ދަރުމަވަންތަ ހޮސްޕިޓަލްގައި ނަރުހުންތަކެއް މަސައްކަތްކުރަނީ: -- ފޮޓޯ: ހުސެއިން ވަހީދު/ މިހާރު
11 މެއި 2020 - 16:00
7 comments
އައިޖީއެމްއެޗަށް ވަގުތީ ނަރުހުން ހޯދަން މިއަދު އިއުލާނުކޮށްފި އެވެ.
އެ ހޮސްޕިޓަލުން ކުރި އިއުލާނުގައި ބުނީ، ކޮންޓްރެކްޓް އުސޫލުން، ތިން މަސް ދުވަހަށް މަސައްކަތް ކުރާނެ 35 ނަރުހުން ބޭނުންވާ ކަމަށެވެ.
އެ ނަރުހުން މަސައްކަތް ކުރަން ޖެހޭނީ ހަފުތާގެ ފަސް ދުވަހު، ދުވާލަކު އަށް ގަޑިއިރަށެވެ. މުސާރައިގެ ގޮތުގައި މަހަކު 9،060ރ. އާއި ސާވިސް އެލަވަންސަށް 188ރ. ލިބޭނެ އެވެ.
ނާސިން ދާއިރައިން ލެވެލް ފަހެއް ނުވަތަ ހައެއްގެ ސަނަދެއް ހާސިލްކޮށް، އައިޖީއެމްއެޗުގައި މަސައްކަތްކުރުމުގެ ޝައުގުވެރިކަން ހުރި މީހުންނަށް އަންނަ ހަފުތާގެ އަންގާރަ ދުވަހުގެ ކުރިން [email protected] އަށް ހުށަހެޅޭނެ އެވެ.
ސަރުކާރުގެ މައި ހޮސްޕިޓަލް، އައިޖީއެމްއެޗަށް ނަރުހުން ހޯދަން އިއުލާނުކުރިއިރު، ކޮވިޑް-19 ގެ ސަބަބުން އެ ހޮސްޕިޓަލްގެ ނަރުހުންގެ މަސައްކަތް ވަނީ ވަރަށް ބޮޑަށް ބުރަވެފަ އެވެ. ފަރުވާ ދިނުމުގެ ތެރޭގައި އެ ހޮޮސްޕިޓަލްގެ ޑޮކްޓަރަކާއި ނަރުހަކު ކޮވިޑް-19 އަށް ޕޮޒިޓިވް ނުވިޔަސް އެއް ޑިޕާޓްމަންޓެއްގެ 16 ނަރުހަކު ވަނީ އައިސޮލޭޓްކޮށްފަ އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވިގޮތުގައި ރާއްޖޭގެ 55 ޕަސެންޓް ނަރުހުންނާއި ޑޮކްޓަރުން ހަރަކާތްތެރިވާނީ ކޮވިޑް-19 ގެ ކަންކަމުގަ އެވެ. ބާކީ ތިބި 45 ޑޮކްޓަރުންނާއި ނަރުހުންނަކީ، އާއްމު ބަލިތަކަށް ފަރުވާދޭނެ ހިދުމަތްތެރިން ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު އަމިރު
12 May 2020
ކިތައް ނަރުހުންތޯ ޗުއްޓީއަށް ރަށަށް ގޮސް މާލެ ނާދެވިގެން އެތިބީ ، އެމީހުންގެ ދަފުތަރެއް ނެގުނުތަ؟ އެމީހުން ފުރަތަމަ ގެނެސް ބަލަ
ނަރުހުންނ
12 May 2020
މިފަދަ ނުރައްކާތެރި ދަނޑިވަޅުގައި ފުރާނަ އަތްމައްޗަށް ލައިގެން މަސައްކަތް ކުރަންވަޒީފާގައި ތިބި ޑަކަޓަރުންނާ ނަރުހުންނަށް ހަމަ ސާބަހެވެ މިގަދަ ވަގުތުގައި ވަގުތީ ނަރުހުން ހޯދަން އިއުލާނުކުރުން ވަރަށް ދެރައެވެ އެހެނީ މިކަހަލަ ބޮޑު ކަމެއްގަ އުޅެފަ ދެން ވަގުތީ ވީމަ ކަމާދާ ކަމެއް ނޫނެވެ
ފަސީހ
11 May 2020
ބޭރުން ނަރުހުން ގެންނަންޖެހޭނީ.. ނޫނީ މިތާތިބި ބަނގްލަދޭޝް ކުދީންނައް ނަރުސްކަ މުގެ ކުރޭޝްކޯހެއް ހިންގާފައި ވަޒީފާދޭން ޖެހޭނީ. ދިވެހީންގެ ތެރެއިން ތިބުނާ މީހުން ލިބުން ވަރައް ނާދިރު.
