ރާއްޖެ އައި އިޓަލީގެ އާއިލާ ފުރަން އެއާޕޯޓުގައި: ތުއްތު ކުއްޖާ ކޮވިޑް-19އަށްް ޝައްކުކުރެވިގެން ކަރަންޓީން ކުރި ނަމަވެސް ޓެސްޓުތައް ނެގެޓިވް
16 މާޗް 2020 - 19:13
20 comments
މުޅި ދުނިޔޭގައި ހަލުއިކަމާ އެކު ކޮވިޑް-19 ފެތުރެން ފެށުމާ އެކު، އެ ބަލި ރާއްޖެ އަށް ވެސް އަންނާނެ ކަމަށް ގިނަ ބަޔަކު ލަފާކުރި އެވެ. އެކަމަކު ރާއްޖޭން އެ ބައްޔަށް އެންމެ ފުރަތަމަ ޝައްކު ކުރެވޭ މީހުންގެ ތެރޭގައި ތުއްތު މި ކުއްޖާ ހިމެނި، ދަރިފުޅު ކަރަންޓީނު ކުރާނެ ކަމަކަށް އޭނާގެ މައިންބަފައިން އުއްމީދެއް ނުކުރެ އެވެ.
އިޓަލީގެ މި ދެމަފިރިން ވ. ތިނަދު އަށް ދިޔަ ޗުއްޓީ ކުރުކޮށްލަން ޖެހުނީ ތުއްތު ކުއްޖާ އެ ރޯގާއަށް ޝައްކުކޮށް، ކަރަންޓީނު ކުރަން ޖެހުމުންނެވެ. މިއީ މި ރޯގާއަށް ޝައްކު ކުރެވޭ މީހުން އެކަހެރިކޮށް ބައިތިއްބުމަށް ކ. ވިލިވަރުގައި ގާއިމު ކުރި ތަނުގައި ކަރަންޓީނު ކުރި ފުރަތަމަ ކުއްޖާ އެވެ. ޓެސްޓު ނެގެޓިވްވި ނަމަވެސް، މިއީ އެ މީހުން ސިފަ ކުރިގޮތުގައި "އުއްމީދުނުކޮށް ހުއްޓާ ކުރިމަތިވި ބަދުނަސީބު ހާދިސާ" އެކެވެ.
ކަރަންޓީނުގެ 14 މުއްދަތު ހަމަވުމުން މިއަދު އެ އާއިލާ އެނބުރި ގައުމަށް ފުރައިފި އެވެ. އެކަމަކު އެނބުރި ރާއްޖެ އައުމަށް އެދި ހިލޭ ދިން ޗުއްޓީއަކާ އެކު އެވެ.
“The pages of our fairytale took an unfortunate turn that we didn’t expect. But our story will continue in 2021, together we will write a new chapter in the #SunnySideOfLife with the melody of palms and the songs of the sea to keep us company”
— Ministry of Tourism (@MoTmv) March 16, 2020
Wishes from Maldives 🇲🇻 to Italy 🇮🇹 pic.twitter.com/nWXAVEvTYw
"އަހަރުމެންގެ މި ފެއަރީޓެއިލްގެ އާ ސަފުހާއެއް ލިޔުމަށް 2021 އަދި ރާއްޖެ އަންނާނަން. ސަނީސައިޑްއޮފްލައިފްގައި ޗުއްޓީ ހޭދަކުރާނީ ފަންތަކުގެ ރާގާއި މޫދުގެ ލަވައާ އެކުގައި،" އާއިލާއަށް ހަދިޔާއަކަށް ދިން، ދޯންޏެއްގެ ރިޔަލުގައި ލިޔެފައި ވެ އެވެ.
އާއިލާއިން އަންނަ އަހަރު ރާއްޖެ އަންނަން ބޭނުންވުމުން، ޓޫރިޒަމް މިނިސްޓްރީން ވަނީ އެ ދަތުރު ސްޕޮންސާކޮށްފަ އެވެ. މިއީ އެ އާއިލާއިން އުފުލި ތަކުލީފަށް ރާއްޖޭގެ ފަރާތުން ދިން ހަދިޔާ އެކެވެ.
