ރިސޯޓުތައް ބަންދު ކުރުމާ އެކު، އިމްޕޯޓު ދަށްވެ ޑޮލަރުގެ އަގު ދަށަށް

ބީއެމްއެލްގެ މުވައްޒަފަކު ފައިސާ ގުނަނީ: ވަރަށް ގިނަ ރަށްރަށުގައި އެ ބޭންކުން މިހާރު ވަނީ ކޭޝް އެޖެންޓުން ހަމަޖައްސާފައި.

ފާތިމަތު ޝަނާ މުހައްމަދު، މިހާރު

29 މާޗް 2020 - 16:07

8 comments

ރިސޯޓުތައް ބަންދު ކުރުމާ އެކު، ރާއްޖޭގެ އިމްޕޯޓު ދަށްވެ، ޑޮލަރުގެ އަގު "ކަޅު ބާޒާރުގައި" ދަށްވާން ފަށައިފި އެވެ.

ބްލެކް މާކެޓުގައި ޑޮލަރު ރޭޓު މިހާރު ހުރީ 16.50ރ. އާއި 16.60ރ. އާ ދެމެދުގެ އަގުތަކެއްގަ އެވެ. މިދިޔަ ދެ ހަފްތާގެ ތެރޭގައި ޑޮލަރުގެ އަގު 17.50ރ. އާއި 18.00ރ. އަށް ވެސް އެރި އެވެ. ނަމަވެސް ޑޮލަރަށް އޮތް ޑިމާންޑު ކުޑަވެ، އަގު މިހާރު ވަނީ ދަށަށް ދާން ފަށައިފަ އެވެ.

ޑޮލަރު ވިއްކާ މީހަކު ބުނީ، ކުރިއަށް އޮތްތަނުގައި ޑޮލަރުގެ އަގު އިތުރަށް ދަށަށް ދާނެ ކަމަށް ބެލެވޭ ކަމަށެވެ. އެގޮތުން، މަރުކަޒީ ބޭންކް އެމްއެމްއޭ އަށް ޑޮލަރު އިންޖެކްޓް ކުރުމުން ޑޮލަރުގެ އަގު ކަޅު ބާޒާރުގައި އިތުރަށް ދަށަށް ދާނެ ކަމަށް އޭނާ ދެކެ އެވެ.

"މިހާރު ރިސޯޓުތައް ބަންދު ކުރުމުން ރިސޯޓުތަކަށް ގެންނަ ކާބޯތަކެތި ގެނައުން ވަނީ ވަރަށް ބޮޑަށް މަދުވެފައި. މިއާ އެކު، އިމްޕޯޓު ވަނީ ވަރަށް ބޮޑަށް ދަށްވެފައި. އެހެންވެ، ޑޮލަރު ބޭނުންވާ ވަރު މަދުވެ އަގު ދަށަށް ދަނީ،" އޭނާ ވިދާޅުވި އެވެ.

މި މަހުގެ ފުރަތަމަ ހަފްތާގެ ކުރިން ކަޅު ބާޒާރުގައި ޑޮލަރުގެ އަގު ހުރީ 15.50ރ. އާއި 15.70ރ. އާ ދެމެދުގެ އަގުތަކެއްގަ އެވެ. މިދިޔަ ގާތްގަނޑަކަށް އަހަރެއްހާ ދުވަހު ކަޅު ބާޒާރުގައި ޑޮލަރު ލިބެން ހުރީ 15.70ރ. އަށެވެ. އެކަމަކު، ކޮވިޑް-19 އާ ގުޅިގެން ޓޫރިސްޓުން އައުން މަދުވުމާ ގުޅިގެން ޑޮލަރުގެ އަގަށް ވަނީ ބޮޑެތި ބަދަލުތައް އަންނަން ފަށައިފަ އެވެ.

ކޮވިޑް-19 އާ ގުޅިގެން ރާއްޖޭގެ ވިޔަފާރިތައް ވަނީ ވަރަށް ބޮޑަށް ހީނަރުވެފަ އެވެ. އެހެންވެ، ވިޔަފާރިތަކަށް ލިބޭ ގެއްލުން ކުޑަކުރުމަށްޓަކައި ވޯކިން ކެޕިޓަލްގެ ގޮތުގައި ލޯނު ދިނުމަށްޓަކައި 2.5 ބިލިއަން ރުފިޔާ ވަނީ ކަނޑައަޅައިފަ އެވެ.

