ކޮވިޑް-19: މާލޭގެ މާރުކޭޓުތައް ހަވީރު ހަތަރެެއްގެ ފަހުން ބަންދު

ލޯކަލް މާރުކޭޓުގައި މީހަކު ވިޔަފާރިކުރަނީ: މާދަމާ އިން ފެށިގެން ހަވީރު 4:00 މާރުކޭޓު ބަންދުކުރަން ޖެހޭނެ ކަމަށް މާލެ ސިޓީ ކައުންސިލުން ބުނި -- ފޮޓޯ: އަހުމަދު އަވްޝަން އިލްޔާސް/ މިިހާރު

ލަމްޔާ އަބްދުﷲ، މިހާރު

01 އެޕްރީލް 2020 - 15:34

8 comments

ކޮރޯނާވައިރަސް ކޮންޓްރޯލް ކުރަން އަޅާ ފިޔަވަޅުތައް ވަރުގަދަކުރުމުގެ ގޮތުން މާދަމާ އިން ފެށިގެން ތިން ގަޑިއިރުގެ ކާފިއުއެއް ހިންގަން ނިންމުމުން، މާލޭގައި ހިންގާ މާރުކޭޓުތައް ހަވީރު 4:00 ގެ ބަންދުކުރަން ނިންމައިފި އެވެ.

މާލެ ސިޓީ ކައުންސިލުން މިއަދު ކުރި އިއުލާނެއްގައި ބުނީ، މާދަމާ އިން ފެށިގެން މާލޭގައި މާރުކޭޓުތައް ހިންގޭނީ ހެނދުނު 6:00 އިން ފެށިގެން ހަވީރު 4:00 އަށް ކަމަށެވެ. އޭގެ ތެރޭގައި ހިމެނެނީ ކައުންސިލްގެ ދަށުން ހިންގާ ލޯކަލް މާރުކޭޓާއި ދަތުރުވެރިންގެ މާރުކޭޓާއި މަސް މާރުކޭޓުގެ އިތުރުން ވިލިމާލެ މާރުކޭޓު ކަމަށް ކައުންސިލުން ބުންޏެވެ.

މީގެ ކުރިން އާންމުކޮށް ރޭގަނޑު 10:00 އާ ހަމައަށް މި މާރުކޭޓުތައް ހިންގާ ކަމަށް ކައުންސިލުން ބުންޏެވެ.

މުޅި ދުނިޔެ އަށް މިހާރު ފެތުރިފައިވާ ކޮވިޑް-19 ފެތުރުން މަދުކުރުމަށްޓަކައި މާދަމާއިން ފެށިގެން ކޮންމެ ދުވަހެއްގެ ހަވީރު 5:00 އިން ރޭގަނޑު 8:00 އަށް މާލެ، ވިލިމާލެ އަދި ހުޅުމާލޭގައި އުޅޭ މީހުންނަށް މަގުމައްޗަށް ނުނިކުމެވޭނެ ގޮތް ވަނީ ކަނޑައަޅައިފަ އެވެ. އަދި ތިން މީހުންނަށް ވުރެ ގިނަ މީހުން ބޭރުގައި އުޅުން ވެސް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ މަނާކޮށްފަ އެވެ.

Beyrugai ulhum manaa vaguthu thakeh kanda'alhaifi

The most trusted news source in the Maldives

Mihaaru

ދަތުރުވެރިންގެ މާރުކޭޓު ހިންގޭ ވަގުތުތަކަށް ބަދަލު ގެނައި ކަމަށް ކައުންސިލުން ބުނި ނަމަވެސް، މަރާމަތުކުރަން މިދިޔަ އޮގަސްޓު މަހު އެ މަރުކޭޓު ބަންދުކުރުމަށް ފަހު އަލުން ނުހުޅުވަ އެވެ.

