ޕްރައިމަރީއަކާ ނުލައި ރައީސް ޔާމީނަށް ޓިކެޓް ދޭން ގިނަ މެމްބަރުން އިއްތިފާގުވޭ: ނިހާން

ފުވައްމުލަކު ނަރުދަމާ ނިޒާމްގެ މަޝްރޫއު ރަސްމީކޮށް ފެށުމަށް ބޭއްވި ޖަލްސާގައި ރައީސް ޔާމީން ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް

ފަޒީނާ އަހުމަދު، މިހާރު

12 އޮކްޓޯބަރ 2016 - 15:36

37 comments

ޕްރައިމަރީއަކާ ނުލައި ދެ ވަނަ ދައުރަކަށް، ޕީޕީއެމްގެ ރިޔާސީ ޓިކެޓް ރައީސް އަބްދުﷲ ޔާމީނަށް ދެއްވަން ޖެހޭ ކަމަށް އެ ޕާޓީގެ ޕާލަމެންޓްރީ ގްރޫޕުގެ ގިނަ މެމްބަރުން އިއްތިފާގުވާ ކަމަށް އެ ގްރޫޕުގެ ލީޑަރު އަހްމަދު ނިހާން މިއަދު ވިދާޅުވެއްޖެ އެވެ.

ރައީސް ޔާމީނާ އެކު ޕީޖީ ގްރޫޕުގެ ބައްދަލުވުމަށް ފަހު މުލިއާގޭ ކައިރީގައި ނޫސްވެރިންނާ ބައްދަލު ކުރައްވައި ނިހާން ވިދާޅުވީ ޕްރައިމަރީއަކާ ނުލައި އެމަނިކުފާނަށް ޓިކެޓް ދިނުމަކީ މައްސަލައެއް ކަމަށް ދެކެވަޑައިނުގަންނަވާ ކަމަށެވެ. ޕީޖީ ގްރޫޕުގެ ގިނަ މެމްބަރުން ވެސް ގެންގުޅުއްވަނީ، އޭނާ އަށް އެނގިވަޑައިގެންފައިވާ ގޮތުގައި، އެ ވިސްނުން ކަމަށް ނިހާން ވިދާޅުވި އެވެ.

"ކުރިއަށް އޮތް 2018 ގެ ރިޔާސީ އިންތިހާބުގެ ޓިކެޓް ރައީސް ޔާމީނަށް އެއްވެސް ހުރަހަކާ ނުލައި ލިބެން ޖެހޭ ކަމަށް ގަބޫލުކުރަން. ދެން އެކަން ގަބޫލު ނުކުރައްވާ މެމްބަރަކު ވަޑައިގެން ވިދާޅުވެ ދެއްވާ ގަބޫލުނުކުރައްވާ ސަބަބެއް،" ނިހާން ވިދާޅުވި އެވެ.

ރައީސް ޔާމީނާ އެކު ބޭއްވި ބައްދަލުވުމަށް ފަހު ޕީޖީ ގްރޫޕުގެ ބައެއް މެމްބަރުން މުލިއާގެއިން ނިކުމެވަޑައިގަންނަވަނީ. --ފޮޓޯ: މުހައްމަދު ޝަރުހާން

ޕީޕީއެމްގެ ރިޔާސީ ޕްރައިމަރީ އަށް ކުރީގެ ހޯމް މިނިސްޓަރު އުމަރު ނަސީރު ކުރިމަތިލައްވާނެ ކަން އިއުލާން ކުރައްވާފައިވާއިރު ޕްރައިމަރީއެއް އޮންނާނެތޯ ނޫސްވެރިއަކު އެހުމުން ސީދާ ޖަވާބު ނުދެއްވައި ނިހާން ވިދާޅުވީ ރައީސް ޔާމީންގެ ފުރަތަމަ ދައުރުގައި އެ މަނިކުފާނު ނަތީޖާ ނެރެދެއްވާފައިވާ ކަމަށެވެ. އެހެންވެ ޕްރައިމަރީއެއް ބޭއްވުން މުހިއްމު ނޫން ކަމަށް ޕީޖީ މެމްބަރުން ގަބޫލުކުރައްވާ ކަމަށް ދޭހަވާ ގޮތަށް ނިހާން ވާހަކަ ދެއްކެވި އެވެ.

