24 މެއި 2020 - 23:19
23 comments
ކޮވިޑް-19 އަށް ޕޮޒިޓިވާ މީހުންގެ ތެރެއިން ހައި ރިސްކް، އެކަމަކު ބަލީގެ އަލާމާތްތައް ނުހުންނަ މީހުން ރަނގަޅުވިތޯ ބަލަން ދެން ޓެސްޓް ކުރާނީ ޕޮޒިޓިވްކަން އެނގޭތާ 21 ދުވަސް ފަހުން ކަމަށް އެޗްޕީއޭ އިން ހަމަޖައްސައިފި އެވެ.
ބައްޔަށް ޕޮޒިޓިވް އެކަމަކު ބަލީގެ އަލާމާތް ނުހުންނަ މީހުން ރަނގަޅުވިތޯ ބަލަން މީގެ ކުރިން ޓެސްޓުކުރަމުން އައި ޕޮޒިޓިވާ ދުވަހުން ފެށިގެން 14 ދުވަސް ހަމަވުމުންނެވެ.
މީގެ ކުރިން، އަމަލު ކުރަމުން އައި އުސޫލުގައިވާ ގޮތުން، ސިމްޕްޓޮމެޓިކް ނުވަތަ ބަލީގެ އަލާމާތްތައް ހުންނަ މީހުން ރަނގަޅުވިތޯ ބެލުމަށް ސާމްޕަލް ޓެސްޓު ކުރަނީ އަލާމާތްތައް ރަނގަޅުވުމުންނެވެ. އެސިމްޕްޓޮމެޓިކް ނުވަތަ ކޮވިޑް-19 ގެ އެއްވެސް އަލާމާތެއް ނުހުންނަ މީހެއް ނަމަ، އެ ބަލި ހުރިކަން އެނގޭތާ 14 ދުވަސް ފަހުން ޓެސްޓުކޮށް ދެން ވެސް ޕޮޒިޓިވް ނަމަ އަނެއްކާ ހަތް ދުވަސް ފަހުން، 21 ވަނަ ދުވަހު ތިން ވަނަ ޓެސްޓެއް ކުރަނީ އެވެ.
ކޮވިޑް-19 އާ ބެހޭ ގޮތުން މައުލޫމާތު ދެއްވާ ތަރުޖަމާން މަބްރޫކް އަޒީޒް "މިހާރު" އަށް މިރޭ ވިދާޅުވީ އެ އުސޫލު މިހާރު ބަދަލުކޮށްފައިވާ ކަމަށެވެ. އެގޮތުން، ޕޮޒިޓިވްވެފައިވާ ހައި ރިސްކް އަދި އަލާމާތްތައް ނުފެންނަ ކޭސްތައް، މިހާރު ޓެސްޓުކުރަނީ ޕޮޒިޓިވްވާތާ 21 ދުވަސް ފަހުން ކަމަށް ވިދާޅުވި އެވެ. އޭނާ ވިދާޅުވީ މިއީ އެޗްޕީއޭގެ ޓެކްނިކަލް ޓީމުން މަޝްވަރާކޮށް ނިންމި ގޮތެއް ކަމަށެވެ.
ކުރިން އަމަލުކުރަމުން އައި ގޮތުން މީހަކު ރަނގަޅުވިކަން ކަށަވަރު ކުރުމަށް ގިނަ ޓެސްޓްތަކެއް ކުރަންޖެހެ އެވެ. ޓެސްޓްކުރަން ބޭނުންވާ ވަސީލަތްތައް ލިބުމުގެ ދަތިކަން ކުރިމަތިވި ގައުމުތަކުގައި ވެސް ޓެސްޓްތައް އިސްރާފުވިޔަ ނުދިނުމަށް، ނަތީޖާ އަށް ބަލައި ބައެއް ބަދަލުތައް ގެނެސްފައިވެ އެވެ.
ކޮވިޑް-19 އަށް ރާއްޖެއިން މިހާތަނަށް 1،313 މީހަކު ޕޮޒިޓިވްވެފައި ވާއިރު، 128 މީހުން ވަނީ ރަނގަޅުވެފަ އެވެ. އަދި މި ބަލީގައި ހަތަރު މީހަކު ވަނީ މަރުވެފަ އެވެ. ރާއްޖެއިން މިބަލި ޖެހުނު މީހުންގެ ތެރޭގައި ގިނައީ ބިދޭސީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑެބީ
25 May 2020
މުޅިއުމުރަށް ކަރަންޓީނު ކުރަންވީނު. ކޮވިޑު ނޫން ބައްޔެއްނެތީތަ ދުނިޔޭގަ. ކޮވިޑު ޖެހިގެން ހާލު ގޯސްވާ މީހުނަށް ވުރެން ލޮކްޑައުނާހެދި ވަޒީފާ ގެއްލިގެނާ ބަނޑަށް ޖެހިގެނާ މޮޔަވެގެން ހާލުގޯސްވާ މީހުން މާގިނަވާނެ.
