އައްޑޫ އިކުއެޓޯއަލް ހޮސްޕިޓަލް: މި ތަނުގެ ޑޮކްޓަރަކާއި ދެ ނަރުހަކު އަމިއްލަ އަށް އައިސޮލޭޓް ވެފައިވާ ކަމަށް އައްޑޫ މޭޔަރު ވިދާޅުވި.
29 މާޗް 2020 - 14:22
26 comments
ކޮރޯނާވައިރަސް ހުންނަ މީހުންގެ ކިބައިން ފެންނަ ބައެއް އަލާމަތްތައް ހުރި މީހަކަށް ފަރުވާ ދިން އައްޑޫ އިކުއެޓޯރިއަލް ހޮސްޕިޓަލުގެ ޑޮކްޓަރަކާއި ދެ ނަރުހެއް އަމިއްލަ އަށް އެކަހެރިވެއްޖެ އެވެ.
އައްޑޫގެ މޭޔަރު އަބްދުﷲ ސޯދިގު (ސޯބެ) "މިހާރު" އަށް ވިދާޅުވީ ވަރަށް ބޮޑަށް ހުން އައިސް ރޯގާ ޖެހިފައި ހުރި މީހަކު ރޭގެ ވަގުތެއްގައި ހޮސްޕިޓަލަށް ދިޔަ ކަމަށާއި އެއީ ރާއްޖެއިން ބޭރަށް ދަތުރުކޮށްފައިވާ މީހެއްކަން ކުރިން އެނގިފައި ނުވާތީ ފަރުވާ ދިނީ އާންމު މީހަކަށް ފަރުވާ ދޭ އުސޫލުން ކަމަށެވެ.
އޭނާ އަކީ މި މަހުގެ 15 ވަނަ ދުވަހު ކޮޗިން އިން ރާއްޖެ އައި މީހެއްކަން އެނގުނީ ފަރުވާ ދީ ނިމުނު ފަހުން ކަމަށާއި އެކަން އެނގުނު ހިސާބުން ހެލްތު ޕްރޮޓެކްޝަން އެޖެންސީ (އެޗްޕީއޭ) އަށް ރިޕޯޓުކޮށްފައިވާ ކަމަށް ސޯބެ ވިދާޅުވި އެވެ.
އޭނާ ވިދާޅުވި ގޮތުގައި އެއީ ލޯ ރިސްކް ކޭސްއަކަށް ވާތީ ޓެސްޓު ވެސް ނުކުރެވޭނެ ކަމަށް އެޗްޕީއޭ އިން ވަނީ ބުނެފަ އެވެ. ނަމަވެސް މިއީ ކަންބޮޑުވުން އިންތިހާ އަށް އޮތް ކޭސްއެއް ކަމަށާއި މިހާރު އެ މީހާ ހޮސްޕިޓަލުގައި އެކަހެރިކޮށް ބަހައްޓައިގެން ހުމަށާއި ރޯގާ އަށް ފަރުވާ ދެމުން އަންނަ ކަމަށް އޭނާ ވިދާޅުވި އެވެ.
ސޯބެ ވިދާޅުވީ ޑޮކްޓަރު އަމިއްލަ އަށް ގޭގައި އެކަހެރިވެފައިވާ ކަމަށާއި ދެ ނަރުހުން ވެސް އެކަހެރިވެފައިވާ ކަމަށެވެ.
ރާއްޖޭން ބޭރުން އަންނަ އެންމެން ކަރަންޓީނުކުރަން ސަރުކާރުން ފެށީ މި މަހުގެ 17 ވަނަ ދުވަހުން ފެށިގެންނެވެ.
