ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް. އޭނާ ވިދާޅުވީ ލާމަރުކަޒީ ގާނޫނު އއި ފަހުން މާލޭގެ ހާލަތު ދިޔައީ ދަށަށް ކަމަށް.
17 މާޗް 2020 - 14:28
25 comments
ލާމަރުކަޒީ ގާނޫނު އައިފަހުން މާލޭގެ ހާލަތު އޭގެ ކުރިއަށް ވުރެ ދަށް ވެފައިވާ ކަމަށާއި އައްޑޫގައި ވެސް ބައެއް ކަންތައްތައް ގޯސްކޮށް ހިނގާ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް (މަވޯޓާ ޝަރީފް) މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ލާމަރުކަޒީ ގާނޫނަށް ސަރުކާރުގެ ފަރާތުން ހުޅުމާލޭ ދާއިރާގެ މެމްބަރު އަލީ ނިޔާޒު ހުށަހެޅުއްވި އިސްލާހަށް ބަހުސް ކުރައްވަމުން ޝަރީފް ވިދާޅުވީ ބައެއް ރަށްރަށުގެ ކައުންސިލަރުންގެ ރަށްޓެހިންނަށާއި ތިމާގެ މީހުންނަށް ބިން އަގުހެޔޮކޮށް ބިން ދޫކުރުން ފަދަ ކަންތައްތައް ވެސް ހިނގާ ކަމަށާއި އައްޑޫގައި ވެސް އެހެން އެކަން ހިނގާ ކަމަށެވެ. އޭނާ ވިދާޅުވީ މާލޭގައި ވެސް ކުދިކުދި ގޯޅިތަކާ މެދު އެއްދުވަހު އެއްގޮތަށް އަނެއް ދުވަހު އަނެއް ގޮތަށް ކަންތައްތައް ކުރާތީ ބޮޑެތި ގެއްލުންތައް ވަމުންދާ ކަމަށެވެ.
"މިއީ ރެއާ ދުވާލު އަޅުގަނޑުމެންނަށް ފެންނަން އޮންނަ ކަމެއް. ލާމަރުކަޒީ ގާނޫނު އައުމުގެ ކުރިން އޮތް ހާލަތަށް ވުރެ މާ ބޮޑުތަން ދަށަށް، މާލޭ ސިޓީގައި ވެސް މިދެންނެވި ގޮތަށް، ރައްޔިތުންނަށް ދޭން ޖެހޭ އެންމެ އަސާސީ ހިދުމަތުގެ ފެންވަރުގައި ވެސް ކަންތައް ދަށްވެފައިވާކަން އަޅުގަނޑު ހިތާމައާ އެކު ފާހަގަކުރަން،" ޝަރީފް ވިދާޅުވި އެވެ.
އޭނާ ވިދާޅުވީ ގާނޫނުތަކަށް ގެންނަ ބަދަލުތަކުގެ ސަބަބުން އެފަދަ މައްސަލަތައް ހައްލުވާނެ ކަމަށް އުއްމީދުކުރައްްވާ ކަމަށެވެ. ގާނޫނު ވަރުގަދަ ނުކުރެވިއްޖެ ނަމަ ކޮންމެ މީހަކު ގާނޫނުން ބޭރުން އަަމަލުކުރަން ފަށައިފާނެ ކަަމަށާއި ސުލްހަމަސަލަސްކަމާއި އަމަންއަމާންކަން އޮންނާނީ ގާނޫނުތައް ފުރިހަމަވެގެން ކަމަށް ވެސް އޭނާ ވިދާޅުވި އެެވެ.
މިހާރު ހުރި ގާނޫނުތައް ވެސް އެންމެ އެދެވޭ ގޮތަށް ތަންްފީޒުނުކުރެވޭ ކަަމަށާއި މީހުން ގިނަ ސަރަހައްދުތައް ކަމަށްވާ އައްޑު އާއި މާލޭގައި ޖެހޭ މައްސަލަތައް ބޮޑެތިވަމުން ފުޅާވަމުން ދިއުމަކީ ކަންބޮޑުވުމެއް ކަމަށް ވެސް ޝަރީފް ވިދާޅުވި އެވެ.
