މާދަމާ އާއި ހޯމަ ދުވަހު ބޭންކްތައް ހުޅުވާނެ

ފާތިމަތު ޝަނާ މުހައްމަދު، މިހާރު

18 އެޕްރީލް 2020 - 17:28

މާލެ އާއި ހުޅުމާލެ އަދި ވިލިމާލެ މި މަހުގެ ނިޔަލަށް ލޮކްޑައުންގައި އޮތަސް މާދަމާ އާއި ހޯމަ ދުވަހު ބޭންކްތައް ހުޅުވާނެ ކަމަށް މަރުކަޒީ ބޭންކް އެމްއެމްއޭ އިން މިއަދު ބުނެފި އެވެ.

ކޮވިޑް-19 މާލެ އިން ފެނުމާ އެކު މިދިޔަ ބުދަ ދުވަހުން ފެށިގެން މާލެ ސަރަހައްދު ވަނީ ލޮކްޑައުން ކޮށްފަ އެވެ. މި ހާލަތުގައި، މި ފެށޭ ހަފުތާގެ ދެ ދުވަހު ބޭންކްތައް ހުޅުވިޔަސް ދޭނީ އެންމެ ޒަރޫރީ ހިދުމަތްތައް ކަމަށް އެމްއެމްއޭ އިން ބުންޏެވެ.

އާދިއްތަ އާއި ހޯމަ ދުވަހު އެމްއެމްއޭ އާއި ބޭންކްތައް ހުޅުވާނީ ހެނދުނު 9:30 ން މެންދުރު 12:30 އަށެވެ. ބޭންކުން ދޭ މުހިއްމު ހިދުމަތްތަކުގެ ތެރޭގައި ހިމެނެނީ ޓީޓީ ރިކުއެސްޓްތަކާއި ޕޭ ރޯލް ރިކުއެސްޓްތަކާއި އާރްޓީޖީއެސް ޓްރާންސްފާގެ ހިދުމަތްތަކުގެ އިތުރުން މަނީ ޓްރާންސްފާގެ ހިދުމަތްތަކެވެ.

އޮންލައިންކޮށް ލިބޭ ހިދުމަތްތައް ހޯދަން ބޭންކްތަކަށް ދިނުމުގެ ބަދަލުގައި އޮންލައިންކޮށް އެ ޚިދުމަތްތަް ހޯދުމަށް އެދެ އެވެ.

މިިދިޔަ ހަތަރު ހަފުތާގައި ސަރުކާރުގެ އޮފީސްތައް ހުރީ ބަންދުކޮށްފަ އެވެ. އެ ހަފުތާތަކުގައި ވެސް ބޭންކްތަކުގެ ހިދުމަތްތައް ދޭ ދުވަސްތައް ވެސް އެމްއެމްއޭ އިން ހާމަކޮށްފައިވެ އެވެ.

މިދިޔަ ބުދަ ދުވަހުން ފެށިގެން މާލެ އިން ވަނީ ކޮރޯނާވައިރަސް ޖެހިފައިވާ 14 މީހަކު ފެނިފަ އެވެ. އޭގެ ތެރެއިން އެކަކީ ރާއްޖޭގައި މަސައްކަތް ކުރާ ބަންގްލަދޭޝްގެ މީހެކެވެ.

އެމްއެމްއޭ ބޭންކް ބޭންކިން ލޮކްޑައުން

5 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިސާ

18 April 2020

ސޭޓްއަށް ހަދާންކޮއްލަދީީ ފަހަރެއްގަ މުސާރަ ދީފާނެ، މާރޗް މަހު މުސާރަަ އަދިނުދީވަނީ ހޭބޯނާރާ ރިސޯޓްގަ ހުއްދަ ނުނަގައިި ތަންތަންްަޅަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައި އާރު އެސް

18 April 2020

މި ދިވެހިޜާއްޖޭގަ ހިޔެއްނުވޭ ބޯހަމަ ޖެހޭ މީހުން އުޅޭހެން ކޮން ބައެއް ބޭންކު ބޭނުން ކުރަންތޯ ބޭންކް ހުޅުވަނީ، އެއްފަހަރު ބުނާނެ ގޭގައި ތިބޭށޭ އަނެއްފަހަރު ބުނާނެ ބޭރަށް ނިކުމެ ބޭންކު ހުޅުވަނީއޭ އަވަހަށް ބޭންކު އަށް އަންނާށޭ! ބޭންކު އަށް ދާމީހުން ކޮރޯނާ ނުޖެހޭނެތަށް ރަގަޅަށް ވިސްނާފަ ތޯ ގަވަރުނަރު ތިފިޔަވަޅު އެޅީ، ރައްޔިތުން އެދެނީ މިހާރުން މިހާރަށް ބޭންކް ހުޅުވުން ބަދަލް ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިބު

19 April 2020

ބަލަ އާޓިކަލް ކިޔާލަބަލަ! އެއޮތީ ދޯ ޓީޓީ އާއި ޕޭރޯލްގެ ވާހަކަ. ޓީޓީ ހަދައިގެން ރާއްޖޭން ބޭރުން މުދާ ގެނެވޭނީ. ޕޭރޯލް ޕްރޮސެސް ކޮއްގެން މުސާރައާއި ރޯދަ އެލަވަންސް ދެވޭނީ. އާންމުން އެންމެން ދާކަށް ނޫން އެހުޅުވާލީ. ބޮލުގަ ފުނާ އަޅާފަ ލޯގަންޑުން ބަލަން ހުރޭ!