ނޫސްބަލާ މީހާ
25 May 2020
މި އާޓިކަލް ހިމަނާލިނަމަ 21 ދުވަސް މުހިންމުވަނީ ކީއްވެގެންކަން. ދުނިޔޭގެ އެހެން ގައުމުތަކުގެ ހަބަރު ހަދާފައި ހުންނަ އިރު ދިރާސާތަކަށް ހަވާލާދީފައި ލިޔެފައި ހުންނާނެ 21 ދުވަހަށް އައިސޮލޭޓް ކުރަން ޖެހެނީ ކީއްވެގެންކަމާއި އަދި އެ ގޮތަށް އެކަން ކުރުމުން ފާއިދާވަނީ ކީއްވެގެންކަން. އެކަމަކު ރާއްޖޭގައި އަބަދުވެސް މި ލިޔަނީ މަބްރޫކު ނޫނީ ކޮންމެވެސް އެހެން މީހަކު ބުންޏޭ. ހަގީގީ މަންފާ ބުނެނުދީ. ރައްޔިތުން ވާނުވާގައި ތިބެނީ މިހެންވީމަ ތޯއްޗެއް.
ސައްދާމު
25 May 2020
އެހެން ގައުމުތަކުގައި ކޮވިޑް ޖެހޭމީހާ ހަފްތާއެއް ތެރޭ އެބަ ރިކަވާވޭ. އަހަރުމެން އުޅުން މިޖެހެނީ ވާނުވާގަ. އަކެއްކާ ހަމަ ކޮވިޑަށްބާ މިމީހުން ފައްސިވަނީ. ކޮންމެކަމެއް ނިމޭއިރު ބޮޑު އަރަތަކަށް.
މުހައްމަ ދު
25 May 2020
ޢަހަރެން ރަށަށް ފޮނުވާ ދެއްވަބަލަ ހެޔޮނުވާނެ ނަފްސާނީ ގޮތުންނާއި ޖިސްމާނީ ގޮތުން ތިޔަދ ދެނީ ވަރަށް ބޮޑު އަނިޔާއެއް ވަރަށްރަގަޅަށް ހަ ދާންކުރާތި.
ހެޔޮނުވާނެ
25 May 2020
މަވެސް ތިހާލު. ފުލުހުންނަށް ތިމާގެ މީހެއްކައިރިއަށް ދިއުމަށް ހުށަހެޅިމަވެސް އައީ ރިޖެކްޓް. އެމީހުން ޒިންމާ ނަގަންޖެހޭނެ.
ގެދާނޯމޮސް
25 May 2020
ކޮވިޑް 19 ޖެހިގެން މީހުން މަރުނުވާތީ ސަރުކާރުން ޕޮސިޓްކޭސް ތަކާއިމެދު ފަރުވާ ކުޑަކޮށްލައިގެން ތިއްބާ ހައިރިސްކަށް ގޮސްދާނެ މީހަކުނޭންގި ގިނަބަޔަކު ގެ ފުރާނަ އަށް ނުރައްކައު ވެދާނެކަމުގަ ބިރުހީވާން ފަށައިފިއެވެ.
މަޒް
25 May 2020
އަޅެ ކަލޭ މީގައި ލިޔެފަ އޮތް އެއްޗެއް ނުކިޔަނީތަ؟ ޕޮސިޓިވް ވާ މީހުންގެ ތެރެއިން ހައިރިސްކް އަލާމާތް ނުފެންނަ މީހުން ޓެސްކުރާ އުސޫލު ލިޔެފައި އޮތްތަން ނުފެންނަނީތަ؟ އަޅެ ކިޔަންވެސް ނޭންގެނީތަ؟
ފަރުދީ
25 May 2020
ސުރުހީ އެކަނި ދޯ ކީ؟ މަށަށް ފެންނަނީ ކަލޭ އެޗްޕީއޭއާ ހަވާލުވާން.
ހަނާން
25 May 2020
ކޮވިޑް ޓެސްޓަކީ މަދުވެގެން 25 ޕަސެންޓް ފޯލްސް ޕޮސިޓިވް ދައްކާއެއްޗެއް، ފުރަތަމަ ޓެސްޓް ވަރިހަމަ ފޯލްސް ޕޮސިޓިވް ދެއްކިޔަސް 21 ދުވަސް ވަންދެން ކުޑަގޮޅިޔައް. ދެވަނަ ޓެސްޓެއްކޮއްގެން ގެރެންޓީކުރުންތޯ ނޫނީ ދުވާލަކައް 700 ރޭޓުން 21 ދުވަން ވަންދެން ފައިސާދެއްކުންތޯ ދައުލަތައް އަގުހެވީ؟. ނޫނީ އެފައިސާ ހަމަކޮންމެހެންވެސް ކަރަންޓީނު ފެސިލިޓީއައް ދޭންޖެހެނީތޯ؟.
