ޓޫރިޒަަމް މިނިސްޓްރީގެ ޓުވިޓާ އެކައުންޓް ހެކްކޮށް ޓުވީޓްތަކެއް ކޮށްފައި.
15 މެއި 2020 - 01:14
15 comments
ޓޫރިޒަމް މިނިސްޓްރީގެ ޓުވިޓާ އެކައުންޓް މިރޭ ހެކްކޮށް ޓުވީޓްތަކެއް ކޮށްފި އެވެ.
އެ މިނިސްޓްރީގެ އެކައުންޓް ހެކްކޮށް ކުރި ޓުވީޓްތަކުގައި، ކޮވިޑް-19އާ ދެކޮޅަށް ކުރާ މަސައްކަތުގައި ސަރުކާރަށް ތުހުމަތުތަކެއްކޮށް ފާޑުކިޔާފައިވެ އެވެ. ބޭރުން ރާއްޖެ އަށް ލިބޭ އެހީތަކަށް ވީ ގޮތް އޮޅުންފިލުވައިދިނުމަށާއި މި ބަލިމަޑުކަމުގައި ސަރުކާރުން ފައިސާ ހޭދަކުރާ ގޮތާ މެދު ޓުވީޓްތަކުގައި ހިތްހަމަނުޖެހުންފާޅުކޮށްފައިވެ އެވެ.
ފުލުހުން ބުނި ގޮތުގައި ޓޫރިޒަމްގެ ޓުވިޓާ އެކައުންޓް ހެކްކުރި މައްސަލަ އަންނަނީ ތަހުގީގު ކުރަމުންނެވެ.
ޓޫރިޒަމް މިނިސްޓްރީގެ ޓުވިޓާ އެކައުންޓް ހެކްކުރިއިރު ކޮވިޑް-19 އާ ގުޅޭ މައުލުމާތު ދުވަހުން ދުވަހަށް ފޯރުކޮށްދޭ ހެލްތު ޕްރޮޓެކްޝަން އޭޖެންސީގެ ވެބްސައިޓު ވެސް މީގެ ހަފުތާއެއްހާ ދުވަސް ކުރިން ހެކްކުރި އެވެ.
އެޗްޕީއޭގެ ވެބްސައިޓް ހެކްކޮށް، ސަރުކާރަށް ބޮޑެތި އިންޒާރުތަކެއް ދިނެވެ. އެ މެސެޖުގައި ބުނެފައިވަނީ ކޮވިޑް-19 ފެތުރިފައިވާ މި ހާލަތުގައި ސަރުކާރުން "ކުޅެނީ ޕޮލިޓިކްސް" ކަމަށެވެ. މި ކަންކަން އިސްލާހު ނުކުރާ ނަމަ ސިއްރުތައް ހާމަކުރާނެ ކަމަށް ބުނެފައިވެ އެވެ.
ޓޫރިޒަމްގެ އެކައުންޓް މި ހެކްކުރީ، ދުނިޔޭގެ އެކި ގައުމުތަކެކޭ އެއްގޮތަށް ރާއްޖޭގައި ވެސް ސައިބަ އެޓޭކްތަކެއް ދެމުން ދާތީ އެ މައްސަލަތައް ބަލަމުން އަންނަކަމަށް ފުލުހުން މިރޭ ބުނެފައި ވަނިކޮށެވެ.
ފުލުހުން ބުނިގޮތުގައި ރާއްޖޭގައި ކޮވިޑް-19 އާ ދެކޮޅަށް ކުރާ މަސައްކަތުގެ އިސް ސަފުގައި ހަރަކާތްތެރިވާ އެކި މުއައްސަސާތަކުގެ މީހުންގެ ފޯނު ހެކްކުރަން އުޅޭ މައްސަލަތަކެއް ވަނީ ހުށަހަޅައިފަ އެވެ.
މެސެޖިން އެޕްލިކޭޝަންގެ ތެރޭގައި ހިމެނޭ ވަޓްސްއެޕް މެދުވެރިކޮށް، ދަންނަ މީހުންގެ ނަމްބަރުތަކުން މެސެޖްކޮށްގެންނާއި ގުޅައިގެން ފޯނު ހެކްކުރަން މަސައްކަތް ކުރަމުންދާ އިރު މިރޭ ބޮޑަށް އަމާޒުކޮށްފައި ވަނީ މި މަސައްކަތުގައި އުޅޭ ޑޮކްޓަރުންނަށެވެ. އެކަމަކު، އެ ނޫން ވެސް އިސް ސަފުގައި އުޅޭ މީހުންގެ ފޯނުތަކަށް މި ކޯޑު ދަނީ ފޮނުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަދުރު
15 May 2020
ވަގުކަދުރު މިފަހަރު ސައުދީން ދިންކަދުރުތަށް އެހެރީ ރުއްފަޅުވަން ބަހައްޓާފަތޯ މިދިޔައަހަރުވެސް ކަދުރު ބަަލައިދިޔައީމަ ބުނީ މިހާރު ހުސްވެއްޖޭ އެކަމަކު އެތަށްދުވަހެއްފަހުން ރޯދަމަހު އެއްމެ ފަހުދުވަހު ރީދޫ ޕާޓީކުދިންކޮޅަށް އަންގާލީ އައި ޑީ ކާޑު ހިފައިގެން އަންނާށޭ ކޮބާވަގުކަދުރު...
