އިންޓެނެޓް ޕެކޭޖާ ގުޅޭ ގޮތުން އެޑިއުކޭޝަން މިނިސްޓަރު ދިރާގުގެ ބޭފުޅުންނާ ބައްދަލު ކުރައްވަނީ- ފޮޓޯ: ދިރާގު
29 މާޗް 2020 - 16:31
71 comments
އިންޓަނެޓުގެ ޒަރީއާ އިން ތައުލީމް ހާސިލް ކުރުމަށް ލުއިތަކެއް ހޯދައިދިނުމަށް ސްކޫލް ކުދިންނަށާއި ޓީޗަރުންނަށް 30 ދުވަހުގެ ހިލޭ ޑޭޓާ ޕެކޭޖެއް ދިރާގާއި އެޑިއުކޭޝަން މިނިސްޓްރީ ގުޅިގެން މިއަދު ތައާރަފު ކޮށްފި އެވެ.
ކޮވިޑް-19 އާ ގުޅިގެން ސްކޫލްތަކާއި ކޮލެޖުތައް ބަންދުކޮށް އޮންލައިންކޮށް ކިޔަވައިދޭން ވަނީ ފަށައިފަ އެވެ. އެހެންކަމުން މިއީ، މި ދަނޑިވަޅު ޓީޗަރުންނާއި ދަރިވަރުންނަށް ލުއި ގޮތްތައް ހޯދައިދިނުމަށް ތައާރަފު ކުރި ޕެކޭޖެއް ކަމަށް ދިރާގުން ބުނެ އެވެ.
މި މޯބައިލް ޑޭޓާ ޕެކޭޖަކީ 5 ޖީބީގެ ޑޭޓާ ޕެކޭޖެކެވެ. މި ޕެކޭޖު 30 ދުވަސް ވަންދެން ބޭނުން ކުރެވޭނެ ކަމަށް ދިރާގުން ބުންޏެވެ. މި ޕެކޭޖު ލިބޭނީ އެޑިއުކޭޝަން މިނިސްޓްރީން ދިރާގާ ހިއްސާ ކޮށްފައިވާ ދިރާގުގެ ޕޯސްޓްޕެއިޑް އާއި ޕްރީޕެއިޑް އާއި މަމެން އަދި އެހެނިހެން ދިރާގު މޮބައިލް ހިދުމަތް ބޭނުންކުރާ ދަރިވަރުންނާއި ޓީޗަރުންނަށެވެ.
ކޮވިޑް-19 އާ ގުޅިގެން، ދިރާގުން އަންނަނީ އިންޓަނެޓް ބޭނުންކޮށްގެން ތައުލީމް ފޯރުކޮށްދޭން މަގުފަހި ކޮށްދިނުމަށް އެކި ގޮތްގޮތުން މަސައްކަތްކުރަމުންނެވެ. އެގޮތުން، އެ ކުންފުނީގެ ކަސްޓަމަރުންނަށް އިތުރު ޑޭޓާ އާއި ޑިސްކައުންޓްސް ވަނީ ދީފަ އެވެ. އަދި ފިކްސްޑް ބްރޯޑްބޭންޑް ކަސްޓަމަރުންނަށް 30 ޕަސެންޓް އިތުރު ޑޭޓާ އާއި ހުރިހާ އެޑް-އޮންތަކުން 50 ޑިސްކައުންޓް އަދި ހިލޭ 10ޖީބީ ވެސް ވަނީ ދީފަ އެވެ.
ދިރާގުން ބުނިގޮތުގައި، މި ޑޭޓާ އެލަވަންސްގެ ސަބަބުން ކިޔަވާ ކުދިންނާއި ޓީޗަރުންނަށް އޮންލައިން ކްލާސްރޫމް ހިންގުމަށާއި ރިމޯޓް އެޑިއުކޭޝަންގެ އެކި ވަސީލަތްތައް ބޭނުންކުރުމަށް އިތުރު ލުއިފަސޭހަތައް ލިބޭނެ ކަމަށް އުންމީދު ކުރެވެ އެވެ. އަދި އިންޓަނެޓްގެ ހިދުމަތް މިދުވަސްވަރު ޒިންމާދާރު ގޮތުގައި ހުރިހާ ކަސްޓަމަރުން ވެސް ބޭނުން ކުރުމަށާއި ސިއްހީ މާހިރުންގެ އިރުޝާދާ އެއްގޮތަށް އަމަލުކޮށް ފަރުދީ ޒިންމާ އަދާކުރުމަށް ދިރާގުން އިލްތިމާސް ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްް
30 March 2020
ތަފާތުކުރުން ހުއްޓުވިގެން ކަމެއް ރަނގަަޅުކުރެވެންއޮތީ. ދިރާގަކީ އަބަދުވެސް ތަފާތުކުރާބައެއް.
