އެންއީއޯސީ އިން ރޭ ބޭއްވި މީޑިއާ ބްރީފިންގައި މަބްރޫކް ބައިވެރިވެވަޑައިގަންނަވަނީ.--
26 މެއި 2020 - 10:45
19 comments
އުމުރުން ދުވަސްވީ މީހުންގެ މެދުގައި ކޮވިޑް-19 ފެތުރިފައިވާ މިންވަރު ބެލުމަށްޓަކައި މިހާތަނަށް ނަގަމުން އައި ގޮތަށް ސާމްޕަލް ނެގުން އެޗްޕީއޭ އިން ހުއްޓާލައިފި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ރޭ ބޭއްވި މީޑިއާ ބްރީފިންގައި، އެ ސެންޓަރުގެ ތަރުޖަމާނު މަބްރޫކް އަޒީޒް ވިދާޅުވީ ޓެކްނިކަލް އެޑްވައިޒަރީ ގްރޫޕް (ޓެގް) ގެ މަޝްވަރާއެކު އުމުރުން ދުވަސްވީ މީހުންގެ ސާމްޕަލް ނެގުން ހުއްޓާލާފައިވާ ކަމަށެވެ.
މީގެ ކުރިން ޓެގުން ނިންމީ، އުމުރުން ދުވަސްވީ މީހުންގެ ތެރެއިން 10 ޕަސެންޓް މީހުންގެ ޓެސްޓް ހެދުމަށެވެ. އެއީ 350 މީހުންނެވެ. ނަމަވެސް ޓެސްޓު ހެދުމަށް އޭގެ ތެރެއިން ގިނަ ބަޔަކު ދެކޮޅު ހެދުމުން، ފަހުން ވަނީ އެ އަދަދު ފަސް ޕަސެންޓަށް ދަށްކޮށްފަ އެވެ. އޭރުން ކޮވިޑް-19 އަށް ޓެސްޓުކުރަން ޖެހޭނީ 170 މީހުންނެވެ.
މަބްރޫކް ވިދާޅުވީ، އުމުރުން ދުވަސްވީ މީހުންގެ ތެރެއިން ޓެސްޓު ހަދަންޖެހޭ މީހުންގެ ތެރެއިން ސާމްޕަލް ނަގާފައިވަނީ 105 މީހުންގެ ކަމަށެވެ. ފަރުވާއެއް ހޯދިފައިނުވާ ބައްޔަށް ޕޮޒިޓިވްވީ އޭގެ ތެރެއިން އެންމެ މީހެކެވެ.
"ޓެގުން މިހާރު އިރުޝާދު ދެއްވާފައި ވަނީ މި ކަމަކީ އުމުރުން ދުވަސްވީ ބޭފުޅުންނާއި އެ ބޭފުޅުންގެ އާއިލާތަކުން ކަންބޮޑުވެވަޑައިގަންނަވާ ކަމަކަށް ވެ، މިކަމަށް ދެކޮޅު ހައްދަވާ ވެސް ކަމަކަށް ވުމާއެކު، ދެން މި ކަން މި ގޮތަށް ކުރިއަށް ނުގެންދިއުން،" މަބްރޫކް ވިދާޅުވި އެވެ.
އެ އުސޫލުން ސާމްޕަލް ނުނެގި ކަމުގައި ވިއަސް ބަލީގެ ޑައިރެކްޓް ކޮންޓެކްޓެއް ނުވަތަ އަލާމާތްތައް ހުރި ނަމަ ޓެސްޓުކުރާނެ ކަމަށް އޭނާ ވިދާޅުވި އެވެ.
ރާއްޖެއިން ކޮވިޑް-19 ޖެހުނު މީހުންގެ އަދަދު 1،395 އަށް އަރާފައިވާއިރު 155 މީހުން ރަނގަޅުވެފައި ވެ އެވެ. ހަތަރު މީހަކު މަރުވެއްޖެ އެވެ. އޭގެ ތެރެއިން ތިން މީހުންނަކީ 80 އަހަރުން މަތީގެ ދިވެހިންނެވެ.
