ރާއްޖެ އަށް ބައިނަލްއަގްވާމީ ދަތުރުތައް އަލުން ފެށުމަށްޓަކައި ޓޫރިޒަމް މިނިސްޓަރު އަލީ ވަހީދާއި ޓެކްނިކަލް އެޑްވައިޒަރީ ގުރޫޕް (ޓެގް) ޓީމުން، ވެލާނާ އިންޓަނޭޝަނަލް އެއާޕޯޓުގެ ރައްކާތެރިކަމާ ގުޅޭ ގޮތުން އެއްޕޯޓުގައި އިއްޔެ މަޝްވަރާ ކުރައްވަނީ.---ފޮޓޯ: ޓޫރިޒަމް މިނިސްޓްރީ
24 މެއި 2020 - 12:32
22 comments
ވެލާނާ އިންޓަނޭޝަނަލް އެއާޕޯޓު މިވަގުތު އޮތީ ކޮވިޑް-19 އިން ރައްކާތެރިވުމަށް އަޅާފައިވާ ފިޔަވަޅުތަކަށް ލުއި ދިނުމުން އަމަލުކުރަންޖެހޭ ނިއުނޯމަލްއަށް ތައްޔާރުވެފައި ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޑެޓް (އެމްއޭސީއެލް) އިން ބުނެފި އެވެ.
އަލަށް ހުޅުވާލާ އިރު އެއާޕޯޓުގެ ސަލާމަތީ ކަންކަމާ ގުޅޭ ގޮތުން އެ ކުންފުނީގެ ޖެނެރަލް މެނޭޖަރު ހަސަން އަރީފު ވިދާޅުވީ، އެއާޕޯޓުގެ ސަލާމަތީ ކަންކަން ހުރީ މިވަގުތު ހުޅުވާލަން ޖެހުނަސް އެންމެ ފުރިހަމަ އަށް ކަމަށެވެ. އެގޮތުން ކޮވިޑް-19 ގެ ސަބަބުން އެއާޕޯޓެއްގައި ހުންނަންޖެހޭ ރައްކާތެރިކަމުގެ ހުރިހާ ފިޔަވަޅެއް ގާއިމްކޮށްފައިވާ ކަމަށް ވިދާޅުވި އެވެ.
ދާދިފަހުން ރައީސް އިބްރާހިމް މުހައްމަދު ސޯލިހު ވަނީ ކޮވިޑް-19ގެ ހާލަތު އިތުރަށް ގޯސް ނުވާ ނަމަ ޖުލައި މަހު ވެލާނާ އިންޓަނޭޝަނަލް އެއާޕޯޓު ހުޅުވައިލާނެ ކަމަށް ވިދާޅުވެފަ އެވެ.
In the planning process of preparing to restart Maldives Tourism, Minister @ali20waheed with the “Technical Advisory Group” visit @VelanaAirport to identify safety measures to be taken at the airport when reopening the border
— Ministry of Tourism (@MoTmv) May 23, 2020
@MACLmedia pic.twitter.com/5uzHRf2eX3
ޓޫރިޒަމް މިނިސްޓަރާއި ޓެކްނިކަލް އެޑްވައިޒަރީ ގްރޫޕް އެއާޕޯޓްގައި
ޓޫރިޒަމް މިނިސްޓަރު އަލީ ވަހީދާއި އެޗްޕީއޭގެ ޓެކްނިކަލް އެޑްވައިޒަރީ ގްރޫޕް ވަނީ އެއާޕޯޓަށް ޒިޔާރަތްކޮށް ސަލާމަތީ ގޮތުން އަޅަމުން އަންނަ ފިޔަވަޅުތައް ވެސް ބަލައިފަ އެވެ.