"އަދި ހާއްސަކޮށް ސިޓީތަކުގައި، އައްޑޫ ސިޓީ މާލޭސިޓީ ކަހަަލަ ބައިބޯ، މީހުން ގިނަ ތަންތަނުގައި ޖެހޭ މިފަދަ މަސްލަަހަތު ގެއްލޭ ކަހަލަ މައްސަލަތައް އެއް ދުވަހުން އަނެއް ދުވަހަށް އިތުރުވަމުން، ފުޅާވަމުން ބޮޑުވަމުންދާ ދިއުމަކީ އަޅުގަނޑުމެން އެންމެން ކަންބޮޑުވާން ޖެހޭ ކަމެއް،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޒުހާ
17 March 2020
ޢެމް.ޑީ.ޕީ ގެ ގިނަ ކަންތައް ފެއިލް ވާނީ. ޢެންމެބުއްދިވެރި ގޮތަކީލާމަރުކަޒީގާނޫނު އުވާލުން. ޝަރީފުއެވިދާޅުވީ%100 ތެދު. ކުރިއަށްވުރެހާލަތުމާބޮޑަށްވެސް ގޯސް. މާލެއޮތް ހާލަތުދެކިބަލަ. މޭޔަރ ޝިފާއާ ތިކައުންސިލުން މާލެ އަށް ކޮށްދިންހާ ކަމަކީތަންތަންހަލާކު ކޮށްފަގޮނޑުކުރުން. މާރުކޭޓްމީ ވަރަށް ފުރިހަމަމިސާލެއް. ރީދޫޕާރޓީމީހުން މީކަމެއްނުކޮށް ކުރީސަރުކާރޭކިޔަމުން ޔާމީން އަށް ވަގަށް ގޮވަމުން ދުވާބައެއް.
ޑޮންޑަނާ
17 March 2020
ތިމަޖްލިހަށް އައްޑޫމަރަދޫ މީހުންނަކަށް ނުފެނުނު ޝަރީފުނޫން މީހަކު މަޖްލިހުގެ ގޮޑިއަށް ހޮވަން. މީނާއަކީ ގައުމަށް ހެޔޮއެދިގެން ވާހަކަ ދައްކާމީހެއްނޫން. ހުރިހާކޮޅަކުން ކާމީހެއް.
ސަރުކާނު
17 March 2020
ޕާޓީ ނިޒާމާ ލާމާރުކަޒީ ނިޒާމަކީ ރާއްޖެކަހަލަ ސިޔާސީ ގަމާރުން ތިބިތަނަކަށް ރަނގަޅު ނިޒާމެއްނޫން. ޕާޓީ ނިޒާމާ ލާމާރުކަޒީ ނިޒާމަކީ ރާއްޖެކަހަލަ ސިޔާސީ ގަމާރުން ތިބިތަނަކަށް ރަނގަޅު ނިޒާމެއްނޫން. ޕާޓީ ނިޒާމާ ލާމާރުކަޒީ ނިޒާމަކީ ރާއްޖެކަހަލަ ސިޔާސީ ގަމާރުން ތިބިތަނަކަށް ރަނގަޅު ނިޒާމެއްނޫން. ޕާޓީ ނިޒާމާ ލާމާރުކަޒީ ނިޒާމަކީ ރާއްޖެކަހަލަ ސިޔާސީ ގަމާރުން ތިބިތަނަކަށް ރަނގަޅު ނިޒާމެއްނޫން.
