މާލެ-ހުޅުމާލެ އާ ދެމެދު އަޅަމުންދާ ބްރިޖުގައި، ބްރިޖްގެ ހޮޅިއެއް ކަނޑު އަޑި އަށް ފައްތަން ތައްޔާރުކޮށްފައި. ބްރިޖުގެ ދެބައި ކުޅަ އެއްބައި ހޮޅި ޖަހާ ނިމިފައިވާ ކަމަށް މިނިސްޓަރު މުއިއްޒު ވިދާޅުވި.-- ފޮޓޯ: ނިޝާން އަލީ/މިހާރު
10 އޮކްޓޯބަރ 2016 - 11:34
17 comments
މާލެ އާއި ހުޅެލެއާ ދެމެދު އަޅާ ބްރިޖުގެ ފައުންޑޭޝަން ޕައިލްގެ ދެބައިކުޅަ އެއްބައި ޕައިލް ކޮށް ނިމިފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ހައުސިން މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު މުއިއްޒު ވިދާޅުވީ ބްރިޖުގެ ޖުމްލަ ހަތް ތަނބުގައި ހުންނަ 35 ހޮޅީގެ ތެރެއިން 17 ހޮޅި ޖަހާފައިވާ ކަމަށެވެ. އަދި ބްރިޖުގެ މަސައްކަތް ޗައިނާގެ ސީސީސީސީ ކުންފުނިން ކުރަނީ އެއްވެސް މައްސަލައެއް ނެތި ކަމަށް އޭނާ ވިދާޅުވި އެވެ.
ނޫސްވެރިންގެ ބައްދަލުވުމުގައި މިނިސްޓަރު މުއިއްޒު ވާހަކަ ދައްކަވަނީ. ބްރިޖުގެ ބައެއް މަސައްކަތްތައް ކުރިއަށް ދަނީ ޝެޑިއުލަށްވުރެ އަވަހަށް ކަމަށް އޭނާ މިއަދު ވެސް ވިދާޅުވި. - ފޮޓޯ: ނިޝާން އަލީ/ މިހާރު
"މަޑު ޖެހުމެއް ނައިސް ޝެޑިއުލާ އެއްގޮތަށް ދަނީ، ބައެއް ޓާސްކްތައް ޝެޑިއުލަށް ވުރެ ބާރަށް ކުރިއަށް ދޭ،" ބްރިޖުގެ މަސައްކަތް މަޑުޖެހިފައި އޮތް ކަމަށް ދެކެވޭ ވާހަކަތައް ދޮގު ކުރައްވާ މުއިއްޒު ވިދާޅުވި އެވެ.
މުއިއްޒު ވިދާޅުވީ ބާކީ ހުރި ހޮޅިތައް ޖެހުމުގެ ކޮންމެ ދުވަހަކުހެން މަސައްކަތް ކުރަމުން އަންނަ ކަމަށެވެ. އަދި ބްރިޖުގެ މަސައްކަތް ވަރަށް ރަނގަޅަށް ކުރިއަށްދާ ކަމަށް އޭނާ ވިދާޅުވި އެވެ.
ބްރިޖު އަޅާ ޗައިނާގެ ސީސީސީސީ ކުންފުނިން ވަނީ ހުޅުލޭ ކޮޅުން ބްރިޖުގެ މައި ތަނބުގެ ހަތް ހޮޅި ކަނޑު އަޑިއަށް ފައްތައިފަ އެވެ. އޭގެ ތެރެއިން ތިން ހޮޅިއަކަށް ވަނީ ކޮންކްރީޓް ވެސް އަޅައިފަ އެވެ. އެކަމަކު ފެނުން މަތީގައި ތަނބުތައް ހުއްޓާ ފެންނަވަރެއް އަދި ނުވެ އެވެ.
ހައުސިން މިނިސްޓްރީން ބުނީ ތަނބުތަކަށް ބޭނުންވާ ހުރިހާ ހޮޅިއެއް ޖަހައި އަންނަ ޑިސެމްބަރު މަހުގެ ތެރޭގައި ނިންމާލެވޭނެ ކަމަށެވެ.
