އޭޑީކޭ ހޮސްޕިޓަލް: އެ ހޮސްޕިޓަލުން ބުނީ ތުއްތުކުއްޖާ މަރުވީ ފަރުވާދެމުން ދަނިކޮށް ކަމަށް.
22 މެއި 2020 - 19:36
30 comments
އޭޑީކޭ ހޮސްޕިޓަލަށް ގެންދިޔަ އުމުރުން އެންމެ ދެ މަހުގެ ކުއްޖަކަށް އެ ހޮސްޕިޓަލުން ފަރުވާއެއް ނުލިބި މަރުވި ކަމަށް ފަތުރާ ވާހަކަތައް އެ ހޮސްޕިޓަލުން މިއަދު ދޮގުކޮށްފި އެވެ.
އާއިލާއާ ހަވާލާދީ ބައެެއް މީޑިއާތަކުން މިއަދު ބުނެފައި ވަނީ އެ ކުއްޖާ މަރުވީ އެ ކުއްޖާ ގޮވައިގެން ހޮސޕިޓަލަށް ގޮސް ހުރި ހުރި މަންމަގެ ކޮނޑުމަތީގައި އޮއްވަ އެވެ.
އެކަމަކު، ފަހުން އޭޑީކޭ އިން ނެރުނު ބަޔާނެއްގައި ބުނީ އެ ކުއްޖާ އިމަޖެންސީ ބަޔަށް ގެންދިއުމުން، އެ ތަނުގައި ތިބޭ ޑޮކްޓަރުންނާއި ސްޕެޝަލިސްޓުންގެ ލަފައާ އެކު ފަރުވާ ދީފައިވާ ކަމަށެވެ. ކުއްޖާގެ ބަލި ދެނެގަންނަން އަލްޓްރާސައުންޑާއި ސީޓީ ސްކޭނެއް ހެދި ކަމަށް ވެސް އޭޑީކޭ އިން ބުނެ އެވެ.
"...އަދި އެ ކުއްޖާގެ ހާލަތު ބަދަލުވުމާ ގުޅިގެން، ފުރާނަ ސަލާމަތްކުރުމަށްޓަކައި އިމަޖެންސީ ފިޒީޝަނަކާއި ކުޑަކުދިންގެ ހާއްސަ ޑޮކްޓަރުންނާއި އޮޕަރޭޝަަން ޑޮކްޓަރުންނާއި އަދި ހޭނައްތާ ޑޮކްޓަރުންގެ ޓީމަކުން ފަރުވާ ދެއްވި އެވެެ. އެހެން ނަމަވެސް ފުރާނަ ސަލާމަތް ކުރެވޭ ގޮތް ވަނީ ނުވެފަ އެވެ،" އޭޑީގެ ބަޔާނުގައި ވެ އެވެ.
އެ ކަން ހިނގި ގޮތުގެ ތަފްސީލް މައުލޫމާތު ކުއްޖާގެ އާއިލާ އަށް ދީފައި ވާނެ ކަމަށް ރާއްޖޭގެ ފުރަތަމަ އަމިއްލަ ހޮސްޕިޓަލްގެ ބަޔާނުގައި ބުންޏެވެ. އެ ކަހަލަ ކަންތައްތައް ބަލަން އޮންނަ އުސޫލުތަކުގެ ތެރެއިން އެކަން ބަލަން ފަށާފައިވާ ކަމަށް ވެސް އޭޑީކޭ އިން ބުންޏެވެ.
"..އަދި މި ދެންނެވި ރިވިއު ނިމުމުން އެ މައުލޫމާތު އާއިލާއާ ހިއްސާ ކުރާނެ ވާހަކަ ވެސް ދަންނަވަމެވެ،" ބަޔާނުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރުދީ ޒިންމާ
23 May 2020
ތިކަން ކަށަވަރުވާނީ ކިހިނެއް.ނޫސްތަކުގެ ފަލަ ސުރުޚީގަ އެއޮންނަނީ ޑޮކްޓަރަށް ނުދެއްކިގެންތިއްބާ މަންމަގެ ކޮނޑަުމަށްޗަށް ކުއްޖާ މަރުވި ވާހަކަ.މީ ހިތާމަހުރި ކަމެއް.ކަންވީގޮތް ސާފުނުކޮށް ތިބެންވީ ވަރުގެ ކަމެއްނުން.ރާއްޖެ 40 އަހަރު ފަހަތަށް ދިޔުމަކީ ބަލައިގަން ކަމެއްނުން.އެއީ ދޮނގުމައުލޫމާތެއްވިއްޔާ އެވާހަކަ ހާމަކުރި ބަޔަކާމެދު ފިޔަވަޅު އަޅަންވާނެ.ތިމާއަކީ ނޫސްވެރިޔެކޭކިޔާ ހިތުހުރިގޮތަކަށް ނުބައި މައުލޫމާތެއް ނުފެތުރޭނެ.