ހެލްތު މިނިސްޓްރީން އާއްމުކޮށްފައިވާ މައުލޫމާތުތަކަށް ބަލާއިރު، ރާއްޖެއިން ކޮވިޑް-19 ޖެހުނު މީހުންގެ ތެރޭގައި އެންމެ ގިނައީ 31-40 އަހަރާ ދެމެދުގެ މީހުންނެވެ. ދުވަސްވީ މީހުންގެ އުމުރުގެ މީހުންގެ ތެރެއިން އެ ބަލި ޖެހިފައިވަނީ 42 މީހުންނަށެވެ. އެއީ 61-100 އަހަރާ ދެމެދުގެ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
26 May 2020
ގޭގެޔައް ބަލިއަންނައިރު އަންނާނީ ޕީޕީއީ އަޅައިގެނެއް ނޫން. ބޯދާވިސްނުން ގެންގުޅެގެނެއް މާމަކާފައަކައް ރައްކާތެރިކަމެއް ނުދެވޭން.
ބޭސްވެރިޔާ
26 May 2020
މުސްކުޅިންނަށް އެންމެ ރައްކާތެރި ގޮތަކީވެސް ތިޔައީ. މުސްކުޅިންނަކީ މި ބަލީގެ އެންމެ ރިސްކު ބޮޑު މީހުން. ދުނިޔޭގެ އެއްވެސް ގައުމެއްގައިވެސް މިހާތަނައް މިބަލީގަ ހޮސްޕިޓަލަށް ގެންދިޔަ އުމުރުން ދުވަސްވީ ގިނަ އެންބުރި ނާދޭ. އެހެންވީމަ ކޮންމެ މީހަކުވެސް ތިމާގެ އަމިއްލަ މައިންބަފައިންނައް އޯގާތެރިވެ ރަހުމްކުރޭ. ހަމައެކަނި އެޗްޕީއޭއެއް ނޫން ވިސްނަންވީ މިކަމާ.
މުރާދު
26 May 2020
ގިނަ ގޭގޭ މީހުން ބޭނުމެއްވެސް ނުވޭ މިފަދަ ދަނޑިވަޅެއްގައި ސާމްޕަލް ނަގަން ގެއަށްވަދެ ދުވަސްވީ މާމާ ނޫނީ ކާފަ ނުރައްކަލުގެ ތެރެއަށް ވެއްޓޭކަށެއް. އެއީ އެފަދަ މީހުންނަށް އޮތް ރިސްކެއްގެ ބޮޑު ކަމުން. މަވެސް ބޭނުމެއް ނޫން މަގޭ މާމަގެ ސާމްޕަލް ނަގަން ވިޔަސް މިގެއަށް އެއްވެސް މީހަކު އަންނާކަށެއް. އެޗްޕީއޭގެ ތި ނިންމުމަށް މަރުހަބާ ކިޔަން.
މިވަރެއްނެތް
26 May 2020
އެޗްޕީއޭ އިން ކޮވިޑާއި ގުޅިގެން އެޅި ފިޔަވަޅުތަކުގެ ސަބަބުން އެކަށީގެންވާ ހަލުވި މިނުގައި ފަރުވާނުލިބުމުގެ ސަބަބުން އަންހެނާގެ ބަޑަށްމަރުވި ދެކުދިންނާއި އުމުރުން ދުވަސްވީމީހާގެ މަރުގެ މައްސަލާގައި އެޗްޕީއޭ އާއި އެކަމުގައި އިހްމާލުވި ސަރުކާރުގެ އިދާރާތަކުގެ އިސްވެރިންގެ މައްޗަށް އެމަރުތަކުގެ އިހުމާލުވުމުގެ ދަޢުވާކުރާ މަންޒަރު އަހަންނަށް އެބަފެނޭ. މަނަމަ ވަރަށްކަންބޮޑުވާނަން. ގާނޫނީ ލަފާ މިހާރުއްސުރެން ހޯދަންފަށާނަން. އަބަދުވެސް ބޮޑުންރެކޭނެ.
