އެންއީއޯސީން މީގެ ބޭއްވި މީޑިއާ ބްރީފިންގައި އެޗްޕީއޭގެ މެޑިކަލް އޮފިސަރު ޑރ. ނަޒްލާ ވާހަކަދައްކަވަނީ.-- ފޮޓޯ: ހެލްތު މިނިސްޓްރީ
06 އެޕްރީލް 2020 - 23:28
24 comments
އާންމުންގެ ތެރޭގައި ކޮރޯނާވައިރަސް ފެތުރޭކަމުގެ ނިޝާނެއް އަދި ނުފެންނަ ކަމަށާއި އެކަން ކަށަވަރުކުރަން އިތުރު ދިރާސާއެއް ހަދަމުން އަންނަކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އިން މިރޭ ބުނެފި އެވެ.
އެންއީއޯސީން މިރޭ ބޭއްވި މީޑިއާ ބްރީފިންގައި ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ މެޑިކަލް އޮފިސަރު ޑރ. ނަޒްލާ ރަފީގު ވިދާޅުވީ، އަދި ފަރުވާއެއް ހޯދިފައިނުވާ ބަލި އާންމުންގެ ތެރޭގައި ފެތުރޭތޯ ދެ ގޮތަކަށް ބަލަމުން އަންނަ ކަމަށެވެ. އެއް ގޮތަކީ، ނަޒްލާ ވިދާޅުވި ގޮތުގައި، ނޭވާލާ ނިޒާމުގައި އިންފެކްޝަނެއް އުފެދިގެން ހޮސްޕިޓަލުގައި އެޑްމިޓްކުރާ މީހުން ޓެސްޓުކުރުމެވެ. ދެ ވަނައަށް، ނޭވާލާ ނިޒާމުގެ ބަލިތަކަށް ރާއްޖޭގެ ހުރިހާ ހިސާބަކުން ރިޕޯޓުކުރާ މިންވަރު ބެލުމެވެ.
އޭގެ އިތުރުން ފްލޫ ކްލިނިކަށް ދިޔަ މީހުންގެ ތެރެއިން ވެސް ބައެއް މީހުންގެ ސާމްޕަލް ނަގައި އެއްވެސް ވަރަކަށް ކޮމިއުނިޓީ ތެރޭގައި އެ ބަލި އުޅޭތޯ ބަލާފައިވާނެ ކަމަށް ވިދާޅުވި އެވެ.
"މިހާތަނަށް އައި އިރު ނެތް އިންޑިކޭޝަނެއް ލިބިފައި... މިހާރު އަޅުގަނޑުމެން މި މަސައްކަތް ކުރަމުން ދަނީ އިތުރަށް ކޮމިއުނިޓީ ސްޕްރެޑް ނެތްތޯ ޔަގީންކުރުމަށް އިތުރު ސްޓަޑީއެއް ހެދުމަށް،" ކޮރޯނާވައިރަސް ކޮންޓްރޯލްކުރަން އަޅާފައިވާ ފިޔަވަޅުތަކަށް ލުޔެއް ދެވޭނީ އިރެއް ލަފާކުރެއްވޭތޯ "މިހާރު" ން ސުވާލުކުރުން ނަޒްލާ ވިދާޅުވި އެވެ.
މިހާރު އަޅާފައިވާ ފިޔަވަޅުތަކާ އެކު އަބަދު ނޫޅެވޭނެކަން ފާހަގަކުރައްވަމުން ނަޒްލާ ވިދާޅުވީ ފިޔަވަޅުތަކަށް ލުޔެއް ދިނުމުގެ ކުރިން، ޔަގީންކުރަންޖެހޭ ކަންކަން އެބަހުރި ކަމަށެވެ. އެކަމަށް ހަދަންޖެހޭ ދިރާސާގައި ސާމްޕަލް ނަގާނެ ބަޔަކާއި ގޮތްތަކާއި އަދި ސާމްޕަލްގެ އަދަދުތައް ނިންމުމުގެ މަސައްކަތްތައް ކުރަމުން އަންނަކަމަށް ވިދާޅުވި އެވެ.
"އިރާދަކުރެއްވިއްޔާ ވަރަށް އަވަހަށް ކޮމިއުނިޓީ ސްޕްރެޑް ނެތްތޯ އަޅުގަނޑުމެން ސްޓަޑީއެއް ތައްޔާރުކުރާނަން،"
ނަޒްލާ ވިދާޅުވީ ކޮވިޑް-19 އިން ރައްކާތެރިވުމަށް މިހާރު އަޅާފައިވާ ފިޔަވަޅުތަކަށް ލުއެއް ދީފި ނަމަ އެ ބަލި ފެތުރުމުގެ ފުރުސަތު އޮތް މިންވަރު ވެސް ބަލަމުން އަންނަ ކަމަށެވެ. ކޮމިއުނިޓީ ސްޕެރެޑެއް ނެތްކަން ޔަގީންވުމުން ލުއި ކުރާނެ ފިޔަވަޅުތަކުގެ މަސައްކަތް ޓެކްނިކަލް ޓީމުން ކުރާނެ ކަމަށާއި އެ ޕްލޭންކުރުމުގެ މަސައްކަތް ފަށާފައިވާ ކަމަށް ވިދާޅުވި އެވެ.
