މައުމޫން ފައުންޑޭޝަނުން ރޭ ބޭއްވި ބައްދަލުވުމެއްގައި މައުމޫން ވާހަކަފުޅު ދައްކަވަނީ.---ފޮޓޯ: މުހައްމަދު ޝަރުހާން/މިހާރު
13 އޮކްޓޯބަރ 2016 - 20:44
29 comments
އެކަހެރި ވުމަކީ މައްސަލަތައް ހައްލުވާނެ ކަމެއް ނޫން ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.
ކޮމަންވެލްތުގެ މެމްބަރު ކަމުގައި ރާއްޖެ އޮންނަތާ 34 އަހަރު ފަހުން އެ ޖަމިއްޔާ އިން ވަކިވާން ސަރުކާރުން މިއަދު ނިންމާފައި ވާތީ މައުމޫން މިރޭ ކުރެއްވި ޓްވީޓެއްގައި ވިދާޅުވީ ކޮމަންވެލްތުން ވަކިވާން ނިންމި ނިންމުމާ މެދު ހައިރާންވެ ވަޑައިގަންނަވާ ކަމަށާއި އެކަހެރިވުމަކީ ގައުމުގެ މައްސަލަތަކަށް ހައްލެއް އަންނާނެ ކަމަށް ކަމެއް ނޫން ކަމަށެވެ.
"މީގެ 34 އަހަރު ކުރިން ކޮމަންވެލްތުގެ މެންބަރަކަށް ރާއްޖެ ހެދުމަށް މަސައްކަތްކުރި މީހެއްގެ ގޮތުން، އެ ޖަމިއްޔާ އިން ވަކިވީތީ އަޅުގަނޑު ހިތާމަކުރަން. އެކަހެރިވެގެން މައްސަލަތައް ހައްލެއް ނުކުރެވޭނެ،" މައުމޫން ވިދާޅުވެފައިވެ އެވެ.
ކޮމަންވެލްތުން ވަކިވާން ނިންމި ނިންމުމަށް މައުމޫން ފާޑު ވިދާޅުވީ ރައީސް އަބްދުﷲ ޔާމީނާއި އެމަނިކުފާނުގެ ގުޅުން ގޯސްވެ، ޕީޕީއެމްގެ ތެރޭގައި ދެ ފެކްޝަނެއް އުފެދިފައި ވަނިކޮށެވެ. ދެ ބޭފުޅުންގެ ޚިޔާލު ތަފާތުވުންތަކުގައި ޕާޓީގެ ކައުންސިލްގެ ބައްދަލުވުމެއް ނުބޭއްވި، ގިނަ މައްސަލަތަކެއް ވަނީ ފެންމަތިވެފަ އެވެ.
ސަރުކާރުން މިއަދު ބުނެފައިވަނީ ކޮމަންވެލްތުން ވަކިވާން ނިންމުމަކީ އުނދަގޫ ކަމެއް ކަމަށާއި އެކަމަކު އެކަން ކުރަންޖެހުނީ ރާއްޖޭގެ މަސައްކަތްތައް ކޮމަންވެލްތުން ބަލައިނުގަތުމުން ކަމަށެވެ. އަދި ކޮމަންވެލްތުން ރާއްޖޭގެ ކަންކަމާ ބެހި، ބޭ އިންސާފުން ފިޔަވަޅު އަޅަމުން ދިއުމަކީ ކޮމަންވެލްތުން ވަކިވާން ނިންމަން ޖެހުނު ސަބަބެއް ކަމަށް ސަރުކާރުން ބުނެއެވެ.
ކޮމަންވެލްތުން ބުނެފައިވަނީ އެ ޖަމްއިއްޔާއިން މަސައްކަތް ކުރީ ޑިމޮކްރަސީ ކުރިއަރުވަން ކަމަށާއި ކުރިއަށް އޮތް ތަނުގައި ރާއްޖެއިން އަލުން އެ ޖަމްއިއްޔާގެ މެމްބަރަކަށް ވާނެ ކަމަށް އުއްމީދުކުރާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްޖިބްރާ
15 October 2016
މިކަމުން އެގެނީ މީގެ ކުރިން މިރާއްޖޭގައި ވެރިކަން ކުރިމީހުންގެ ވެރިކަން ކުރުމުގެ ޤާބިލިއްޔަތު ކަން ނެތްކަން ! އެހެންތަ ؟ އެހެންވީމާ ދެން ޔާމީނުއާއި ، ރިޔާޒް ރަޝީދު އަދި ނިހާނު ، ދިވެހިންގެ ހުރިހާ ކަމެއް ކޮށްދޭނެތާ !