ފިތުނަ ފެކްޑން
26 May 2020
ވަރަށް ރަނގަޅަށް ދިރާސާކޮށްފިން "މިވަރެއްނެތް" މި ނަމުގައި ކޮމެންޓު ކުރާ މީހާގެ ފިކުރު. ކަލޭ ތިއީ މި ސަރުކާރަށް އެއްޗިހި ގޮވާ އެހެނަސް ނަޝީދަށް ސަޕޯޓު ކުރާ މީހެއް. އެ ގޮތަށް ހުރިހާ ކޮމެންޓެއް ހުންނަނީ. އެހެންވީމަ އެނގޭ ކަލޭ ހަދާނީ ތިޔަ ފަދަ ފިތުނަކަން. ނަރުދޫ މީހާ އަމިއްލައަަށް ހޮސްޕިޓަލަށް ދާން ބުނި ދުވަހު ނުގޮސް އެ މީހާ ބޭނުން ދުވަހެއްގައި ދިޔައިމަ ކަންތަށްވީ ގޮތް ކަން މި ރާއްޖޭ އެންމެންނަށްވެސް އެނގޭ. އެހެންވީމަ ނަޝީދު އުޅޭހެން ކަލޭ ފިތުނަ ހަދާނެކަމެއްނެތް
ރަދުން999
26 May 2020
ތިޔައީ ކުޅޭކުޅިވަރެއް، މިބައްޔަކީ އެހާގިނަ މީހުން މަރުވާ ބައްޔެއް ނޫންކަން ރާއްޖެއިންވެސް ސާބިތުވޭ، މަރުވީ 80 އ މަތީ 3 މީހުންނާއި އިތުރު 1 މީހުން. ބަލިޖެހުނީ 1342 މީހުންނަށް. ޢެހެންކަމުން ވިޔާފާރިތަކާ މީހުންގެ އާއްމު ސިއްހަތާ ދިރިއުޅުން ހަލާކުވާގޮތަށް ލޮކްޑައުން ކުރާކަށް ނުޖެހޭ. ތިޔަކަމަކީ މިނިވަން ތަހްގީގްއެއް ކޮށް ބަލަންޖެހޭ ކަމެއް. ނާޖާއިޒް ފައިދާއެއް ބަޔަކު ނަގަނީކަމަށް ބެލެވޭ.
falling
26 May 2020
"ޓެގް" ގްރޫޕުން ދޭ އެޑްވައިސްތަށް އެހާޕްރެކްޓިކަލްއެއްނޫން. އެބޭފުޅުންގެ ގާބިލްކަމާމެދު ސުވާލު އުފެދޭ
Fitna Party
26 May 2020
ހަމަ ތި ޓެގް ގްރޫޕުގައި ތިބި ޑޮކްޓަރުން ވެންޓިލޭޓަރަށް ލީ ހުރިހާ މީހުން ރަނގަޅުކޮށް އެ ފޮނުވާލީ ގެއަށްވެސް. ކަލޭމެންނަށް އެ ދުވަހު އެ މީހުން ވަރެއް ނެތް. ހުރިހާ ކަމެއް ތި ގޮތަށް ދެކޮޅަށް ކުޅެވޭތޯ ބަލާތި. އެއީ ނަޝީދު ކަލޭމެންނަށް ދަސްކޮށްދިން ރިވެތި އަހްލާގަކީ.