ޗައިނާގައި މިދިޔަ ޑިސެމްބަރު މަހު ފެތުރެން ފެށި އަދި ރާއްޖެއިން ވެސް މިހާރު ވެސް ފެނިފައިވާ ކޮވިޑް-19 އިން ރައްކާތެރިވުމަށް ސަރުކާރުން ވަނީ ގިނަ ފިޔަވަޅުތަކެއް އަޅައިފަ އެވެ. އެގޮތުން ސަރުކާރުގެ އޮފީސްތަކާއި ސްކޫލުތަކާއި ކޮލެޖުތައް ބަންދުކުރުމާއި ޖަމާއަތުގައި ނަމާދުކުރުން މެދުކަނޑާލުމާއި ކެފޭ އަދި ރެސްޓޯރެންޓުތަކުގައި ތިބެގެން ކެއުން ބުއިމުގެ ހިދުމަތް ދިނުން ވެސް ވަނީ މަނާކޮށްފަ އެވެ.
ރާއްޖެއިން މިހާތަނަށް 19 މީހަކު ވަނީ ކޮވިޑް-19 އަށް ޕޮޒިޓިވްވެފަ އެވެ. އޭގެ ތެރެއިން 13 މީހަކު ރަނގަޅުވެފައިވާއިރު އެ ބަލީގައި މިހާރު ފަރުވާ ދެމުން އަންނަނީ އިނގިރޭސިވިލާތުން އައި ފަހުން ކޮވިޑަށް ޕޮޒިޓިވްވި ހަތަރު ދިވެހިންނަށެވެ. ބާކީ ތިބި ދެ މީހުން އެ ބައްޔަށް ޕޮޒިޓިވްވިކަން އެނގުނީ ރާއްޖެއިން ފުރައިގެން ދިޔަ ފަހުންނެވެ. އެއީ އިޓަލީގެ ދެ ޓޫރިސްޓުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިވަރެއްނެތް
07 April 2020
އަދި ކިރިޔާ ދިރާސާ ކުރަނީ! ކަނބުލޯ އެމަޖެންސީގައި ތިފަދަ ދިރާސާތައް ކުރަނީ ރިއަލް ޓައިމްގަ. ގައުމުގެ ހުރިހާ ހޮސްޕިޓާ ކްލިނިކްތަކުން ވަގުތުން ޑޭޓާ ހިއްސާކުރަންޖެހޭނެ. ޝައްކުވާ ކޭސްތައް ވަގުތުން ފޮލޯކުރަންޖެހޭނެ. ކަނބުލޯމެންގެ ކޮންމެ ނިންމުމެއް ވާންޖެހޭނީ އެފަދަ ޑޭޓާގެ މައްޗަށް. އެއިރަކު ތިމާއަށް ފެންނަހާ ގޮތަކަށެއްނޫން. އެއަޕޯޓު ބަންދުކުރިތާ 3 ހަފްތާ ފަހުން ތިބުނަނީ ދިރާސާކުރަން ވިސްނާވާހަކަ! ތިޔައީ ގާބިލުކަން ވެއްޖިއްޔާ ނާގާބިލޭ ކިޔާނީ ކޯއްޗަކަށްތަ؟
ގަލޮޅުމެދުދާއިރާ
07 April 2020
ލަސްވެއްޖެ، ތިޔާކަން އަވަސްކުރޭ
ޢުނީ0
07 April 2020
އިންޑިޔާ އިން ވ މަސައްކަތް ކުރާނެ ރާއްޖެއަށް މިބަލި ގެންނަން. ސަބަބަކީ ރާއްޖެއަށް މިބަލި އަތޮޅުތެރޭ ރަށަކަށް އަޔަސް އެރަށް މުޅިން ނެތިގެންދާނެ މިފަދަ ހާލަތެއްގައި ރާއްޖެ ނިކަމެތިވެ އެހީ ހޯދުމަށް އެދޭނީވެސް އިންޑިޔާއިން އަދި މިހިސާބުން އެމީހުންގެ ބާރުގެދަށަށް ރާއްޖެގެނައުން ފަސޭހަވެގެންދާނެ.
