ހަޔާ އެޑިއުކޭޝަން މިނިސްޓަރު އިބްރާހިމް ހަސަން: ބޭރުގައި ހާލުގައި ޖެހިފައިވާ ދިވެހި ދަރިވަރުންނަށް އެހީ ދޭން ވަނީ ނިންމާފައި --ފޮޓޯ: ނިޝާން އަލީ/މިހާރު
14 މެއި 2020 - 16:09
15 comments
އަމިއްލަ ޚަރަދުގައި ނުވަތަ އެހެން ފަރާތެއްގެ އެހީގައި ރާއްޖެ އިން ބޭރުގައި ކިޔަވަމުންދާ ދަރިވަރުންގެ ތެރެއިން ކޮވިޑް-19 އާ ގުޅިގެން ހާލުގައި ޖެހިފަައިވާ ދަރިވަރުންނަށް ސަރުކާރުން ފައިސާގެ އެހީ ދޭން ނިންމައިފި އެވެ.
ހަޔާ އެޑިއުކޭޝަން މިނިސްޓްރީން މިއަދު އާންމުކުރި އުސޫލުގައިވާ ގޮތުން، އެ އުސޫލުގެ ދަށުން ފައިސާ ދޭނީ އަމިއްލަ ޚަރަދުގައި ނުވަތަ އެހެން ފަރާތެއްގެ އެހީގައި ކިޔަވަމުންދާ ދަރިވަރުންގެ ތެރެއިން މާލީ ދަތިތައް ކުރިމަތިވެފައިވާ މީހުންނަށެވެ. ސަރުކާރުގެ ސްކޮލާޝިޕާއި ލޯނުގެ އެހީގެ ދަށުން ބޭރުގައި ކިޔަވާ ދަރިވަރުންނަށް އެ އުސޫލުގެ ދަށުން އެހީ ނުދެވޭނެ ކަމަށް އެ އުސޫލުގައިވެ އެވެ.
މީގެ އިތުރުން ކިޔަވާ ކޯހަކީ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ގަބޫލުކުރާ ކޯހަކަށް ވުމާއި އެ ދަރިވަރަކީ މި މަހުގެ ކުރިން ކިޔަވަން ފަށާފައިވާ ދަރިވަރަކަށް ވުމުގެ އިތުރުން ސްޕޮންސަރެއްގެ އެހީގައި ކިޔަވަމުންދާ ނަމަ، ލިބެމުންދާ މާލީ އެހީ މަދުވެފައިވާ ވާން ޖެހޭނެ ކަމަށް ވެސް އުސޫލުގައިވެ އެވެ. މި ދުވަސްވަރު އެހެން ފަރާތަކުން ދޭ ސްޕޮންސާޝިޕެއްގެ ދަށުން އެލަވަންސެއް ލިބޭ މީހަކަށް ނުވުމާއި އަމިއްލަ ޚަރަދުގައި ކިޔަވާ ނަމަ، އަމިއްލަ އަށް ޚަރަދުތައް ހަމަޖެއްސެން ނެތުމަކީ ވެސް އެހީއަށް އެދެވޭނެ ޝަރުތެކެވެ.
އެ އުސޫލުގައިވާ ގޮތުން އެހީގެ ގޮތުގައި ދޭނެ މިންވަރު ކަނޑައަޅާނީ އެ ދަރިވަރަކު ހުރި ގައުމެއްގެ ސްޓައިޕެންޑް (ދިރިއުޅުމުގެ ޚަރަދަށް ސަރުކާރުން ކަނޑައަޅާފައިވާ އަދަދު) އަށް ބެލުމަށް ފަހު އެވެ. އެގޮތުން ސްޓައިޕެންޑްގެ ގޮތުގައި ދުވާލަކަށް 50 ޑޮލަރަށް ވުރެ މަދުން ކަނޑައެޅިފައިވާ ގައުމެއްގައި ނަމަ، އެ ދަރިވަރަށް ދެވޭނީ އެ ގައުމުގައި ދުވާލަކަށް ކަނޑައެޅިފައިވާ ރޭޓުން ކަމަށާއި ދުވާލަށް ޖެހޭ އަދަދު 50 ޑޮލަރަށް ވުރެ ބޮޑުވާ ނަމަ، އެ ދަރިވަރަށް ދޭނީ ގިނަވެގެން 50 ޑޮލަރެވެ.
އެ އުސޫލުގެ ދަށުން އެހީ ދޭނީ ގިނަވެގެން ދެ މަސް ދުވަހަށް ކަމަށާއި އީމެއިލް މެދުވެރިކޮށް އެހީއަށް އެދޭއިރު، އެހީ ބޭނުންވާ މުއްދަތެއް ބަޔާން ކުރަން ޖެހޭނެ ކަމަށް އެ އުސޫލުގައިވެ އެވެ. އެހީގެ ފައިސާ ޖަމާކުރާނީ އެ ދަރިވަރެއްގެ ބޭންކް އެކައުންޓަށް ކޮންމެ 14 ދުވަހަކުން އެއްފަހަރެވެ. އެހީއަށް އެދި ހުށަހަޅާއިރު، އެ ދަރިވަރަކު ރާއްޖެ އިން ބޭރުގައި ހުރިކަން ކަށަވަރުކޮށް ދޭންޖެހޭނެ ކަމަށް ވެސް އެ އުސޫލުގައިވެ އެވެ. އެކަމަކު އެހީ ދިން މުއްދަތު ހަމަނުވަނީސް، ރާއްޖެ އަތުވެއްޖެ ނަމަ، ބާކީ ހުރި ފައިސާ އަނބުރާ ދައްކަން ޖެހެ އެވެ.
