ދާންދޫ ދާއިރާގެ މެމްބަރު ޔައުގޫބް އަބްދުﷲ، މަރަދޫ ދާއިރާގެ މެމްބަރު އިބްރާހީމް ޝަރީފް މަޖިލިހުގެ ކޮމިޓީއެއްގައި. --- ފޮޓޯ: މިހާރު
23 އެޕްރީލް 2020 - 20:48
9 comments
ކޮވިޑް-19 ފެތުރުން ކޮންޓްރޯލް ކުރުމަށް ސަރުކާރުން އަޅާފައިވާ ފިޔަވަޅުތަކާ ގުޅުގެން ސަރުކާރުގެ ކޭޝްފްލޯ އަށް ދިމާވެފައިވާ މައްސަލަ ހައްލުކުރުމަށްޓަކައި މަރުކަޒީ ބޭންކް (އެމްއެމްއޭ) އިން އޯވަ ޑްރާފްޓް ހެދޭނެ ފުރުސަތު ހޯދަން ރައްޔިތުންގެ މަޖިލީހަށް ހުށަހެޅި ގޮތަށް އެ ހުއްދަ ދިނަސް ގެއްލުން ނުޥާނެ ކަމަށް ބައެއް މެމްބަރުން މިއަދު ވިދާޅުވެެއްޖެ އެވެ.
ސަރުކާރުގެ ފަރާތުން ފިނޭންސް މިނިސްޓަރު އިބްރާހީމް އަމީރު މަޖިލީހަށް ހުށަހެޅުއްވީ، ދައުލަތުގެ ހަރަދަށް ޒިންމާވުމުގެ ގާނޫނުގެ ބައެއް މާއްދާތައް އެއް އަހަރަށް ސަސްޕެންޑް ކުރުމަށެވެ. އެގޮތަށް ހުށަހެޅުއްވީ އިގުތިސާދީ ހަރަކާތެއް ހިންގަން ނޫނީ ދަރަންޏަށް ފައިސާ ހޯދުން އެ ގާނޫނުގައި މަނާކޮށްފައި ވުމާ އެކު، އިސްތިސްނާ ހާލަތްތަކެއް ކަނޑައަޅައި، އެ ހާލަތުގައި މަޖިލީހުގެ ހުއްދަ ހޯދަން އޮންނާތީ އެވެ، ފިނޭންސް މިނިސްޓަރު އަމީރުގެ ސިޓީގައި ވިދާޅުވީ، ކޮވިޑް-19 އާ ހެދި މިހާރު ރާއްޖެ އަށް ކުރިމަތިވެފައި ވަނީ އެ ގާނޫނުގައި ބުނާ ފަދަ އިސްތިސްނާ ހާލަތެއް ކަމަށެވެ.
މަޖިލީހުގެ މިއަދުގެ ޖަލްސާގައި ގިނަ މެމްބަރުން ވިދާޅުވީ ސަރުކާރުން އެދުނު ހުއްދަ އަވަހަށް ދޭން ޖެހޭ ކަމަށެވެ.
"ބައެއް އިއްޒަތްތެރި މެމްބަރުން ފާހަގަކުރައްވައިފި މިއީ އޯޕަން ޗެކެއްގެ ގޮތުގައި، ސަރުކާރުން އެދިފައި މި އޮތީ އޯޕަން ޗެކެއްގެ ގޮތުގައި [ކަމަށް]. އަޅުގަނޑަށް ހަމަ ހަގީގަތުގައި ވެސް އެކަން އެގޮތަށް ގަބޫލެއް ނުކުރެވޭ، ސަބަބަކީ މަޖިލިސް ތެރޭގައި އަޅުގަނޑުމެންގެ 65 މެމަބަރުން އެބަތިބި، ސުޕަ މެޖޯރިޓީ އެބަ އޮތް. ރައްޔިތުން މަޖިލީހުން ވަރަށް ފަހުން އެންޓިކޮރަޕްޝަން ކޮމިޝަންގެ މެމްބަރުން ވެސް އެ ތިބީ ބަދަލުކޮށް އަޅުގަނޑުމެން ގަބޫލުކުރާ ނަޒާހަތްތެރި މެމްބަރުން އެތަނަށް ލާފައި އެތިބީ. އޮޑިޓާ ޖެނެރަލް އެބަހުންނެވި އަދި ރައްޔިތުން މަޖިލީހުގެ އެކިއެކި އޯވަސައިޓް ކޮމިޓީތައް އެބަހުރި،"- ޔައުގޫބް
ދާންދޫ ދާއިރާގެ އެމްޑީޕީގެ މެމްބަރު ޔައުގޫބް އަބްދުﷲ ވިދާޅުވީ، އެމްއެމްއޭ އިން އޯވަޑްރޯ ކުރެވޭ ގޮތަށް ސަރުކާރަށް ހުއްދަ ދިނަސް ސަރުކާރުން ފައިސާ ހަރަދުކުރާ ގޮތް ރަނގަޅަށް ބެލޭނެ އިންތިޒާމްތައް ރާއްޖޭގައި އެބަހުރި ކަމަށެވެ. އެގޮތުން އެންޓިކޮރަޕްޝަން ކޮމިޝަނާއި އޮޑިޓާ ޖެނެރަލްގެ އިތުރުން ރައްޔިތުންގެ މަޖިލީހުގައި ވެސް އެކަން ބެލޭނެ ކޮމިޓީތައް އެބަހުރި ކަމަށް ވިދާޅުވި އެވެ.