މިމަހުގެ ކުރީކޮޅު، ވެލާނާ އިންޓަނޭޝަނަލް އެއާޕޯޓުގެ ކިއޫ ސަރަހައްދުތަކުގައި ވަނީ "ސޯޝަލް ޑިސްޓެންސިން" ފާހަގަވާގޮތަށް ދުރުދުރުގައި މީހުން ތިބެން އެނގޭނެހެން ފާހަގަ ޖަހައިފަ އެވެ. ޓިކެޓް ކައުންޓަރުތަކާއި ޗެކިން ވުމާއި ލަގޭޖާއި ފަސިންޖަރުން ސްކީންކުރާ ސަރަހައްދުގައި ވެސް ތިން ފޫޓު ދުރުމިނުގެ ޖާގަތައް ފެންނާނެހެން ވަނީ މާކުކޮށްފަ އެވެ. އިންޓަނޭޝަނަލް އެއާޕޯޓުގެ އިތުރުން ޑޮމެސްޓިކް އެއާޕޯޓުގެ ކައުންޓަރުތައް ހުންނަ ސަރަހައްދުގައި ވެސް މިގޮތަށް ވަނީ ހަދައިފަ އެވެ.
ކިއޫގައި ޖެހޭ ހުރިހާ ސަރަހައްދެއްގައި "ސޯޝަލް ޑިސްޓެންސިން" ފާހަގަކުރުމަށް ސްޓިކާ ހަރުކޮށްފައި-- ފޮޓޯ:އެމްއޭސީއެލް
ކޮވިޑް-19 އިން ރައްކާތެރިވުމުގެ ފިޔަވަޅުތައް ވަރުގަދަ ކުރުމުގެ ގޮތުން ހުރިހާ ކައުންޓަރެއްގައި ވެސް ހަތަރު ފޫޓުގެ ގްލާސް ޝީޓުގެ ސްކީނުތައް ވެސް ވަނީ ހަރުކޮށްފަ އެވެ. މީގެ އިތުރުން ކޮންމެ ދުވަހަކު ވެސް އެއާޕޯޓުގެ ގޮނޑި، މޭޒު، ކައުންޓަރުތަކުގެ އިތުރުން ފްލޯ އާއި މަގުތައް ވެސް އަންނަނީ ޑިސްއިންފެކްޓް ކުރަމުންނެވެ.
އެއާޕޯޓުގެ އާންމު އޮޕަރޭޝަންތައް ނުހިންގި ނަމަވެސް، ވެލާނާ އިންޓަނޭޝަނަލް އެއާޕޯޓުގައި ޖައްސާ ކާގޯ ފްލައިޓްތަކާއި ޗާޓާ ފްލައިޓްތަކުގެ ކަންކަން ބެލެހެއްޓުމުގައި އުޅޭ މުވައްޒަފުންގެ ރައްކާތެރިކަން ކަށަވަރު ކުރުމުގެ ގޮތުން މިހާރު ވެސް ތިބެނީ ޕާސަނަލް ޕްރޮޓެކްޝަން އިކުއިޕްމެންޓް (ޕީޕީއީ) ގަ އެވެ. އަލަށް އެއާޕޯޓު ހުޅުވާލާ އިރު ޓާމިނަލްގައި މަސައްކަތްކުރާ ހުރިހާ މުވައްޒަފުން ވެސް ތިބޭނީ ޕީޕީއީ ކިޓްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކު
25 May 2020
ތައްޔާރޭ ބުނަނި މުވައްޒަފުންނަށް މާސްކެއްހާ ހިސާބުވެސް ފޯރުކޮށްނުދޭ
އެއްކަލަ މީހާ ދޯ
25 May 2020
މިރާއްޖޭގަ އޮތީ އެންމެ އެއަރޕޯޓެއް ނޫން. ރާއްޖޭގެ އަތޮޅުތެރޭގައި އެތެއް އިންޓަރނޭޝަނަލް އެއަރޕޯޓެއް އެބައޮތް. އަދި މީގެ ތެރެއިން ބައެއް ސަރަހައްދުތަކަކީ ކޮވިޑް ގެ ބަލި ނެތް އަދި ރިސޯޓްތަކާއި ކައިރި ސަރަހައްދު. ހަމަ އެކަނި ވީ.އައި.އޭ އެއަރޕޯޓްގެ ވާހަކަ އެކަނި ދެއްކުމުން ހާމަވަނީ މިރާއްޖޭގެ ވެރިސް އަދިވެސް ތަސައްރަފު ނުފުދޭކަން!!
