މާސްކް އަޅައިގެން ތިބި ދެ މީހަކު ޕިކަޕެއްގައި ދަނީ: ރާއްޖެ އަށް މާސްކް އެތެރެކުރުމަށްޓަކައި ދައްކަމުން އައި ޑިއުޓީ މިހާރު ވަނީ މާފުކޮށްފައި.---ފޮޓޯ: މިހާރު
18 މާޗް 2020 - 21:49
33 comments
ކޮވިޑް ބައްޔާ ގުޅިގެން، ރާއްޖޭގައި ވެސް މި ދުވަސްވަރު އެންމެ ގިނައިން މީހުން ބޭނުންކުރާ ސެނިޓައިޒާ އާއި މާސްކްގެ ޑިއުޓީ ރައީސް އިބްރާހިމް މުހައްމަދު ސޯލިހު މާފުކޮށްދެއްވައިފި އެވެ.
ސާޖިކަލް މާސްކްގެ ޑިއުޓީ އަށް ކަސްޓަމްސް އިން ނަގަމުން އައީ 15 ޕަސެންޓެވެ. ސެނިޓައިޒާގެ ޑިއުޓީ އަށް ނެގީ 10 ޕަސެންޓެވެ.
ކަސްޓަމްސް އިން ބުނީ މިއަދުން ފެށިގެން ސިއްހީ ނުރައްކަލުގެ ކުއްލި ހާލަތުގެ މުއްދަތުގައި، އަމިއްލަ ވިޔަފާރިތަކުން ރާއްޖެ އެތެރެކުރާ މާސްކާއި ސެނިޓައިޒާ އިން ޑިއުޓީ އާއި އެފަދަ ތަކެތިން ނަގާ ޕްރޮސެސިސް ފީ މައާފްކޮށް ދެއްވަން ރައީސް ނިންމަވާފައިވާ ކަމަށެވެ. އެގޮތަށް އެ މަނިކުފާނު ނިންމެވީ އިމްޕޯޓް އެކްސްޕޯޓް ގާނޫނުގެ ދަށުން ރައީސަށް ލިބިވަޑައިގަންނަވާ ބާރުގެ ދަށުންނެވެ.
އިމްޕޯޓް އެކްސްޕޯޓް ގާނޫނު ބުނާގޮތުން ބައެއް ބާވަތުގެ ކަންކަމަށް އެތެރެކުރާ ތަކެތިން އިމްޕޯޓް ޑިއުޓީ މައާފް ކުރުމުގެ ބާރު ރައީސަށް އޮންނާނެ އެވެ.
ކޮވިޑް-19 ދުނިޔޭގައި ފެތުރެން ފެށުމާ އެކު، މާލޭގައި ގިނަ ބަޔަކު މާސްކާއި ސެނިޓައިޒާ ގިނަ އަދަދަކަށް ގަނެ، ބައެއް ފިހާރަތަކުން މާސްކް ވެސް ހުސްވެ އަދި އަގު ވެސް އުފުލިގެން ދިޔަ އެވެ. އަދި ފަހުން އެސްޓީއޯ އިން އެ ތަކެތި ވިއްކަން ފެށީ ކޮޮންޓްރޯލް ކޮށްގެންނެވެ. އެކަމަކު ސިއްހީ ތަޖްރިބާކާރުން ލަފާ ދެމުން ދިޔައީ ބަލި މީހުންނާއި އޭގެ އަލާމާތްތައް ހުރި މީހުން ފިޔަވައި، އެހެން މީހުން މާސްކް ނޭޅުމަށެވެ.
ކޮރޯނާ ވައިރަސް ހުރި 13 މީހަކު ރާއްޖެއިން ފެނިފައިވާ އިރު، އޭގެ ތެރޭގައި އެއްވެސް ދިވެއްސަކު މިހާތަނަށް ނުހިމެނެ އެވެ. އެކަމަކު ރައްކާތެރިކަމުގެ ފިޔަވަޅެއްގެ ގޮތުން ސިއްހީ ކުއްލި ނުރައްކަލުގެ ހާލަތުގެ ދަށުން ބައެއް ގައުމުތަކުން ރާއްޖެއަށް މީހުން އައުން މަނާކޮށް އަދި ފަތުރުވެރިން ރަށްރަށަށް އެރުވުން ވެސް ވަނީ މަނާކޮށްފަ އެވެ. އަދި ސްކޫލްތަކާއި އޮފީސްތައް ވެސް ވަނީ ވަގުތީ ގޮތުން ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމުންޑޯ
19 March 2020
ތިގޮތަށް ޑީއުޓީ މާފްކުރިއަސް އަގުހެޔޮކޮށް ވިއްކާނަމަތާ ރައްޔުތުމީހާ އަށް ލުޔެއްލިބޭނީ ، މިހާރުވެސް ދެފަހަރެއްގެ މަތިން އެސްޓީއޯ އިން ޕެެޓްރޯލާއި ޑީސެލް އަގުހެޔޮކޮއްފި ، އެކަމަކު ރައްރަށުގެ އެވިއްކާ ފަރާތްތަކުން ހަމަވިއްކަނީ ކުރީގެ ބޮޑު އަގުގައި ،
ސުނީޒް
19 March 2020
ޙިރާސަ ކެމިސްޓުން އަގު ބޮޑުކޮށް ފުޅިއެއް 195ރ އަށް ވިއްކަނީ ނާޖާއިޒް ފައިދާ ނަގާނެ ޑިއުޓީ ކެޑިޔަސް މި އަމިއްލަ ފާމަސީ ތަކުން
ދަރަނި ދަންތުރަ
19 March 2020
އަންނައުނުން ޑިއުޓީ ނެގިއިރު 300 ރުފިޔާޔަށް ވިއްކި ގަމީސް އަންނައުނުން ޑިއުޓީ ކަނޑާލީމައި އަގުބަދަލްވީ 1000 ރުފިޔާއަށް އަގު ހެޔޮވީތަ ؟ ވިޔަފާރިވެރިން ހަމަ ދެކޮޅުނުޖެހިފައި ، އެކަމަކު އުޅެނީ ދުބާއީ މެލޭސިޔާ ބެންކޮކު ސިންގަޕޫރުގައި ސޮޕިންކުރަން ، ދެން ކޮންދެކޮޅެއްބާ ނުޖެހިގެން މިއުޅެނީ .....