"ބައެއް އިއްޒަތްތެރި މެމްބަރުން ފާހަގަކުރައްވައިފި މިއީ އޯޕަން ޗެކެއްގެ ގޮތުގައި، ސަރުކާރުން އެދިފައި މިއޮތީ އޯޕަން ޗެކެއްގެ ގޮތުގައި [ކަމަށް]. އަޅުގަނޑަށް ހަމަ ހަގީގަތުގައި ވެސް އެކަން އެގޮތަށް ގަބޫލެއް ނުކުރެވޭ،" ސަރުކާރުގެ ހުށަހެޅުމަށް ތާއީދު ކުރައްވަމުން ޔައުގޫބު ވިދާޅުވި އެވެ.
"ސަބަބަކީ މަޖިލިސް ތެރޭގައި އަޅުގަނޑުމެންގެ 65 މެމަބަރުން އެބަތިބި، ސުޕަ މެޖޯރިޓީ އެބައޮތް. ރައްޔިތުން މަޖިލީހުން ވަރަށް ފަހުން އެންޓިކޮރަޕްޝަން ކޮމިޝަންގެ މެމްބަރުން ވެސް އެ ތިބީ ބަދަލުކޮށް އަޅުގަނޑުމެން ގަބޫލުކުރާ ނަޒާހަތްތެރި މެމްބަރުން އެ ތަނަށް ލާފައި. އޮޑިޓާ ޖެނެރަލް އެބަހުންނެވި އަދި ރައްޔިތުން މަޖިލީހުގެ އެކިއެކި އޯވަސައިޓް ކޮމިޓީތައް އެބަހުރި."
"ލާރި ވަންނަ ހުރިހާ ދޮރެއްް ބަންދުވެ، ކުރަން ޖެހޭ ހަރަދު އިންތިހާ އަށް ބޮޑު"
ރައްޔިތުންގެ މަޖިލީހުގެ ޖަލްސާއެއްގައި ދޮންބިލެއް އަހުމަދު ހަލީމް ވާހަކަ ދައްކަވަނީ.
ބިލެއްދޫ ދާއިރާގެ އެމްޑީޕީގެ މެމްބަރު އަހުމަދު ހަލީމް( ދޮންބިލެތް) ވިދާޅުވީ ކޮވިޑް-19 ފެތުރޭތީ ސަރުކާރުން މިހާރު ކުރަން ޖެހިފައި ވަނީ ކުރިން އަންދާޒާ ވެސް ކުރެވިފައިވާ މިންވަރަކަށް ނޫން ކަމަށެވެ. އެގޮތުން ކަރަންޓީނު ފެސިލިޓީތަކުގައި މިހާރު ވެސް ހާހަކަށް ވުރެ ގިނަ މީހުން ތިބި އިރު އެ މީހުންގެ ކަންތައްތައް ހަމަޖައްސަން ކުރަންޖެހޭ ހަރަދު ވަރަށް ބޮޑުކަން އޭނާ މިސާލެއްގެ ގޮތުގައި ދެއްކެވި އެވެ.
"މީހަކު ޕޮޒިޓިވް ވާއިރަށް އޭނާާ އެ ދިމާވާ އަނެއް 100 މީހުން ވެސް އަޅުގަނޑުމެން ތަނަކަށް ލައިގެން ހަރަދުކުރަން ޖެހޭ،" ހަލީމް ވިދާޅުވި އެވެ.
