އިނގިރޭސި ޚާރިޖީ ވަޒީރު ބޮރިސް ޖޯންސަން.
14 އޮކްޓޯބަރ 2016 - 20:50
33 comments
ކޮމަންވެލްތުން ރާއްޖެ ވަކިވި ނަމަވެސް، ޑިމޮކްރަސީ ހަރުދަނާކުރުމަށް ކުރަން ޖެހޭ ކަންތައްތަކުގައި ބައިވެރިވާނެ ކަމަށް އިނގިރޭސިވިލާތުން މިއަދު ބުނެފި އެވެ.
އިނގިރޭސިވިލާތުގެ ހާރިޖީ ވަޒީރު ބޮރިސް ޖޯންސަން ނެރުއްވި ބަޔާނެއްގައި ވިދާޅުވެފައި ވަނީ ރާއްޖެ ކޮމަންވެލްތުން ވަކިވުމުން ހިތާމަކުރައްވާ ކަމަށެވެ. އެކަމަކު ވެސް ރާއްޖެއަށް ދިމާވެފައިވާ މަައްސަލަތައް ހައްލުކުރެއްވުމަށް އެހީތެރިވާނެ ކަމަށް އޭނާ ވައުދުވެވަޑައިގެންނެވި އެވެ.
"އަޅުގަނޑުމެން މެދުނުކެނޑި ސަރުކާރާއެކު މަސައްކަތްކުރާނަން ރާއްޖޭގައި ޑިމޮކްރަސީ ކުރިއެރުވުމަށާއި ހިޔާލުފާޅުކުރުމުގެ މިނިވަންކަމާއި ނޫސްވެރިކަމުގެ މިނިވަންކަން އަދި އަދުލު އިންސާފުގެ ދާއިރާ ހަރުދަނާކުރުމަށް. ރާއްޖޭގެ ކުރިމަގު ބިނާވެފައި އޮންނަން ޖެހޭނީ ގައުމުގެ ހަމަޖެހުމުގެ މައްޗަށް،" ބޮރިސްގެ ބަޔާނުގައި ވިދާޅުވެފައިވެ އެވެ.
އޭނާ ވިދާޅުވީ ކޮމަންވެލްތުން އަބަދުވެސް މަސައްކަތްކުރަމުން އަންނަނީ މެމްބަރު ގައުމުތަކުގެ ރައްޔިތުންގެ ހާލަތު ރަނގަޅުކުރުމަށް ކަމަށެވެ.
ދެވަނަ ބޮޑު ހަނގުރާމައަށްފަހު އިނގިރޭސިންގެ އަތްދަށުން މިނިވަންކަން ހޯދި ގައުމުތައް ހިމެނޭ ގޮތަށް އުފައްދާފައިވާ ކޮމަންވެލްތުގެ މެމްބަރުކަމުން ރާއްޖެ ވަކިވާން އިއްޔެ ނިންމީ، އެ ޖަމާއަތުން ރާއްޖެއާ މެދު ކަންތައްތައް ކުރަމުން ގެންދަނީ ބޭއިންސާފުން ކަމަށް ބުނެ އެވެ.
ކޮމަންވެލްތުން ވަކިވުމުން އެ ޖަމާއަތުގެ ސެކްރެޓަރީ ޖެނެރަލް ޕެޓްރީސިއާ ސްކޮޓްލަންޑް ރޭ ނެރުއްވި ބަޔާނެއްގައި ވިދާޅުވެފައި ވަނީ ކޮމަންވެލްތުން އަބަދުވެސް މަސައްކަތް ކުރަނީ ޑިމޮކްރެސީ ކުރިއަރުވަން ކަމަށާއި އެހެންވެ ރާއްޖޭން އެ ޖަމާއަތާ އަލުން ގުޅޭނެ ކަމަށް އުއްމީދު ކުރައްވާ ކަމަށެވެ.
