ޖިމެއްގައި ބަޔަކު ކަސްރަތު ކުރަނީ: މާލޭގެ ހުރިހާ ޖިމްތަކެއް ވަނީ ބަންދުކޮށްފައި
16 މާޗް 2020 - 20:03
13 comments
ރާއްޖެ އަށް ވެސް ކޮރޯނާވައިރަސް ފެތުރި، 13 މީހެއްގެ (ޓޫރިސްޓުން/ބިދޭސީން] ގެ ގައިން އެ ވައިރަސް ފެނުމާ ގުޅިގެން، ރައްކާތެރިކަމުގެ ފިޔަވަޅެއްގެ ގޮތުން، މާލެ އާއި ވިލިމާލެ އަދި ހުޅުމާލޭގައި ހިންގާ ހުރިހާ ޖިމާއި ފިޓްނެސް ސެންޓަރުތައް މިއަދު ބަންދުކޮށްފި އެވެ.
މާލެ ސަރަހައްދުގައި ހިންގާ ޖިމް/ފިޓްނަސް ސެންޓަރުތަކުގެ އިސްވެރިން މިއަދު ބޭއްވި ބައްދަލުވުމެއްގައި، އެ ތަންތަން ބަންދުކުރަން ނިންމީ، ރާއްޖޭގައި މިހާރު އިއުލާންކޮށްފައިވާ ސިއްހީ ނުރައްކަލުގެ ކުއްލި ހާލަތާ ގުޅިގެންނެވެ.
ޖިމްތަކުގެ ފަރާތުން ވާހަކަ ދެއްކެވި، ޓީއެފްޖީގެ ސީއީއޯ ހުސެން ޒިނާން ވިދާޅުވީ، މިއީ ފިޓްނަސްގެ ވިޔަފާރި ހިންގާ ކުންފުނިތަކަށާއި މީހުންނަށް ލިބޭނެ ވަރަށް ބޮޑު ގެއްލުމެއް ކަމަށާއި ބައެއް ވިޔަފާރިތައް އެއްކޮށް ވެސް ހަލާކުވެދާނެ ކަމަށެވެ. އެކަމަކު، މިއީ ވިޔަފާރި އަށް ވުރެ ބޮޑަށް، އާއްމުންގެ ސިއްހަތު އިސްކުރަން ޖެހޭ ވަގުތު ކަމަށް ވުމުން ތަންތަން ބަންދުކުރަން ނިންމީ ކަމަށް އޭނާ ވިދާޅުވި އެވެ.
ޒިނާން ވިދާޅުވި ގޮތުގައި، މާލޭގެ ސަރަހައްދުގައި ވިއްސަކަށް ވުރެ ގިނަ ޖިމާއި ފިޓްނަސް ސެންޓަރުތައް ހުރި އިރު، މި މަހުގެ 28ގެ ނިޔަލަށް އެ ހުރިހާ ތަންތަން ބަންދުވާނެ އެވެ.
"އަޅުގަނޑުމެންގެ އިނގިލި ބިނދުނު ނަމަވެސް މިހާރު މިއީ ގައުމީ ކަމެއް. އެހެންވެ، އަޅުގަނޑުމެން ބޭނުންވީ މިކަމުގައި ބައިވެރިވެ، ވެވެން އޮތް އެހީއެއް ވާން،" އޭނާ ވިދާޅުވި އެވެ.
ޒިނާން ވިދާޅުވީ ޖިމާއި ފިޓްނަސް ސެންޓަރުތަކުން ހިދުމަތް ހޯދާ މީހުންގެ އަދަދު ގާތްގަނޑަކަށް 7،000 އަށް އަރާއިރު، އެ މީހުންނަށް ފިޓްނަސްއާ ގުޅޭ މައުލޫމާތު އެހެން ގޮތްގޮތުން ފޯރުކޮށްދެވޭތޯ ބަލާނެ ކަމަށެވެ.
