އައިޖީއެމްއެޗުގެ ލެބޯޓްރީގައި ޓެކްނީޝަނަކު ސާމްޕަލްތައް ޓެސްޓްކުރަނީ.
23 އެޕްރީލް 2020 - 10:38
މި ނުވަ މީހުންނާ އެކު، ރާއްޖޭގެ ޖުމްލަ އަކީ 94. ރާއްޖެ އިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ޕްރޮބެބްލް ދެ ކޭސް ހިމެނޭ ކަމަށް އެޗްޕީއޭ އިން ބުނޭ.
An additional 9 cases of four Maldivians and five Bangladesh nationals have been confirmed from Malé.
— Health Protection Agency (@HPA_MV) April 23, 2020
The individuals will be moved to an Isolation Facility. #StayHome #StaySafe
އެޗްޕީއޭގެ ޓުވީޓް
މާލެ އިން އިތުރު ނުވަ މީހަކު ކޮވިޑް-19 އަށް ޕޮޒިޓިވްވެއްޖެ ކަމަށް އެޗްޕީއޭ އިން ދެންމެ ބުނެފި. އެއީ ހަތަރު ދިވެހިންނާއި ބަންގްލަދޭޝްގެ ފަސް މީހެއް. އިތުރު ނުވަ މީހެއް ޕޮޒިޓިވްވިކަން އެޗްޕީއޭ އިން މި ހާމަކުރީ ޕޮޒިޓިވް މީހެއްގެ ނަތީޖާ އިއުލާން ނުކުރާތާ 14 ގަޑިއިރު ފަހުން.
މާލޭގައި ހަލުވިކަމާ އެކު ފެތުރެމުންދާ ކޮވިޑް-19 އަށް ކޮންމެ ދުވަހަކު ޕޮޒިޓިވްވާ މީހުންގެ އަދަދު ދެ އަކުރުގައި ހުންނަތާ ހަތަރުވަރަކަށް ދުވަސް ފަހުން، އިއްޔެ ކުއްލިއަކަށް އެންމެ ދެ ކޭސްއަށް ތިރިވެ، އަދި އެއްވެސް ނަތީޖާއެއް ހާމަނުކުރާތާ 24 ގަޑިއިރު ވެއްޖެ އެވެ. އަނެއް މިވަނީ ކިހިނެއް ހެއްޔެވެ؟
އޭގެ ކުރިން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އައީ މާލެ އާއި ރަށްރަށުން ބަލީގެ އަލާމާތްތައް ފެންނަ މީހުންގެ ސާމްޕަލްތައް ނަގައި އައިޖީއެމްއެޗުގެ ލެބޯޓްރީގައި ޓެސްޓްކޮށް ނަތީޖާ ލިބޭ މިންވަރަކުން އާއްމުކުރަމުންނެވެ. ދުވާލަކު ދެތިން ފަހަރު ވެސް ނަތީޖާ އާއްމުކުރި އެވެ.
ބަލި ޖެހޭ މީހުންގެ އަދަދު މަތިވެ، ޑައިރެކްޓް ކޮންޓެކްޓުންގެ ގޮތުގައި ގިނަ ބައެއްގެ ސާމްޕަލް ނަގާފައި ވިޔަސް އެންމެ ފަހުން ކޮވިޑް-19 އަށް ޕޮޒިޓިވްވި މީހުންގެ އަދަދު ހާމަކުރީ އަންގާރަދުވަހުގެ ރޭ ދަންވަރެވެ. އެޗްޕީއޭ އިން ދަންވަރު 2:24 ގައި އާއްމުކުރި އެ ނަތީޖާގައި ވަނީ ދެ މީހަކު ޕޮޒިޓިވް ވި ކަމަށެވެ. އެއީ، ކޭސް 85 އާއި ކޭސް 86 އެވެ.
Case: MAV085, MAV086
— Health Protection Agency (@HPA_MV) April 21, 2020
Samples taken from a flu clinic of 2 Maldivian nationals present with #COVID19 like symptoms have been tested POSITIVE for #COVID19.
This totals the number of confirmed cases in Male’ City to 66.
The individuals will be moved to an Isolation Facility.
އެޗްޕީއޭ އިން އެންމެ ފަހުން އާއްމުކޮށްފައި ވަނީ މި ކޭސްގެ މައުލޫމާތު.
