ޚަބަރު / ކުރީގެ މިނިސްޓަރު މުހައްމަދު މަލީހް ޖަމާލް

ކޮވިޑް-19: ސަރުކާރުގެ އޮފީސްތަކުގައި ފިންގަޕްރިންޓް ޖެހުން ހުއްޓާލައިފި

ކޮމިއުނިކޭޝަން މިނިސްޓަރު މަލީހް، ސަރުކާރުގެ އޮފީސްތަކުގެ އައިޓީ ޑިޕާޓްމަންޓުތަކުގެ އިސްވެރިންނާ މިދިޔަ ހޯމަ ދުވަހު ބައްދަލު ކުރައްވަނީ.---ފޮޓޯ: އަހުމަދު އަވްޝަން އިލްޔާސް/މިހާރު

އާސިމާ ނިޒާރު، މިހާރު

11 މާޗް 2020 - 16:09

28 comments

ކޮވިޑް-19 ބަލި ޖެހިފައިވާ އަށް މީހަކު ރާއްޖެ އިން ވެސް ފެނިފައިވާތީއާ އެކު، ރައްކާތެރިކަމުގެ ފިޔަވަޅެއްގެ ގޮތުން، ސަރުކާރުގެ މުވައްޒަފުން އޮފީސްތަކަށް ވަދެ ނުކުތުމުގަ އާއި ހާޒިރީ ބެލެހެއްޓުމުގައި ފިންގާޕްރިންޓް ބޭނުންކުރުން ވަގުތީ ގޮތުން ހުއްޓާލައިފި އެވެ.

ކޮމިއުނިކޭޝަން މިނިސްޓަރު މަލީހު ޖަމާލް "މިހާރު" އަށް މިއަދު ވިދާޅުވީ، މުވައްޒަފުން އޮފީސްތަކަށް ވަދެނުކުތުމުގަ އާއި ހާޒިރީ ބެލުމަށް ޕިންގަޕްރިންޓް ޖެހުން މިވަގުތު ރަނގަޅު ނޫން ކަމަށް ރައީސް އިބްރާހިމް މުހައްމަދު ސޯލިހު އަންގަވާފައިވާ ކަމަށެވެ. އެހެންވެ، ސަރުކާރުގެ ހުރިހާ މިނިސްޓްރީއަކަށާއި އިދާރާތަކަށް، މި ހަފުތާގެ ކުރީކޮޅު އެކަން އަންގާފައިވާނެ ކަމަށް މަލީހް ވިދާޅުވި އެވެ.

އޭނާ ވިދާޅުވި ގޮތުގައި، ފިންގަޕްރިންޓުގެ ބަދަލުގައި އޮފީސްތަކަށް ޚާއްސަ ކާޑު ނުވަތަ ޓެގް ބޭނުންކުރަން މިހާރު ވަނީ ފަށައިފަ އެވެ. އެކަން ހަމަޖެހިފައި ނެތް ތަންތަނަށް ކޮމިއުނިކޭޝަން މިނިސްޓްރީގެ ދަށުން ހިންގާ، ނޭޝަނަލް ސެންޓާ ފޯ އިންފޮމޭޝަން އެންޑް ޓެކްނޮލޮޖީ (އެންސީއައިޓީ) އިން އެހީތެރިކަން ފޯރުކޮށްދޭނެ ކަމަށް ވިދާޅުވި އެވެ.

"އޮފީސްތަކަށް އަންގާފައި ވާނީ ކާޑާއި ޓެގް ބޭނުންކުރަން. އެކަން ހަމަޖެހިފައި ނެތް ކަމަށް އަންގައިފި ނަމަ އެންސީއައިޓީން އެހީތެރިކަން ފޯރުކޮށްދޭނެ،" މަލީހު

މުވައްޒަފުންގެ ހާޒިރީ ބަލާ ޕިންގަޕްރިންޓް ޖަހާ ސިސްޓަމް ތަރައްގީކޮށް ބަލަހައްޓަނީ އެންސީއައިޓީންނެވެ. އެ ސިސްޓަމް ހަދާފައި ވަނީ ކާޑާއި ޓެގް ވެސް ބޭނުންކުރެވޭ ގޮތަށެވެ. ނަމަވެސް ނަހަމަ ގޮތުގައި އެ ބޭނުންކުރުމުގެ ފުރުސަތު ކުޑަކުރުމަށްޓަކައި މީގެ ކުރިން ފިޔަވަޅުތަކެއް އަޅާފައި ވެ އެވެ. އެގޮތުން މުވައްޒަފުންނަށް އެ އޮފީހަކުން ދޫކޮށްފައި އޮންނަ ޚާއްސަ ކާޑުގައި މެޝިނުން ރީޑްކުރާ ގެ ފީޗާ މިހާތަނަށް ބޭނުމެއް ނުކުރެ އެވެ.

ފިންގަޕްރިންޓް ޖަހާ ސިސްޓަމް، އުސޫލެއްގެ ގޮތުން އެންސީއައިޓީން ބެލެހެއްޓިއަސް، އެ އޮފީހެއްގެ މުވައްޒަފުންގެ މައުލޫމާތުތައް ބަލާނީ އެ ތަނެއްގެ ހިއުމަން ރިސޯސަސް ޑިޕާޓްމަންޓުންނެވެ.

ކުންފުނިތަކުން ވެސް އެ ގޮތަށް އަމަލުކުރުމަކީ އޭނާގެ އެދިވަޑައިގަތުމެކެވެ.