ކޮރޯނާވައިރަހުން ރައްކާތެރިވުމަށް ސިއްހީ ކުއްލި ނުރައްކަލުގެ ހާލަތު އިއުލާނުކޮށް ރައްކާތެރިކަމުގެ ފިޔަވަޅުތައް ވަނީ އަޅައިފަ އެވެ. މާލެ އާއި އަތޮޅުތެރޭގައި އައްޑޫގައި ވެސް ފްލޫ ކްލިނިކްތައް ގާއިމްކޮށްފައިވާއިރު އެއްވެސް ކަހަލަ ރޯގާއެއް ނުވަތަ ހުމެއްގެ އަސަރެއް ހުރި ނަމަ ހޮސްޕިޓަލަށް ނުގޮސް އެ ކްލިނިކްތަކަށް ދާން ސަރުކާރުން އަންނަނީ ތަކުރާރުކޮށް އިލްތިމާސްކުރަމުންނެވެ.
ކޮރޯނާވައިރަސް އަށް ޕޮޒިޓިވްވި މީހުންގެ އަދަދު މުޅި ދުނިޔެ އިން 700،000 އާ ގާތްވެފައި ވާއިރު ރާއްޖޭން 17 މީހަކު ވަނީ ފެނިފަ އެވެ. އޭގެ ތެރޭގައި ދެ ދިވެއްސަކު ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙުއްމާ
30 March 2020
މާލެ ނުން ވީމަ ލޯރިސްކް. މާލެނަމަ ހައިރިސްކް. މައިމޫނާއާއި މަބްރޫކްގެ ނަސްލީ އިމްތިޔާޒް ދޫކޮށްލަން ގޮވާލަން. އަދި އެދެމީހުން އިސްތިއުފާ ދޭންވެސް ގޮވާލަން. ތިތިބީ ފޭލްވެފަ.
ޓްރަންޕް .
30 March 2020
ހިތުން ވަރަށް ތަހުޒީބު ވެގެން މިރާއްޖޭ ގެ އެންމެ ވާނުވާ މީހުން އުޅޭ ސިޓީ ތިޔަ
5644
29 March 2020
ފޮޓޯ ޖަހާފަ ތި މީހަކު އާއްމު ކޮށްބަލަ. މިހާރު ދެން ވާނުވާ ނޭގިއެއް ނުހުންނާނެ .
މުއާޒުމުއިއްޒު
29 March 2020
ކޮބާ އަމިއްލަ ޒިއްމާ؟ ކީއްވެ ހޮސްޕިޓަލަށް ދިޔައީ؟ ކީއްވެ އެޗް.ޕީ.އޭ އަށް ނުގުޅީ؟ ވަރަށް ނުލަފާ މީހެއް. ޖިނާއީ ދައުވާ އުފުލަންވީ!
ގުއިފުކު ފުރޭތަ
29 March 2020
މި ލޮބުވެތި ގައުމު ހަލާކުވާނީ ހަމަ މިކަހަލަ ފަރުވާކުޑަ، ނާތަހުޒީބު، ނުވިސްނޭ ނުލަފާ ދިވެހިންގެ ސަބަބުން. އޭނަ އެބަލި ހިފައުގެން ދިޔައީ ހަމަ ނޭންގިހުރެއެއް ނޫން. އޭނާގެ ޒާތީ މައުލޫމާތު އާއްމުކުރޭ.
7ބޯރާހި
30 March 2020
ކޮން ބައްޔެއްތަ އަނެއްކާ؟؟؟؟
ގުއިފުކު ފުރޭތަ
29 March 2020
ސަރުކާރުން ސެލްފް އައިސޮލޭޓު ވާން އެންގީމަ މުޅިރަށް ކުޑަކޮއްފަ އައިސް އެޑްމިޓް ވީމަ އޭނާ އަށް އެކުރެވުނީ ރަންގަޅު ކަމެއްނޫން. އޭނާގެ ޒާތީ މައުލޫމާތު އާއްމުކޮށް އޭނާޔާ ކޮންޓެކްޓު ވި ހުރިހާ އެންމެން އެކަހެރި ކުރޭ. އަދި އޭނާ ޕޮސިޓިވް ވެއްޖެނަމަ އެހެން މީހުންވެސް ޕޮސިޓިވް ވުމުގެ ރިސްކް އެބައޮތް. އޭނާ ޔަށް ޖިނާއީ ކުށުގެ އަދަބު ލިބެންޖެހޭނެ. ވީހާވެސް އަވަހަކަށް އޭނާގެ ޒާތީ މައުލޫމާތު އާއްމުކުރޭ
އައްޑޫ ކޮއްޔާ
29 March 2020
ޖިނާއީ ކުށުގެ ދައުވާ ކުރަންޖެހޭ މީހެއްތީ.ރާއްޖެ އައީ މާ ސެލްފް އައިޒޮލޭޓް ވާންބުނީ މަ މުޅިރަށް ކުޑަކޮށް ހޭކިފަ ހުންއައި މަ ގޮސް އެދެއްކީ. ކިހާ ރަނގަޅު.