އެ ދެ ކޭސް ޕޮޒިޓިވް ވުމުން، އެ ވަގުތާ ހަމައަށް މާލެ އިން ބަލި ޖެހުނު މީހުންގެ އަދަދަކީ، އެޗްޕީއޭ އިން ބުނެފައިވާ ގޮތުގައި، ޖުމްލަ 66 އެވެ. މިއާ މިހާތަނަށް ރާއްޖެ އިން ކޮވިޑް-19 އަށް ޕޮޒިޓިވް މީހުންގެ އަދަދަކީ 85 އެވެ. އޭގެ ތެރޭގައި ހިމެނެނީ 45 ބިދޭސީންނާއި 40 ދިވެހިންނެވެ.
މިހާރު ވެސް އައިޖީއެމްއެޗުގެ ލެބޯޓްރީގައި 383 ސާމްޕަލް ޓެސްޓްކުރަން އެބަ ހުރި ކަމަށް އެޗްޕީއޭ އިން ބުނެފައިވެ އެވެ.
މުޅި ދުނިޔެ އަށް ހަލުވިކަމާ އެކު ފެތުރެމުންދާ ކޮރޯނާވައިރަސް ނުވަތަ ކޮވިޑް-19 އިން ރައްކާތެރިވުމުގެ ގޮތުން ހެލްތު ޕްރޮޓެކްޝަން އެޖެންސީ (އެޗްޕީއޭ) އާއި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) ގުޅިގެން މާލޭގެ ބިސްބުރު ސަރަހައްދުގައި ކުރިއަށް ގެންދިޔަ ޑްރިލްގެ ތެރެއިން..---ފޮޓޯ: އަހުމަދު އަވްޝަން/މިހާރު
- ބަލި ޖެހުނު މީހުންގެ ޖުމްލަ އަދަދު: 85 (މިއީ، 45 ބިދޭސީންނާއި 40 ދިވެހިން)
- ބަލި ޖެހިފައި މިވަގުތު ތިބި އަަދަދު: 68 (ބޭރުގައި ދެ މީހަކަށް އަންނަނީ ފަރުވާ ދެމުން)
- ނަތީޖާ ސާބިތުނުކުރެވޭ އަދަދު: 2
- ބަލިން ރަނގަޅުވި އަދަދު: 2
- ކަރަންޓީނުގައި ތިބި އަދަދު: 184
- ޓެސްޓް ކުރި މީހުންގެ ޖުމްލަ އަދަދު: 4696
Today’s latest updates: pic.twitter.com/VgNIJeVQGa
— Health Protection Agency (@HPA_MV) April 22, 2020
މިހާރު މިވެގެން އުޅޭ ގޮތެއް ނޭނގެ އެވެ. ޓެސްޓްތައް ނުހެދެނީ ކަމެއް، ނުވަތަ ޕޮޒިޓިވް ކޭސްއެއް ނުފެންނަނީ ކަމެއް ވެސް ބުނެފައެއް ނުވެ އެވެ.
ކޮވިޑަށް ޓެސްޓަށް ސާމްޕަލް ނަގާ ކިޓެއް.
އެޗްޕީއޭގެ ޓުވިޓާގައި ނަތީޖާ އާއްމުކުރުމުގެ އިތުރުން ސަރުކާރުން ކޮންމެ ދުވަހަކު ބާއްވާ ނިއުސް ބްރީފިންތަކުގައި ވެސް ބަލި ޖެހޭ މީހުންގެ އަަދަދާއި އެ މީހުންގެ ހާލަތު އަދި ޓެސްޓްތަކާ ގުޅޭ މައުލޫމާތު ދެ އެވެ. ނެޝެނަލް އިމަޖެންސީ އޮޕަރޭޝަން ސެންޓަރު (އެންއީއޯސީ)ގެ ތަރުޖަމާން، މުހައްމަދު މަބްރޫކް އަޒީޒް، ޑޮކްޓަރުންގެ ޓީމަކާ އެކު އެންމެ ފަހުން ނޫސްވެރިންނާ ބައްދަލު ކުރެއްވީ، އިއްޔެ މެންދުރު ފަހު އެވެ. ގަވާއިދުން ބާއްވާ އެ ޕްރެސް ކޮންފަރެންސް ރެ އަށް ވެސް ޝެޑިއުލްކުރި އެވެ.