ކޮމަންވެލްތުން ވަކިވާން ކެބިނެޓުން އިއްޔެ ރައީސް އަބްދުﷲ ޔާމީނަށް ލަފާ ދިނުމާ އެކު، ރައީސް ވަނީ އެ ގޮތަށް އެކަން ނިންމަވާފަ އެވެ. އެ ގޮތަށް ނިންމެވީ ކޮމަންވެލްތުން ރާއްޖޭގެ ދާހިލީ ކަންކަމަށް ނުފޫޒު ފޯރުވަން މަސައްކަތްކޮށް، ބޭ އިންސާފުން ފިޔަވަޅު އަޅަމުން ދާ ކަމަށް ބުނެ އެވެ. އަދި ޑިމޮކްރަސީ ހަރުދަނާ ކުރަން ރާއްޖޭން ކުރާ މަސައްކަތް ކޮމަންވެލްތުން ބަލައި ނުގަންނަ ކަމަށް ވެސް ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިސްޓަރއެކްސް
16 October 2016
އިނގިރޭސިން ގަމުގައި އެތައްޒަމާނެއް ވަންދެންތިބި އިރު.. މިރާއްޖެ އިނގިރޭސިންގެ ހިމާޔަތުގައި އެތައްޒަމާނެއްވަންދެން އޮތްއިރު ޑިމޮކްރަސީގެ އެންމެ އަކުރެއްވެސް ދަސްކޮށްދޭކަށް މަސައްކަތެއްނުކުރޭ ތި އިނގިރޭސިންނެއް. މިހާރުދެންކޮންޑިމޮކްރަސީއެއްތޯ ތިއުޅެނީ ދަސްކޮށްދޭންވެގެން. އޭރުވެސް ގައުމުބައިބައިކޮށް ވަކިދައުލަތެއް ދެކުނުގައި އުފެއްދުމަށް މަސައްކަތްކުރީ އިނގިރޭސިން. ގަމުގައި އަމިއްލަ ބޭނުމަށް އެޅި ރަންވޭ ފިޔަވާ މިގައުމަށް ކޮށްދިންކަމެއްނޯންނާނެ.
ފަރަންޖީ
16 October 2016
އަމިއްލަ ގައުމު ހަމަޔަކަށް އަޅުވާފަ އިތުރު ވާހަކަ ދައްކަބަލަ. ރާނީފައިބުޑަށް ކުރުނީސްކޮށް ޒަމާނީ އަޅުވެތިކަން އެންމެފުޅަކޮށް އޮތް ގައުމަކީ އިނގިރޭސިވިލާތް.. ދެންކޮންވާހަކައެއް.. ޑިމޮކްރަސީއޭ ނުކިޔާ...
ރާޖާ
15 October 2016
އަހަރެމެން ދަންނަ ޑިމޮކްރަސީގައި ވަކި އާއިލާއަކަށް ދައުލަތުން ޚަރަދު ކޮށް ވަކި އާއިލާއަކަށް އުފަންވާ ކޮންމެ މީހެއް މާތް ވެ ވަކި މީހަކު މަރުވަންދެން ވެރިކަމުގައި ނުވަތަ ރާނީ ކަމުގައި ނުހުރެވޭ.
GAN Island
15 October 2016
ސާފުކޮށް ބުނޭ.. !! އަހަރުމެން ރައްޔިތުން ބޭނުމެއްނޫން އިޤިރޭސި ދައުލަތަކީ އަހަރުމެންގެ ހަތުރެއްކަމުގައި ވާކަށް. ތިއީ އަހަރުމެން ބޭނުންވި ކޮންމެ ވަގުތެއްގައި ''ކޮންމެ ހާލަތަެއްގައި'' އަހަރުމެންނަށް މަދަދުވެރިވި އަހަރުމެންގެ ބައިވެރިއެއް. އަދިވެސް އަހަރުމެންނަކީ ''އިޤިރޭސި ރައްޔިތުންނަށް ޤަދަރުކުރާ އިޤިރޭސި ދައުލަތަށް އިޙްތިރާމް ކުރާ'' އިންޑިޔާ ކަނޑުގެ ވަޒަންވެރިންގެ ގޮތުގައި ތިބި އިޤިރޭސިން ތަކެއްފަދަ ބައެއް.
