އިކޮނޮމިކް ރިކަވަރީ ޕްލޭނާ ގުޅޭ ގޮތުން ސަރުކާރުން މައުލޫމާތު ދެއްވަނީ-- ފޮޓޯ:އަހުމަދު އަވްޝަމް އިލްޔާސް/މިހާރު
31 މާޗް 2020 - 15:09
15 comments
ކޮވިޑް-19 އާ ގުޅިގެން ސަރުކާރުން ބާއްވަމުން އަންނަ ސިލްސިލާ ޕްރެސް ކޮންފަރެންސްގެ ތެރެއިން މިރޭ ބާއްވާ ކޮންފަރެންސްގައި އިކޮނޮމިކް ރިކަވަރީ ޕްލޭނާ ގުޅޭ ގޮތުން މައުލޫމާތު ދިނުމަށް ނިންމައިފި އެވެ.
ކޮވިޑް-19 އާ ގުޅިގެން ސަރުކާރުން އަންނަނީ ކޮންމެ ދުވަހަކު ދެ ފަހަރު ޕްރެސް ކޮންފަރެންސެއް ބާއްވަމުންނެވެ. އެގޮތުން މިރޭ ކޮވިޑް-19 އާ ގުޅިގެން ބާއްވާ ޕްރެސް ކޮންފަރެންސްގައި ސަރުކާރުގެ އިކޮނޮމިކް ރިކަވަރީ ޕްލޭނާ ގުޅޭ އިތުރު މައުލޫމާތު ދެއްވާނެ އެވެ. މި ޕްރެސް ކޮންޕަރެންސްގައި ފިނޭންސް މިނިސްޓަރު އިބްރާހިމް އަމީރު ބައިވެރިވް ވަޑައިގަންނަވާނެ އެވެ.
ސަރުކާރުން އިއުލާނު ކުރި އިކޮނޮމިކް ރިކަވަރީ ޕްލޭންގެ ދަށުން ލޯނުތައް ހަ މަހަށް ފަސް ކުރުމާއި ވިޔަފާރިތަކުގެ ވޯކިން ކެޕިޓަލަށް ބޭނުންވާ ފައިސާ ބޭންކްތައް މެދުވެރިކޮށް ހަމަޖައްސައިދޭ ގޮތަށް އޮތީ ނިންމައިފަ އެވެ. މިކަން ކުރުމަށްޓަކައި 2.5 ބިލިއަން ރުފިޔާ ދިނުމަށް ސަރުކާރުން ކަނޑައަޅާފައިވެ އެވެ.
މިކަންކަމާ ގުޅިގެން އާންމު އެތައް ބަޔަކު އަންނަނީ އެކި ސުވާލުތައް އުފައްދަމުންނެވެ.
މީގެ ކުރިން މި މަހުގެ 19 ވަނަ ދުވަހު ދަރުބާރުގޭގައި ބޭއްވި ޕްރެސް ކޮންފަރެންސްގައި ސަރުކާރުގެ އިކޮނޮމިކް ރިކަވަރީ ޕްލޭން އިއުލާނު ކުރެއްވީ، ފިނޭންސް މިނިސްޓަރު އަމީރާއި އިކޮނޮމިކް މިނިސްޓަރު ފައްޔާޒު އިސްމާއީލް އާއި ގަވަރުނަރު އަލީ ހާޝިމް އެވެ.
އެ ދުވަހުގެ ޕްރެސް ކޮންފަރެންސްގައި އާންމުންނަށް ދޭ ލުއިތަކުގެ އިތުރުން ރާއްޖޭގެ އިގްތިސާދު ހަމައަކަށް އެޅުވުމަށްޓަކައި އަޅާނެ ފިޔަވަޅުތައް އެމްއެމްއޭއިން ހާމަކޮށްފައި ވެ އެވެ. އެގޮތުން އިގްތިސާދުގައި ފައިސާ ދައުރުވާ ވަރު އިތުރު ކުރުމަށްޓަކައި ބޭންކްތަކަށް އެމްއެމްއޭ އިން ކަނޑައަޅާފައިވާ ރިޒާވް ރިކުޔާމެންޓް 10 ޕަސެންޓުން ފަސް ޕަސެންޓަށް ކުޑަކުރަން ނިންމައިފައިވެ އެވެ.
