މިއަދުގެ މެންދުރުގެ މީޑިއާ ބްރީފިންގައި ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ، ނޫސްވެރިއެއްގެ ސުވާލު އަޑުއައްސަވަނީ.---ފޮޓޯ: ހެލްތު މިނިސްޓްރީ
25 އެޕްރީލް 2020 - 17:42
48 comments
ކޮވިޑް-19 އަށް ޝައްކު ކުރެވޭ އަލާމާތްތައް ހުންނަ މީހަކު މާލެ ފިޔަވައި އެހެން ރަށަކުން ފެންނަ ހާލަތުގައި ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އަޅާ ފިޔަވަޅުތަކަށް ވުރެ ހަރުކަށި ފިޔަވަޅު ބައެއް ރަށްރަށުން އަޅާ ކަމަށް ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު މިއަދު ވިދާޅުވެއްޖެ އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން މެންދުރު ބޭއްވި މީޑިއާ ބްރީފިންގައި މައިމޫނާ ވިދާޅުވީ، ކޮވިޑް-19 އިން ރައްކާތެރިކަމުގެ ފިޔަވަޅުތައް އެޅުމުގައި ރަށްރަށުން ވެސް އެޗްޕީއޭގެ އެންގުންތަކާ އެެއްގޮތަށް އަމަލުކުރުމުން ރައްޔިތުންނަށް ތަންކޮޅެއް ފަސޭހަވާނެ ކަމަށެވެ. އެ ބަލި ފެތުރުން ކޮންޓްރޯލް ކުރުމަށް އެޅި ފިޔަވަޅުތަކާ އެކު، ދިރިއުޅެމުން އައި ރަށް ނޫން އެހެން ރަށްރަށުގައި ތާށިވި މީހުންނަށް، އެ މީހުން ތިބ ރަށްރަށުގެ ރައްޔިތުން އެހީތެރިކަން ދިނުން މިހާރު މުހިއްމު ކަމަށް ވެސް އޭނާ ވިދާޅުވި އެވެ.
"ބައެއް ރަށްރަށް، ސަސްޕެކްޓެޑް ކޭސްއެއް ނުވަތަ ސިމްޕްޓަމްސް ހުރި މީހަކު ފެނިގެން ޓެސްޓްކުރާ އިރު، އެބަ ގެއެއް ބަންދު ކުރަން ނުވަތަ އެ ގެ މޮނިޓަރިންއަށް ލެވޭ. އެހެން ހާލަތްތަކުގައި ރަށްރަށުން އެ އަށް ވުރެެ ތަންކޮޅެއް ހަރުކަށިކޮށް ވެސް އެބަ މަސައްކަތް ކުރައްވާ. އެއްވެސް މީހަކަށް އެއްވެސް ތާކަށް ނުދެވޭ ހާލަތަކަށް އެބަ ގެންދަވާ،" މައިމޫނާ ވިދާޅުވި އެވެ.
ބައެއް ރަށްރަށުގެ ކައުންސިލުންނާއި ޓާސްކްފޯސްތަކުން އެޗްޕީއޭގެ އެންގުންތަކަށް ވުރެ ހަރުކަށިކޮށް އަމަލުކޮށް، ރައްޔިތުންނަށް ވަރަށް ދަތިވާ ގޮތްގޮތަށް އަމަލުކުރާ ކަމަށް ބުނެ އާއްމުން އަންނަނީ އެޗްޕީއޭ އަށް ވެސް ޝަކުވާ ހުށަހަޅަމުންނެވެ.
މައިމޫނާ ވިދާޅުވި ގޮތުގައި، އެ ފަދަ ފިޔަވަޅުތައް އެޅުމުގައި ކަންތައްތައް ކުރުން ރަނގަޅީ އެޗްޕީއޭގެ އެންގުމާ އެއްގޮތަށެވެ.
