އިންޓަނެޓް ޕެކޭޖާ ގުޅޭ ގޮތުން އެޑިއުކޭޝަން މިނިސްޓަރު، ދިރާގުގެ ބޭފުޅުންނާ މީގެ ކުރިން ބޭއްވި ބައްދަލުވުމެއްގެ ތެރެއިން- ފޮޓޯ: ދިރާގު
12 މެއި 2020 - 01:53
31 comments
ސަރުކާރު ސްކޫލްތަކުގެ ދަރިވަރުންނަށް އިންޓަނެޓް ޑޮންގްލް ދިނުމަށް، މުއާސަލާތީ ހިދުމަތްދޭ ކުންފުނިތަކާ އެކު މަޝްވަރާކުރަމުން އަންނަ ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިރޭ ވިދާޅުވެއްޖެ އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައާ ބެހޭ ކޮމެޓީގައި މިނިސްޓަރު ވިދާޅުވީ ކޮވިޑް-19ގެ ސަބަބުން ސްކޫލުތައް ބަންދުކޮށްފައިވާ މި ހާލަތުގައި ކިޔެވުން ކުރިއަށް ގެންދިއުމަށް، ކޮންމެ ދަރިވަރަކަށް ޑޮންގްލްއެއް ދީ އެއިން އިންޓަނެޓް ބޭނުންކުރެވޭ ގޮތް ހެދުމުގެ ވިސްނުން އެބަހުރި ކަމަށެވެ. ދިރާގާއި އުރީދޫއާއެކު އެ މަޝްވަރާތައް ފަށާފައިވާ ކަމަށް ވިދާޅުވި އެވެ.
މިނިސްޓަރު ފާހަގަކުރެއްވި ގޮތުގައި ލޮކްޑައުންކޮށްފައިވާ މި ހާލަތުގައި ކިޔަވައިދިނުމަށް އޮތް އެންމެ ބޮޑު ގޮންޖެހުމަކީ އިންޓަނެޓެވެ.
އެކަމުގެ ތަފްސީލުތައް ހިއްސާކުރައްވަމުން ސީނިއާ ޕޮލިސީ ޑިރެކްޓަރު މޫސާ އާދަމް ވިދާޅުވި ގޮތުގައި މަޝްވަރާކުރަމުން އަންނަނީ ސްޓޫޑެންޓް ޕެކޭޖެއް ތައާރަފުކޮށް ވަކި ހާއްސަ ސިމެއް ދޭން ކަމަށެވެ. އެކަން ކުރެވިދާނެ ކަމަށާއި އެކަމުގެ މައުލޫމާތު ކުރިއަށް އޮތް ހަފުތާއެއްހާ ދުވަހުގެ ތެރޭގައި ހިއްސާކުރާނެ ކަމަށް އެ ދެ ކުންފުނިން ވެސް ބުނެފައިވާ ކަމަށް ވިދާޅުވި އެވެ.
މޫސަ ވިދާޅުވިގޮތުގައި އެންމެ ގިނަ ދަރިވަރުންނަށް އެކްސެސް ވެވޭ ވަސީލަތެއް ބެލުމަށް ހެދި ސާވޭއަށް 70،000 ދަރިވަރުންގެ ތެރެއިން 51،000 ދަރިވަރުންގެ ފަރާތުން ޖަވާބު ލިބުނު ކަމަށެވެ. ޖަވާބު ދިން ދަރިވަރުންގެ ތެރެއިން 70 ޕަސެންޓް ކުދިންނަށް ގޭގައި އިންޓަނެޓް ލިބޭ ކަމަށާއި އެ ހިދުމަތް ނުލިބޭ ކަމަށް 15،000 ދަރިވަރުން ބުނެފައިވާ ކަމަށް ވިދާޅުވި އެވެ.