އެކަމަކު އެ ޕްރެސް ކެންސަލްކުރީ، ބެލެވޭ ގޮތުގައި، ރޯދަ އަށް ހަނދު ސާބިތުކުރުމުގެ ޖަލްސާ އޮތުމުންނެވެ.
މިހާރު އޮތް ސުވާލަކީ އާ އެއްވެސް ކޭސްއެއް ނެތި މިހާ ގިނަ އިރުވުމަކީ އުފާވެރި ހަބަރެއް ހެއްޔެވެ؟ މި ސުވާލަށް އަދި ޖަވާބެއް ނުލިބެ އެވެ. ކަމާ ބެހޭ އިދާރާތަކުން އަދި ވަކި އެއްޗެއް ނުބުނެ އެވެ.
ޓެކްނިކަލް އެޑްވައިޒަރީ ގްރޫޕްގެ ޑރ. އަލީ ލަތީފް (މ) އަދި މަބްރޫކް (ކ) އާއި ނަޒްލާ މުސްތަފާ (ވ) އާ އެކު މަބްރޫކް ނޫސްވެރިންގެ ބައްދަލުވުމެއްގައި.---ފޮޓޯ: ނިޝާން އަލީ/މިހާރު
އިއްޔެގެ ނޫސްވެރިންގެ ބައްދަލުވުމުގައި މަބްރޫކް ވަނީ ބައްޔަށް ރާއްޖޭގައި ޓެސްޓްކުރާ ގޮތާއި މެޝިންތަކުގެ އަދަދާއި ޓެސްޓްތަކުގެ ނަތީޖާ އަވަސްކުރަން ގެންގުޅޭ ވިސްނުން ވެސް ހިއްސާކުރައްވައިފަ އެވެ. ޓެސްޓް ކިޓްތައް ހުސްނުވާ ކަމުގެ ޔަގީންކަން ދެއްވައި ވިދާޅުވެފައި ވަނީ މިއަދު އިތުރު 5،000 ޓެސްޓް ކިޓް ރާއްޖެ އަށް ލިބޭނެ ކަމަށެވެ.
އެއާ އެކު ސާމަޕްލް ނެގުމުގައި އަމަލުކުރާ އުސޫލަށް އެންމެ ފަހުން ގެނައި ބަދަލު ވެސް ކިޔައިދެއްވި އެވެ.
ބަލި ފެތުރެން ފެށުމާ އެކު އަމަލުކުރަމުން އައީ ކޮވިޑް-19 އަށް ޕޮޒިޓިވްވާ މީހުންގެ ޑައިރެކްޓް ކޮންޓެކްޓެއް ނަމަ އެއީ ލޯ ރިސްކް ކޮންޓެކްޓަކަށް ވިޔަސް ސާމްޕަލް ނަގާ ގޮތަށެވެ. އެކަމަކު ވޭތުވެދިޔަ ދެތިން ދުވަހެއްގެ ތެރޭގައި ޕޮޒިޓިވް ކޭސްތައް މައްޗަށް ދިއުމާ އެކު ޓެކްނިކަލް އެޑްވައިޒަރީ ގްރޫޕްގެ މިހާރު ނިންމީ ހައި ރިސްކް ކޮންޓެކްޓްސްގެ ތެރެއިން ވެސް އިސްކަންދޭނީ ސިމްޕްޓަމެޓިކް (އަލާމާތްތައް ފެންނަ) މީހުންގެ ސާމްޕަލްތައް ނަގާ ގޮތަށް ކަމަށެވެ.
ކޮރޯނާވައިރަހަށް ޕޮޒިޓިވް މީހަކު ރާއްޖެ އިން ފެނުމުން ކޮންޓެކްޓް ޓްރޭސިން ހަދައި ފުރަތަމަ ގިނަވެގެން ޓެސްޓްކުރަން ޖެހުނީ ދުވާލަކު 40 ސާމްޕަލެވެ. އެ އަދަދު މަޑުމަޑުން އިތުރުވީ 80-100 އަށެވެ. މާލެ އަށް ފެތުރިއްޖެ ކަން، މީގެ ހަފުތާއެއްހާ ދުވަސް ކުރިން އެނގި ކޮންޓެކްޓް ޓްރޭސިން ހަދަމުން އަންނަ އިރު މިހާރު ދުވާލަކަށް ގާތްގަނޑަކަށް 140 ވުރެން ގިނަ ސާމްޕަލް ޓެސްޓް ކުރަން ޖެހިފައި ވެސް އެބަ ހުއްޓެވެ.