ބްރިޖްގެ ހޮޅިއެއް ކަނޑު އަޑި އަށް ފައްތަން ތައްޔާރުކޮށްފައި. --ފޮޓޯ: ނިޝާން އަލީ/ މިހާރު
މާލެ އާއި ހުޅެލެއާ ދެމެދު އޮންނަ ކަނޑަކީ އޮއިވަރު ގަދަ ހިސާބެއް ކަމަށްވާތީ އަޑިއަށް ހޮޅިއެއް ދާއިރު، އޮއި ހުންނަ ގޮތުން އެ ހޮޅި ބެލެންސް ކުރުން ފަދަ ކަންކަމަކީ ވަރަށް އުނދަގޫ މަސައްކަތެކެވެ. އެ މަސައްކަތް ނިމުމުން މިހާރަށް ވުރެ މަސައްކަތުގެ ސްޕީޑް އަވަސްވާނެ ކަމަށް ހައުސިން މިނިސްޓްރީގެ ވެރިން ވިދާޅުވެ އެވެ.
ބްރިޖްގެ މަސައްކަތަށް 200 މިލިއަން ޑޮލަރު ޚަރަދުވާއިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެއެވެ.
މާލެ އާއި ހުޅުލެއާ ދެމެދު އަޅާ ބްރިޖުގެ މަސައްކަތް ނިންމަން ސީސީސީސީއާ އެކު އެއްބަސްވީ ސެޕްޓެމްބަރު 2018ގެ ނިޔަލަށެވެ. އެކަމަކު އޭގެ ކުރިން އެ އަހަރުގެ ޖުލައި 26 އަށް މަސައްކަތް ނިންމާލެވޭނެ ކަމުގެ ޔަގީންކަން ބޮޑު ހައުސިން މިނިސްޓްރީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ
10 October 2016
މަރުހަބާ ރައިސް ނަޝީދު މިފެންނަނީ މަނިކުފާނު ގާއިމުކޮއްދެއްވި ޓެކްސްގެ ފޮނިމީރުކަން ކޮންމެ ގައުމަކުންވެސް ކަމެއްކޮއްދެއްވާނީ އޭގެބަދަލު ލިބޭގޮތައް އެހެންނަމަ ހުޅުމާލެއިން ނިކަމެތިންނައް ގޯތިވެސް ދޭނެނޫން
Hi
06 July 2017
ލަދު ހަޔާތްވެސްނެތްބައެކޭމީ.ބްރިޖް އަޅާވާހަކަ ބުނީމަ ތީ ކިހިނެތް ވާނެ ކަެއްމެއްހޭ ތިއުޅޭ އަންނިބުނީ
އާމިނަތު
10 October 2016
ހާދަހާ ދެރެކަމެއް، ތިޔަނޫނީ ތަނެއްގައި ބުރިޖެއް ނާއަޅަނިތޯ... މިއޮތް އަވައްޓެރި އިންޑިޢާގައި އެތަކެއްސަތޭކަ ކިލޯމީޓަރ ދިގުމިނުގައި އެތަކެއް ބުރިޖުތަކެއް އެބައަޅާ އަދި ހަމަ ކަނޑުހުރަންކޮށް އެއޮތް ބޮމބޭގައި 590 ކިލޯމީޓަރުގެ ބުރިޖެއްއަޅައި ބޭނުންކުރަމުން އެބަދޭ... ހީވާ ކަހަލަ ކުކުޅެއް ރަންބިސް ތަކެއް ވިހަނީހެން... އަބަދު ތިޔަ ކުޑަ ކުޑަ ބުރިޖުގަނޑުގެ ވާހަކަ.... ބުނަލަންބޭނުން ތިޔަ ކުޑަ ކުޑަ ބުރިޖުގަނޑު އެތަކެއްހާސް ބައި ތިޔަ ތަންކޮޅައް ބާލާއިރު އަގުބޮޑުކަން... ގިނަވެގެން ތިޔަތަނުގެ ސައިޒަތް ބަލާނަމަ 30 އަދި 50 މިލިއަން ޔޫ އެސް ޑޮލަރު ގެ މަސައްކަތެއް... ޓައިއަޅައިގެން އަބަދު ތި ޕުލެޓު ފޯރމުގަނޑުމަތީގައި ތިބެ މީހުން ތިޔަބައިމީހުނައް މިހާރު ޖޯކުވެސް ޖަހަން ފަށައިފި އިނގޭތޯ.؟؟؟
GAN Island
10 October 2016
ތިޔަ ބްރިޖެއްގެ ސަބަބުން އުފާވެރިކަން ލިބޭނީ އާބާދީގެ ވަރަށް މަދުބަޔަކަށް. ރާއްޖޭގެ އެތައް ރައްޔިތުން ސާފު ބޯފެނާއި ނަރުދަމާގެ ހިދުމަތުން ބޭރުކޮށް މާލޭ ބިންވެރިންނަށް ދައުލަތުގެ ހަޒާނާ ތިހުސްކޮށްލަނީ ވަކި ފޮނިތަކެއް ބޮވޭނެ ކަމަށްތޯ ؟؟ ފަހުން ތީގެ ނަތީޖާ ގޯސްވާ ދުވަހަކުން ޒިންމާ ނަގަން ވާނެ.