ގަވަރުނަރު ވިދާޅުވެފައިވާ ގޮތުގައި އާންމުންގެ ތެރޭގައި އަންނަ ނުތަނަވަސް ކަމާ އެކު ޑޮލަރުގެ އަގަށް މި ވަގުތު އަންނަމުންދާ ނޭދެވޭ އަސަރުތައް ކުޑަ ކުރުމަށްޓަކައި ބާޒާރުގައި ޑޮލަރު ދައުރުވާ މިންވަރު އިތުރު ކުރާނެ އެވެ. އެގޮތުން 150 މިލިއަން ޑޮލަރު ފެސިލިޓީއެއް ބޭންކްތަކަށް މި ދަނޑިވަޅު ދިނުމަށް ވެސް އެމްއެމްއޭއިން ވަނީ ނިންމައިފަ އެވެ. މިކަން ކުރަން ވެސް ނިންމާފައި ވަނީ ބާޒާރުގައި ޑޮލަރު އިތުރު ކުރުމަށެވެ.
މި ހާލަތުން އަރައިގަތުމަށްޓަކައި އިތުރު ހަ ބިލިއަން ރުފިޔާ ބޭނުންވާ ކަމަށް އަމީރު ވިދާޅުވި އެވެ. މި އަހަރުގެ ބަޖެޓުގައި ވެސް ބޭރުގެ މާލީ އިދާރާތަކުން 5.9 ބިލިއަން ރުފިޔާ ހޯދުމަށް ކަނޑައަޅާފައިވެ އެވެ. މިކަން ކަމަށް ބޭނުންވާ ފައިސާ ހޯދުމަށްޓަކައި މާލީ އިދާރާތައް ކަމުގައިވާ ވޯލްޑް ބޭންކާއި އިންޓަނޭޝަނަލް މަނީޓަރީ ފަންޑު (އައިއެމްއެފް) އިން ވެސް މާލީ އެހީތެރިކަން ހޯދުމަށް މަސައްކަތް ކުރަމުން އަންނަކަމަށް ސަރުކާރުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަބޭ2020
01 April 2020
6 މަސްދުވަ ހަށް ލޯނުތައްފަސްކޮށްދޭން ވިދާޅުވީމަ އަ ހަރެމެންގެބެންކުން އިންޓުރަސްޓު ޕެކޭޖެއްގެވާ ހަކައެބަވިދާޅުވޭ މިއީކި ހިނެއްވާކަމެއްތޯ؟ މިއީކި ހާވަރެއްގެޕެކޭޖެއްކަމެއް ސާފެއްނޫން! 3 ދިމާލުންދައްކާވާ ހަކަ އެއްވެސްވަރަކަށްދިމާނުވާނަމަ އެއޮޅުވާލެވެނީ ރައިއްޔަތުންނަށް! ލޯނު 6 މަސް ފަސްކޮށްދޭނަމަ އެލޯނާގުޅޭ ހުރި ހާކަމެއްވެސް ފަސްވާންޖެ ހޭނެނޫންތޯ؟
falcon_autho
01 April 2020
އެނގޭނީފޮތުގައި ލިޔެފައިހުންނަ އިކޮނޮމިކް ޕެކޭޖާއި ގްރާފްތައް ހަދާނޭގޮތް. ޢަމަލީގޮތުން ތިޔަކިޔާ އިކޮމިކްޕެކޭޖަކީ ކޯއްޗެއްކަންވެސް ނޭގޭނެ. އިކޮނޮމިކް ޕެކޭޖް ހަދަނީ ދަރަންޏަށް ފައިސާ އެކިގައުމުތަކުން ނަގައިގެނެއް ނޫން. ތިޔަކަހަލަ ޕެކޭޖްތައްހެދުމަށްޓަކައި އަދި މިފަދަ ކާރިސާތައް ދިމާވެދާނޭތީ މާލިއްޔާގައި ރައްކާކުރެވޭ ފައިސާއިން ގައުމުތަކުގައި ތިކަހަލަ ޕެކޭޖްހަދަނީ. އަތުގައި 3 މަހު ކާޑުގަންނަ ފައިސާނެތް ބަޔަކަށް ދެންކޮން ޕެކޭޖެއްހެދޭނީ.