އަހުމަދުބޭ
17 March 2020
ލާމަރުކަޒު ކުރުމުގައި މައްސައެއްނެތް؟ ކުރަންވީ ކަމަކީ 180 ރަށައިގެން ނޫޅެ 15 ވަރަކަށް ރަށަށް މަދުކޮށް އެއްފަސްކުރެވޭތޯ ބަލަންވީ އޭރުން މިގައުމަށް ކަތާނީ؟180 ރަށުގައި އަދި 100 އަހަރުވިޔަސް ރައްޔިތުން ބޭނުންވާ ހުރިހައި ވަސީލަތެއް ގާއިމެއް ނުކުރެވޭނެ؟ މިހާރު މިވާގޮތަކީ ދައުލަތަށް ލިބޭހުރިހައި ލާރިއެއް ސިޔާސީ މީހުންނަށް ބަހައިފާއި ދެން ކަމެއްކުރާނެ ލާރިއެއް ދައުލަތުގައި ނެތް، މިހެންވުމުން މިމާލެއަށް ދުވަހަކުވެސް ހައްލެއް ނުލިބޭނެ
ޙިނި
17 March 2020
ތީ ބޮޑު ޖޯކަކައްވާނީ، ކޮބާތޯ ރައީސް ނަޝީދުވިދާޅުވި ތަރައްގީ އަކީ ޖީބައް ވަންނަ ފައިސާ، ކޮބާތޯ ދެއްކިވާހަކަ 15 މާމަ ދަރިންނާ އެކު 200 އަކަފޫޓު ތަނެއްގަ އުޅޭވާހަކަ. މިވާހަކަތައް ރިޕީޓު ކޮއްލަން ކެޜޭނެތަ؟ ވޯޓު ހޯދަން ގެޔައް އައި ހެންވޭރު ހުޅަންގު ދާއިރާގެ މެންބަރު މި ހާރު ގެއްލިއްޖެ.
އިބްޝާ .
17 March 2020
ލާމަރުކަޒީ ނިޒާމު މިތަނަށް އަތުވެއްޖެތޯ؟ ޢިހައްދުހުވެސް އަޑު އެހިން ލާމަރުކަޒު ކުރަން ގާނޫނު ހަދަން ބަހުސް ކުރި ވާހަކަ..އެ ބަހުސް ތަކުގަ މަނިކުފާނު ކޮންތާކުތޯ އުޅުއްވަނީ.. ގާނޫނު ހަދާ ދުވަހުން ފެށިގެން މުޅި ނިޒާމް އެއަށް ފެތޭނެ ކަމަށް ހީފުޅު ނުކުރައްވާ.. ސަރުކާރުގެ އޮނިގަޑު އެއަށްފައްތާށާ ރައްޔިތުންް އަހުލުވެރިވާން ދުވަސް ނަގާނެކަން މެމްބަރު ޝަރީފަށް ފަހުމް ނުވީމަ ތިގޮޑިއަށް މަނިކުފާން ހެޔޮވަރުކަމަށް ނުދެކެން..
ސަމާސާ
17 March 2020
ޕާޓީ ނިޒާމާ ލާމާރުކަޒީ ނިޒާމަކީ ރާއްޖެކަހަލަ ސިޔާސީ ގަމާރުން ތިބިތަނަކަށް ރަނގަޅު ނިޒާމެއްނޫން.އަސްލު މައުމޫނިޒަމްވެސް ރަނގަޅު. މައްސަލައަކަށް ވެގެން ދިޔައީ ވެރިންގެ ދަހިވެތިކަން. މިއަދުވެސް އެ ދަހިވެތިކަމަކަށް އެއްވެސް ބަދަލެއް ނާދޭ. ކުރިޔަށް އޮތްތާނގަވެސް އެކަން އޮންނާނީ އެގޮތަށް.ރާއްޖޭގައި ގިނައީ ތައުލީމީ ގަމާރުން.
ގިހޮޑާ
17 March 2020
އަސްލުތަ! ނަސީބެއްނުން ވިސްނުނުކަން
ބޮޑުމީހާ
17 March 2020
180 އެއްހާ ރަށުގަ މީހުން ދިރިއުޅެގެން އެއްވެސް ނިޒާމެއް ނުހިންގޭނެ. މާލެ ތޮއްޖެހިގެން މަގުތައް ފުރި ބަންޑުންވަނީ، އަތޮޅު ގިނަ ރަށްތަޖުގަ އާބާދީ މަދުކަމުން އިގްތިސާދެއް ހިދުމަތެއް ދެވޭ ވަރެއް ނުވޭ. މިހާލަތުގަ ކޮންމެ ރަށަކަށް 5 ކައުންސިލަރުން ލައިގެން ދައުލަތުގެ ބަޖެޓަާް ބާރުބޮޑުވުން ނޫން ކަމެއްް ނުވޭ، އާބާދީ އެއްފަސްކުރޭ
ވވ ބޮޑު ތެދު ފުޅެއް
17 March 2020
އަދި މިވީހާތަނައް މަޖިލީސް މެނބްރަކު ވިދާޅުވި އެންމެ ތެދުބަސް