ރަންދެލި
25 May 2020
މާލޭ އިންޓަރނޭޝަނަލް އެއަރޕޯޓުގެ އެރައިވަލް ހޯލް އަށް ވަންނަ އިރު (އިމިގްރޭޝަން ކައުންޓަރުތަކާ ހިސާބަށް ދިއުމުގެ ކުރިން) ހޯލްގެ ވައަތް ފަރާތުގައި ހުންނަ ފިރިހެނުންގެ ފާޚާނާ އަށް މިދިޔަ 5 އަހަރު ތެރޭ ވަދެ އެ ފާޚާނާ ބޭނުން ކުރި މީހަކަށް ވިއްޔާ އިނގޭނެ އެއަރޕޯޓު އޭރުގެ 'ނޯމަލް' އަށް ތައްޔާރު ވެފަ އޮތް ވަރު! ދެން މިހާރުގެ "ނިއު-ނޯމަލް" ގައި ފާޚާނާތަކާ ތަންތަން ހުންނާނީ ކިހިނެއްބާ؟
ޔާމީނު.
24 May 2020
ތިތާ ހުރީ ރައީސްގެ ބޮޑުބޭބެ. އެހެންވީމަ ތައްޔާރު ނޫނަސް ބުނާނީ ތައްޔާރޭ ނޫންތޯ؟ މައުމޫނު ޒަމާނުގަ އާއިލީ ވެރިކަން ކަމުނުގޮސްގެން އުޅުނުމީހުން ހުސް އާއިލާ މީހުން މިހާރު ތަންތާ އޮތީ .. ކިހިނެތް މިވީ؟
ޒަރީނާ
24 May 2020
އަލީ ވަހީދު އެން95 މާސްކުގަ! ގައުމަށް މުހިންމު ޑޮކްޓަރުން އާދައިގެ ސަރޖިކަލް މާސްކުގަ! މިއޮތީ ވާ ގައުމެއް. ދިވެހި ރައްޔިތެއްގެ ހައިސިއްޔަތުން އަހަރެން ބޭނުން އަލީ ވަހީދަށް އެން95 މާސްކު ލިބެނީ ކިހިނެތް ތޯ ބަލަން
މަޖްލިސް އުވާލާ
24 May 2020
މިޤައުމުގަ ހުރުހާ ދިމާއަކުވެސް ވާގޮތް. މަޖްލިސް މެމްބަރުންވެސް މަޖިޅިހުގަ ތިބޭއިރުވެސް ކޮންމެ މީހަކަށް 80000 ދައުލަތުންނަގާފަ، އަދި މަޖިލިހުން ދުރަށްދާން ޖެހުނީމަ އުމުރު ދުވަހަށް ދައުލަތުން 30000 އާއި ސިންގަޕޫރު މެޑިކަލް. ނިކަމެތި ރައްޔިތުން ދައުލަތަށް ޚިދުމަތް ކޮށްފަ ގޭގަ ހުންނަން ޖެހިއްޖެނަމަ ދޭނެ ހަމަ އެކަށްޗެއްވެސް ދައުލަތަކު ނޯވޭ. ހަމައެކަނި އޮތީ 65 އަހަރުވީމަ އެމީހެއްގެ މުސާރައިން ކުރިން އުނިކުރި އެއްޗެއް ކުރިއަށްއޮތް 5-10 އަހަރަށް ދިނުން.