ގުއިފުކު ފުރޭތަ
29 March 2020
އޭނާގެ ޒާތީ މައުލޫމާތު އާއްމުކުރުން މުހިއްމު. މިހާލަތިގައި މީހުން ކޮރޯނާޔަށް ޕޮސިޓިވް ވެއްޖެނަމަ އޭނާޔަށް ޖިނާއީ ކުށުގެ ދައުވާ ކުރަންޖެހޭނެ.
ފަހުދު
29 March 2020
އެއްގޮތަކުން ނުވިއްޔާ އަނެއްގޮތަކުން ނަމަވެސް ހެޑްލައިނައް ނޭރިގެން. ދެން ރަށުތެރެއިން ކޮންމެވެސް އެހެނަކަމަކާ އުޅެންވީނު. މަތިމަތިން ފެއިލްވީމަ ވާނެތިހެން. ދެންރަނގަޅުވާނީ އެޗޮޕީއޭގެ ބަސްއަހައިގެން ގޭގަމަޑުކޮއްލިއްޔާ.
7ބޯރާހި
29 March 2020
މާލޭމީހުން އިސްކުރުދޮށަށް ފެންބަލާ ދިޔައިރު ޓުވީޓުކުރީ އަތްވަށް ނިކުންނައިރު ސަމާލުވާށޭކިޔާފަ، މާލެއަށް ވާރޭވެހުނީމަ ޓުވީޓުކުރީ މަގުމަތީ އޮންނަ ފެންގަނޑުގަ ފައިޖެހިއްޖިއްޔާ ގެއަށްގޮސް ސައިބޯނިލައިގެން ފައިދޮންނާށޭ ކިޔާފަ، ރަށްރަށުގަ ޑެންގީ ފެތުރިގެން މަދުރަސާތައް ބަންދުކުރާއިރު ޓުވީޓެއްނުކުރޭ، އަތޮޅުތައް ފެނުއަޑީގަ ހުރިއިރު ޓުވީޓެއްނުކުރޭ، ރަށްރަށް ފެނަށްޖެހިގެން އުޅުނުއިރު ޓުވީޓެއްނުކުރޭ. އެއީ މޭޔަރުގެ މައްސަލައެއްތަ.
ބުރެކެޓު
29 March 2020
މާލޭގައި ޒާތްޒާތުގެ ފަރިތަކުރުން ބާއްވައިގެން ތިއްތިހެދިގެން އެތިބެނީ، އެހެން ތަންތާ ކޮންމެފަދަ އަލާމާތްތަކެއް ހުރެގެން ދިޔައަސް ހަމަ ނޯމަލް.
ތުއްތުނާ
29 March 2020
ރާއްޖެއިން ބޭރުން އަންނަ ކޮންމެ މީހަކުވެސް 14 ދުވަހުގެ ކަރަންޓީނު ފުރިހަމަ ކުރަންޖެހޭ ކަމަށް އެބަބުނޭ ! ...... އެކަމަކުވެސް ހުރިހާ ކަމެއްވެސް ހިނގަމުން މިދަނީ އަމާ ބުނީތީ ފަރަށް ދިއުން ކަހަަލަ ގޮތަކަށް ....... މިކަމުގައި ކޮންމެވެސް ބައެއްގެ އިހުމާލު އޮތުން އެކަށީގެންވޭ......