ސީދާރައީސަށް
31 March 2020
ރައީސް އަރިހުގައި ޕޮލިސީ ހަދަންއުޅެނީ ކިޔަވައިގެން ތިބި ކުދިންކޮޅެއް. އެކަމަކު އެކުދިން މިކަމަށް ވަރަށް އާ. އެކުދިން ޖެހޭނީ ސިންގަޕޫރުގެ ޕޮލިސީ ޓީމާއެކު ދެތިން އަހަރު އުޅެލަން. މައުމޫނު ޒަމާނުގައި ކުރިގޮތަށް ކަންތައް ކުރާވަރަށްވުރެ، ރާއްޖެ މިއޮތީ ތަރައްގީވެ، ކަންކަން މާ ކޮމްޕްލެކްސްވެފައި. ދެން ކުރިއަށްދެވޭނީ ޕްރޮފެޝަނަލްކޮށް. ރައީސް އަވަހަށް ފިޔަވަޅު އަޅުއްވާ
ބޮޑުމީހާ
31 March 2020
ތި ޕެކޭޖުވެސް ލިބޭނީ ކޮންމެވެސް ރިސޯޓު އޯނަރަކަށް. ސީދާ ވަޒީފާ ގެއްލޭ މީހުންނަށް ތި ދިނީމަ ނިމުނީ. ރިސޯޓުތައް ހުރީ ބަންދުކޮށްފަ، އެތަންތަނަށް އިތުރަށް ދާނެ ޚަރަދެއް ނެތް. މުވައްޒަފުން ނުކަޑާ ރިސޯޓުތަކަށް ދޭންވާނެ
އަހަރެން ނުދެކެން
31 March 2020
ސަރުކާރު ކަޑައޭ. ޗައިނާގެ ބޭނުން ހިފާބަލަ މިދުވަސްވަރު.
ވަތަން އިސްކުރަންޖެހޭ
31 March 2020
ރައިސް ޔާމިން ރާއްޖޭގެ ރިޒަވް އިތުރު ކުރުމުގެ ނަތީޖާ ދިވެހިންނަ މީގެ ފައިދާ މިކުރަނީ. ޖަލައްލިޔަސް ޔާމިންގެ ތާއީދު އިތުރުވެއްޖެ. މީ ހަގީގަތް
އަހަންމަދު2
31 March 2020
މިއަންނަ މަހު މުސާރަ ދެވޭނެ ވަރު ވާނެ ބާ، އަދި މިއުޅުނި ތިބުނާ 2.5 ބިލިއަންގެ ޕެކޭޖްގެ މާބޮޑު މައުލޫމާތެއް ނުލިބި
ހލާސާ
31 March 2020
އެމްއައިބީ އަދި އެމްއެފްއެލްސީ އިން އެތައް ހާސް ރައްޔިތުންނެއް ނަގާފަ ހުރި ކްރެޑިޓް ފެސިލިޓީ ތަކަށް ކަނޑަަނީ ކީއްވެތޯ ކޮންމެސް ނޫސްވެރިޔެއް ސުވާލު ކޮއްލަ ދީބަ.
ދަނޑުވެރިޔާ
31 March 2020
ދަނޑުވެރި ކަމަށް އިންވެސްޓް ކުރަމުން ގެންދާ ކުންފުނި ތަކާއި ފަރާތް ތަށް ވެސް އިކޮނޮމިކް ރިކަވަރީ ޕެކޭޖްގެ ތެރެއިން ރަގަޅު ގޮތެއް ވާނެ ކަމަށް އުއްމީދު ކުރަމެވެ. ދަނޑުވެރިކަމަކީ ދިވެހިން އިންވެސްޓް ކުރާ ސެކްޓަރ އެކެވެ. ބޭރުގެ މަހުޖަނުން އިންވެސްޓް ކުރާ ދާއިރާއެއް ނޫނެވެ.ގެއްލުން ބޮޑު ރިސްޚުން ފުރިފައިވާ މައްސަކަތެކެވެ.
މަންޑޭލާ
31 March 2020
ދައުލަތުގެ ހަޒާނާ ރައްޓެހިންނަ ބަހާ ހުސްކޮއްލި ބައެއްތީ.