ޑޮލަރުގެ އަގު ޑޮލަރު އެމްއެމްއޭ ޓޫރިޒަމް ރިސޯޓްތައް ޓޫރިސްޓުން

8 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަނިޓަރީ

30 March 2020

ޑޮލަރުގެ އަގު ދަށަށް ދިޔަކަމަށް ބެލެވޭނީ ކަނޑައަޅާފައިވާ ރޭޓުގެ ތެރެއިން ދަށްވާނަމަ. މިހާރުވެސް ރާއްޖޭގަ އެމް،އެމް،އޭ އާ ބޭންކުތަކުންވެސް ރޭންޖުގެ އެންމެ މަތީ ރޭޓުން ޑޮލަރު ވިއްކަނީ. ބްލެކްމާކެޓްގަ ރޭޓަކީ އަބަދުވެސް ވޭރީވާ އެއްޗެއް. އެހެންނޫނީ ހެޑިން ބަދަލުކުރޭ "ބްލެކްމާކެޓްގަ ޑޮލަރުގެ އަގު ދަށަށް"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

30 March 2020

މިއަހަރުގެ ބޮޑު ޖޯކު. މިއީ ވަރުގަދަ އަރަތެއް. ރިސޯޓަށް ޑޮލަރެއްނުލިބޭ. ޤައުމު ހުއްޓިފަ. މަސަކޮޅެއްނުވިކޭ. ޑޮލަރު ވަންނަ.ހުރިހާދޮރެއް ބަންދުވެފަ. ދުވަހެއްދުވަހަކަށް ދިވެހިން ކައިފަ ފާހާނަޔަށް ދަނީ ޑޮލަރުންގަނެފަހުންނަ ތަކެތިން. ކިތަން މެ ކުޑައެތިކޮޅެއްނަ މަވެސް ޑަލަރުން ނޫނީ ވިޔަފާރިކުރެވޭކަށްނެތް. އަތުގަހުރި އެތިކޮޅުހުސްވަނީ އެކަމު ޑޮލަރުދަށަށް. ދެން ލިޔާފަހަރަކން ލިޔެލާ 20ރ 18 އަށް ތިރިވެއްޖޭ އެހެންނަ 16.5 އަށް ލިބޭ އޭރުވެސް ބޮޑުވެގެބް 16.80

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޭތުވާލު

30 March 2020

ޑޮލަރުގެ އަގު ދަށްވަނީ އެހިފައިގެން ދާން ހުރިތަންތަނަށް ދެވޭނެ ގޮތެއް ނެތުމާ އެބޭނުކޮށްގެން އެއްޗެތި ގެންނަމަގުތަށްވެސް ބަންދުވުން .ދެން ވަނީ ކިހިނެއް.ރަންފޮށްޗެއް ވިޔަސްހަމަ ވާނީ މިހެން ދޯ. މިއަދު މުޅި ދުނިޔެ އޮތް ގޮތް މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްވާ ޒާހިރާ

29 March 2020

ސަރުކާރުގެ ރުހުން ހޯދަން ބޭނުން ވިޔަސް ދިވެހި ރައްޔިތުންނަކީ ގަމާރުން ކަމަށް ނަހައްދަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

29 March 2020

ބިދޭސީން ބޮޑު އަގުގަ ބޭންކް ކައިރީ ފުލުހުން ބަލަހައްޓާ ސަރަހައްދުގަ ފިހާރަ ހުޅުވައިގެން ޑޮލަރު ވިއްކާ އިރު އަޅާވެސް ނުލައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގ

29 March 2020

ރިސޯޓުތަކައް ގެންނަ މުދާ އެކަންޏެއްނޫން ރާއްޖޭންބޭރައް ކުރާ ދަތުރުތައްވެސް އެކީ ހުއްޓިފައޮތީ އެހެންވެ ރާއްޖޭން ބޭރުގަ ދަތުރުވެރިން ކުރާ ހަރަދުތައްވެސް އެކީ ހުއްޓިފަ އޮންނާނީ އެއީވެސް ގިނަ އަދަދެއްގެ ބޭރުފައިސާ ބޭނުންވާނެ ކަމެއް.