މުލިއާގޭ ބޭރުގައި ޕީޕީއެމް ޕީޖީ ގްރޫޕްގެ މެމްބަރުންތަކެއް. --ފޮޓޯ: މުހައްމަދު ޝަރުހާން

އަދި ރައީސް ޔާމީންގެ ފުރަތަމަ ދައުރުގައި ރައްޔިތުންނަށް ގިނަ ކަންކަން ކޮށްދެއްވާފައިވާ އިރު، ދެ ވަނަ ދައުރަކަށް ފުރުސަތު ނުދޭން އެހެން މީހަކު އުޅެން ޖެހޭ ސަބަބެއް ޕާލަމެންޓްރީ ގްރޫޕަށް ނުވިސްނޭ ކަމަށް ވެސް ނިހާން ވިދާޅުވި އެވެ.

"އެފަދަ ހާލަތެއް އޮތް ނަމަ އެގޮތް ގޮތަކަށް އަޅުގަނޑުމެން ވެސް ބެލީމުސް،" ނިހާން ވިދާޅުވި އެވެ.

ޕްރައިމަރީއަކާ ނުލައި ޓިކެޓް ދޭން ޖެހޭ ކަމަށް ނިހާން މިއަދު ވެސް ވިދާޅުވިއިރު ރައީސް ޔާމީނާއި ކުރީގެ ރައީސް އަދި ޕީޕީއެމް ރައީސް މައުމޫނާ ދެމެދު އުފެދިފައިވާ ހިޔާލު ތަފާތުވުންތަކުގެ "ހުޅުގަނޑު ފަޅައިގެން" ގޮސް ޕާޓީ ދެ ފަޅިވީ، ޕްރައިމަރީ ނުބާއްވައި ރައީސް ޔާމީނަށް ޓިކެޓް ދޭން ކައުންސިލުން ފާސްކޮށްދޭން އެދި މެމްބަރުން ލައްވައި ސޮއި ކުރައްވަން ފެށި ހިސާބުންނެވެ. އެ ގަރާރުގައި ޕީޕީއެމް ކައުންސިލްގެ ގިނަ މެމްބަރުން ސޮއިކުރައްވާފައިވީ ނަމަވެސް އެއީ ކަންކުރެވިގެން ވާނެ އުސޫލެއް ނޫން ކަމަށް މައުމޫން ވަނީ ވިދާޅުވެފަ އެވެ.

އެމަނިކުފާނު ވިދާޅުވި ގޮތުގައި ޕާޓީގެ ހުރިހާ ކަމެއް ވެސް ކުރިއަށް ދާނީ އޮންނަ އުސޫލްތަކުގެ ތެރެއިން އަސާސީ ގަވާއިދާ އެއްގޮތަށެވެ.

ޕީޕީއެމުގެ އިސްލާހީ އެޖެންޑާއެއް މައުމޫން އިއުލާން ކުރައްވާފައިވާއިރު، އެ ޕާޓީގެ ރިޔާސީ ޕްރައިމަރީ އޮންނާނެ މުއްދަތު ވެސް މައުމޫން އޭގައި ހިމަނުއްވާފައިވެ އެވެ.

ރައީސް އަބްދުﷲ ޔާމީން ކުރީގެ މެމްބަރު އަހުމަދު ނިހާން ޕީޕީއެމް ޕާލަމެންޓްރީ ގުރޫޕް ޕީޕީއެމް ސިޔާސީ އުމަރު ނަސީރު ރައީސް މައުމޫން އަބްދުލްގައްޔޫމް

37 ކޮމެންޓް, 87 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޙައްމަދު

13 October 2016

ރައީސް ޔާމީނަށް އިންތިހާބަކާއި ނުލައި މުޅި އުމުރަށް ވެރިކަމުގައި ހުރެވޭގޮތަށް ސިފައިންނާއި ފުލުހުން ބޭނުން ކުރައްވައިގެން މިލިޓަރީ ވެރިކަމެއް ކުރެއްވުން ކިހިނެއްތޯ އެވެ. މިހާރު ވެސް ފެންނަނީ އެމަންޒަރެވެ. ނަމަށް ބަދަލު ގެނައުމުން ނިމުނީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

