަތައް ހުޅުވާލާފަ ރީއްޗަކަށް ބެހެއްޓުމަކީ މައްސަލައަކަށް ނުވާނެ. އެމީހުން އެއަށްވެރެން ފުދުންތެރިހެން ހީވަނީ.
ކޮރަލް
07 March 2020
ދިވެހީންނަށް ރަނގަޅީ ފަހައިގެން ލީމަ އެވެ. އެއީ ބްރޭންޑް ތައް ހެޔޮ ވަރު ނުވާތީ އެވެ.
ބްރޭންޑާ
06 March 2020
ރާއްޖޭގަ ބްރޭންޑެޑް އެއްޗެއް ގެނަޔަސް ހުންނަނީ އަތް ނުފޯރާ ހިސާބްގަ. ޙޯޕް ތިއެއްޗެހީގެ އަގު 700 ރުފިޔާގައި ނުހުންނާނެ ކަމަށް. ޢެހެން ގައުމުތަކުން އެބަލިބޭ ބްރޭންޑެޑް ހެދުންވިޔަސް މީހުންނަށް ގަނެވޭ އަގުގަ.
ބުރެންޑީ
07 March 2020
އަހަރެންނަށް އެފޯޑު ކުރެވޭ ބުރޭންޑެޑް އެއްޗެހި ގަންނަން. އެކަމަކު ދުވަހަކުވެސް ނުގަންނަން ބުރޭންޑެޑް އެއްޗެއް. އޭގެބަދަލުގަ ފައިސާ ރައްކާކުރަނީ ފަހަށް.
ހުތް އާދަނު
06 March 2020
އަގުތައް އުޅެނީ ހާހުން ހާހަށް ، އަތް ފޯރާ ކުދިންނަށް ރަނގަޅުވާނެ