މާލެ ތެރެއިން ފުރަތަމަ ފަހަރަށް ދިވެއްސަކު ކޮރޯނާވައިރަހަށް ޕޮޒިޓިވް ވުމާއި ގުޅިގެން ކުއްލި ގޮތަކަށް މާލެ ސަރަހައްދު ބަންދުކުރުން.-- ފޮޓޯ: އަހުމަދު އަވްޝަން /މިހާރު
11 މެއި 2020 - 12:17
19 comments
ކޮވިޑް-19 އާ ގުޅިގެން މާލެ ލޮކްޑައުންކޮށް، ވިޔަފާރިކުރުމުގެ ހުއްދަ ދީފައިވާ ފިހާރަތަކުގެ ތެރެއިން އިކޮނޮމިކް މިނިސްޓްރީގެ އެންގުމާ އެއްގޮތަށް ޚިދުމަތް ނުދޭ ފިހާރަތަކުގެ ހުއްދަ ބާތިލްކުރަން ނިންމައިފި އެވެ.
އާއްމުންގެ ތެރޭގައި ބަލި ފެތުރުން ކޮންޓްރޯލްކުރުމުގެ ފިޔަވަޅެއްގެ ގޮތުން މާލެ ލޮކްޑައުންކޮށްފައިވާއިރު، ވިޔަފާރިކުރަން ވަކި ފިހާރަތަކަކަށް ފުލުހުން ވަނީ ޚާއްސަ ހުއްދައެއް ދީފަ އެވެ. މި ފިހާރަތަކުން ހަތަރު ކަމެއް ފުރިހަަމަ ކުރަން އިކޮނޮމިކް މިނިސްޓްރީން ވަނީ އަންގައިފަ އެވެ.
އޭގެތެރޭގައި، އެ ފިހާރައެއްގެ ކުޑަ ބޮޑު މިނަށް ބަލައި، އެންމެ ގިނަވެގެން ވަދެވޭނެ ކަސްޓަމަރުންގެ އަދަދު ބޭރަށް ފެންނާނެހެން ބެހެއްޓުމާއި ފިހާރައިގައި މަސައްކަތްކުރާ ކޮންމެ މުވައްޒަފަކު ވެސް ހިދުމަތްދޭ ގަޑީގައި، ނޭފަތާއި އަނގަމަތި ފޮރުވޭ ގޮތަށް މާސްކު އެޅުމާއި އަތަށް އަންގި ލައްވައިގެން ޚިދުމަތް ދިނުން ހިމެނެ އެވެ.
އެ ފިހާރައެއްގައި މަސައްކަތް ކުރަން ފުލުހުން ހުއްދަ ދީފައިވާ މީހުން ފިޔަވައި އިތުރު ބަޔަކު ތިބުން ވެސް މަނަލެވެ. އަދި ހުއްދަ އޮތް ފިހާރައެއް ނަމަ، ގަވާއިދުން ހުޅުވަން އިކޮނޮމިކް މިނިސްޓްރީން ވަނީ އަންގައިފަ އެވެ.
މިކަންކަން ފުރިހަމަ ނުވާ ނަމަ ވިޔަފާރި ހުއްދަ ބާތިލްކުރާނެ އެވެ.
ލޮކްޑައުންގެ ހާލަތުގައި ހުއްދަ ދީފައިވާ ތަންތަނުގެ ތެރެއިން ނުހުޅުވާ ހުންނަ ތަންތަނާ މެދު ފިޔަވަޅު އަޅާނެ ކަމަށް ފުލުހުން ވެސް ވަނީ މީގެ ކުރިން ބުނެފަ އެވެ. އާއްމުންނަށް ދަތިނުވާނެ ގޮތަށް މުދާ ފޯރުކޮށްދޭން ގިނަ ފިހާރަތަކަކަށް ފުލުހުން ހުއްދަ ދީފައިވެ އެވެ.
ކޮވިޑް-19 އަށް ރާއްޖެއިން 800 އަށް ވުރެ ގިނަ މީހުން ޕޮޒިޓިވްވެފައިވާ އިރު މީގެ ތެރޭގައި ބައެއް ފިހާރަތަކުގައި ޑެލިވަރީ ކުރުމުގެ މަސައްކަތުގައި އުޅުނު މީހުން ވެސް ހިމެނެ އެވެ. މިހާލަތުގައި ހުރިހާ އެންމެން ވެސް ރައްކާތެރިކަމުގެ ފިޔަވަޅުތައް އަޅައިގެން ނޫން ގޮތަކަށް ބޭރަށް ނުދިއުމަށް އެޗްޕީއޭ އިން އިލްތިމާސްކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔަތުމީހާ
11 May 2020
މީ ބަންގާޅީންގެ ރާއްޖެ
ބޮޑުމީހާ
11 May 2020
ފިހާރަތަކުގެ ސޭޓުންނަށް ބިދޭސީން ނުތިބެވޭ ގޮތްހަދާ.
ހަސަންބެ.
11 May 2020
ހޮޔޮނުވާނެ ފޮނިނުކަޑަމަޑުން ތިބެބަލަ. އެއްކަމެއްވެސް ނުކުރެވޭނެ. ފިހާރަ ހުޅުވާނީ ވެރިމީހާ ބޭނުންގަޑިއެއްގައި. އަދިމިނޫސްވެރިންވެސް މާބޮޑު ހަބަރަކަށް ހަދައިގެން މިކަހަލަ ޖަމަލު ފޮޑިލިޔާނެ. އިކޮނޮމިކްމިނިސްޓްރީ އަކީ އެންމެބޮޑަށް ފެއިލްވެފައި އޮތްތަން. ސޭޓުންނަށް ވެސް ބަންގާޅީން . އޯނަރުންނަކީވެސްބަންގާޅީން. އެއްވެސް ކަމެއް ކުރެވޭތަ. ގަންނަން ކިޔުގައިވެސް ނުގަވައިދުން އުޅޭބަންގާޅީން.