އޭގެ އިތުރުން ރާއްޖޭގައި އުޅޭ އެތައް ހާސް ބިދޭސީންނެއް ހާލުގައި ޖެހިފައި ވާއިރު އެ މީހުންގެ ހާލު ވެސް ސަރުކާރުން ބަލައި އެހީތެރިވާން ޖެހިފައިވާ ކަމަށާއި އެއީ ވެސް ކުރަން ޖެހިފައިވާ ބޮޑު ހަރަދެއް ކަމަށް އޭނާ ވިދާޅުވި އެވެ.
"އެހެންވީމާ މިއަދު މިވަނީ ލާރި ވަންނަން ހުރި ހުރިހާ މަގެއް ބަންދުވެ، އެހެން ނަމަވެސް ކުރަން ޖެހުނު ހަރަދު ދެގުނަަ އަށް ތިން ގުނައަަށް އިތުރު ވެގެން ގޮސްފައި،"
އެހެންވީމާ ވީހާ ވެސް އަވަހަކަށް، ސަރުކާރުން އެދޭ ހުއްދަ ދޭން ޖެހޭ ކަމަށް ހަލީމް ވިދާޅުވި އެވެ.
އިގުތިސާދު ކޮޅަށް ޖަހަން ތިބި މަސްވެރިންނަށް ފައިސާ ދޭންޖެހޭ
ވިލިނގިލި ދާއިރާގެ އަމިއްލަ މެމްބަރު ސައުދު ހުސައިން ވިދާޅުވި ގޮތުގައި، މި ނާޒުކު ވަގުތުގައި ރާއްޖޭގެ އިގުތިސާދު ނަގައި ކޮޅަށް ޖަހަން މަސްވެރިން ވަނީ އަނެއްކާވެސް ތެދުވެފައި ކަމަށާއި ކޮވިޑް-19 ގެ ނުރައްކަލުން މަސްވެރިން ސަލާމަތް ކުރުމަށް މަސައްކަތްތައް ކުރަން ޖެހޭ ކަމަށެވެ. ސަރުކާރުގެ ކޭޝްފްލޯ މެނޭޖް ކުރުމަށްޓަކައި ސަރުކާރުން ހޯދަން އުޅޭ ހުއްދަ އަކީ އެ މަސްވެެރިންގެ ވެސް ހައްގުގައި ކުރާ މަސައްކަތެއް ކަމަށް ވެސް ސައުދު ވިދާޅުވި އެވެ.
"މި ނާޒުކު ވަގުތުގައި ރައްކާތެރިކަމަށް ބަލައިގެން ރާއްޖޭގެ މަސްވެރިން، މާކަނޑަށް ނުކުމެ މި ހިންގާ އިގުތިސާދީ ހަރަކާތުން ރާއްޖޭގެ އިގުތިސާދު އަނެއްކާވެސް ކޮޅަށް ޖެހޭނެ ކަމުގެ އުއްމީދު މި ވަނީ އާވެފައި، އޭނާ ވިދާޅުވި އެވެ.
މަރަދޫ ދާއިރާގެ އެމްޑީޕީގެ މެމްބަރު އިބްރާހީމް ޝަރީފް ވިދާޅުވީ ރާއްޖޭގައި ވަރަށް ގިނަ މުދާ އެބަހުރި ކަމަށާއި އެކަމަކު ރައްޔިތުންގެ އަތުގައި ފައިސާ ނެތި އެ މުދާތައް ހުރީ ބަންދުވެފައި ކަމަށެވެ. އެހެންވީމާ ސަރުކާރުން ރައްޔިތުންނަށް ފައިސާގެ އެހީތެރިކަން ދީ އެތެރޭގެ އިގުތިސާދު ހިންގަންޖެހޭ ކަމަށެވެ.