ޚިޔާލު
15 May 2020
ޓޫރިޒަމް މިނިސްޓަރަކަށް މަލީހު ހަމަޖެއްސުމުން ޓޫރިޒަމް މިނިސްޓްރީގެ އެކައުންޓްތައް ހެކްކުރުން ހުއްޓުވިދާނެ.
ކޮރަންޓީން
15 May 2020
އިންސާނުން އިންސާނުންގެ ބަލިފައިތައް ހޯދާނެ. އިންސާނަކު ހަދައިފި އެއްޗެއްގައި އަނެއް އިންސާނަކަށް ފޯއަޅުވާލެވޭނެ ކޮންމެވެސް ގޮތެއް އަބަދުވެސް އޮންނާނެ. ފޯނުގައި އެކައުންޓުތައް އޮޓޯ ސޭވްވާ ގޮތައް ހެދުމާއި، ފަސޭހަކޮށްލެވެން ކުރެވޭ ވަރަށް ގިނަ ކަންކަމުގެ ސަބަބުން ޕާސްވޯޑް ދަމައި ގަތުމަށާއި ރީސެޓް ކޮށްލަން ފަސޭހަވާތީ "ހެކް" މި ގިނަވަނީ. ސެކިއުރިޓީ ޔޫސާފްރެންޑްލިނަސް އަދި ޚަރަދު، މި ބެލެންސް ކުރަން ވަރަށް އުނދަގޫ. ޚަރަދު މާކުޑަ ނުވަތަ ފަސޭހަ މާބޮޑު = ހެކް
ބޯގޯސްހެކަރު
15 May 2020
ހެހެހެ..... ހާދަހާވާ ދަށްފެންވަރުގެ ކަންޖަމޭދޯ މިކުރަނީ. ތިހެން ހެކްކުރީމާ ކޮންކަމެއްވަނީ. އަހަރުމެން ހިތަކަށް ނާރާ ކަހެރުވަކެކޭވެސް
ވަގު ކަދުރު
15 May 2020
ތިމަތިމާމެންނަށް ހަރާމާއި ހަލާލެއްނެތި ގޮހޮރުފުރަށް ހިތަކަށް ދަޢުލަތުގެ ހަޒާނާ ލިބުމަށްފަހު އެފުރުސަތު ތާއަބަދަށް ދެމިނުއޮތުމުން ވެރިކަމުގެފަރާތަށް އެމީހުންނަށް ކުރެވުނުހާ ޖެއްސުމެއްކުރާނެ. ލަދުހަޔާތުގެ ކުނޑިފުކެއްވާނަމަވެސް މިދަނޑިވަޅު ޑޮކްޓަރުންގެ ފޯން ހެކްކުރާކަށް ނޫޅޭނެ ހަމަ ހަޔާތްކުޑައީ! އަހުރެން ދެނެއް އިދިކޮޅަކަށް ތާޢީދެއް ނުކުރާނަށް އުމުރަށް ސަލާމް.
ޙަޤީޤަތް ވެންޑެޓާ
15 May 2020
ހެކްކޮސްފައިވެސް ލިޔެފައިހުރީ ހާދަ ރަނގަޅު ވާހައޭ
ބަލަކް
15 May 2020
އަލީ ވަހީދަކީ އެއްވެސް ގޮތަކަށް އިތުބާރު ކުރެވޭ މީހެއް ނޫން. ތިކަމުގައިވެސް އޭނާ ބުނާ ބަހެއް ގަބޫލުކުރަން ދަތި. ހަޑިހުތުރު އެއްޗިހި ގޮވުމުގެ އިތުރަށް ހުސް ދޮގު ހަދާނީ.
ފިރާސް
15 May 2020
އަލީ ވަހީދު އަމިއްލައަށްވެސް ތިޔަ ފަދަ ކަމެއް ކޮށްފާނެ. ނަޝީދެކޭ އެއްގޮތަށް މީހުންނަށް ދެއްކެން ކޮންމެފަދަ ކަމެއްވެސް ކޮށްވާނެ. އެޓެންޝަން ޑިސްއޯޑަރ ހުންނަ 2 މީހުން ތިޔައީ.
ޟާސް
15 May 2020
އަލީ ވަހީދު ޖައްސާ އިސްޓަންޓު
ބޮޑުމީހާ
15 May 2020
އިންފޯމޭޝަން ޓެކްނޮލޮޖީ މިނިސްޓަރ އަދިވެސް ޓެރަސްމަތީ ގަސްހެއްދޭތޯ ބަލާ!