މިސްކިތްތަކުގައި ޖަމާއަތުގައި ނަމާދު ނުކުރުން މި މަހުގެ 28 ގެ ނިޔަލަށް އިތުރުކޮށްފި

މިސްކިތްތަކުގައި ޖަމާއަތުގައި ނަމާދުކުރުން މެދުކަނޑާލާފައި ވާތީ، މާލޭގެ މިސްކިތަކަށް ނުވަދެވޭ ގޮތަށް ފުލުހުން ޓޭޕް ދަމާފައި.---ފޮޓޯ: އަހުމަދު އަވްޝަން/މިހާރު

އާސިމާ ނިޒާރު، މިހާރު

14 މެއި 2020 - 17:50

11 comments

ރާއްޖޭގެ ހުރިހާ މިސްކިތެއްގައި ޖަމާއަތުގައި ނަމާދު ނުކުރުމުގެ މުއްދަތު މި މަހުގެ 28 ގެ ނިޔަލަށް އިތުރުކުރަން އިސްލާމިކް މިނިސްޓްރީން މިއަދު ނިންމައިފި އެވެ.

އެ މިނިސްޓްރީން ނެރުނު ސާކިއުލާއެއްގައި ބުނީ ކޮވިޑް-19 އިން ރައްކާތެރިވުމަށް މިދިޔަ މަހުގެ 19 ވަނަ ދުވަހުގެ މަޣުރިބް ނަމާދުން ފެށިގެން ރާއްޖޭގެ ހުރިހާ މިސްކިތެއްގައި ފަރުޟު ނަމާދާއި ހުކުރު ނަމާދާއި ތަރާވީހް ނަމާދު ޖަމާއަތުގައި ކުރުން މެދުކަނޑާލުމުގެ މުއްދަތު މި މަހުގެ 28 ގެ ނިޔަލަށް އިތުރުކޮށްފައިވާ ކަމަށެވެ.

ޖަމާއަތުގައި ނަމާދުކުރުން މެދުކަނޑާލުމަށް މީގެ ކުރިން ކަނޑައެޅި މުއްދަތު މިއަދު ވަނީ ހަމަވެފަ އެވެ.

އެހެންވެ، އިސްލާމިކް މިނިސްޓަރު ޑރ. އަހުމަދު ޒާހިރު ސޮއިކުރައްވައި ނެރުއްވި މެމޯއެއްގައި ވިދާޅުވީ މިސްކިތްތަކުގައި ޖަމާއަތުގައި ނަމާދުކުރުން މެދުކަނޑައިލުމުގެ މުއްދަތު އިތުރުކުރީ އިސްލާމީ ފަތުވާދޭ މަތީ މަޖިލީހާއި ދީނީ އިލްމުވެރިން އަދި ޑޮކްޓަރުންގެ ލަފާގެ މަތިން ކަމަށެވެ.

މިސްކިތުގެ ޖަމާއަތުގައި ނަމާދުނުކުރި ކަމުގައި ވިޔަސް ހުރިހާ މިސްކިތެއްގައި ވެސް ވަގުތަށް ބަންގި ގޮވާނެ އެވެ. ބަންގިއާ އެކު ގޭގައި ނަމާދު ކުރުމަށް ދިވެހިން ގޮވުމަށް މިނިސްޓްރީން ވަނީ އަންގައިފަ އެވެ.

"މި ދަނޑިވަޅުގައި ކަމާބެހޭ ފަރާތްތަކުން ދޭ އިރުޝާދުތަކާ އެއްގޮތަށް އަމަލުކުރުމަށާއި މިސްކިތުގެ ޖަމާއަތުގައި ނަމާދު ނުކުރި ނަމަވެސް ފަރުޟު ނަމާދު ބަރާބަރަށް އަދާކުރުމަށާއި ތަރާވީހް ނަމާދު ކުރުމަށާއި ސުންނަތް ނަމާދު ގިނަކޮށް، ކީރިތި ގުރުއާން ކިޔަވައި ﷲގެ ރަހުމަތުނން މާޔޫސްނުވެ، ސަބަބުތަކުގައި ހިފައި ފުރިހަމައަށް ﷲއަށް ވަކީލުކޮށްގެން ގިނަގިނައިން ދުއާކޮށް، އިސްތިޣުފާރުކުރުމަށް ހުރިހާ ރައްޔިތުންނަށް ނަސޭހަތްތެރިވެ ވަސިއްޔަތްކުރަމެވެ،" ސާކިއުލާގައި ވެ އެވެ.

ރޯދަ މަހުގެ ފަހު ދިހައިގެ ރޭތައް ހެޔޮގޮތުގައި ލިބިގަތުމަށާއި ލައިލަތުލްގަދްރި ވިލޭރޭ ހޯދުމަށްޓަކައި ގޭގައި ތިބެގެން ވެސް މަސައްކަތްކޮށް، ދުނިޔެ އަށް ކުރިމަތިވެފައިވާ މި ބަލިމަޑުކަމުން ސަލާމަތްކޮށްދިނުމަށް އެދި ދުއާ ދެންނެވުމަށް އިސްލާމިކް މިނިސްޓްރީން އެވެ

ރާއްޖެއިން ކޮވިޑް-19 ޖެހުނު މީހުންގެ އަދަދު 968 އަށް މިއަދު އަރާފައިވާއިރު އެ ބަލީގައި ހަތަރު މީހަކު ވަނީ މަރުވެފަ އެވެ. އޭގެ ތެރޭގައި ރާއްޖޭގެ މަޝްހޫރު ވިޔަފާރިވެރިޔާ އެމްއެޗްއޭގެ ވެރިޔާ ހުސައިން އަބްދުﷲ ގެ ދެކަނބަލުން ހިމެނެ އެވެ. މިހާތަނަށް ކޮވިޑް-19 ގައި މަރުވި ހަތަރު މީހުންގެ ތެރެއިން އެކަކީ ބަންގްލަދޭޝްގެ މީހެކެވެ.