ރޯނު އެދުރު 11
25 May 2020
ކަލޭވެސް މަށަށް ފެންނަނީ ޓެކް ޓީމާ ހަވާލުވާން ހުވާ. ކަލޭމެން ތިތިބެނީ އެތައް އަހަރަކު ކިޔަވައިގެން ތިބި ޑޮކްޓަރުންނަށް ވުރެ މަތީގައި.
ރޯނޭ44
25 May 2020
ކިތަންމެ އަހަރަކު ކިޔެވިޔަސް މި ގައުމުގަ ކަންތައް ކުރަނީ އެއްވެސް ގޮތަކުން ދެކޮޅުޖެހޭ ގޮތަކަށް ނޫން. ސިންގަޕޫރުގަ 11 ދުވަހަށް ފަހު ޕްސިޓިވް ވިޔަސް އެ ކަނޑައަޅަނީ ރަގަޅު ވެއްޖެ ކަމަށް. މި ގައުމުގަ 3 ފަހަރު ނެގެޓިވް އަޔަށް އަދި 21 ދުވަހު ބެހެއްޓޭ ތޯ މި އުޅެނީ. މިވަނީ އެހެން ގޮތެއް. އެހެން ބޭނުމެއްގަ މި އުޅެނީ.
އީސަ
24 May 2020
ﷲގެ ހެޔޮ ރަހްމަރްފުޅުން ދިވެހިންނަށ ދެރަ ގޮތެއް ނުވާނެ. ކަމާބެހޭ ފަރާތްތަކުގެ އިރުޝާދު އަޑުއަހައިގެން ކުރިއަށް ވަޑައިިގަންނަވާ. ރަނގަޅުވާނެ.
ޑރ. ރާމީ ހަސަން ނިއުޔޯކް/އެމެރިކާ
24 May 2020
ލަންކާ ގައި ކަރަންޓީން ކުރަނީ ވެސް 28 ދުވަހަށް ކަން ފާހަގަ ކޮށްލަމެވެ. މިގޮތަށް ލަންކާ ގައި ހަމަޖެއްސީ 14 ދުވަހަށް ކަރަންޓީން ކޮށްފައި ދޫކޮށްލި މީހުންގެ ފަރާތުން ފެތުރިފައިވާތީއެވެ.
ނާދީ3
25 May 2020
މީ ލަންކާ އެއް ނޫނެއްނު. އެކި ގައުމުތަކުގައި ކަން ކުރާ ގޮތް ތަފާތު ވާނެ. 28 ދުވަހު ގަރަންޓީނު ކުރާން ހަރަދުވަ ފައިސާ ކަލޭ ދޭންވީނު؟
ޑރ. ރާމީ ހަސަން ނިއުޔޯކް/އެމެރިކާ
25 May 2020
ނާދީ3 އަށް ސަލާމް. (1) މި ވައިރަސް އަކީ ވަކި ގައުމަކަށް، ވަކި ނަސްލަކަށް، ވަކި ކުލަ އަކަށް، އިއްޒަތްތެރި އަކަށް ބަލާ އެއްޗެއް ނޫނެވެ. (2) އެކަކު އަނެކަށް މުހާތަބް ކުރަންވާނީ އަހަރުމެން އެންމެންނީ އަހުންނާއި އުހުހުތުން ކަމުގައި ދެކިގެން، އެ ރާގު ގައެވެ.
އަދުނާޏް
24 May 2020
ކިހިނެތްތަ ތިހަދަނީ. ދުވާލަކު ގޮތެއް.
ހަސަބު
25 May 2020
މިބައްޔަކީ މުޅި ދުނިޔެއަށްވެސް މުޅިން އާބައްޔެއް. އެންމެން މިއުޅެނީ ތަޖުރިބާކުރުމުގެ މަރުހަލާގައި. ޔަގީންކުރެވޭނީ ދިގުމުއްދަތަކަށް ތަޖުރިބާކުރެވިގެން. އެހެންކަމުން ތަޖުރިބާކުރާ މީހުންގެ ބަސް އެއްގޮތް ނުވެދާނެ. އެއްބަޔަކު ދެގޮތަށް ބުނާތަން ފެންނާނެ. ދިވެހިންގެ ތަޖުރިބާ މާކުޑަ. ބަސްއަހައިގެން ތިބުން މޮޅުއިތުރުވެގެންވޭ.
އޭނަ މީނަ
25 May 2020
ދޮންކަލޯ އޭރަކަށް އަންނަ ބަދަލަކަށް ޕޮލިސީތައް ބަދަލުކުރަންޖެހޭނެ. ކަލޭގެ ތިހުންނަނީ މުސްކުޅި ވިސްނުން
ފަނި ވީ
24 May 2020
ތިޔަ ކަމުގަ އެންމެ ހިތާމަ ކުރާނީ އޭޑިކޭގެ ވެރިން. އެމީހުނަށް ދައުލަތުން ލިބޭނެކަމަށް ޖެހި ހިސާބުތައް ފަނިވާނެ.