މޭކާބެ
10 October 2016
ބާކީހުރި ތަންބުތައް ޖަހާލާފަ ކުރިޔައް ހުރި ކަންކައް ޖީއެޓީ % 12 އައް ބޮޑުކޮއްލުން ބޯފެނުގެ އަު %100 ބޮޑުކޮއްލުން ކުއްޔައް ދޭތަން ތަނުން ޓެކްސް ނެގުން
ރރރ
10 October 2016
ބުރިޖެކޯ އެއެޅީ، 19 އަތޮލުގެ ޔައްޔިތުން އަތުން %500 ކާޑު އަގު ބޮޑުކޮއް ލީ، ހޮޓާ ތަކުން ބިލެއް އަރިޔެއް 7 ރުފިޔާ ހެހެ އަޅެދިވެ ހިން މީ ގަމާރުން ތަކެއްތަ. މައަޅާދީފާނަން ތުރާކުނުން ގަމައް ބުރިޖެއް. އެކަމު %2000 ކަރަންޓުބިލު ބޮޑުވާނެ
މަރީ
10 October 2016
އަޅެ ތިބްރިޖްގެ ވާހަކަ އަބަދު ނުދައްކަބަ. މޭކަރަނީ އޭ!
އިންސައިޑަރ
10 October 2016
ހަބޭސް
އެދުރުބެ
10 October 2016
ދިެވހި ސިޔާސީ މާހައުލުން މިފެންނަ ނުތަނަވަސް ކަމަކީ ރައީސް ޔާމީން ގެ ކެޕޭސިޓީ ނޭގި ރަޢިސް ޔާމިން ވެރިކަމަށް ނެގީ އަންނި ގޮތައް ކުރެވޭ ނުކުރެވޭ ކަމެއް ނޭގި ބޮލުގައި ފޮށާ އަޅައިގެން ދުއްވައިގެންފާނެ ކަމަށް ބަލާ.. އެހެނެއް ނުވި. ބާރު ސްޕީޑްގައި ޕްރޮޖެކްޓްތައ ހިނގަން ފަށައިފި. ރަންރީނޑޫ ގެ އަދެއް ބަޑެއްވެސް ނެތް. މައުމޫނުވެސް ހުުރީ އަދި އަތް ބާނަން ވެިސްނާއިގެން. އެފުރުސަތެއް ވެސް ނުލިބުނު. ހުވަފެނެއް ކަމަށް ބުނި ހުރިހާ ވައުދެއްވެސް އެދަނީ ފުއަދަމުން.
ހަސަނު
10 October 2016
ޝުކްރިއްޔާ ޗައިނާގެ ރައީސް...
ޝަހާމް އިބްރާހިމް
10 October 2016
"ބުރިޖް ޔަގީން... ރައިސް ޔާމީން 2018 ވެސް ޔަގީން ވެއްޖެ" މިއީ ވަރަށް ފައްކާ ކޯޓްކޮޅެކެވެ. ހަމަ "ޔަގީން" ވާ ކަމަކީ ބްރިޖް އެޅިއްޖެ ނަމަ މައުމޫނެއް، އަންނިއެއް، ޑރ. ޖަމީލެއް، ގާސިމެއް ކިޔާނެ ކަމެއް ނެތެވެ. ހެޔޮވިސްނޭ ރައްޔިތުން މިކަމާމެދު އުފާކޮށް ރައީސް ޔާމީނަށް ދެވަނަ ދައުރެއް ދޭނެތީއެވެ. އަސްލު ހުރިހާވެސް މައްސަލައަކީ މިއީއެވެ. މިކަން މިބީދައިގެން ގޮސްފިނަމަ، ރައީސް މައުމޫނުގެ ދަރިކަލުން ފާރިޝް އެ ގޮނޑިއަށް ލައްވަން އަދި އިތުރު 5 އަހަރު މަޑުކުރަން ޖެހޭނެއެވެ.