މިސްކިތްތައް އިސްލާމިކް މިނިސްޓްރީ ޑރ. އަހުމަދު ޒާހިރު، އިސްލާމިކް މިނިސްޓަރު ސިއްހަތު ބަލިތައް

11 ކޮމެންޓް, 48 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެން

15 May 2020

ޖަމާޢަތުގައި ނަމާދުކުރުން މަނާާކުރުމަށްފަހު އިސްލާމިކު މިނިސްޓްރީއިން ބަލާތޯ މިސްކިތްތަކުގެކަންކަން ވަމުންދާގޮތް؟ ލ.ގަމު ތުނޑީ އަވަރު މިސްކިތުގައި ބަންގި ނުގޮވާވެސް އެތައް ނަމާދުވަގުތެއް އެބަދުއްވާލާ (ސަހަރާ އާއި އިންވެގެން ހުންނަ މިސްކިތް) މުސާރަދީފައި ތިބޭ މުދިމުންތަކެއްތިބޭ، ނަމަވެސް މިރޯދަމަހު ގަވައިދުން ބަންގިނުގޮވާ، މިކޮމެންޓް ލިޔަމުންދާއިރު 15 މެއި 2020 ދުވަހު ފަތިސްނަމާދު ބަންގިވެސް ނުގޮވާ! މިނޫނަސް މި މިސްކިތުން ބަންގި ނުގޮވާ ވަގުތުތައްދޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

15 May 2020

ބަލި ނެތްރަށްރަށުގަ ޖަމާއަތުގައި ނަމާދުކުރެވެންވާނެ. ގައިދުރުކަން ބަހައްޓައިގެން ނަމަވެސް. އެނޫން ހުރިހާކަމެއްކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

14 May 2020

ބައެއް ރަށްރަށު ކައުންސިލުން 20-25 މީހުންގެ ޓާސްކުފޯސް ބައްދަލުވުން ބާއްވާ. ދެން 20-25 މީހުންނަށް އެއްފަހަރާ މިސްކިތަށް ނޭރެންވީ ކީއްވެ! އެހެންނޫނަސް މަސްދުވަސް ވަނީ އެރަށްތަކަށް އަރާ ނުފައިބާތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސަންބޭ

14 May 2020

" ބަންގިއާ އެކު ގޭގައި ނަމާދު ކުރުމަށް ދިވެހިން ގޮވުމަށް މިނިސްޓްރީން ވަނީ އަންގައިފަ އެވެ." އިސްލާމިކް މިނިސްޓްރީން އެންގިޔަސް ގޭގައި ނަމާދުކުރުމަށް ނުގޮވާ މިސްކިތްތައްވެސް އެބަހުރެއެވެ. މިކަން ކައުސިލްތަކުން ބަލާނަމަ އެހެންނުވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޑްޔައްތޮކިނަބާ

14 May 2020

ބަލިނެތް ރަށްތައް އެބައެންގޭހެއްޔެވެ؟ ކޮވިޑް19 ފުރަތަމަ ޖެހުނީވެސް ރިސޯޓެއްގައި އުޅުނު ބޭރުމީހަކަށެވެ. ދެން މާލެއިން ކުއްލިއަކަށް ބަލިފެނުނީ ބަލިއުޅޭކަން އެނގިގެން ހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރުފް

14 May 2020

ކޮވިޑް ނެތް ރަށްތަކުގައި ކީއްވެ ނަމާދުނުކުރެވެނީ މިސްކިތުގައި..ރަށަށް އިތުރު މީހަކު އަރަނީއެއްނޫން..އަނެއްކާ ކައުންސިލުން ޓާސްކްފޯސް ހަދައި ރަށަށް ބަޔަކު އަރާތޯ ބަލަހައްޓާ..އިތުރު މީހަކު ރަށަށްނާރާތާ 30ދުވަސްވެފައިވާ ރަށްތައް ގިނަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮމަރުދުވަ

15 May 2020

ބަލި ނެތްކަމެއް ނޭނގޭތީ. ނިއްކުރީގަ ލިޔެފައެއް ނީނދޭ. ޓަސްލާފަ ފެންނަންވީމަ ފެނުނީ. ކެތްތެރިވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ބްރޯ

14 May 2020

އެކަމަކު އިސްލާމީ މަރުކަޒުގަ ކޮންމެ ރެއަކު ޖަމާއަތް ހަދައިގެން ބަޔަކު އެބަ ނަމާދުކުރޭ. ކުރިން ބުނި އެއީ މަރުކަޒުގަ ލޮކްޑައުންވެގެން ބޭޜަށް ނުގޮސް ތިބޭ ބައެކޭ. މިހާލަތުގަވެސް ވަކި ބަޔަކަށް ވަކި ގޮތެއް ހެދުން ރަނގަޅެއްނޫން.