"ބައެއް ރަށްރަށް، ސަސްޕެކްޓެޑް ކޭސްއެއް ނުވަތަ ސިމްޕްޓަމްސް ހުރި މީހަކު ފެނިގެން ޓެސްޓް ކުރާއިރު، އެބަ ގެ އެއް ބަންދުކުރަން ނުވަތަ އެ ގެ މޮނިޓަރިން އަށް ލެވޭ. އެހެން ހާލަތްތަކުގައި ރަށްރަށުން އެ އަށް ވުރެެ ތަންކޮޅެއް ހަރުކަށިކޮށް ވެސް އެބަ މަސައްކަތް ކުރައްވާ. އެއްވެސް މީހަކަށް އެއްވެސް ތާކަށް ނުދެވޭ ހާލަތަކަށް އެބަ ގެންދަވާ،" މައިމޫނާ
"އެކަހަލަ ކަންތައްތައް ނުވަތަ އެކަހަލަ ފިޔަވަަޅުތައް އެޅުމުގައި އަޅުގަނޑުމެން އަންގާފައި ނޫނީ ކަނޑައަޅާފައި އޮންނަ ގޮތަށް އަމަލު ކުރެއްވުމުން ތަންކޮޅެއް ފަސޭހަކަމާ އެކު ރައްޔިތުންނަށް ދިރިއުޅުމުގެ ކަންްތައްތައް ގެންދެވޭނެ،" މައިމޫނާ ވިދާޅުވި އެވެ.
ކޮވިޑް-19 އާ ގުޅުވައިގެން މީހުން ވަކި ގޮތަކަށް ލޭބަލްކޮށް، އެކަހެރި ނުކުރުމަށާއި އެކަކު އަނެކަކަށް އެހީތެރިވާން ޖެހޭ ކަމަށް ވިދާޅުވެ، ވީހާ ވެސް ބޮޑަކަށް އެހީތެރިކަން ފޯރުކޮށްދިނުމަށް އޭނާ އިލްތިމާސް ކުރެއްވި އެވެ.
މައިމޫނާ ވިދާޅުވީ، ބަލިން ރައްކާތެރިވާން މަސައްކަތް ކުރާއިރު، އަނެއް މީހާ އަށް އަޅައިިލުމުގެ ގޮތް ވެސް ގެންގުޅެން ވާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުމައިން
27 April 2020
އެޗް ޕީ އޭ ގެއެންގުމަށް އަމަލުކުރާބަޔަކުވާނީ ހަލާކު. އަޅުގަނޑުމެން ގެ ގޭތެރޭގައި ޑާއިރެކްޓްކޮންޓެކެޓެއްހުރެގެން ގުޅާ ރޮއެ އާދޭސްކޮށްގެންވެސް ބުނަނީ "އަލާމާތްތައް ފެންނަނަމަ ގުޅުއްވާ" އެހެން ކިޔާތާ 2 ދުވަސްފަހުން އަލާމާތްފެނުނީ، ފެނިގެން ގުޅާތާ 2 ދުވަސްފަހުން ޓެސްޓުކުރީ. ކޮށް ޕޮޒިޓިވްވީ، ވީއިރު ގޭތެރެއިން އިތުރުމީހަކުވެސް ވެއްޖެ. މީއީ ތިޔަބައެއްގެ ހާލަތަކީ. ޕޮޕިއުލަރިޓީ ގޭމެއްގަ ސަރުކާރުއޮތީ. ހުރިހާކަމަެއް އެއަށްފަހިވާ ގޮތަށް.
ޖެލީ23
27 April 2020
މިހާރު ވަރަށް ދަންނަ ބޭކަލުން ގިނަ ވެއްޖެ. ކިޔަވައިގެން އެތައް ދުވަހަކު ސިއްހީ ހިދުމަތުގައި އުޅުން މީހުނާއި، ފޭސްބުކްއިން ފެނުނު ފެ ލިޔުމެއް ކިޔާލި މީހުނާ ހަމަ އެއްވަރެއް. ހެއްވާ ކަމެއް
ލިންކް
26 April 2020
އެޗްޕީއޭ ފެއިލް ވެގެންނޭ ރާއްޖެއަށް މި ވައިރަސް އައީ، އަދި ފެތުރުނީ. ހަރުކަށިވުން ބަރާބަރު. އަދިވެސް ކުރާވަރު ކުޑައީ.