އުމަރު
15 October 2016
މިއީ އަހަރުމެން ދެއްކި ވާހަކަ، ކޮމަންވެލްތުން ވަކިވިޔަސް އަދި ދިވެހިރާއްޖޭގައި ހިންގާ ލާއިންސާނީ ކަންކަމަށް މަގުހުޅުވުނީއެއްނޫން، ދުނިޔެ ނޮއޮންނާނެ ރާއްޖޭގެ އެތެރޭގެ ކަންކަން ހަމަނުޖެހެންޏާ ބަލަންތިބެން، އެހެންކަމުން ދެން ދުނިޔޭގެ ޤައުމުތަކުން މަސައްކަތްކުރާއިރު ތަންކޮޅެއް ހަރުކަށިވާނެކަމަށް ފެންނަނީ، މީގެ ކުރީގައި މިފަދަކަންކަން ހަރުކަށިކޮށް ނުގެންދެވެނީ ކޮމަންވެލްތުގައި ރާއްޖެ އޮތީމަ،
ޙަސީނު
15 October 2016
މިއީ ހާދަމޮޅަށް ބައިނަލްއަގުވާމީ ގުޅުން ދަންނަ މީހެކޭދޯ. ރޫހާނީ ލީޑަރުކާރިން ދޯ ކިޔެވީ. އެހެންވީމާ ތިވިސްނުން ތިހުންނަނީ.
އިބިރިހިން ތައްކާނު
15 October 2016
ދެން ބެހޭނީ ސީރިޔާއާއި ބެހޭގޮތަށްބާ. އަނެއްކާ ރާއްޖެއާ ޙަވާލުވާނީއއިންޑި + ޕާކިސްތާނުން ތޯ؟
ހަސަން
15 October 2016
އިންގިރޭސިން އަށްޑޫއިން ފޭބީމަ ގަމަށް އަރާ ތަޅާސުންނާފަތި ކުރީ މާލެސަރުކާރުން ... އަށްޑޫ ހިސާރުކޮށްގެން ނަށްޓަން ނޭންގިގެން މާލެސަރުކާރުން އުޅެނީ ކީށްވެ ...
ބާޔޫ
15 October 2016
ހެހެހެ.... ދިވެހިރާއްޖެ އޮތީ ފިލަންތައްޔާރަށް...
ޕިންކީސް
15 October 2016
އޯނޯ އެބުނީ ފަހަތުން އަޅައިގަތީޔޯ. ޔާމިނު އަނެއްކާ ވަސީލަތްތައް ހަމަތޯ އަވަހައް ޗެކްކޮއްލަބަލަ.
ފަގީރުކޮޔެ
15 October 2016
މީދެންބޮޑުވަރު މިމީހުނާހުރެ ނޯވޭ ތަނަކައް ދެވޭކައްވެސް، ދެވޭ މިއޮންނަނީ ޗައިނާ، ސިންގަޕޫރު، ސައުދި އެރެބިޔާ.
ހަސަން
14 October 2016
އިސްލާމްދީނުގައި މާސަރީޙަކޮށް ޑިމޮކްރަސީ ބަޔާންކޮށްފައިވޭ މޮޑިފައި ޑިމޮކްރަސީ މިރާއްޖެއަކަށް ފިޓެއްނޫން
އަލީ ނަސީރު
15 October 2016
ޖަލުގަ ތިބި ބަޔަކައް މުގުރިހަ ތޯ ރިހާކުރު ތޯ ކާނީ އެހީމަ ވެސް، ޑިމޮކްރެސީ ހަމަތައް ފުދޭނެޔޭ. އެވެރިންނަކައް ނޭގޭނެޔޭ އެހެން އެއްޗެއް އޮންނަކަމެއް! މީގެ ބޭނުމަކީ އަމިއްލަ ސިކުޑިން ވިސްނާފަ، އިހްތިޔާރު ތައް ދެނެގަނެފަ، ދެން ބޭނުން ބަޔަކު ހޮވެމޭ... ބޮޑު އޮޅުވާލުން ގަޑަކުން ބަޔަކު ވާ ވައްދައިގެން މާ މޮޅުއެއްޗެކޭ ކިޔައިގެން ރައްޔިތުން ފޭރުމެއް ނޫނޭ... އެވާހަކައޭ އެބުނަނީ