ކޮރޯނާ ވައިރަސްއަށް ޕޮޒިޓިވް ވެފައިވާ 13 މީހަކު ރާއްޖޭން ވެސް ފެނިފައިވާއިރު، ހަރުކަށި ގިނަ ފިޔަވަޅުތަކެއް ވަނީ އަޅައިފަ އެވެ. އެގޮތުން ރިސޯޓުތަކަށް އަރައިފޭބުން މަނާކޮށް، މާލެ ސަރަހައްދުގެ ގެސްޓް ހައުސްތަކަށް ޓޫރިސްޓުން ގެނައުން ވެސް ވަނީ މަނާކޮށްފަ އެވެ. އަދި ރާއްޖޭގެ އެކި ރަށްރަށުގައި ހިންގާ ގެސްޓް ހައުސްތަކަށް ޓޫރިސްޓުން ގެންދިއުން ވެސް އެ ތަންތަނުން ވަނީ ވަގުތީ ގޮތުން ހުއްޓާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާކޮލި
17 March 2020
ކަންކަން މަނާ ކުރުމަށާއި ރައްކާތެރި ކަމުގެ ފިޔަވަޅުތައް އެޅުމުގައި ތަރުތީބެއް އޮވޭ. ސްޓެޕް 1 ނުނަގާ ނޫނީ ނަގަން ނުކެރި ސްޓެޕް 4، 5، 6 ނެގިޔަސް ނުވާނެ. ފަތުރުވެރިން ހަމަ ބަލި ޖެހިގެން އަންނަ ވަރަކަށް އަންނަނީ
ނުވަވަނަ
16 March 2020
ސްކޫލް ބަންދު. ޖިމް ބަންދު. އޮފީސްތަށް އޯޕަން. ހޮޓާތަށް އޯޕަން. ރައްޔިތުން ފަރުދީ ޒިންމާ އަދާ ކުރަން އޮފީހުން ގޭން ކޮފީއަށް. އިންޓަނޭޝަނަލް އޭއާޕޯޓު ވައިޑް އޯޕަން.
ޝާޑު
17 March 2020
ރާއްޖެ ތަފާތުވާނެ.
ބީވާ
16 March 2020
މިކަންތައް ބޮޑު ޑުރާމާ އަކާއި ދިމާލަށް މިސްރާބު ޖަހާފަ ހުރިހެން ހީވާންފަށައިފި. އެއާޕޯޓުން އެތެރެވެ ރިސޯޓް ތަކަށާއި ސަފާރީތަކަށް އަންނަ ޓުވަރިސްތުންގެ ފަރާތުން ބަލި ފެތުރެނީ. އެކަން ކޮންމެވެސް ކުއްޖަކު ސަރުކާރަށް އަންގަދީބަލަ. މީހުން ދިރިއުޅޭ ރަށްރަށުގައި ހުންނަ ޖިމްތަތަކާއި ވަޑާންގެ އަކުންނެއް ނޫނޭ.
ބަކަމޫނު
16 March 2020
ނުޖެހޭ ބަންދު ކުރާކަށް. ރަގަޅަށް އަތް ދޮވެ ހަދައިގެން ގޮސް ބޭނުން ކުރެވޭނެ. ކޮންފަދަ ކަމެއްތަ ދެން އަޅެ މިއީ؟
ފުތާ
16 March 2020
އެންމެ މުހިއްމީ ބަލި އެތެރެވާ މައި ދޮރޯށި ބަންދުކުރުން. އެހެންނޫނީ ހައްލެއްނެތް. ޢެކި ގޮތްގޮތުން އިންޒާރުގެ ރަނގަބީލު ޖެހެމުންދާއިރުވެސް ތުބެންވީތޯ މައިދޮރޯށި ހުޅުވާލައިގެން؟
ޗައިނާ
16 March 2020
ޖިމްތަކުން ވަރަށް ގިނަ ކޭސް ތައް ފެނި ގުޅިފަވަނީ ދުނިޔޭގެ ގައުމުތަކުން
މީރާ
16 March 2020
މީހުން އެއްވާތީ ޖިމް ބަންދު އެކަމަކު ކެފޭ އޯޕަން. މީތި ކަޑައޭ. އެއްބައިމީހުން ކާން ބޯން ކުރާ މަސައްކަތް އެއީ ޕީ.ޓީ ނަގައިދިނުން. އެމީހުންގެ އާއިލާ އާއި ކުލި ކާކު ޒިންމާވާނީ؟
16373883@2
16 March 2020
ކޮން ގެއްލުމެއްތަ ތިމީހުންނަށް ލިބޭނީ. ފީ ދައްކާފަދޯ ހުންނާނީ
8 ޕެކް
16 March 2020
ދެން ކަސްރަތުކޮށް. ޢަހަރެންގެ 8 ޕެކް އެބްސް ބަހައްޓާނީ ކިހިނެއް؟
ހިޔާލެއް
16 March 2020
ކީއްކުރަންތަ ؟ ........ އެއްވެސް ތަނެއް ބަންދު ކުރާނެ ކަމެއްނެތް....... މިބަލި އަންނަން އޮތް ހަމައެކަނި ދޮރު ، ރާއްޖެއިން ބޭރުން ފަތުރުވެރިން ނާއި މީހުން ގެނައުން އެހެރީ ހުޅުވާފައި...... ރިސޯރޓް ތަކުގައި ވެސް މުއައްޒަފުން އެކަނި ކަރަންޓީނު ވެފައި...... ކޮން ސަކަރާތެއް މިޖަހަނީ...... ފުރަތަމަވެސް އަޅަންވީ ފިޔަވަޅުތައް އެހެރީ ދޫކޮށްލައިފައި.....