ރާއްޖޭގައި ކޮވިޑް-19 ފެތުރިދާނެ މިންވަރުގެ މައްޗަށް ކަމާބެހޭ އިދާރާތަކުން ލަފާކޮށް ހަދާފައިވާ ޕްރޮޖެކްޝަންސްގެ ގްރާފެއް: މި މައުލޫމާތުގައިވާ ގޮތުން އެކަށީގެންވާ ފިޔަވަޅު ނާޅައިފި ނަމަ ލައްކައަކަށް ވުރެން ގިނަ މީހުންނަށް ބަލި ޖެހިދާނެ.
ކޮވިޑް-19 އަށް ޚާއްސަ ޕީސީއާރު ޓެސްޓް ރާއްޖޭގައި ހެދެނީ ހަމައެކަނި އައިޖީއެމްއެޗުގެ ލެބޯރަޓީންނެވެ. އަދި އައިޖީއެމްއެޗުގެ ލެބޯޓްރީގައި ވެސް ކޮންމެ ޓެކްނީޝަނަކަށް އެ ޓެސްޓެއް ނުހެދެ އެވެ. އެ ޓެސްޓްތައް ހަދަން ވަކި ބަޔަކަށް ވަނީ ޚާއްސަ ތަމްރީންތަކެއް ދީފަ އެވެ.
އައިޖީއެމްއެޗުގެ ލެބޯޓްރީގައި ސާމްޕަލްތަކެއް ޓެސްޓްކުރަނީ.
ފުރަތަމަ ހަދަނީ ޕޭން ކޮރޯނާ އަށް ސްކްރީން ޓެސްޓެކެވެ. އޭގެ ސަބަބަކީ، އަލަށް ފެތިރެން މި އުޅޭ ކޮރޯނާވައިރަސްގެ އިތުރުން އެހެން ކޮރޯނާވައިރަސްތަކެއް ވެސް ކުރިން ފެތުރިފައިވާތީ އެވެ. މިހާރުގެ ކޮރޯނާވައިރަސް އިން ޖެހޭ ބަލި ކަމަށްވާ، ކޮވިޑަށް ޕޮޒިޓިވްތޯ ނުވަތަ ނޫންތޯ ބެލުމަށް ޕީސީއާރު ޓެސްޓްކުރަނީ، ޕޭން ކޮރޯނާއަށް ހަދާ ސްކްރީން ޕޮޒިޓިވް ވުމުން، އޭގެ ފަހުންނެވެ.
އައިޖީއެމްއެޗްގައި ކޮވިޑް-19 އަށް ހަދާ ޓެސްޓްގެ ނަތީޖާ ލިބެން ހަ ގަޑިއިރާއި ހަތް ގަޑި އިރާ ދެެމެދުގެ ވަގުތެއް ހޭދަވެ އެވެ. އަދި ކޮންފޮމޭޓަރީ ޓެސްޓްގެ ނަތީޖާ ގާތްގަނޑަކަށް ތިން ގަޑިއިރުގެ ތެރޭގައި ލިބޭނެ ކަމަށް އެ ހޮސްޕިޓަލުން ކުރިން އޮތީ ބުނެފަ އެވެ. މިހާރު ނަތީޖާ ލަސްވަނީ ޓެސްޓްކުރަން ޖެހޭ ސާމްޕަލްތަކުގެ އަދަދު ގިނަ ކަމުން ކަމަށާއި އެކަން ހައްލުކުރަން އިތުރު މެޝިނެއް ވަރަށް އަވަހަށް ލިބޭނެ ކަމަށް ވެސް ސަރުކާރުން ވަނީ ބުނެފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ާއުނިމާ
23 April 2020
ބޫޓާންގެ ޕޮޕިއުލޭޝަން 0.7 މިލިޔަން، 7 ކޮވިޑްކޭސަސް! ނޭޕާލްގެ ޕޮޕިޔުލޭޝަން 28 މިލިޔަން، 47 ކޮވިޑްކޭސަސް! ސްރީލަންކާ 21 މިލިޔަން، 330 ކޮވިޑް! މިގައުމުތައް އޮތީ ޖަޒީރާ ރައްތަކަކަށް ނޫން! ރައްޖޭގެ އާބާދީ 0.5 މިލިޔަން، 94 ކޮވިޑް ކޭސަސް، އޮންނަނީ ޖަޒީރާ ރައްތަކަކަށް! ރަނގަޅު ގަނޑީގައި ބޯޑަރ ބަނދުކުރެވި ލޮކްޑައުން ކުރިނަމަ ކޮމިއުނިޓީ ސްޕްރެޑަކަށް ނުދިޔައީސްކަން ކަރަވަރު!