"މިއީ ދިގު ބަހުސް ކުރެވެން އޮތް ކަމެއް ނޫން. މިއީ ރޮކެޓް ސައެންސެއް ނޫން. ދުނިޔޭގެ ހުރިހާ ގައުމެއްގައި ވެސް މި ހާލަތުގައި މި ފިޔަވަޅު އަޅަމުން މިދަނީ،" ޝަަރީފް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަބީބު
24 April 2020
ރައްޔިތުން ބޭނުންވަނީ މިހާރުން މިހާރައް ތިޔަމެންބަރުންގެމުސާރަ 24000 ރުފިޔާއައް ކުޑަކުރަން އެވަރުން ނުވާނަމަ އިސްތިޔުފާ ރިސޯޓު މުވައްޒަފަކު 24 ގަޑިއިރު އަނބިދަރިންނާ ދުރުގަ މަސަތްކަތް ކޮއްގެންވެސް މިވަރުނުލިބޭ ގާސިމުދެނީ 1000 ވީމާ ރިސޯޓު މުވައްޒަފުންނައް ޕެންޝަން ފަންޑުގަހުރި އެމީހުންގެ ލާރިން %50 ދެއްވާ އެއްބާރުލުންދީ
ވަޓްދަ
24 April 2020
މިއޮތީ ކޮރަޕްޝަނާ ވައްކަމުގެ ރަން ދުވަސްކޮޅު އައިސްފަ
މުދިމު ކަތީބު
23 April 2020
ޓެކުސް ފައިސާތަކުން ކޮވިޑޭ ކަރަންޓީނޭ ކިޔާ އަޑުގަދަކުރަމުން ބިލިއަނުން ބިލިއަނުން ބޭކާރު އެތަކެއް އެތަކެއް ހޭދަކޮއްފި ރާހަތެއް ނުކުރި އެންމެ ކުޑަމިނުން ރައްޔިތަކަށް ހަނޑޫ މުށެއް މިންވަރު ދިންނަމަވެސް ދިންކަން އޮންނާނެ . ކޮވިޑް ނަވާރައިގެ ނަމުގައި ހަތަރުހާސް ހަތަރުސަތޭކަ ބިލިއަން ރުފިޔާ ހަރަދު ކުރަނީ ކޮންކަމަކަށްތޯ ބަލާފަ ނޫނީ ވޯޓުނުދޭތި!
ބޮޑުމީހާ
23 April 2020
ސަރުކާރުން ބޭނުންވާ ހުއްދަ ދޭކަށްނުޖެހޭ، ކޮބާތަ މިހުރިހާ ދުވަހު ދައުލަތަށް ލިބުނު ހިލޭ އެހީ
ހީވެސްނުވޭ
23 April 2020
ރައީސް ޔާމީން މިވަގުތު ވެރިކަމުގަ ހުރިނަމަޔޭ ހިތަށް އަރަނީ މަ އެކަނިތަ؟
ބަބުރުލް ސަލީމް
23 April 2020
ސަކަރާތްނުޖަހާ ހުއްދަދެންޏާ ހުއްދަ ދީބަލަ. ސަރުކާރާ މަޖުލީހާ ތީ ހަމަ އެއްބައެއް. މާ ޑުރާމާ ދިގުނުކުރޭ.
ނިރު
23 April 2020
އެންމެ ކަމެއް ކޮއްލަން ޖެހޭނީ އެކަން ނުކުރަން ވެގެން ޤައުމު އަދަވަޅަކައްވެއްޓެން މިދަނީ... އެއީ ރައީސް ޔާމިން މިނިވަންކޮށް އޭނާގެ އެހީތެރިކަން ހޯދުން.. ޔާމިން ބުނެފިނަމަ އަރަބި ޤައުމުތަކުންނާ ޗައިނާއިން ހިލޭ އެހީ އަޅާލާނެ ހިތަށްވެސް ނުގެނޭވަރަށް... މިއީ ތޯތޯ ވާހަކައެއް ނޫން
ނަޖުމުއްދީން
23 April 2020
ތީ ތޯތޯވާހަކައަކާ ވައްތަރީ.
އަސްލު ހަގީގަތް
23 April 2020
އަރަބި ޤައުމުތަކުންވެސް އުޅެނީ މިކަމުން އަރައިނުގަނެވިގެން. ސައުދީއަށް އެންމެ ބޮޑު އާމްދަނީ ލިބެނީ ތެލުން. އެކަމަކު އޭގެ އަގުވެސް މިހާރު 0 ޑޮލަރަށްވުރެ ދަށްވެއްޖެ. ދެން ޔާމިން ބުންޏަކަސް އެމީހުން ދޭނެތަ. ދެން ތިޔަ ދައްކަނީ ޗައިނާވާހަކަ. އަހަންނަށް ޔަޤީން ޗައިނާއިންވެސް ހިލޭ އެހީގެ ގޮތުގައި ރާއްޖެޔަށް އެއްފަހަރާ 200 މިލިޔަން ޑޮލަރު ނުދޭނެކަން. އަދި އެކަން ކުރަން އެއްބަސްވެސް ނުވާނެ. އެމީހުންގެ އިޤްތިޞާދު އަނބުރާ ކޮޅަށް ޖެހުމުގައި އެއުޅެނީ.