13 October 2016

ޓިކެޓްދޭންޖެހޭ އެއްވެސް ސަބަބެއްނެއް، އެމަނިކުފާނުވަނީ އެއްބަސްވެ މައާފަތް އެދިފައި ރާއްޖޭގެ ހަޔާތުގައި ސަރުކާރަކުންވި އެންމެ ބޮޑު ހިޔާނާތް އެމަނިކުފާނުގެ ދައުރުގެ 3 އަހަރުގައި އެމަނިކުފާނުގެ ސަރުކާރުންވިކަން އަދި އެމަނިކުފާނުގެ ދައުރުގައި ޤައުމު ދަރަނިވެއްޖެކަން އެއްބަސްވެ އަލުން އިތުރު 5 އަހަރުދިނުމަށް އެދިފައިވޭ، އެހެންކަމުން ޤައުމު ނެތް ރަނގަޅަށް ހިންގިފައި، އަދި ޤައުމެއް ހިންގުމަށް ޓިކެޓް ދިނުމަށް ބަލަންޖެހޭ ދެކަމަކުން ރައީސް ވަނީ ފެއިލްވެފައި، އެއީ ސަރުކާރުގެ ހިޔާނާތުން އަދި ދަރަނިވެރިވުމުން، އެހެންކަމުން ޕީޕީއެމުން ޓިކެޓްދިނަސް ރައްޔިތުންގެ ޓިކެޓެއްނެއް ދެވޭކަށެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިގުދޫ

13 October 2016

އަބަދު ވެރިކަން ވެރިކަން. ބޯހަލާކު އިންތިޚާބު ކާމިޔާބުވެ ހުވާކުރުމަށްފަހު ދެން ފެށީ 2018 ގެ ކެމްޕޭން. ދެން ކިހިނެއް ޤައުމަށްޓަކައި ކަމެއްކޮށްދޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިޖޫރީ

13 October 2016

ޢިކޮނޮމިސްޓައް ނުކެރެނީތަ ޕުރައިމެރީއެއް ގައި ވާދަކޮއްލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން

17 October 2016

ބިރު ގަނޭ ނުހޮވިދާނެތީ! އެހެންވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

GAN Island

12 October 2016

މިސަރުކާރުން ކުރި ވައްކަމަށް ވުރެ އިތުރަށް ނުވަތަ އެއާއި ގާތް ކުރާ ވަރަށް ކޮށްފައި ހުރި ''ރަނގަޅު ކަންކަން'' ދައްކައިފި ނަމަ ވެސް ތިކަމާއި މެދު ވިސްނާލަން ވެސް އެއްބަސް ވެވިދާނެ. އެކަމަކު ރައީސް އަމިއްލަ ފުޅަށް މިދައުލަތުގެ ތާރީޙް ގައި ކޮށްފައި ނުވާ ފަދަ ވައްކަން ކޮށްފައިވަނީ ''އެބޭފުޅާ ގެ ވެރިކަމުގެ އެންމެ ފުރަތަމަ 2 އަހަރު ދުވަހުގެ ތެރޭގައި'' ކަމަށް ވިދާޅުވެފައިވާތީ ތިކަން ކުރެވޭކަށް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮނާ

12 October 2016

ޤައުމަށް މިވަރު ވެގެންދާއިރު ދޮން ޢުމަރު ޖޭމް ކޮބާހޭ! ނިކަން ހައްލަކަށް އަޅުވާލަ ދީބަލަ މިކަންކަން. ތިޔައީ ޤާބިލް ފަހުލަވާނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

12 October 2016

"ދެން އެކަން ގަބޫލު ނުކުރައްވާ މެމްބަރަކު ވަޑައިގެން ވިދާޅުވެ ދެއްވާ ގަބޫލުނުކުރައްވާ ސަބަބެއް،" ނިހާން ވިދާޅުވި އެވެ. ޤަބޫލުކުރައްވާ މެމްބަރަކު ވަޑައިގެން ވިދާޅުވެ ދެއްވަން ވީނޫންތޯ ޤަބޫލު ކުރައްވާ ސަބަބެއް، ހަމަ އެކަނި ނިހާނު ޤަބޫލު ކުރައްވާ ކަމަށް ވިދޅުވުމަކީ ނިހާނު ތިޔަ ވިދާޅުވާ ބީދާއިންނަމަ ޓިކެޓް ދޭން ޖެހޭ ސަބަބެއް ކަމަށް ޤަބޫލުކުރަން އަޅުގަނޑަކަށް ފަސޭހައެއް ނޫން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންސޫރު

12 October 2016

ހަމަ ތެދެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުރުސަތު

12 October 2016

ޔާމިނުވެސް އެބުނީ އެއްނު، ތިމަންނައަށް ފުރުސަތުދޭށޭ. ނުކުރާ ކަމަކަށް މައާފަށް އެދެންޖެހޭ ސަބަބެއް ނެތް އިރު، ޔާމިނު މައާފަށް އެދުނީ ކީއްވެބާ؟ ގޯސްވާނީ ބުރޯ؟