ޡޖދކ
24 April 2020
ޜާއޖޭ ގައި މީހުން ހޯދައި ގެން ވެސް ޓެސްޓް ކުރަނީ. ނެޕާލް ތަންތާގްއި ބަލިވެގެން އައސް ޓްސްޓް ނޔކުރަނީ.. އހެންވީމަ ތަފާތު ތި ފެއްނަނީ. ޞޭރުގަ ކިޔަވަން ތިއްބަރި ގެނައި ޑކްޓަރުން ކައިރީ އހާގެނަ ރިޕޯޓް ލިޔެ ރައްޔިތުން އަސް މިވާ އެއްޗެއް އޮޅުން ފިލުވާ ދުމުން ރަގަޅު
ޑަކުލަރީ
23 April 2020
ސިއްރިއްޔާތުގައި އެއްތަނުން އަނެއް ތަނަށްދާ މީހުން އެބަ އުޅޭ. މިބަލި ދަނީ އާންމުންގެ ތެރޭގައި ވަރަށް ބޮޑަށް ފެތުރެމުން. ބަލި ޖެހޭ މީހުންގެ ތެރެއިން ގިނަ މީހުން ޖެހިލުންވޭ ރިޕޯޓުކުރަންވެސް. ފުލުހުންގެ ލޯތަކަށް ފިލައިގެން އެއްތަނުން އަނެއް ތަނަށް ގޮސްއުޅޭ މީހުން ހުއްޓުވަން ގިނަ ފުލުހުން ނެރެންޖެހޭ. އަދި އެފަދަ ޕެޓްރޯލް އޮފިސަރުންނަށް ފުދޭވަރަށް ޕްރޮޓެކްޓިވް ސާމާނުތައް ގެނައުމަށް ސަރުކާރުން ހަލުވި މަސައްކަތްތަކެއް ކުރަން އެބަ ޖެހޭ.
އިންސާފް
23 April 2020
މަގުތަކަށް މީހުން ނިކުތުން ހަމަ ޒީރޯ ކުރަންވީ. ދެން ރަނގަޅު ޑެލިވަރީ އެއް ހަދަންވީ ރައްކާތެރިކަމާޢި އެކު.
ޢަލީ
23 April 2020
މިހާރު މަގުތަކުގައި ބޭނުން ވަރަކަށް މީހުން އެބަ ނިކުމެ އުޅޭ. މީހުން ބޭރަށް ނުކުންނަން ހުއްދަ ނުދީ. ޑެލިވަރީއަށް އިތުރު ފާސްދޫކޮށްފައި މީހުން ނުކުންނަން ދިން ހުއްދަތައް ކެންސަލް ކުރަންވީ
ޟާސް
23 April 2020
ކާން ބޯން އެއެޗެހި ގަންނަން ހުއްދަޔާއި އެކު ނިކުންނަ މީހުން އެއީ. ޑެލިވަރީ ނުކުރެވޭ. އެތައް ފިހާރަޔަކަށް ވަންނަ ފަހުން އެއްޗެ ލިބެނީ
1828
23 April 2020
ޓެސްޓް ކުރިވަރަކަށް ވާނީ އިތުރު. ޓެސްޓް ކުރެވޭލެއް ލަހީ އަދި މަދީ.