ފޮޓޯބެ
30 March 2020
ދެން މިހަބަރަށް ލާންވީ މައުމޫނު ފޮޓޯއެއް
ާއުނިމާ
30 March 2020
ކަމަކަށް ކަމެއްކުރަނީ، މިވެރިންނަށް ވެރިކަމަށް އާދެވުނުގޮތް މިއަދު ހަދާންނެތިއްޖެ! ކަޑިކިބުރި މަތިން ހަދާންނެތިއްޖޭ
އަންނި ތަކުރުބެ
30 March 2020
ބަލަ ދިރާގަކީ ބަޓެލްކޯ %52 ވާކުންފުޏެއް އޫރިދޫއަކީ ބަޓެލްކޯ %46 ވާކުންފުންޏެއް ބޭރު ކުންފުންޏެއް ކުރީގަދިރާގަކީ ސަރުކާރުގެ ހިއްސާބޮޑު ކުންފުންޏެއް ދޮޅުއަހަރު ވެރިކަންކުރި ރައީސް ނިދާހޭލެވުނުއިރު %52 ބަޓެލްކޯ ދެވިއްޖެ ދެންއެވަރުވާކަންވެސް ރަނގަޅެއްނު މިހާރު ގައުމަކުނެއި %7 ޕަސެންޓް ގަންނާނެ ލާރިޔެއް ހުސްބަޑާކައެފައެއް ދެންހިންދިރުވާލަމާދޯ ވޯޓްކާރިވީމަ ހަދުބާލަދޭނެ އެވަރުންވާނެ
މަޒް
30 March 2020
ބަޓެލްކޯއެއް ސްޓެލްކޯއެއް ކިޔާނެ ކަމެއް ނެތް. ދިވެހި ރައްޔިތުންނަށް ފައިދާ ނުވާގޮތަށް ހިނގާ ކުންފުނިތައް ސައިޒުކުރޭ.. މި ފަސްގަނޑުގައި ބޭނުންހައި އެއްޗެއް ހެދެނީ މިގައުމުގެ ވެރިކަމާއި ހަވާލުވާ ފަރާތްތަކާއި ރައްޔިތުންގެ މަޖިލިހުގެ އިހުމާލުން.. 5 ޖީބީ އެއީ ވަރަށް ބޮޑު އެއްޗެއް ރަނކޮޅާ.. ލަގޮނޑީގައި ނާށިލާފައި.. ދިރާގެއް އުރީދޫއެއް ކިޔާނެކަމެއް ނެތް އެއީ ދެނަމެއް ކިޔާ އެކައްޗެއް..
ޙުސާމް
30 March 2020
ދިރާގުން ސްކޫލު ތަކަށްވެސް ހުރޭ އިންޓަރނެޓުގެ ޚިދުމަތް ދީފައި. އަމާ ބުނީތީ ފަރަށް ދާހެން. ދުވަހަކުވެސް އެއްޗެ ޑައުންލޯޑު ވަނީއެއްނުން.
ލަދު ދޯ
30 March 2020
ބޮޑު އޮޅުވާލުމެއް. ކޮންފަހުރި ޝަރުތުތައް ގިނަކަމުން ހީވަނީ ތިންހަތަރު މިލިއަން ރުފިޔާގެ އެއްބަސްވުމެއްހެން. ހީހީ ހަލާކު. ދިރާގާއި އުރޫދީއަށް ކެރޭނެތަ މި ކްއާރޓަރގެ ސާފު ފައިދާ ބުނެލަދޭން.
ފާޓޭ
30 March 2020
އަހަރު ނިމްނީމަ ބޯނަސް ބަހާލާ ދުވަހު މީގެން ކޮންމެ މީހެއްގެ އެކައުންޓްތައް ފުރާލަދޭ. އެކަމް ގައުމްގެ ރައީސް އިންޓަރނެޓް އަގުހެޔޮ ކުރަށް ގޮވާލީމަ ވެސް މި މީހުން ރަށްއިތުންނަށް މި ކުރަނި ޖެންސުން
އައްމި
30 March 2020
ދިވެހި ސަރުކާރުގަ ހިންސާއޮންނަ ކުއްފުނިތަކުން ރަށްއިތުންނަށް މި ކުރަނީ ޖެންސުމެއް ނޫންތަ.
ޢަލީިި
30 March 2020
5 ޖީބީ!!! ވީޑިއޯ މެދުވެރިކޮށް ކިޔަވަން 30 ދުވަހަށް. ހެހެހެ. ތީތި ގިނަވާނެ. މީ އަހަރެމެން ގެ ދިރާގު. މި ވަގުތު ގަ ވެސް ރަގަޅު އެހީތެރިކަމެއް ދޭކަށް ބޭނުމެއް ނުވޭ. ދި. ދިވެހިން ނަށް ރާ. ރާކަނިމަސް ގު ގުބޯ ގުބޯ
މުދައްރިސާ
29 March 2020
އުރީދޫ ސިމް ގެންގުޅޭ ޓީޗަރުންނަށް ނުލިބޭ؟ ދިރާގަށް ހީވަނީ ހުރިހާ ޓީޗަރުންނަކީ ދިރާގު ކަސްޓަމަރުނޭތާދޯ؟ އެކަމަކު އެއްބައި ޓީޗަރުންނަށް ދޭ އިރު އަނެއްބަޔަކަށްވެސް ދޭންވާނެ