އައްޑު އަށް ފައިސާގެ އެހީ ދިނީ އަލް މަރުޙޫމް އަބްދުﷲ އަހުމަދު ފައުންޑޭޝަނުން.
16 މެއި 2020 - 10:47
4 comments
އައްޑު އަށް މިދިޔަ ބުރާސްފަތި ދުވަހު ކުރި ބޯ ވިއްސާރައާ ގުޅިގެން ބޮޑެތި ގެއްލުންތަކެއް ލިބިފައިވާތީ ހެޔޮއެދޭ ފަރާތަކުން 100،000ރ. ހަދިޔާކޮށްފި އެވެ.
އެ ފައިސާ ހަދިޔާކޮށްފައި ވަނީ އަލްމަރްހޫމް އަބްދުﷲ އަހުމަދު ފައުންޑޭޝަނުންނެވެ. ވިއްސާރައިގައި ގެއްލުން ލިބުނު ރައްޔިތުންނަށް އެހީވާން ދިން އެ ފައިސާ ރޭ ވަނީ އައްޑޫ ސިޓީ ކައުންސިލްގެ އެކައުންޓަށް ޖަމާކޮށް ދީފަ އެވެ.
އަލްމަރްހޫމް އަބްދުﷲ އަހުމަދު ފައުންޑޭޝަނަކީ ފުވައްމުލަކަށް ނިސްބަތްވާ ޖަމާއަތެކެވެ.
އައްޑު އަށް ކުރި ވިއްސާރައިގައި އައްޑޫގެ ގުޅިފައިވާ އަވަށްތަކުގައި ފެންބޮޑުވެ، ގޭގެ އަށް ފެންވަދެ، ގެއްލުންވެފައިވެ އެވެ. އެގޮތުން ފޭދޫން 97 ގެއަކަށް، ހިތަދޫން 28 ގެއަކަށް، މަރަދޫފޭދޫން 24 ގެއަކަށް އަދި މަރަދޫން 12 ގެއަކަށް ގެއްލުންވެފައިވެ އެވެ. އެ ގެއްލުންތަކުގެ ތެރޭގައި ގޭގޭގައި ހުރި ފަރުނީޗަރާއި ކަރަންޓް ސާމާނާއި ހިފާގެންގުޅޭ ބައެއް ތަކެތި ހަލާކުވުން ހިމެނެ އެވެ. އަދި ބައެއް ގެތަކުގެ ފުރާޅަށް ވެސް ގެއްލުންވެފައިވެ އެވެ.
އައްޑު އަށް ލިބުނު ގެއްލުންތަކާ ބެހޭ މައުލޫމާތު ކައުންސިލުން މިހާރު ވަނީ ޑިޒާސްޓާ މެނޭޖްމަންޓް ސެންޓަރާ ވެސް ހިއްސާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
16 May 2020
ކޮބާހޭ އައްޑުއަށް ނިސްބަތްވާ މެންބަރުން؟
އޮނަރަބްލް އަފީފު ދީދީ
16 May 2020
މަރުޙޫމް އަބްދުﷲ އަހުމަދު ގެ އާއިލާ އަށާއި ފައުންޑޭޝަނަށް ޝުކުރީއްޔާ. # އާއިލީ ގޮތުންވެސް އައްޑޫމީހުނާއި ގާތްގުޅުމެއްއޮތް ފުވައްމުލަކު މީހުންނަކީ އަބަދުވެސް އަހަރުމެނަށް އަދި އަހަރުމެންނަކީ ތިރަށުމީހުން އަހަރުމެންގެ ބައެއްކަމަށްދެކެ ގާތް އެކުވެރިގުޅުމެއްބޭއްވި ބައެއް. # އައްޑޫސިޓީގައި ޤާއިމްކުރާ ސޯޝަލް ހައުސިންގ ސްކީމް ފްލެޓްތަކުގެ %5 އަބަދުވެސް ފުވައްމުލަކު ޒުވާނުންނަށްޙާއްސަކުރުމަށް އައްޑޫ ކައުންސިލުން ނިންމުމަކީ ގުޅުންދަމަހައްޓާން އަޅާންޖެހޭ ފިޔަވަޅެއް.
ަރަށިމީހާ123
16 May 2020
ޔެސް އައްޑޫ އެންޑް ފުވައްމުލައް ބްރޯސް. ފުވައްމުލަކުގައި އަޅާ ހައުސިންގ އަށް ފުލް ޑިމާންޑު އޮވޭ. އައްޑޫގެ ސްކީމްތައް ބޭނުމެއް ނުވޭ.
ޙުސެންފުޅު
16 May 2020
ތިވެސް ސަރުކާރާ ހަވާލުކޮށްފިއްޔާ ކާލާނީ.