އެއާޕޯޓުން އެ އާއިލާއާ، ޓޫރިޒަމް މިނިސްޓަރު އަލީ ވަހީދު ވެސް ބައްދަލު ކުރެއްވި އެވެ. އަދި އިޓަލީ އަށް ރާއްޖޭގެ ފަރާތުން ހެޔޮދުއާ ކުރެއްވި އެވެ.
ނުރައްކާތެރި ރޯގާގެ ބިރު ބޮޑުވެ، އިޓަލީ ހިމެނޭ ގޮތަށް އެހެން ބައެއް ގައުމުތަކުން ވެސް ޓޫރިސްޓުން ރާއްޖެ އައުން ވަނީ މަނާކޮށްފަ އެވެ. އެއާ އެކު ޓޫރިޒަމްގެ ވިިޔަފާރި ދަށްވެ، ރާއްޖޭގެ އިގްތިސާދަށް ވަނީ ލޮޅުން އަރައިފަ އެވެ. އެކަމަކު، ރާއްޖެ ދޫކޮށް ދިޔަ ޓޫރިސްޓުން ދައްކައިދިނީ އަދިވެސް އެ މީހުންގެ ހިތުގައި މި ގައުމަށް އޮތް ލޯތްބެވެ.
ކޮވިޑް-19 ރޯގާ އަށް ކުޑަކުއްޖާ ޝައްކު ކުރެވުމާ އެކު، ސަރުކާރުން ވަނީ ތިނަދުއަށް އަރައި ފޭބުން މަނާކޮށްފަ އެވެ. މިއީ މި ރޯގާއާ ގުޅިގެން ރާއްޖޭގެ މީހުން ދިރިއުޅޭ ރަށަކަށް އަރައި ފޭބުން މަނާކުރި ފުރަތަމަ ފަހަރެވެ.
އޭގެ ކުރިން، ޅ. ކުރެއްދޫގެ ޓޫރިސްޓަކު ވައިރަހަށް ޕޮޒިޓިވުމުން، އެ ރިސޯޓް ބަންދު ކުރި އެވެ.
ކޮވިޑް-19 އަށް މި ވަގުތު ރާއްޖެ އިން 13 މީހަކު ޕޮޒިޓިވް ވެފައިވާއިރު އޭގެ ތެރޭގައި ގިނައީ ޓޫރިސްޓުންނެވެ. ދެން ހިމެނެނީ އެ ޓޫރިސްޓުންނާ ކޮންޓެކްޓްވި ރިސޯޓްތަކުގެ ބިދޭސީ މުވައްޒަފުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
18 March 2020
ވަރަށް އުފައުވެއްޖެ.
އިޓަލިއާނޯ
17 March 2020
އިޓަލީ ބަހުން ލިޔުންކޮޅު ލިޔެލިނަަމަ ވރަށް ފުރިހަމަވީސް. އިޓަލީ ބަސް އިނގޭ މީހުން ވަރަށް ގިނަވާނެ. ޖާބިރު ކައިރީ ބުނިނަމަވެސް އެކަން ކޮށްދިނީސް..
އިޓަލީ ވަހީދު
18 March 2020
ޖާބިރު ދެއްކީ ދިވެހިބަހުން އިޓަލީ ރާގަށް. ޢިޓަލިޔާނޯސް މޯލްޑިޔާނޯސް ފްރެންޑިއާނޯސް. ޓޫރިސްޓިޔާނޯސް ނާންނަނީމާނޯސް ގެއްލުންވަނިޔާނޯސް. މިހަކަލަ ގޮތަކަށް
އެދުރުބެދަރި
18 March 2020
މަގޭ ވަރަށް ގާތް ރައްޓެއްސަކު އުޅޭނެ. އޭނަޔަށް ކިޔާނީ ގޫގުލް ޓްރާންސްލޭޓަރު
އާދަމް ޝަރީފް
17 March 2020
ރާއްޖޭގެ އިގްތިސާދުގެ ލޭނާރަކީ ޓޫރިޒަމް އެހެންކަމުން އަބަދުވެސް ލޭނާރު ބެދުނަ ނުދީ ވޭތޯ މަސައްކަތް ކުރަން މަޖުބޫރު. އެ އާއިލާއަށް ދިމާވި ބަދު ނަސީބު ހާލަތާ ގުޅިގެން ހިތްހެޔޮކަން ފާޅުކުރުމަށް މިކަހަލަ ކަމެއް ކޮށްލުން ރަގަޅު.
