ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން، ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގައި ވާހަކަދައްކަވަނީ.-- ފޮޓޯ: މަޖިލިސް
16 މާޗް 2020 - 17:39
4 comments
މަތީ ތައުލީމުގައި ހުރި މައްސަލަތަކުގެ ހައްލު ބޮޑަށް ގުޅިފައި ވަނީ މަތީ ތައުލީމުގެ ބިލަށް ކަމަށް ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން މިއަދު ވިދާޅުވެއްޖެ އެވެ.
ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގައި ވާހަކަދައްކަވަމުން މިނިސްޓަރު ވިދާޅުވީ މަތީ ތައުލީމުގެ ހާލަތު ރަނގަޅުކުރުމަށް ގިނަ މަސައްކަތްތަކެއް ކުރަމުން އަންނަ ކަމަށެވެ. އޭގެ ތެރެއިން، ރައްޔިތުންގެ މަޖިލީހަށް ފޮނުވާފައިވާ ބިލަކީ އޭގެ އެއް ކަމެއް ކަމަށް ވިދާޅުވި އެވެ.
މިދިޔަ ޑިސެމްބަރު މަހު މަޖިލީހަށް ފޮނުވިި މަތީ ތައުލީމުގެ ބިލުގައި، އަމިއްލަ ޔުނިވާސިޓީތައް ހެދޭނެ ގޮތްތައް ބަޔާންކޮށްފައިވެ އެވެ. އަދި ކޮލެޖުތަކުގެ އިންސްޓިޓިއުޓުތަކުގެ ފެންވަރު ވެސް ބަޔާންކޮށްފައިވެ އެވެ. ހަޔަ އެޑިއުކޭޝަން މިނިސްޓްރީން މިހާރު ވަނީ މަތީ ތައުލީމުގެ ބިލަށް އާއްމުންގެ ހިޔާލު ހޯދަން ހުޅުވާލައިފަ އެވެ.
މިނިސްޓަރު ކޮމެޓީ އަށް ހާޒިރުކުރުވީ ޑޮކްޓަރުން ސްޕެޝަލައިޒްވުމާ ގުޅޭގޮތުން މިދިޔަ ޑިސެމްބަރު މަހު އިއުލާނުކުރި ފުރުސަތުތަކާ ގުޅިގެންނެވެ. އޭރު އިއުލާނުކުރި ނުވަ ފުރުސަތަށް ޖުމްލަ ހަ ޑޮކްޓަރުން ހޮވާފައިވެ އެވެ. އެހެންވެ ކޮމެޓީއަށް ހާޒިރުކޮށް މެމްބަރުން ސާފުކުރަން ބޭނުންވީ އެ ޑޮކްޓަރުންނަށް ފުރުސަތު ދީފައިވާ ގޮތާ ގުޅޭ ގޮތުންނެވެ.
ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން ހާޒިރުކޮށް ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީން މިއަދު ބޭއްވި ބައްދަލުވުމުގައި ބައިވެރިވެވަޑައިގެންނެވި ބައެއް މެމްބަރުން-- ފޮޓޯ: މަޖިލިސް
އޭނާ ވިދާޅުވީ މަތީ ތައުލީމުގެ ކަންކަން ކުރިން އޮތީ އެހާ ރަނގަޅަށް ރެގިއުލޭޓް ނުކުރެވި ކަމަށެވެ. މައްސަލަތައް ޖެހެނީ އޭގެ ސަބަބުން ކަމަށް ވިދާޅުވި އެވެ.
"މަތީ ތައުލީމުގައި ހުރި މައްސަލަތަކުގެ ހައްލު ވަރަށް ބޮޑަށް ގުޅިފައިވަނީ މަތީ ތައުލީމާ ބެހޭ ބިލާ. އެހެންވީމަ މަތީ ތައުލީމާ ބެހޭ ބިލުގައި ވަރަށް ބޮޑަށް އުއްމީދުކުރަމުން މި އަންނަނީ ކޮމެޓީ މަރުހަލާގައި އަޅުގަނޑުމެންގެ ފީޑްބެކް އިތުރަށް ދިނުމަށް،" ޑރ. އިބްރާހިމް ހަސަން ވިދާޅުވި އެވެ.