އެ ހަތަރު މާރުކޭޓުގެ އިތުރުން އެހެން މާރުކޭޓުތައް ވެސް މާލޭގެ އެކި ސަރަހައްދުތަކުގައި ހިންގަ އެވެ. ނަމަވެސް އެ މާރުކޭޓުތަކަކީ ވިޔަފާރީގެ އުސޫލުން އިކޮނޮމިކް މިނިސްޓްރީން ހިންގާ ތަންތަން ކަމަށް ވުމުން، އެތަންތަން ހިންގާނީ އެޗްޕީއޭ އިން ނެރޭ ގަވާއިދުތަކާ އެއްގޮތަށް ކަމަށް މާލެ ސިޓީ ކައުންސިލުން ބުންޏެވެ.

މާރުކޭޓުގައި ވިއްކަން ބަހައްޓާފައި ހުރި ބައެއް މޭވާ -- ފޮޓޯ: އަހުމަދު އަވްޝަން އިލްޔާސް/ މިިހާރު

މިދިޔަ މަހުގެ ހަތް ވަނަ ދުވަހު ކޮވިޑް-19 ރާއްޖެއިން ފެނުނު ފަހުން، ރާއްޖެ އޮތީ ސިއްހީ ނުރައްކަލުގެ ކުއްލި ހާލަތެއްގައި ކަމަށް ސަރުކާރުން އިއުލާނުކުރި އެވެ. ސްކޫލްތަކާއި ސަރުކާރު އޮފީސްތަކުގެ އިތުރުން އެހެން ތަންތަން ވެސް ވަނީ ސަރުކާރުން މިހާރު ވަނީ ބަންދުކޮށްފަ އެވެ.

މި ބައްޔަށް ރާއްޖެއިން 18 މީހަކު ޕޮޒިޓިވް ވެފައިވާ އިރު، ރަނގަޅުވެފައިވާ 13 މީހުންނަކީ ޓޫރިސްޓުންނާއި ރިސޯޓުތަކުގައި މަސައްކަތްކުރާ ބިދޭސީންނެވެ. ރާއްޖޭގައި ފަރުވާ ހޯދަމުން އަންނަނީ އިނގިރޭސިވިލާތުން ރާއްޖެ އަށް އައި ތިން ދިވެހިންނެވެ. އަނެއް ދެ މީހުންނަކީ އިޓަލީ ދެ ރައްޔިތުންނެވެ. އެ ދެ މީހުން ބައްޔަށް ޕޮޒިޓިވްކަން އެނގުނީ، އިޓަލީ އަށް ފުރި ފަހުންނެވެ.

ލޯކަލް މާރުކޭޓް މާލެ ސިޓީ ކައުންސިލް ހެލްތު ޕްރޮޓެކްޝަން އެޖެންސީ ސިއްހީ ކުއްލި ނުރައްކަލުގެ ހާލަތު މާލެ

8 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކުއެކީ

02 April 2020

މާލަސް ..މާބޮޑަށްވެސް ލަސް. .. އެތަނުގައި މީހުން ވަނީ ތޮއްޖެހިފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޒާނާ

01 April 2020

ސަރުކާރުން ދަނޑުވެރިކަމަށް މިވަގުތު އިސްކަން ދީބަލާށެވެ. އެގްރިކަލްޗަ މިނިސްޓްރީ ގެ މިނިސްޓަރު އިސްތިހާރު ކުރަން ބޭނުންކުރާ ބޮޑެތި ފޮޓޯތައް ވެބްސައިޓުން ނަގާ ފަ ދަނޑުވެރިކަމާ ބެހޭ ގިނަ މައުލޫމާތު ތަކެއް ފޮރު ކޮށްދި ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންވެލި

01 April 2020

ގަވާއިދާ ހިލާފް ބިދޭސީ ސޭޓުން ތައް ބޭރު ކޮށްބަލާށެވެ. ރާއްޖޭގެ އެއްވެސް ގާނޫނަކު ގަވާއިދާކު ބިދޭސީ ކޭޝިއަރުންނަށް ހުރުމުގެ ހުއްދަ އެއް ނުދެއެވެ. ދިވެހީންނަށް މިވަގުތު ވަޒީފާ ލިބޭގޮތް ތައް ހޯދާދީ ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދުކަލޯ

01 April 2020

މީހުން ގިނައިންދާ ތަންތަން ހުޅުވާފަ ހުންނަ ވަގުތުކޮޅު މަދުކުރުމުން ގިނަ މީހުން އެއްވަގުތަކަށް ޖަމާ ވާން ނޫންތޯ ޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 April 2020

ވަގުތު ނަގާނުލާ ސަރުކާރުން އަޅާ އެންމެ ފުރަތަމަ ފިޔަވަޅަކަށްވާންޖެހެނީ އެސްޓީއޯ، ވެމްކޯ، ފެލިވަރު، މިފްކޯ ފަދަ ދައުލަތުގެ އަދި ދައުލަތް ޙިއްސާވާ ކުންފުނިތަކާއި، މާލޭސިޓީ ކައުންސިލާއި، ހައުސިންގ، ޔޫތު ފަދަ ސަރުކާރުގެ ވަޒީފާތަކުގައިތިބި ބިދޭސި މުވައްޒަފުންގެ ތެރެއިން ޕްރޮފެޝަނަލް ގިންތީގެ މީހުންފިޔަވާ ދެންތިބި އެންމެނަށް 03 މަސްދުވަހުގެ ނޯޓިސްދީ މުއްދަތު ހަމަވުމުގެ ކުރިން ވޯކްވީސާ ކެންސަލްކޮށް ޤައުމަށް ފޮނުވާލާ މިދައުލަތް ސަލާމަތް ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

01 April 2020

މަރުޙަބާ ރައްޔިތުންގެ ސަލާމަތާއި ރައްކާތެރި ކަމަށްޓަކައި ތިޔަ ކުރާ މަސައްކަތަށް. އަދިވެސް ވަޤުތު ކުޑަކޮއްލަންފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

01 April 2020

ލޯކަލް މާރުކޭޓް ގަ އުޅޭ ބިދޭސީ ކޭޝިއަރުންތައް ކައުން ސިލް އިން ބޭރުކޮށް ދީބަލާށެވެ. އެއްޗެއް ގަނެފަ ފައިސާ ދޭން މިޖެހެނީ ގަވާއިދާ ހިލާފައް ހުންނަ މީހެއް އަތަށެވެ. ބޮޑުބައެއް ދަނީ ރާއްޖެިން ބޭރަށެވެ. ހުޅުމާލެ ލޯކަލް މާރުކޭތް ގަ އުލެނީ ދިވެހީންނެވެ. ބޭރު މީހުން އެހީ ތެރީންނަށް ބެހެއްޓި ދާނެއެވެ. ވ ގިނަ ދިވެހީންގެ ވަޒީފާ ގެއްލިއްޖެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 April 2020

ޤައުމުގެ އިޤްތިސޯދު ސަލާމަތް ކުރުމަށްޓަކާ ރާއްޖޭގައި ވަޒީފާ އަދާކުރާ ސައްޙަ ގޮތުގައި ތިބި ބިދޭސިންނާއި އިލީގަލް ބިދޭސިން މަދުކުރާން މިވަގުތު މަސައްކަތް ކުރާންޖެހޭ. # މިގޮތުން މާލޭ ކާމިނީގޭ ގޯތިތެރޭގައިހަދާފައިވާފަދަ ބާޒާރުތައް ބަންދުކޮށް އަދި ކޮވިޑް 19 ގެ ތެރޭގައި ފިހާރަތަކުންކަންކަންކުރާގޮތްބެލުމަށް ފުލުހުންގެ ދައުރުފުޅާކޮށް ފިހާރަހުޅުވިފައިހުންނަވަގުތުގައި ކައުންޓަރުގައި ބިދޭސިންތިބޭފިހާރަ 24 އިރަށް ބަންދުކުރުން ފަދަ ފިޔަވަޅުއަޅާންޖެހޭ.