ނުުމާން
14 October 2016
ބަލަ މަނިކުފާނު ނޫންތޯ ފުރަތަމަ އެކަމަށް އެދި ވަޑައިގަތީ މިހާރު ތި ވިދާޅުވަނީ ކީކޭތޯ. ޙަމކޮސް ވެއްޖެ. ސިޔާސަވިޔަސް ބޮޑުވަރު
މޭސްތިރި
14 October 2016
މޑޕ އަށް ސޮއި ކުރިޔަސް 30 އަހަރުގެ ޚުދުމުޚުތާރު ވެރިކަން ނުކުރާ ކަމަކަށް ނުވާނެ.
2018ޔާމީން
14 October 2016
ބަލަގަ މައމޫނު ހަނދުމަފުޅުނެތުނީތޯ؟މަނިކުފާނު ވަނީ ވިދާޅުވެފަ ކޮމަންވެލްތުން ވަކިވާން އެތަނުން ފާއިދާއެއް މިހާރު ނުވާވާހަކަ..އާޓިފިޝަލްބީޗުގަ ބޭއްވި ޖަލްސާއެއްގަ...2013ގަ ހިސާބުގަ....މިހާރު މާގިނަ ފާއިދާތަކެއްވަނީތަ؟؟އަދި ކުރީގެ ފޮރިންކަމަނާވެސް...މިހާރު ޔާމީނުއާއި ނުރުހުނީމަ ކޮމަންވެލްތުން މައުމޫނަށް ކޯންޗެ އިތުރުކޮއްދިނީ....އެތަނުގަ ދިވެހިރާއްޖެ ދެމި އޮންނަން...އެމީހުން ރާއްޖޭގެ ކޯޓުތަކާ ޝަރުއީ މުއްސައްސާތަކަށް މީހުން ވައްދަން އިއުލާންކުރީ ދިވެހި ސަރުކާރާ މަޝްވަރާކޮއްފަތަ؟
ސައުދީ
14 October 2016
ކިތަންމެ ހަބަރެއް ލިޔުނަސް ،،ރާއްޖެއާ މެދު އދ އިން ފިޔަވަޅު އަޅަން ގަރާރެއް ފާސްބިޔަ ނުދޭނެ...ޗައިނާއަތުގަ ވީޓޯ ކުރުމުގެ ބާރު ..ސައުދީން ވެރިކަން ދިފާއުކޮއްދޭނެ..މިތަނައް ސިފައިންވެސް ފޮނުވާދޭނެ!
އަބްދުއްލާ އަލީ
14 October 2016
އެކަހެރި ނުވެ ވޭތޯ ކިހާމަސައްކަތެއް ކުރެވިއްޖެ ކަން އެންމެ ރަނގަޅަށް އެގި ވަޑައިގަންނަވާނީ ވެސް ތިބޭފުޅާ އަށް ، އިނދެގެން އުޅޭ އނބި މީހާ ދެކެ ކިތަންމެ ލޯބި ވިޔަސް ނޭފަތުކުރި ފެނުން ނުހިކުނީމަ ޖެހޭނީ އަތުފޮޅާލުމަށްފަހު ދޫކޮށްލަން ނޫންތޯ ؟ ރިޔަލަކު ދަށު ވިޔަސް ކަނަކު އަތްދަށު ނުވާށޭ ބުނާ މުސްކުޅި ހަރުބަހެއް އޮވޭނޫންތޯ ، މިއަދު މިވަނީ ރިޔަލެއްގެ ދަށުވެސް ކަނެއްގެ ދަށުވެސް ނުވެ ސަލާމަތް ވެވޭނެ އެންމެ މޮޅު ގޮތް އީޖާދު ކުރެވިފާ ނޫންތޯ ؟ ކޮމަންވެލްތަށް އޭރު ވަންނަން ޖެހުނީ ގައިމު އޮތް ހާލަތުގެ ސަބަބުން މިއަދު ކޮމަންވެލްތުން މިވަކިވަނި ގައުމު ކުރިން އޮތް ހާލަތަށް އެބުރި ރުޖޫއު ނުވުމަށްޓަކާ. ކޮމަންވެލްތަކީ އިގިރޭސި ވިލާތުގެ ޕަޕެޓް ތައް ތިބެން ޖެހޭތަނެތް ދިވެހިރާއްޖެ ޕަޕެޓަކަށް ވާކަށް ބޭނުމެއްނޫން.