ދުންތަރި
11 May 2020
އިކޮނަމިކު މިނިސްޓްރީން ކުރާ އިއުލާނާ އަންގާ އެންގުންތައްވަނީ ޖަމަލު ފޮޑިއަށް ބޭރުމީހުން ރާއްޖޭގަ ވިޔަފާރިކުރަނީ މަސްދޯނި ފަހަރުގަ ދިވެހިންނަށްވުރެ ގިނައީ ބަންގާޅު މީހުން ރަށްރަށުގެ އާބާދީއަށްވުރެ އެމީހުންގިނަކަމަށްބުނަނީ ފިހާރައިގެ ސޭޓުންނަށް ބިދޭސީން ނުތިބެވޭނެކަމަށްބުނަނީ މިކަން މާލެތެރޭގެ ކަންމަތީ ފިހާރަތައް ޗެކްކޮށްލަބަލަ މާރުކޭޓު ގޮޅިތަކުގަ އެމީހުން މުޅިޤައުމުގަ އެމީހުން
ކޮރަލް
11 May 2020
ތިޔައީ ބުނަން ޖެހޭ ވާހަކަ އެއް ނޫނެވެ. ކުރަން ޖެހޭ ކަމެކެވެ.
ދޮން މަނިކު
11 May 2020
ދިވެހިން ކަސްތަޅު އެޅުވުން ނޫން ކަ މެއް ނުކުރޭ ... މިކަންކަން ބަލާބަލަ: 1 . ވިސާނެތި އުޅޭފަރާތްތައް + ރިސޯޓުތަކާއެކު 2. ބޭރު މީހުން ހުއްދަނުހޯދާ ވިޔަފާރިކުރުން 3. ބޭރު މީހުން މިލިޔަނުން ޓެކްސް ނުދައްކާ ޑޮލަރު ބޭރުކުރުން. 4. ބޭރު މީހުން މަސް ވެރިކަން ކުރުން . 5. ބޭރު މީހުން ވިސާނެތި އެއްރަށުން އަނެއް ރަށައް ދަތުރުކުރުން ............................100 ؟؟؟؟؟
ފަހުދު
11 May 2020
އަދިވެސް ފިހާރަތަކުގަ ސޭޓުންނައް ތިބީ ބަންގާޅު ބޭފުޅުން. މިކަމެއް ހުއްޓުވޭނެހެނެއް ހިޔެއްނުވޭ.
ގަވާއިދު
11 May 2020
ފިހާރަ ހުޅުވާ މީހުންނަށް ހުޅުވޭނެ ވަގުތު އިކޮނޮމިކް މިނިސްޓްރީގެ ގަވާއިދާއި އިއުލާނުގައި އޮންނަނީ. އެ ނޫން ވަގުތުތަކުގައި ހުޅުވުން މަނާވެފައި އޮންނަނީ. އިކޮނޮމިކް މިނިސްޓްރީގެ އެއްވެސް ގަވާއިދެއްގައި އިޢުލާނެއްގައި ނޯންނާނެ މިވެނި އެވެނި ވަގުތެއްގައި ހުޅުވާފައި ހުރުމަކީ ލާޒިމުކަމެކޭ. ވަކި ވަގުތެއްގައި ތަން ހުޅުވާފައި ނެތިގެން ހުއްދަ ބާޠިލެއް ނުކުރެވޭނެ.
ހަސަންބެ.
11 May 2020
ދެރަކަމަކީ އިކޮނޮމިކް މިނިސްޓްރީގައި ތިބ މީހުންނަށް ގަވައިދު ނޭގޭތީވެ. އެއްކަމެއްވެސް ނުކުރެވޭ. ހަމަ ހެޑްލައި ހަދާލަނީ.
ނިރު
11 May 2020
ބިރުދެއްކުން ހުއްޓާލާ..
އަހުމަދޫ
11 May 2020
އިކޮނޮމިކް މިނިސްޓްރީޢަށް ކެރޭނެބާ މުސާރަނުދޭ ކުންފުނިތައް އުވާލަން....
ކަނަމަދޫ
11 May 2020
މުސާރައަކީ ކުންފުންޏާ މުއައްޒަފާ ދޭތެރޭ ކުރެވޭ މުއާހަދާއެއްގެ މައްޗަށް ދޭ އެއްޗެއް. ކުންފުނި އުވާލާފި ނަމަ މުސާރަ ނުލިބޭ މުއައްޒަފު އެމައްސަލައިގަ ކޯޓަށް ދާނެ ގޮތެއްވެސް ނޯންނާނެ. ފުނާއަޅަން ނޫން ކަމަކަށް ބޯބޭނުން ކުރުން މުހިއްމު.
ސާދާސީދާ
11 May 2020
މުސާރަނުދޭ ކުންފުނި އުވާނުލާ، ކުންފުނީގެ ބޮޑުންނަށް ދަޢުވާކޮށް ޖަލަށްލާ. ކުންފުނި އުވާލުމަކީ މޮޔަކަމެއް. އޭރުން ދަޢުވާކުރަންޏާ އެކުރެވެނީ މަރުވެފައިވާ މީހަކަށް ކުރާ ކަހަލަ ދަޢުވާއެއް.