އަހުމަދު
23 April 2020
ރާއްޖޭން ފުރިފަހުން ޕޮސިޓިވްވި ދެމީހުން އިޓަލީއަށް އެތެރެވުމާއެކު އެގައުމުގެ ތަފާސްހިސާބުގެތެެރެއަށް ވަދެގެން ދާނެ. ދެން ކީއްކުރަން އެމީހުން ރާއްޖޭގެ ރެކޯޑުގަ ހިމަނަނީ؟ ދުނިޔޭގެ ރެކޯޑް ބަލާއިރު ޑަބަލް ވާނެދޯ؟ މިވީ އަނެއްކާ އަދުރޭއަށްތ މިވެވުނީ؟
ތުއްތުނާ
23 April 2020
"ގްރޭޓަރ" މާލެ މިކިޔަނީ ކޮންގޮތަކަށް ގްރޭޓަރ ވެގެންކަން ކޮންމެވެސް މީހަކު ބުނެދީބަލަ ؟........ އަދި ރާއްޖޭގައި ދެންހުރި ރަށްރަށަށް ދަށްކޮށްލުމަށް ބޭނުން ކުރެވޭ ބަހެއް ކަމަށްވެސް ބައެއްފަހަރު މާނަކުރެވޭ !......
ޥިނޯ
23 April 2020
ގްރޭޓާ ގެ މާނަ އަކީ ފުރަ. ގްރޭޓާ މާލެ = ފުރަ މާލެ
ސަންފާ ދިޔެ
23 April 2020
ގްރޭޓަރ މާލެ އަކީ "މާލޭގެ" ބަޔެއްގެ ގޮތުގައި މިހާރު ހިމަނާފައި އޮންނަ "ހުޅުމާލެ" އާއި "ވިލިނގިލި" އާއި "ގުޅިފަޅާއި" އަދި "ތިލަފުށި" ހިމެނޭ " ބޮޑު މާލެ" ނުވަތަ އިނގިރޭސި ބަހުން "ގްރޭޓަރ މާލެ". މުސްތަގުބަލުގަ ހުޅުމާލޭ ފޭސް2 ގެ އުތުރު ކޮޅުން ފެށިގެން އިންޑަސްޓްރިއަލް ތިލަފުށީގެ ހުޅަނގު ކޮޅަށް އެއްގަމުން ދުއްވާފައި ދެވޭނެ. މި ހިނގާ ރިޔާސީ ދައުރު ނިމުމުގެ ކުރިން މިމަންޒަރު ފެނުން ގާތް.
ކައްކާ
23 April 2020
ކަލޭމެން ހަމަ އަމިއްލައަށް ތިޔައެއްޗެއްވެސް ކިޔައިގެން ނަން މަޝްހޫރުކުރަނީ. އަހަރެމެން ކިޔަނީ ނައިފަރާއިއަތޮޅުތެރެ. ނައިފަރު ކައިރިވީމަ އެހެންކިޔަނީ.
ތުއްތުނާ
23 April 2020
އެހެންވިއްޔާ ރާއްޖޭގެ އެހެނިހެން އަތޮޅުތަކުގެ ކާރީގައި ވެސް އެއްފަސްކޮށް ނުވަތަ ފާލަމަކުން ދެވޭ ރަށްރަށަށް އެބަހުރި .......... އެކަމަކުވެސް ގްރޭޓަރ އެއްވެސް އަތޮޅެއްގެ ނަމަކާއި ގުޅުވައިގެން ލިޔެފައި ނުވޭ..... މިސާލަކަށް އައްޑޫގައި ފާލަމަކުން ގުޅިފައިވާ ކިތައްމެ ރަށެއް އެބައޮތް........
ޖޮންގޯ
23 April 2020
ޓެސްޓު ކިޓުތައް ހުސްވީ!
އުފާ
23 April 2020
ޢަދި އެއްޗެއްބުނަން މާއަވަސް ދުޢާއަކީ އިތުރު މީހަކަށް މިބަލި ނުޖެހުން އަދި ޖެހުފަތިބިމީހުންނަށް ވެސް އަވަސް ޝިފާއެއް ދެއްވުން.
ހައިޕީ ----
23 April 2020
މިހާރު 3 ޓެސްޓެއް އެބަހަދާ! ފުރަތަމަ ހަދަނީ ޕޭން ކޮރޯނާ، ދެން ކޮރޯނާ > ދެން 14 ދުވަސް ފަހުން ހަދަނީ ކޮވިޑް-19 އެހެންވެ ލަސްވާ ތަން ކޮޅު މިދަނީ