ޒަރީރާ
24 May 2020
ބަލަ އިސްޓިކާ ތަތްކުރީމަ އެ ތައްޔާރުވެވުނީކީ ނޫނޭ! ވަގުތުން ޓެސްޓު ހެދޭނެ، ޑިސްއިންފެކްޓު ކުރެވޭނެ ނިސާމުތަކާއި، ހުން ބަލާ ގޭޓު ތަކާއި، ލޭޒާރ އިން ޑިސްއިންފެކްޓު ކުރާ ގޭޓުތަކާއި، ވަގުތުން އައިސޮލޭޓު ކުރވޭނެ ރޫމްތައް ތައްޔާރު ކޮށްފަތަ ތިޔަ މޮޅު ޥަހަކަ ދައްކަނީ.
ޗާބޫ
24 May 2020
ތައްޔާރޭ އެބުނަނީ ތައްޔާރުވެފަ ތިބީމަ، އަލިފުން ޔާއަށް ކޮންމެހެން އާރޓިކަލްގަ ލިޔާކަށް ނުޖެހޭ.
Saim Seed
24 May 2020
އަނގައިން ތައްޔާރު
ނަޒިން
24 May 2020
ރާއްޖޭގެ ކުންފުންޏަކުން ނުވަތަ ސަރުކާރުގެ މުއައްސަސާއަކުން "ތައްޔާރޭ" ތިހެން ބުނެލާއިރަކައް އަހަރެމެން މިހާރަކު ގަބޫލެއް ނުކުރަން.
އުދުހޭ
24 May 2020
"ނިއު ނޯމަލް ޓެކްސް" ކިޔާ ޓެކްސް އެއް ނެގުމުގެ ވިސްނުންފުޅެއް ނުގެންގުޅުއްވަމުތޯ؟ ވަރަށް ޓެކްސް ނަގާލާހިތް ވާހެން ހީވާތީ އަހާލީ!
ވާ ގޮތް
24 May 2020
މަޖިލިސް މީހުން ތިބޭނީ ރައްޔިތުން ފެލަން ވެއްޖިއްޔާ ޓެކްސް އަށް ރެޑީގަ. އެމީހުންގެ މިހާރުގެ ބޮޑު މުސާރަޔާ، އެތަނުން ދިޔައީމަ ކޮންމެ މީހަކަށް ދައުލަތުން ޚަރަދުކުރަން އިމްތިޔާޒޭ ކިޔާފަ ޓެކްސް ދައްކަން ތިބި ބައެއް ވިއްޔާ ރައްޔިތުންނަކީ. މުއްސަދިން އަތުން ޓެކްސް ނަގަން ކިޔާ ކިޔާ ތިބޭނީ. އެކަމެއް ކުރާކަށް ނުކެރޭ މޭޒުދަށުން ލިބޭ އިތުރު ބައި މަދުވާން ހިފާތީ.
އެޑްމުންޑޯ
24 May 2020
އެއްވެސް ގައުމަކުން ބަލިޖެހެން ފެށިތާ މަސްދދުވަސް ފަހުން ނިއުނޯމަލް އަކަށް ގޮސްފައެއްނުވޭ ، މާލެއިން ބަލިފެނުނުތާ މަހެއްހާދުވަހުން މިމީހުން މިތެޅެނީ ކިއްވެބާއޭ ހިތައް މިއަރަނީ ، ބަލިޖެހޭވަރަށް ދަނީ ޖެހެމުން އަދި މާލެއިން ކޮން ޓްރޯލް ވީ އަކީނުން ، އެކަމަކު ސްކޫލްތަށް ހުޅުވާ ނޯމަލް ދިރިއުޅުމަށް އަންނަން ތެތެޅޭ ތެޅުމުން ރަގަޅު ބޮނޑިއެއް ބޮވޭނެކަމާއި މެދަކު އެއްވެސް ޝައްކެއްނެތް