ސްޓިލް
07 April 2020
ތިޔައީ ވިސްނުމުގައި ތަންކޮޅެއް ބޮޑަށް ހައްދުފަހަނައެޅުމެއްހެން ހީވަނީ. އެއްވެސް ގައުމަކުން ބަލި ރާއްޖެ ގެންނަން މަސައްކަތްކުރާނެހެނެއް ހިއެއްނުވޭ. އިންޑިއާ މީހުންނަކީ ހާލަތުގެ ފައިދާ ނަގަން ވަރަށް މޮޅު ބައެއް އަދި ހަންފަތުރަން އެވަރެއްނެތް ބައެއް. އެކަމު ތިޔަ ހިސާބަށް ވިސްނުން ގެންދާކަށްނުވާނެ.
ޢޯކެ
07 April 2020
ރަނގަޅު އެބަވޭ.
ލައުރާ
07 April 2020
ވަރައްރަނގަޅު ކަ މެއް ރިސޯޓުތަކައް އައިސް މުވައްޒަފުންގެ ހާލަތު ދެނެގަތުންވެސް ވަރައް މުހިން މު ހުރިހާ ރިސޯޓެއްގަވެސް މ މީހުންއެބަތިބި
ސަކީނާއްތަ
07 April 2020
ސަރުކާރަށް ލިބިފައިވާ މަދު ރިސޯސަސްއިން ''ކޮވިޑް 19" ނައްތާލުމައްޓަކައި ޓެސްޓްކުރުމާއި، ކޮންޓެކްޓް ޓްރޭސިންގް، އައިސޮލޯޝަންކުރުން، އަދި މީހުން އެއްވުން ކޮންޓްރޯލްކުރުން މިކަންތައް ބަރާބަރަށް ސަރުކާރުން ހިގަމުންދާއިރު މިބަލި ރާއްޖޭގައި ފެތުރުން ވަނީ ކޮންޓްރޯލްކުރެވިފައި. އެހެންވީމާ، އަލުން ގައުމު އާއްމުދިރުއުޅުމަށް ބަދަލުކޮށް އިގްތީސާދު ކޮޅަށް ނަގާނެ ޕްލޭނެއް ނުފެނޭ.
ނިރު
07 April 2020
މިހާރު އެތައްބަޔަކު ބިކާރިވެއްޖެ އަދި ވަމުންދަނީ .... މިގޮތުގަ އޮންނަކަމަށް ވަންޔާ ބަޑުފުރާ މުއްތި ކުރަންޓަކައި ބަޔަކު ސަލާންޖަހަން ނުކުންނާކަށް މާކަގިނަ ދުވަހެއް ނެތް ... ހަމަ އެކަނި ރައްޔެތުންނައްޓަކާ ސަރުކާރުން ކޮއްދިންހާވެސް ކަމަކީ 1 ޓަނުފެން (-/25ރ ) ހިލޭ ކޮއްދިނުން .
ޓިންޓިން
07 April 2020
ނާޙަމަ ތެދުފުޅެއްތޯ. ފެތުރޭކަން ނޭންގެންޏާ މިއޮއްހާދުވަހު ތިކުރެއްވީ ކޮންކަމެއްތޯ؟ ތިހާ ފިލައިގެން އުޅޭ ވައިރަހެއް ނަމަ ދެން އަޅާ ނުލެއްވިއްޔާ ރަގަޅުވާނީ. މިއޮއްހާދުވަހު ކުރެއްވިކަމަކަށް ވަނީ ވައިރަސް ފެތުރުނަ ނުދިނުން. އެކަމަކު އެކަން ކުރެއްވުނުތޯ ވެސް ތިބައްލަވަން ޖެހެނީ ދިރާސާ އަކުން.މީހުން ބުނާ އަޑު އިވޭ މި ވައިރަހަކީ ވަރަށް އަވަހަށް ވަރަށް ނުރައްކާތެރިކޮށް ފެތުރޭ ވައިރެހެކޭ. އެކަމަކު ރާއްޖޭގައި މިވައިރަސް މިއުޅެނީ ހާދަ ފިލައިގެންނޭ ދެއްތޯ.
އަސްރަފް
07 April 2020
އިނގިރޭސި މުއްސަދިންގެ ދަރިން ނުގެނެސް، ގެނައަސް 2 މަހަށް ފަޅުރަށަކަށް ކަރަންޓީނަށް ލާ، ބޭރުން އަންނަ ކޮންމެ މީހަކުވެސް ކަރަންޓީނު ފެސިލިޓީތަކުގަ ކަނޑުމަގުން ވަކިވެފައި އޮތް، ކަނޑުމަގުން އަންނަ ފަޅުވެރި ނޫނީ އެހެން މީހުންވެސް ވަރަށް ރަނގަޅަށް މޮނިޓަރ ކުރަންވީ.
އެންދެރި
07 April 2020
ކުރިއަށް.އޮތީ އުނދަގޫ ދުވަސް ތަކެކެވެ . ވ ގިނަ.މީހެން އިންޑިޔާ ލަންކާ އަދި މެލޭޝޮޔާ އިން އެބަ ގެނެ އެވެ. ގޭގަ މަޑުކުރަން ބުނަނީ އެހެން ވެ އެވެ.