ޭބޭސް: ޒަރޫރީ ކަންކަމަށް ބޭނުންވާ ބޭސް ސްރީ ލަންކާ، އިންޑިއާ އަދި ތައިލެންޑުގައި ހުންނަ ހައި ކޮމިޝަނަށް ގެންދިއުމުން ފޮރިން މިނިސްޓްރީން ގެނެސްދޭނެ
14 މެއި 2020 - 18:05
6 comments
ކޮވިޑް-19 އިން ރައްކާތެރިވުމަށްޓަކައި މި ސަރަހައްދުގެ ގިނަ ގައުމުތައް ލޮކްޑައުންކުރުމުން، ރާއްޖެއިން ނުލިބޭ ޒަރޫރީ ބޭސްތައް ބޭނުން 78 މީހަކަށް، އެ ބޭސްތައް ފޯރުކޮށްދިނުމުގައި ފޮރިން މިނިސްޓްރީން އެހީވެއްޖެ އެވެ.
ފޮރިން މިނިސްޓްރީން ބުނި ގޮތުގައި، އެ ބޭސްތައް ފޯރުކޮށްދިނުމުގައި މިނިސްޓްރީން ކުރާ މަސައްކަތަކީ ބޭސް ރާއްޖެ އަށް ގެނެސްދިނުމެވެ. އަދި އެ ބޭސް ގެނެސްދޭނީ ސްރީ ލަންކާ، އިންޑިއާ ނުވަތަ ތައިލެންޑުގައި ހުންނަ ރާއްޖޭގެ ހައި ކޮމިޝަންތަކަށް އެ ބޭސްތައް ގެންދިއުމުން ކަމަށެވެ.
މިހާތަނަށް 78 މީހަކަށް މި ގޮތަށް ބޭސް ފޯރުކޮށްދީފި ކަމަށާއި ކުރިއަށް އޮތް ތަނުގައި މި އުސޫލުގެ ދަށުން ދިވެހިންނަށް މި ހިދުމަތް ފޯރުކޮށްދޭނެ ކަމަށް ވެސް ފޮރިން މިނިސްޓްރީން ބުންޏެވެ.
ހައި ކޮމިޝަންތަކަށް ގެންދަން ވާނީ ރާއްޖެއިން ނުލިބޭ، ޒަރޫރީ ސަބަބުތަކަށް ބޭނުންވާ ބޭހެވެ. އަދި އެ ބޭސް ގެންދަން ވާނީ އެކަށީގެންވާ ގޮތަށް ރަނގަޅަށް ޕެކް ކުރުމަށް ފަހު ކަމަށާއި ބޭހާއި އެކު ބޭސް ސިޓީ ގެންދަން ޖެހޭނެ ކަމަށް މިނިސްޓްރީން ބުންޏެވެ. ބޭސް ސިޓީގައި ނެތް ބޭހެއް އެތަނުން ނުގެންނާނެ ކަމަށް ވެސް ބުނެފައި ވެ އެވެ. އަދި ދެ މީހަކަށް ބޭނުންވާ ބޭސް އެކައްޗެއްގައި ޕެކް ނުކުރަން ވެސް އަންގާފައި ވެ އެވެ.
މިނިސްޓްރީގެ ޖޮއިންޓް ސެކެޓަރީ ބަދޫރާ ސައީދު ވިދާޅުވީ މިއީ އެ ތިން ގައުމުގައި ހުރި ރާއްޖޭގެ މިޝަންތަކާއި ފޮރިން މިނިސްޓްރީ އާއި ގައުމީ އެއާލައިން މޯލްޑިވިއަން އާއި މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގުޅިގެން ކުރާ މަސައްކަތެއް ކަމަށެވެ. އަދި މި މަސައްކަތުގައި އެ ކުންފުނިތަކުން ވަމުން އަންނަ އެހީއަށް ޝުކުރު އަދާ ކުރެއްވި އެވެ.
"މި ހިދުމަތަކީ ލޮކްޑައުންގެ ސަބަބުން ދިވެހިންނަށް ކޮންމެހެން ބޭނުންވާ ހިދުމަތެއްކަމުން ފޮރިން މިނިސްޓްރީން ފޯރުކޮށްދެމުންދާ ހިދުމަތެއް،" ބަދޫރާ ވިދާޅުވި އެވެ.