ރިޔަލީ؟
23 May 2020
ހަމަ ކަނޑަ އެޅިގެން ދޮގު ތީ. ދެން ޕީއާރް ސުޓަންޓް އެއް ޖައްސާލާ. އޭރަށް ހުރިހާ ކަމެއް މާފު ވެދާނެ. މިވަރުގެ ސިއްހީ ނިޒާމެއް އޮންނަ ގައުމަކަށް ކޮވިޑް19 ކޮންޓުރޯލް ނުވެއްޖެޔާ ދެން ކިހިނެއްބާ ވާނީ. އަދިވެސް ލޮކްޑައުން ނަގާލާ.
ޑަކުޓަރު
23 May 2020
ސިއްހީ ނިޒާމް ފެއިލް ކަމަށް ހަދަނީ އަހަރެމެން އަމިއްލަ އަށް. ހީކޮށްގެން ނުވާނެ މިތާގަ ޔޫރަޕް ނުވަތަ އިންޑިޔާ ފެންވަރު ހުންނާނެ ކަމަށް.
ރަންދެލި
23 May 2020
ދިވެހި މަޔަކާ ބަފަޔަކަށް، މި ގައުމަށް އުފަންވެ މި ގައުމުގެ ރައްޔިތަކަށް ވީތީ ލަދުވެތިވެ ހިތާމަ ކުރަމެވެ. ދުޢާ އަކީ މިނޫން ގައުމެއްގެ ރައްޔިތަކަށް ވުމެވެ.
ރަންދެލި
23 May 2020
މި ހޮސްޕިޓަލަކީ މިބާވަތުގެ 'ނެގްލިޖެންސް' ކަންކަމުގާ ބޮޑު ބިޔަ އެވޯޑެއް ހައްގުވާ ތަނެކެވެ.
ވަކިފޫ
23 May 2020
ޢޭޑީކޭ ގައި ރޭގަނޑު އިމަރޖެންސީގަ ބަލަން ޑަކްޓަރަކު ނެތި ގޮސްގެން ނުވާނެ އޮންކޯލް ޑިއުޓީގަ ހުންނަ ޑަކްޓަރަށް ތަނުގަ ނިދޭނެ ގޮތް ހަދަން ޖެހޭ
ޙުސްނާ
23 May 2020
ދޮގު!
ހިދިޔާ
23 May 2020
މަށަށް ތި ތަނުގެ އިމަރޖަންސީގެ ހާލަތު ވަރަށް ރަނގަޅަށް އިނގޭ. ޙަމަ ވަރަށް ބޮޑަށް އާދޭސް ކޮއްގެން ނޫނީ އަޅައެއް ނުލާނެ. ޙީވެފަ ތިބޭނީ މައިންބަފައިން ވީމަ ކަންތައްގަނޑު ބޮޑު ކުރަނީއޭ. ދެން ހަމަ ހަތަރު ކަޅިވެސް ހަމަ ނުކޮށްވޭތޯ ބަލާނީ. ޙުސް ޒުވާން ޑޮކްޓަރުން ތަކެއް ތިބޭނީ!! #ފަސްޓްހޭނޑްއެކްސްޕީރިއަންސް
އަދުރޭ
23 May 2020
ފިޔަވަޅެއް އެޅުމުގެ ޤާބިލްކަން މިސަރުކާރުގަނެތް.ޢާއިލާ އިން ތިކަން ހަޖަމުކުރުންނޫންގޮތެއްނެތް.
ރަސްގެފާނު
23 May 2020
ކޮބާ މައްސަލައަކީ ޒިންމާއޮންނާނީ ކަރުދާހުގަ. ވާނެ އެއްކަމެއްވެސްނޯންނާނެ. ތިކަން ނިމޭނީ ޑީލަކުން.
މައިނާ
23 May 2020
ކޮންހާ ދޮގުތަކެއް. ބޭބީ ނިޔާވީމައޭ ތެޅިގަތީ. ޢޭރު ކިތައްމެ މަސައްކަތެއް ކުރިޔަސް ކިތައްމެ މޮޅު ޑރ އަކަސް ފުރާނަ ސަލާމަތް ނުކުރެވޭނެ.
ބޮޑުމީހާ
23 May 2020
ނިޔާވެފަ އޮތް ކުއްޖެެއްގެތަ އަލްޓްރާ ސްކޭން ހެދީ. ކޮންމެ ގޮތެއްވިޔަސް އޭޑީކޭ ނޫނީ ތިބޭފުޅާގެ ވާހަކައިގެ ބޮޑެތި ފުށުއެރުން އެބަހުރި. އާއިލާއަށް ކެތްތެރިކަން ދެއްވާށި! އާމީން