"މިކަން ސަސްޓެއިނަބްލް ގޮތެއްގައި މަސައްކަތްކުރުމަށްޓަކައި ދިރާގާއި އުރީދޫގެ އެހީގައި ސްޓޫޑެންޓް ޕެކޭޖެއް، ވަކި ހާއްސަ ޑޮންގްލްއަކާއި ވަކި ހާއްސަ ސިމެއް ކޮންފިގާ ކުރުމުގެ މަޝްވަރާތަކެއް އުރީދޫ އާއި ދިރާގާއެކު އަޅުގަނޑުމެން ދަނީ ކުރެވެމުން،" މޫސަ ވިދާޅުވި އެވެ.
މިނިސްޓަރު ވިދާޅުވީ ނިއު ނޯމަލަކަށް ތައްޔާރުވުމަށް، ޔުނިސެފްގެ އެހީގައި އުސޫލުތައް ހަދަމުން އަންނަ ކަމަށެވެ. ވީހާ ވެސް އަވަހަކަށް ކިޔެވުން ފެށުމަށް މަސައްކަތް ކުރަމުން އަންނަ ކަމަށް ވިދާޅުވި އެވެ.
ކޮވިޑް-19 އިން ރައްކާތެރިވުމުގެ ގޮތުން ސްކޫލުތައް ބަންދުކުރިތާ ދެ މަސް ވެގެން ދިޔަ ކަމުގައި ވިއަސް، މާލެ ލޮކްޑައުންކުރުމާ ހަމަ އަށް ދިޔައީ "ޓެލިކިލާސް" އިން ދޭތެރެ ދޭތެރެއިން ފިލާވަޅުތައް ނަގައިދެމުންނެވެ. ނަމަވެސް ކޮވިޑް-19 ގެ ފުރަތަމަ ބަލި މީހަކު މާލެއިން ފެނުމާއެކު، މިދިޔަ މަހުގެ 15 ވަނަ ދުވަހުން ފެށިގެން ކިޔަވައިދިނުން ވަނީ ހުއްޓާލައިފަ އެވެ.
އޭނާ ވިދާޅުވި ގޮތުގައި ދަރިވަރުންނަށް ކިޔަވައިނުދީ ދިގުލައިގެން ދިއުމަކީ ކަންބޮޑުވެވަޑައިގަންނަވާ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަމަރުފުށި
12 May 2020
ރައީސްމީހާއަށް ރައްޔިތުންގެ އަޑު ނީވެނީތޯ. ނޫންނަމަ އައިސްތު އަލީގެ ބަލަދު ރައީސްއަށް އަރާފަތޯ. ހިންގުންތެރި ވަރުގަދަ މީހަކު އެޑިޔުކޭސަން މިނިސްޓަރަކަށް ނުލާހާ ހިނދަކު ހައްލެއް ނެތް. އައިސްތު ޢަލީ ބަހައްޓަވާ ނައިބު ރައީސް އޮފީހުގަ. އެޑިޔުކެސަނުން ނަންގަވާ
ބޮޑުމީހާ
12 May 2020
ޗުކުރިއްޔާ މިނިސްޓަރު ވޭތުވެދިޔަ 3 މަސް ދުވަހު ކަމަނާ ކީއްތޯކުރީ. މުޅި އެޑިއުކޭޝަން ދާއިރާއަށް ހުތުރު. ދަރިވަރުންގެ އަތުގައި ޓެބްލެޓް އެބަހުރި. ކިޔަވައިދޭންވީނުން. ރައީސް ޔާމިން ފެއްޓިކަމެއްވީމަ ކުރިއަށް ނުގެންދިއައީ. ތިހެންހެދުމުން ގެއްލުންމިވީ ދިވެހި ރައްޔިތުންނަށް
ހާމުންޑި
12 May 2020
އަނެއްކާ އަނެއްލާރިގަނޑު ހޯދޭނެގޮތެއް ފާކުރަނީ އުތަ؟
މަހުމޫން12
12 May 2020
މާސްކު އަޅައިގެން ޑިސްޓެންސް ބަހައްޓައިގެން ކިޔަވާދެވޭނެ.