ބޭރުގައި ކިޔަވާ ދަރިވަރުންގެ ތެރެއިން ހާލުގައި ޖެހިފައިވާ ދަރިވަރުންނަށް ސަރުކާރުން އެހީ ދޭން ނިންމިއިރު، ކޮވިޑް-19 އާ ގުޅިގެން ވަޒީފާ ގެއްލުނު ފަރާތްތަކާއި ވަކި މިންވަރަށް ވުރެ މުސާރަ ކުޑަވި ފަރާތްތަކަށް ވެސް ސަރުކާރުން ވަނީ ފައިސާގެ އެލަވަންސެއް ދޭން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާަަަފާތި
15 May 2020
މިތާ ތިބި ބަޔަކު ހަނާ ވިޔަސް ހެޔޮ، ރާއްޖެއިން ހިލޭ ލިބެން އޮތް ތަޢުލީމު، ކިޔެވެން އޮންނަ ކޯސް ކިޔަވަން ރާއްޖެއިން ބޭރަށް ގޮސް އެތިބީ ފަޤީރުންދޯ. ޢަބަދުވެސް އިވެނީ ބޭރުގަ ތިބި މީހުނޭ ކިޔާއަޑު، އެއީ މިޤައުމުން ޑޮލަރު ގެންގޮސް އެތާ ހޭދަކުރާ ފަޤީރުން.މިތަނަށް ބޭރުފައިސާ ވައްދައިދީ، މިތަނަށް ހޭދަކުރާ މިވަޤުތު ނިކަމެތިވެ މިތަނުގަދަރިންނަށް ކިޔަވަދޭރައްޔިތު މީހާގެދަރި ބަޑަށް މަރުވިޔަސްހެޔޮ. ގިނަފަހަރު ކަންތައްތައް ހަމަމިދަނީ "ފޮށިން ފޮއްޓަށް" ވާ ގޮތަށް
ސާބަހޭ
15 May 2020
ވަރަށް ފައްކާ، އާއިލާ ބަލަހައްޓަމުން އަންނަ މީހާ ވަޒީފާ ގެއްލުނީމަ މަހަކަށް ފަސްހާސް ރުފިޔާ މުޅި އާއިލާގެ ޚަރަދު ހަމަޖައްސަން، އާއިލާ ތަކުގެ ޚަރަދުގަ ނޫނީ ސްޕޮންސަރ ހޯދައިގެން އަމިއްލަ ޖާނައިގެން ތިބި މީހުންނަށް މަހަކަށް 22500 ރުފިިޔާ.. އެތަންތަން ލޮކްޑައުން ކުރާ އިރަށް އެތަނުން އަންނަން ބޭ ނުންވާ މީހުން ގެނެއްސަ، ނައިސް ތިބި މީހުންނަށް ބޮޑު އެލަވަންސް. މާލޭގަ ތިބި ރާއްޖެތެރޭ މީހުން ފިއްތަނީ
ނަން އިތުރު
14 May 2020
ފައްޔާޒޫ ބަލަ ކޮބާތަ 15 ގެ ކުރިން ޖަމާ ކޮށްދޭން ބުނި ރުފިޔާކޮޅު؟ އަދިވެސް ރޯނު އެދުރު އުސޫލޭ ފަޅޮލޭ ކިޔާފަ ފާޑު ފާޑު ގެ އެއްޗެހި ނެރޭތި! ނުވަންޔާ ނުވާނެ ވާހަކަ ބުނެލީމަ އެވީ! ކޮން ހުވަފެނެއް ދައްކާކަށް؟ ބަލަ ބޭފުޅާޔަށް ނުވިސްނެނީތަ މިދަނޑިވަޅު ތިޔަހެން ދައްކާ ހުވަފެން ތަކަށް ހާލުގަ ޖެހިފަ ތިބި އަހަރުމެން ކަހަލަ މީހުން ޑިޕެންޑް ވާނެ ވަރު؟ ފައްޔާޒު އަކީ މިސަރުކާރު ގެ ވަރަށް ބޮޑު ފޭލިއަރ އެއް! އަދިވެސް ސޯލިހު މީނަ ބޭރުކުރާ ކަށް ނުވޭތަ؟
ޙައްވާ
14 May 2020
ހާދަ އެގިގެން އުޅޭބައެއް ބަލަ އަމިއްލައަށް ކިޔަވަންދެވޭނެ ގޮތެއްނެތިހެން ލޯނުނަގައިގެން ކިޔަވަންތިބި ކުދިންވެސް އެބަތިއްބޭ ދައުލަތުގެ ލާރިއަކީ ވަކިމީހަކަށް ނުދޭންވީ އެއްޗެއްނޫން އެކުދިންދެކެ ހާދަރުޅިއެއް މިމީހުން މިއަންނަނީ ގޮތްކިޔަން ވަރަށް މޮޅުވާނެ މި ދިވެހިން ބަލަ ކަލޭމެންގެ ފައިސާ ގޮތައް އެއީ އެކުދިންގެ ވެސް ފައިސާއޭ
އައްޔު
14 May 2020
މިއީ ވަރަށް މާލެ ފޯކަސްޑް މިނިސްޓަރެއް، މިހާލަތުގައި ރަށްރަށުން އައިސް މާލޭގައި ތިބި ކުދިންގެ ވާހަކައެއް ނުދައްކާ. ރަށްރަށުގައިވެސް ނެޗަރަލް ޑިސާސްޓަރސްތަކުގައު އާއިލާ ތައް ބިކަވޭ އެކމަކު މާލޭގެ އަލިފާން ހާދިސާ އާ ގުޅީގެންވެސް އާއިލާތަކަކަށް ސްކޮލަރޝިޕް ދިން.