"އެ ބިލް ރަނގަޅަށް ފަރުމާވެގެން ގޮސް ގާނޫނަކަށް ވީމަ އަޅުގަނޑުމެން ރާއްޖޭގެ މަތީ ތައުލީމަށް ކުރިމަތިވެފައިވާ ވަރަށް ގިނަ މައްސަލަތަކުގެ ހައްލަކާ ދިމާއަށް ދަތުރުކުރެވޭނެ."
މިނިސްޓަރު ވިދާޅުވީ މައްސަލަތަކަށް ހައްލު ހޯދަން މިހާރު ޖެހެނީ ގާނޫނީ ބާރުވެރިކަމެއް ހޯދައިގެން ކަމަށެވެ. އެ މަސައްކަތްކުރަން ތައްޔާރުކަމަށާއި ސަރުކާރުން އެކަން ކުރަން ޖެހިލުން ނުވާނެ ކަމަށް ވިދާޅުވި އެވެ.
މަތީ ތައުލީމުގެ ގާނޫނު ތަސްދީގުކުރާ ދުވަހުން ފެށިގެން އެ ދާއިރާ އަށް ހެޔޮ ބަދަލު ގެނައުމުގެ މަސައްކަތް ފަށާނެކަން މިނިސްޓަރު ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކީއްވެތަ
16 March 2020
ކީއްވެތަ ބޭރުގައު މަކަށް ގޮސް ކިޔަވައިގެން އަންނަ ކުދިން ކިޔަވާނި މިގެން އައި މަ އެ މް. ކިއު. ޢޭ އެޕްރޫވަލް ހޯދަން މަޖުބޫރު ކުރުވާ ނިޒާ މަށް ސަރުކާރުން ބާރުދެނީ. ތަންކޮޅެއް ފަސޭހަ ކޮށްބަލަ ތިއުސޫލްތައް. ނުކިޔަވާ ތިބިއްޔާ އެކަނި ވަޒީފާ ޔަގީން މިވަނީ މަގޭ ގައު މުގަ.
އޮތޯރިޓީ
16 March 2020
ފަންނީ މީހުނަށް އޮތް އެން މެ ވަރުގަދަ ގޮންޖެހު މަކީ މޯލްޑިވްސް ކޮލިފިކޭޝަންސް އޮތޯރިޓީ. މިރާއްޖޭގައި ފްލެޓްތަކުން ފެށި ކޮލެޖްތަށް ނޫންތަނަކުން ކިޔަވައިފި ދިވެއްސަކު ވެއްޖެއްޔާ ގޭގަ ތިބޭށޭ ބުނެ ބައެއް ދިވެހިން ބޭކާރު ކުުރާ ތަނެއް.ފެށުނިއްސުރެ އެއްބަޔަކު އެތަނުގައި.އަދިވެސް
ގާނޫނީ
16 March 2020
ގާނޫނީ ބާރުވެރި ކަ މެމެއް ހޯދައިގެން ތައުލީ މް ދިނުން ކޮންޓްރޯލް ކުރަން އުޅޭތީ މިހާ ކޮލެޖްތަށް މަދުވެފައި ދެވޭ ތައްލީ މުގެ ފެންވަރު ދަށީ. މިހާރު ތިބި މީހުނަށް ނޫންބަޔަކަށް ދާއިރާ އަށް ނުވަދެވޭ ވަރަށް ބާރުވެރި.
ހެޔޮ ބަދަލަކީ ކޮބާ؟
16 March 2020
މިހާރު ރާއްޖޭގެ މަތީ ތައުލީ މް ދޭ މަރުކަޒުތަކުން ހިންގަނީ ތަނަކުން ކޮޕީކޮށްގެން އެ މްކިއު އޭގެ މިންގަޑަށް އެ ކޮޕީ ކުރި ކޯސް ފެތޭކަ މަށް ދައްކައިގެން އެޕްރޫވް ކޮށްގެން ހިންގާ ކޯސްތައް. ކޮންޓެންޓް ގެ ފެންވަރެއް ނުހުންނާތީ މުޅި ގައު މުގަ ހުސް ކޯސްނިން މާފަ ތިބި މީހުން. ޒަ މާނީ ތަޢްލީ މީ ގާ ބިލް ބައެއް ނު އުފެދޭ. ކުދިން ކީއްކުރާނީ؟ މިކޮލެޖް ތަކުގެ ހުރި ފެންވަރެއްތާ އެކުދިންނަށް ލިބޭނީ.