ކޮވިޑް-19 އިން ރައްކާތެރިވާން ސަރަހައްދީ ގައުމުތައް ލޮކްޑައުންކުރުމުން، އެ ގައުމުތަކުގައި އުޅޭ ދިވެހިންނަށް އެހީ ވާން ވެސް ފޮރިން މިނިސްޓްރީން ވަނީ ގިނަ މަސައްކަތްތަކެއް ކޮށްފަ އެވެ. އޭގެ ތެރޭގައި ލަންކާ އަދި އިންޑިއާ އާއި ޔޫއޭއީ އަދި މެލޭޝިިއާގައި އުޅޭ ދިވެހިންނަށް، އެ މީހުންގެ އާއިލާތަކުން ފޮނުވި އެހީ ފޯރުކޮށްދިނުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
654()8866
15 May 2020
މިފަހަރު މިކަމަށް ކިހާ ވަރެއްގެ ބަޖެޓެއް ނަގާނެބާ؟ 50 ހަކަށް މިލިއަން ވަރު ވާނެހެން ހީވަނީ 78 މީހުންނަށް.
ބޮޑުމީހާ
14 May 2020
ހަބަރެއްގެ ގޮތުގައި ގެންނަންޖެހޭ ވާހަކައެއް ނޫން. ފޮރިން މިނިސްޓްރީ ހުންނަނީ އެހީތެރިވާން. ޓެކްސްފައިސާއިން އެންމެ ބޮޑު އެލަވެންސް ލިބޭ ބައެއް ފޮރިން މިނިސްޓްރީގަ ތިބެނީ
އާންމުމީހާ
14 May 2020
ޝުކުރުވެރިވާން ދަސްކުރަންވީއެވެ.
ބޮޑުމީހާ
15 May 2020
ޓެކްސް ފައިސާއިން ރައްޔިތުންނަށް ހިދުމަތްކުރަން އެމީހުން ތިބެނީ، ހިދުމަތް ނުދެވެންޏާ އިސްތިއުފާދީ އެހެން ބަޔަކު އަންނާނެ
އަހުމަދު އާރިސް
14 May 2020
އަޅުގަޑަށް ގަބޫލުކުރަން ވަރަށްދަތި. ފޮރިންމިނިސްޓްރީން ތިޔަކަން ތިޔަ ކޮއްދެއްވީ ވަކިބަޔަކަށް. ފުދުންތެރި އާއިލާތަކަށް. އަޅުގަޑު އިމަޖެންސީކޮށް ބޭސް ބޭނުންވެގެން ހަމައެކަނި ސްރީލަންކާއިން ބޭސް ގެނެސްދިނުމަށް ރާއްޖޭގެ ފޮރިންމިނިސްޓަރ އަބުދު ﷲ ސާހިދު އަށް މެސެންޖަރ މެދުވެރިކޮށް އެދުނިން. ގުޅެނެ ނަމްބަރ އާއި ހުރިހާ ލިޔުމެއް ފޮނުވިން. މެސެޖް ބެއްލެވުމަށް ފަހު ޖަވާބެއްވެސް ނުދެއްވާ . އަދި އެކަންއޮތް ސާފުކޮއްދިންނަމަވެސް ރަގަޅުތާ. އެންމެ ފަހުން އެ ބޭސް ލަންކާއިން ގެނެވުނީ މަޖިލިސް މެންބަރު އާއި އެސްޓޯއޯ ގެ އެންމެ އިސްވެރިންނަށް ދުވާލަކު އެތަކެއް ފަަހަރަކު ގުޅާ އާދޭސް ދަންނަވައިގެން. އެ ހާލަތުގައި ބަލިމީހާ ބޭހާ ނުލާ އެތަކެއް ދުވަހެއް ވޭނުގައި އުޅެންޖެހުނު. މިނިސްޓްރީން ތިޔަބޭސް ފޯރުކޮއްދިން މީހުންގެ އަސްލު ތަފްސީލް ހާމަ ކުރުމަށް ގޮވާލަން. ދެފުން ފެންނަގޮތަށް މިވަގުތު ކަންކުރުމަކީ ރައްޔިތުންގެ އިތުބާރު ލިބޭނެކަމެއް. ހިތާމަޔަކީ އަބަދުވެސް މިފަަދަ ހައްސާސީ ކޮންމެ ވަގުތަކުވެސް ވަކިބަޔަކަން ހިދުމަތް އަވަހަށް ލިބި އަނެއް މީހާ ހިދުމަތް ލިބުގައި ދަތިތައް ކުރިމަތިވާކަން. ނަސްލީ ތަފާތުކުރުން ބޮޑުކަން. އަބުދު ﷲ ސާހިދު އަށް ދަންނަވާލަން ބޭނުން ރައްޔިތުމީހާ ކަަމަކަށް އެދުނީމާ ތިޔަ ދެއްވީ ބީރުކަންފަތަށް ކޮންމެވެސް ދުވަހަކުން ރައްޔިތުމީހާ މަނިކުފާނަށް ރަގަޅު ޖަވާބެއް ދެއްވާނެއެވެ . އިންތިޒާރު ކޮއްލާށެވެ.
ނިއުޓުރަލް
14 May 2020
ބަލި މީހުންގެ ޒާތީ މައުލޫމާތު ހާމަ ނުކުރެވޭނެ.. އެއީ ކުށެއް..