ކެޔޮޅުބޭ
11 May 2020
ހަނގުރާމައިގަ ދުވަސްވަރުގަ ދުނިޔޭގެ ހުރިހާ ގައުމެއްގަ އޮންނަ އުސޫލަކީ ދުޅަހެޔޮ ސިއްހަތުގަ ތިބި ހުރިހާ އަންހެން ފިރިހެނުން ގައުމީ ޚިދުމަތަށް ނުކުތުން. ހަނގުރާމަ ތެރޭގަ އޮންނަނީ ސިފައިންގެ ޚިދުމަތް. ކޮވިޑްގެ ހަނގުރާމަޔަށް ނަރުހުން މަދުވާނަމަ ޚާއްސަ ގާނޫނެއްގެ ދަށުން 30-18 އަހަރާ ދެމެދުގެ އުމުރުފުރާގެ ހުރިހާ ޒުވާނުން ބޭނުންވާ ދާއިރާތަކަށް ނެރެވިދާނެ. އެކުދިންނަށް ބޭނުންވާނެ ބޭސިކް ތަމްރީނު ދީފަ އެކިެކި މަސައްކަތަށް ނެރުމުން ކުދިންނަށް އާއްމުދަނީ ލިބޭނެ.
ވަގުތީ ނަރުސް
11 May 2020
ޢޭރުންނެއް ނޫންތަ ބޮޑުން ފުރަންޓުލައިނަށް ނުނިކުމެވާނީ. ކޮވިޑް ނިމުނީމާ ގެއަށް. ޥަރަށް ފުރިހަމަ. ބަލަ ނަރުހުންނާއި ޑޮކްޓަރުންނަކީ ބޮލެއް ނެތް ބައެއް ނޫނޭ. ތިޔަ އުޅެނީ އައިޖީއެމްއެޗެގެ ފަރާތުން ކޮވިޑް ވިލެޖްގައި މަސައްކަތް ކުރާނެ ވަގުތީ މީހުން ހޯދަން
އަހު މަދު މުހައް މަދު
11 May 2020
ކިހާ ރީތި . އެން މެ ބޭނުންވި ގަޑީ އިންޑިޔާއިން ނަރުހުންތައް ގެންދިޔާ މަ އެތަން ފުރަން ވަގުތީ ދިވެހި ނަރުހުން. ސަޅި. މުސީބާތު ވަގުތު ފިލަން ދާއި މީ އިންޑިޔާ ނަރުހުން. އަޅުވެތި ވިޔަސް ބޮޑު ވަރު
ކޮރަލް
11 May 2020
ވަގުތީ ނަރުހުން ހޯދަނީ ކޮވިޑް ނިމުނީމަ ބިދޭސީ ނަރުހުން ގެންނަން ވެގެން ތޯ ބަލާލަން ބޭނުމެވެ. ރާއްޖެ އަށް 2 ޑޮލަރު ދީފަ ވަޒީފާ ގަނެގެން ނަރުހުން މަސައްކަތް ކުރަން އެބަ އާދެ އެވެ.