ފަޅުވެރިން
14 October 2016
އެހެންވެގެން ދެއްތޯ މަނިކުފާނު ޖަމާޢަތާ ވަކިވެގެން އެކަހެރިވެގެން ތިޔައުޅުއްވަނީ. ތިމާ ނުކުރާ ކަންތަކުގެ ވާހަކަދައްކާ މީހާއަށްވުރެ ނުބައި މީހެއް ކޮބައި؟ އެކަހެރިއެއް ނުވެއޭ މަނިކުފާނޫ! އެކަހެރި ތިޔަވަނީ ޚުދު ތިޔަ މަނިކުފާނޭ. އެކަން ފެނުނެއް ނޫންތޯ މިފަހަރު ސިންގަޕޫރުން ވަޑައިގެންނެވިއިރު ބޮޑު ފާލަން ކައިރިން. މަނިކުފާނަށް އިސްތިޤްބާލުކުރަން ދިޔައީ ޑަރުޖަނެއްހާ މީހުންނެއްނޫންތޯ؟ މަނިކުފާނަށް އެއްޗެއް ވިސްނިވަޑައިގަންނަވާނީ ކިހާވަރެއް ވީމާތޯ؟ ދެންތިޔަ ދައްކަވަނީ އިނގިރޭސިވިލާތާ ދުރުވުން ކަމުގައިވަންޏާ، އިނގިރޭސިވިލާތަކީ މާޤަދީމީ ޒަމާނެއްގެ ހަންޓޮޓޯ ޤައުމެކޭ، އާޒަމާނުގެ ޒުވާން ބަވަނަ ސަފަށް ފިޓުވާ ޤައުމެއް ނޫނޭ! ޢުމުރުން 90 އިން މައްޗަށް ގޮސްފައިހުރި އަބަހައްދަވާފައިހުރި ދައިތައެއް ވެރިއަކަށް ލައިގެންއުޅޭ މާބޯދާ ނިޒާމެއް ގެންގުޅޭ ބައެކޭ! ލިޔެވިފައި އޮންނަ ޤާނޫނު އަސާސީއެއްހާ ހިސާބުވެސް އެތަނުގައި ނޯވެއޭ! އޭގެ ބަދަލުގައި އާޒަމާނުގައި ދުނިޔޭގައި ބަސްކިޔައި، ކުޅިޖަހާ، ޕަވަރުހުރި ހުރިހާ ޤައުމެއްގެ ސަފަށް ރާއްޖެ މިދަނީ އަރަމުންނޭ: ޗައިނާ، ސަޢޫދީ، ޖަޕާނު، ޖަރުމަނު، ޤަޠަރު، ޔޫއޭއީ، ރަޝިއާ، ސައުތު ކޮރެއާ، މިހެންގޮސް . . . .
ސާދާސީދާ
14 October 2016
ރައީސް މައުމޫނު ސިޔާސީ ގޮތުން ފާޅުކޮއްލި ޚިޔާލަކާއި، ރައީސް ޔާމީނު ކެބިނެޓް އެއްކޮއްފައި ނިންމި ނިންމުމަކާއި ހަމަހަމަކުރަންވާނެތޯ؟ މޮޔައިން އަތަށް ކަނޑިދިނީމައި ވާނީ މިހެން. ޤައުމޫ ދަރުވާލައިފި. ސަރުކާރު ހިއްސާވާ ކުންފުނިތައް ބަނގުރޫޓް!
ޢަންތަރީސް
14 October 2016
މައުމޫން ތިބާޔާމެދު އަހުރެންވާހަމަ ހައިރާންވެޖެ ޑޮކްޓަރ ފަރުވާބޭނުންވާކަމައްފެނޭ
ޒެޑްސް
14 October 2016
މައުމޫން ޢާއި ދަރިފުޅު ދުންޔާވ ވެސް ކުރިން ވެރިކަން ބަޣާވާތް ކުރެވުނު ދުވަސްވަރު އޭގެ ފަހުން ޔާމީން ގެ ދައުރުގެ ކުރީކޮޅު ވާހަކަ ދެއްކީ ކޮމަންވެކްތުގައި ދެމިއޮތުމާއި މެދު އާ ވިސްނުމަކަށް ދާން ޖެހިދާނެ ކަމަށް. މިހާރު ރާގު ބަދަލުވީ ޔާމީނާއި ޚިޔާލު ތަފާތުވެ ދެކޮޅަށް ހުރީމަ