ފެނިސ
26 April 2020
ކައުންސިލްތަކުން ކަންތައްކުރަނީ ރަގަޅަށް ބަލި ފެތުރަދީގެންނުވާނެ މިކަމުން އަލިމަގެއް ފެންނަދެނެ ގޭގައި ތިބޭ
ކަކުނިބޯ
26 April 2020
ކޮ މެންޓްތަށްކޮޔާލުމުން ކަކުނިބޯ ބުނި ދުވަސްތަށް އަންނަން އެބައުޅޭ ކަ މުގެ އިހްސާސްތަށްވެއްޖެ. ކުރަހާމަންޒަރަކީ އަސްލުމަންޒަރަށްވުރެ ބޮޑުކޮށް ނުވަތަ ކުޑަކޮށްކުރެހުމަށްފަހު އަތަށް އަމިއްލަޔަށް،ގޮއްވަލު މުން ވާނެހައެތު ވާމަންޒަރު ކުރިޔަށްއޮތީ ބުނެލންޖެހެނީ ހަ މަ ހެލްތް މިނިސްޓްރީ ފެއިލްވެއްޖޭ
އަބހައްދަ
26 April 2020
ކީއްކުރަން ބާރެއް ދޭކަށް ވީ. މޮޔައެއްގެ އަތަށް ކަނޑިއެއް ދޭނީވެސް މޮޔައެއް.
މުހައްމަދު އަހްމަދު
26 April 2020
އަސްލު ރަށްރަށުން ހަރުކަށިވާން އެބަޖެހޭ. އެކަމަކު ބައެއް ރަށްރަށުގައި، ކައުންސިލަރުންގެ ޕާޓީ ނޫންވީމާ، ބަންދު ކުރުމާއި، ރަށަށް ނެރުވުމާއި، އާއްމު މަސްވެރިންނަށްވެސް މަހަށް ދިޔުމަށް ހުއްދަ ނުދޭ. އޭގެ މިސާލެއް ގއ.ކަނޑުހުޅުދޫ. އެވާހަކަ ދެއްކިޔަސް އެމީހުންގެ ސަރުކަރު ވީމާ އަޅައެއް ނުލާ.
ނާޑުވާ
26 April 2020
ރަށްރަށުން އެ ހަދަނީ ރަނގަޅަށް ފިޔަޗަޅު ހަރުކަށި ކުރަންވީ މިހާރު. މާލޭގަ ހެދިހެން ފެތުރެންފެށީމަ ހަރުކަށިވާން ހަދައިގެން ބޯނީ ބޮނޑި. މާލެ މިއޮތީ އޭގެ ދިރިހުރި މިސާލެއް.
ޢަލީހާން
26 April 2020
ޜައީސް ސޯލިހު ދެންނެވި ހަޒާނާގެ އެންމެފަހު ލާރިއާ ހަމަޔައް، އެންމެ ރައްޔިތަކުވެސް މިބަލިން ދުނިޔެ ދޫވިޔަނުދޭނެ ކަމައް...މިކަމައް ހަރަދުކުރާނެ ކަމައް.. ޢެކަމަކު އެކަންވާން އޮއްގޮތަކީ ލޮކްޑައުން 14 ދުވަހަެއް ވުރެ ދިގު ކޮއްގެން...އެކަމަކު ސަރުކާރު އަތުގަ ލާރިއެއްނެއް..އެހެންވީމަ މަޖްލިސް ބުނާގޮތައް ޓޫރިޒަމް އަލުން ފައްްޓަން ނިންމުން ކައިރީ....
އިމްރާނު
26 April 2020
ރައީސް ސޯލިހު މިހާރު އުޅެނީ ފިލައިގެން. ގައުމާ މުޚާތޮބް ކުރަނީވެސް ފޮޓޯއަކުން.
ކޮރިބޯށި
26 April 2020
ރާއްޖެތެރޭ ރައްރަށުގެ ރައްޔިތުންގެ ހާލަތު އެންމެ ރަގަޅަށް އެގޭނީ އެރަށެއްގެ ކައުންސުލަކަށް. ކުވިޑް 19 އިން އަރާގަނެވޭނީ ހަރުކަށިވެގެން.