މަންނާނު
12 May 2020
މިހާރު ލިބެންހުރިވަސީލަތެއް ބޭނުންކޮށްގެއް އަވަހަށް އެކަންފަށަންވީނު މުސާރަނަގައިގެން އިންޓަނެޓޭ ފަޅޮލޭ ކިޔަކިޔާތިއްބަސް ކަމަކުނުދާނެ
ވޮޗްޑޮގް
12 May 2020
ތިޔަށްވުރެ މާ ރަނގަޅުވެފަ ހަރަދު ކުޑަވާނެ ސަރުކާރުން ބްރޯޑްބޭންޑް އަދި މޮބައިލް ބްރޯޑްބޭންޑްގެ އެންމެ ދަށް ސްޕްޑް 2mbps ނުވަތަ 4mbps އަށް ހެދުން. ގެއަށް އިންޓަނެޓް ގުޅާފައި ހުންނަނީ ގެގޭ ކޮންމެ މީހަކު އަމިއްލަ މޮބައިލް ޑޭޓާ ޕެކޭޖެއް އެބަ ގެންގުޅޭ. މައްސަލައަކީ ޑޭޓާ ލިމިޓް ހަމަވުމުން ދެން ގުޑާވެސް ނުލުން. އޮފީސް މަސައްކަތް މިކުރަނީ ގޭގައި އެކްސެލް ފައިލްއެއް މެއިލް އިން ޑައުންލޯޑް ކޮށް ނުލެވޭ، އިމޭއިލް ކޮށް ނުލެވޭ.
ޔާންސް
12 May 2020
މިހާރު ލަހުން ކަންކަންކުރެވޭ މިނިސްޓަރެއް މީނަނޫނީނެތް މިސަރުކާރަކު... ވަރަށް ނާގާބިލު.. މަޖްލިސް ރައީސް ދިނީ އޭސްޓާރ، ބެލެނިވެރިން ދެނީ ބީއެއް، ޕްރިންސިޕަލުން ދެނީ ސީއެއް، ޓީޗަރުން ދޭނީ ސީއެއް ކަންނޭނގެ.
ލޯމާފާނު
12 May 2020
3 މަސް ވާން ދާ އިރު މި ކަމަނާއަށް ކުދިންނަށް ކިޔަވައިދޭން ހަދަން ވީ ގޮތެއް ނުވިސްނުނު. އަދިވެސް މަޝްވަރާ ކުރުމުގަ.
ާއުނިމާ
12 May 2020
ހަޔާތުގަވެސް ނުދެކެން މިހާ ސުލޯ އެޑިޔުކޭޝަން މިނިސްޓްރީއެއް! ހިތައްއަރާ ދައުލަތުން ބޮޑު މުސާރަދީފަ ކީއްކުރަން ބަހައްޓާ ސިޔާސީ ބައެއްބާވައޭ!
އަމީރާ - ޖަމާލުއްދީން ބެލެނިވެރިއެއް
12 May 2020
2މަސް ވީރުވެސް މަޝްވަރާ!ހަފްތާއެއް ތެރޭގައި އީދުބަންދު އެއަށްފަހު 2 ހަފްތާ ސްކޫލު ޗުއްޓީ. އެއަށް ފަހު ސްކޫލުތައް ނިއުނޯމަލް ގަ ހުޅުވުންތޯޗެ؟އެއްވެސް ނަތީޖާއެއްނެތި 2މަސް ހޭދަކުރިއިރު ދަރިވަރުންތިބީ ގޭގައި ނުކިޔަވާ.މިއޮއްބޮޑު މިނިސްޓްރީގައި އެތަށް ސަތޭކަ ޓީޗަރުންނާ އެތައް ޑެޕިއުޓީ މިނިސްޓަރުންނެ، ޑިޕާޓުމެންޓާ ސެކްޝަން ތަކުގެ އިސްވެރިން މުސާރަނަގައިގެން ތިބިއިރު، އެންމެ ފިލާވަޅެއްހާތަނަށްވެސް އިންތިޒާމުނުކުރެވި ދިއުމަކީ ގަބޫލުކުރަންވީ ހާލަތެއްތޯ؟
ޟަބީން
12 May 2020
ތިއީ ކަނޑައެޅިގެން ދޮގު. މިހާރުވެސް ވައިބަރއިން ފިލާވަޅުދޭ.