ކޮވިޑް ބަލި ފެތުރުން ހުއްޓުވުމަށްޓަކައި ގިނަ ބަޔަކު ބައިވެރިވާ ބައްދަލުވުންތައް ބޭއްވުމުގެ ބަދަލުގައި ޓެލެކޮންފަރެންސް ނުވަތަ އޮންލައިންކޮށް، މީޓިންތައް ބާއްވަން މަޝްވަރާ ކޮށްފައިވާ ކަމަށް ވެސް މިނިސްޓަރު ވިދާޅުވި އެވެ.

އެންސީއައިޓީ ކުރީގެ މިނިސްޓަރު މުހައްމަދު މަލީހް ޖަމާލް ކޮމިއުނިކޭޝަން މިނިސްޓްރީ ދިވެހި ސަރުކާރު

28 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިންނަވަރު ސޮރު

12 March 2020

ފިންގަރ ޕްރިންޓް ޖެހުން ހުއްޓާލި ވާހަކަ އަހާފަ އައީ އަލިފާންކަހަލަ ހިނި. އޮފީސްތަކުގެ ދޮރުފަތްތައް ނެގުން މާ ރަނގަޅުވާނެ. ހެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކުނުބިސް

11 March 2020

ފިންގާ ޕްރިންޓް ޖެހުން ހުއްޓުވުމަކީ ވަރަށް ތާކުން ތާކުން ނުޖެހޭ ކަމެއް، އޮފީސްތަކުގެ ދޮރުތަކުގެ ތަޅުތަކުގަ އަތްލާލެއް މާގިނަވާނެ ދުވާލަކު ދެފަހަރު ޖަހާ ފިންގާއަށް ވުރެ. މިކަމުން ހަރަދުތަކެއް ވުން ފިޔަވާ އިތުރު އެއްވެސް ކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާޅުބޭ

11 March 2020

ކަނޑައެޅިގެން ދޮގެއް. ﷲ ދެކެ ދެނެވޮޑިގެންވާނެ މިއަދުވެސް އަހަރެމެންގެ އޮފީހުގަ ޖެހީ ފިންގާރ ޕްރިންޓް. ހުރިހާ މީހުން. ބޮސް ޖެހިތަންވެސް ދުށިން. މިވެސް ހީވަނީ 15 އަހަރު އުޅެވޭ އިރު މިއުޅެވެނީ ސަރުކަރުގެ ވަޒީފާއެއްގަކަން އިނގޭނެހެންމަށަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް ޒާހިރު

11 March 2020

ކަސްޓަމްސް ގަ މިއަދުވެސް ފިންގަރ ޖެހީ... ނުޖަހާކަށް އެކަކުވެސް ނުބުނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

11 March 2020

ކުޑަކުދިންނާއި މުސްކުޅިން މިސްކިތަށް ދިއުން ރައްކާތެރިނޫން، ފިންގަރޕްރިންޓް ރައްކާތެރި ނޫން، އެކަމަކު ސިޔާސީ އެއްވުންތައް ބޭއްވޭ، ކުޑަކުދިން ސްކޫލްތަކަށް ފޮނުވޭ. މީ ކިހިނެއް ވާކަމެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބު

11 March 2020

އެހެން ނޫނަސް ފިންގަރޕްރިންޓް ޖެހުމަކީ ހައިޖެނިކް ކަމެއްނޫން. އެހެންވެ ބައެއް ތަންތާގައި މިހާރު ބޭނުން ކުރަނީ ރެޓީނާ ސްކޭނަރ. އޭރުން މޫނު ދިމާކޮށްލީމަ ނިމުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

12345

11 March 2020

ހެލްތު މިނިސްޓްރީގައިވެސް ހަމަ ފިންގާ ޖަހަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދުނާ

11 March 2020

ވަކި ހެލްތު މިނިސްޓްރީއެއްނޫން ހުރިހާ ތަނެއްގައިވެސް ޖަހާތީ ދޯ އެ އުޅެނީ އެކަން ބަދަލުކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިންގަޕްރިންޓް

11 March 2020

ފިންގަޕްރިންޓް ޖެހުން ހުއްޓާލައިފިއޭ ބުނީމަ އެބުނީ މިއަދުވެސް ފިންގަޕްރިންޓްއޭ ޖެހި ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅަށްކިޔާލާ

12 March 2020

"އޮފީސްތަކަށް އަންގާފައި ވާނީ ކާޑާއި ޓެގް ބޭނުންކުރަން. އެކަން ހަމަޖެހިފައި ނެތް ކަމަށް އަންގައިފި ނަމަ އެންސީއައިޓީން އެހީތެރިކަން ފޯރުކޮށްދޭނެ،" މަލީހު ވިދާޅުވި އެވެ. ކުންފުނިތަކުން ވެސް އެ ގޮތަށް އަމަލުކުރުމަކީ އޭނާގެ އެދިވަޑައިގަތުމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސްކޮބާރ

11 March 2020

ރާއްޖޭގެ އެންމެ ބޮޑު އަމިއްލަ ހޮސްޕިޓަލުގެ ރެސްޓޯރަންޓަށް ވަންނަން ހުންނަނީ ވެސް މޮޅުކޮށްލަންވެގެން އަތުގެ އިގިލި ޖެއްސީމާ ހުޅުވޭ ދޮރެއް. މިއީ ކޮރޯނާ އައުމުގެ ކުރިންވެސް ބަދަލުކުރަންޖެހޭ ކަމެއް. ފަހަރެއްގަ ވެދާނެ ހޮސްޕިޓަލުން ބޭނުންވަނީ ވީހާވެސް ގިނަމީހުން ބަލިވާން ކަމަށް