ދަރަނި ދަންތުރަ
19 March 2020
މިސްކިތުގައި އެކަނިބާ ކައިރިކައިރީގައި ތިބެނީ ހޮޓާ ރެސްތޯރަންޓު ތަކުގައި ތިޔަތިބެނީ އެކަކު އަނެކަކާ 50 ފޫޓު ދުރުގައިބާ ކާން ކޮފީ ބޯން ، އުތުރު ބަނދަރު ތެރޭހުރި ނަމާދުކުރާތަން ބަންދު ކޮށްފި އެތާހުރި ކެފޭ ބަންދު ނުކުރޭ ކިހާ މަޖާ....
ފައިނު ބާކުލި
19 March 2020
ސައިހޮޓާ ތަކަށްގޮސް ޖެހި ފިތި ބާރުވެގެން ތިބެން އެންގީތަ؟ މިސްކިތަށް ދިއުން މަނާކޮށްފަ. ކޮންމެވެސް އެއްޗެއް ކިޔަންވާނެ ދުނިޔޭގެ އެންމެށް ނަމޫނާ އަކަށް ބަލާ މިންވަރަށް ސަރުކާރުން ކަންކަން ކުރިޔަސް ފާޑުކިޔާތި ހެސްކިޔާފަ. ޝުކުރު ނުކުރިޔަސް ފުކެއް ބޮޑުވަރު. ?
ކަންވާގޮތް
19 March 2020
ފާމަސީތަކާއި ފިހާރަތަކުގައި މިހާރުހުންނާނީ ޑިއުޓީދައްކާފަހުރިތަކެތި. އެކަމަކު މާދަމާގެންނަތަކެތިވެސް ވިއްކޭނީހަމަ މިއަދުވެސްހުރިއަގަށް.
މުރާސިލް
19 March 2020
ދުނިއޭގެ ހުރިހާގައުމަކުން ތީތި ހުސްވެއްޖެ ދެން ކޮން ދިއުޓީއެއް ގެން ނަނީ ސަރުކާރުން
ރަބަރު
19 March 2020
މަ 5 ރުފިޔާގެ ރޭޓުން 100 މާސްކު ގަނެފިން ސެނިޓައިޒަރ ޔޫ ޓިއުބުން ދަސްކޮށްގެން އަމިއްލައަށް ހަދައިފިން.
ހިއެއް ނުވޭ
19 March 2020
ހީވޭތަ ރައްޔިތު މީހާ އަށް އަގު ހެޔޮ ވާނެ ހެން؟
އަސްލު
19 March 2020
ޑިއުޓީ މާފުކުރެވިދާނެ, އެކަމުގެ ފައިދާކުރަނީ ހަމައެކަނި ވިޔަފާރިވެރިންނަށް ޕެޑުން ޑިއުޓީ ކަނޑާލި އެކަމަކު ބޭނުންކުރާ މީހުންނަށް އެންމެ ރުފިޔާއެއްވެސް އަގުހެވެއްނުވޭ, ކުރިއަށްވުރެ މިހާރު މާ އަގުބޮޑު, ބީވީ މާޓުން އަގު ރަނގަޅު. ސެނިޓައިޒާ ލިބެން ހުރި ފިހާރައަކާ އަދި ދިމަލެއްނުވޭ.
ޒުއްބާ
19 March 2020
ތިއީ އެ އެތެރެ ކޮށް ވިއްކާ މީހުނަށް ދިން އެއްޗެކެވެ. ޢާއްމުނަށް ގަންނަން ލިބޭ އަގަށް އެއްވެސް ބަދަލެއް ނާންނާނެ އެވެ. ދަނޑުވެރި ކަމުގެ ސާމާނުން ވެސް މި ސަރުކާރުން ވަނީ ޑިއުޓީ މަޢާފު ކޮށް ދީފައެވެ. އެކަމަކު 2016 ގައި ވެސް ކައުޑަން ( ގެރިގުއި) ބަސްތާއެއް ވިއްކަނީ /70 ރުފިޔާ އަށެވެ. މިހާރު ވެސް ވިއްކަނީ /70 ރުފިޔާ އަށެވެ. މިއީ ދޮގެއްތޯ ފައްޔާޒް ނިކަން ބައްލަވާ ބަލާށެވެ.