ބޮލި މުލައެް
17 March 2020
ރައްޔަތުން ހަނާވަނީ ދައުލަތުގެ މާލިއްޔަތަށް މިވެރިން ހަދަނީ ހަދާނެ އެއްޗެއް. ހުވާ މިބުނީ ކައުންސިލް އިންތިހާބުގަ ރީތި ގެއެއްގެ ސޮލަވާތަށް އަރުވަދޭނަން.
ބޮޑުމީހާ
16 March 2020
ތި ފައިސާ ޚަރަދުކުރޭ ކޮންމެވެސް މަސްވެރިކަމުގެ ޕްރޮހެކްޓަކަށް، ނޫނީ ދަޑުވެރިކަމަށް.
ސޯޓު
16 March 2020
ކަލޯގަޔާ މިއޮތީ ވާ ގައުމެއް. މިއޮތީވާ ޓުއަރިޒަމް އެއް. މިއޮތީ ވާ އިކޮނޮމީ އެއް. ވާ ވާ ވާ. ވާވައްދާފަ ވަލަށް ބާރުކޮށްފަ ބަހައްޓާ.
ޑރ.ރާމީ ހަސަން ނިއުޔޯކް/އެެމެރިކާ
16 March 2020
ނެގެޓިވް ވީތީ އެފަރާތަށް ޝުކުރު ! ނަމަވެސް މިހެން ނެގެޓިވް، ނެގެޓިވް ކިޔާލަ ކިޔާލަ ތިބެވޭ ކަށް ނެތް ! މުޅި ރާއްޖޭ ގެ އެންމެނަށް މިއަދާއި ހަމަ އަށް ވެސް 20 އެނދު ގެ އައި.ސީ.ޔޫ އެއް ނެތް. ވީމާ މިހާރު 200 އެނދު ގެ އައި.ސީ.ޔޫ އެއް އަޅަން ވިދާޅުވާ ސަރުކާރުން، "ބޯރޑަރ ލޮކްޑައުން" އަކަށް ވިސްނާވަޑައިންނަވަން ޖެހޭނެ!!!!!! އެއް ފަހަރު ކައިގެން ތިބެގެން ނަމަވެސް މިކަން ކުރަން ވެއްޖެ !
ގޯސް
16 March 2020
ހެޔޮނުވާނެ ދިވެހިންގެ ޓެކްސްފައިސާއިން ތިޔަހެން ހަމަ ހިތަށްއެރުމުން ޗުއްޓީދަތުރުނުދީ. ހަމަ ދެވަނަ ބުރޯ.
ވެސްޓް
16 March 2020
ކީއްވެ ރިސޯޓަކުން ސްޕޮންސާ ނުކުރަނީ؟ ޢަބަދު މިފެންނަނީ ޓުވަރިޒަމް މިނިސްޓްރީއިން ކޮންމެވެސް ބޭރުގެ ޓުވަރިސްޓަކަށް ހޮލިޑޭ ދަތުރަކަށް މަތިން ބައިންޖެހިގެން ޕޭކުރަން އުޅޭތަން. މިނިސްޓްރީގަ މާ ފައިސާ ގިނަވެގެން އުޅެނީކަންނޭގެ. ޓެކުސް ފައިސާކޮޅު އެހެން މިހެން ތަޅާ ހުސްކުރަނީ ސަރުކާރުން. ރައްޔިތުން މިތިބެންޖެހެނީ ހަނާވާން
މަހާ
16 March 2020
މީި އެމްއެމްޕީއާރްސީން ކުރަންޖެހޭ ޕީޢަރ ކަންކަން . ޓޫރިޒަމްމިނިސްޓަރު ކުރަންޖެހޭކަންކަން ބަހައްޓާފަަ ކަމަކީ ސްޓަންޓްޖެއްސުން.. މިވަގުތު މިނިސްޓަރު ކުޑަކުއްޖާގެކޮލުގަ އެއަތްލަނީ. ޢަތްލާފަ އިޟްތިހާރުކުރަނީ.. މީ ދެންބޮޑުވަރު.. ސްޓުޕިޑް.