ބޮޑުމީހާ
14 May 2020
ބޭރުގަ ތިބި މަހުޖަނުންގެ ދަރިންނަށް އެހީވާންވާނެތާ! މާލޭގައި ދުވާލަކު 350 ރުފިޔާ ކުއްޔަށް ކޮޓަރި ނަގައިގެން ހާލުގަޖެހިފަ ތިބި ކިތައް މީހުން ތިބީ. މާލޭގައި ހުއްޓަސް އަތްމަތި ދަތިވީމަ ހާލުގައިޖެހޭނެ
އެންދެރި
14 May 2020
ބޭރުން ގިނަ ބަޔަކު ގެނެސް ކަރަންޓީނުވެސް ކޮށްފި އެވެ. ރަށް ރަށުން މާލެ އައި ނިކަމެތި މީހާ ހުރީ ތަނުކުލި ނުދެއްކި ރަށައް ނުދެވި ބުންދުވިފަ އެވެ.
ތަރި
14 May 2020
ރާއްޖެއިން ބޭރުގައި ކިޔަވަން ތިބޭނީ ފަގީރުންނެއްނޫން. މުއްސަނދިންގެ ދަރިން. ސްޕޮންސަރުން ވިއްޔާ އެވަރަށް ފައިސާދޭނެ. ފައސާ ދެންޏާ ބޭނުން ނޫން މީހަކު ނުހުންނާނެ. ރާއްޖޭގެ ފީދައްކަންޖެހޭ ސްކޫލް ތަކުގައި އުޅުނު ބައެއް ދަރިވަރުން ހާލުގައި ޖެހި ފީދެއްކެން ނެތިގެން ސްކޫލުން ވަކިވެ އެތިބީ ރަށުގައި. އެކުދިންނަށް އަޅާލާބަލަ ރައްޔިތުންގެ ޓެކްސް ފައިސާއިން ތިޔަޚަރަދު ނުކޮށް.
ާަަަފާތި
15 May 2020
ފީދައްކާ ސްކޫލުން ކިޔަވާނީ ތަނަވަސް މީހުންގެ ދަރިން. މީ އުފަންވީއްސުރެ ފުރަތަމަ ޑިގްރީ ނިމެންދެން ހިލޭ ކިޔެވެ ޤައުމެއް. ފީދައްކާ ސްކޫލްގަވެސް ރާއްޖެއިން ހެދޭ ކޯސް ހަދަން ބޭރުގަ ތިބި ޢާއިލާތައް ވެސް އެއީ ސަރުކާރުން އެކައްޗެއް ނުދިނަސް ދަށްވެގެން ހައެއްކަ މަހު ހިފާއްޓެވޭނެ މީހުން ހެން ހީވަނީ
ޖައިދޫު
14 May 2020
އަމިއްލަ ހަރަދުގަ ގިނަމީހުންނަކީ މަޖުޖަނުންގެ އާއިލާ. ލޯނު ނަގައިގެން އުޅޭމީހުންނަށް ނެތްތަ ގޮތެއް؟
ޞ×ބ×ބ
14 May 2020
ނުޖެހޭނެދޭކަށް! މިކިހާދެރަކަމެއްތަ. ގައުމުގަ ހާލުގަޖެހިގެން މާބަމޑުމީހުން ބަނޑަށްދަރި މަރުވާއިރުވެސް ބަލާލެވެނީއެއްނޫން. ބޮޑެތިމުއްސަނދިންގެ ދަރިން ނޫނީ ސަރުކާރު ސޮކޮލާޝިޕްތަކުގަ ސަރުކާރުން މަހެއގެމައްޗަށް އެތައްސަތޭކަ ޑޮލަރެއްޕޮކެޓްމަނީއަށްދޭއިރު އިތުރަށްބަޖެޓުންހަރަދުކުރާކަށްނުޖެހޭނެ