ނިރު
26 May 2020
ކޮންތާކު މިޖެހުނީ ... އެބާރުލުން ނުދެއޭކިޔާފަ ނަގާ ޖޫރިމަނާތަށް ހުއްޓާލަންވީނުން
ބޯގަޅި
26 May 2020
އެހެންނަހައް ދަވާ ފަހާ ދުވެ ދަތިއަޅުވާ ވައްޓާލައިގެން ވެސް ވާނެ ކޮވިޑްއައް ޗެކްކުރަން. އެހެން ބަލިތަކުގެމީހުން ރޮއެ ހޭރުނަސް މަށައްހޭވެސް އަހާނެކަމެއްނެތް.
ފަހުދު
26 May 2020
ދުނިޔޭގެ އެހެން ގައުމުތަކުގައި އުމުރުން ދުވަސްވީމީހުން އުޅެނީ ޓެސްޓް ނުކުރެވިގެން. މިބަލީގެ ނުރައްކާތެރިކަން އެންމެބޮޑީ އުމުރުން ދުވަސްވީ މީހުންނާއި މިހާރުވެސް އެކިބަލިތައް ތަހަންމަލުކުރަމުން ދާމީހުން. އެންމެބޮޑު ރައްކާތެރިކަމެއްވެސް ބޭނުންވަނީ އެމީހުން. ސަރުކާރައް އެމީހުންގެ ރައްކާތެރިކަމައް އަޅާނެ ފިޔަވަޅު އެނގޭނީވެސް އެމީހުން ޓެސްޓްކޮއްގެން.
ސްޓިލް
26 May 2020
އެމީހުން ޓެސްޓްކޮށް ޕޮޒިޓިވްވެއްޖެނަމަ އާއިލާއާ ދުރުކޮށްލައިގެން ގެންގޮސް ދުނިޔޭގަ އުޅޭ ފަހު ދުވަސްކޮޅަށް ވެދާނެ އެންމެ ފަހު ވަގުތުކޮޅުތައް ނުވެސް ދަންނަ ބައެއްގެ ކައިރީ އޮވެ ހޭދަކޮށްލުމަކީ އެމީހުން އެދޭ ގޮތަކަށްނުވެދާނެ.
ެއުމުރުން ދުވަސްމީހާ
26 May 2020
ސަރުކާރަށް އެމީހުންގެ ރައްކާތެރިކަމަށް އަޅާނެ ފިޔަވަޅު ނޭގިގެން އުޅެނީ ޓެސްޓްނުރެވިގެން ކަމަށް ވަންޏާ ޓެސްޓްކޮށް ޕޮޒިޓިވްކަން އެނގުނު އުމުރުން ދުވަސްވީ މީހުންނާއި މިހާރުވެސް އެކި ބަލިތައް ތަޙައްމަލުކުރަމުން ދާ ބަޔަކުމީހުން ގެނެސް ފަރުކޮޅުފުށްޓަށް ލައިގެން އެމީހުން ބޮޑެތި ސިއްހީ އަރައްކާތަކަށް ހުށަހޮޅުވައިގެން މިއުޅޭ ސަބަބެއް އެގިވަޑައިގަންނަވާ ފަރާތަކުން ވި ދާޅުވެ ދެއްވަން ވެއްޖެ ނޫންތޯއެވެ؟
ފަހުދު
26 May 2020
އެންމެ ރައްކާތެރިކަން ބޭނުންވާ މީހުންނާހަމަޔައް ބަލިގޮސް ފެތުރެން ފެށިކަމެއްވެސް ނުވަތަ ނޫންކަމެއްވެސް އެންގޭނެ ގޮތެއް ދެންނޯންނާނެ. އެންމެފަހުން ބަލުޖެހިގެން ހާލުބޮޑުވީމަ ހޮސްޕިޓަލައް ގެންގޮސްގެން ކުރެވޭނެ ކަމެއް ނޯންނާނެ. މިހާތަނައް މިބަލީގަ ހޮސްޕިޓަލައް ގެންދިޔަ އުމުރުން ދުވަސްވީ ދިވެއްސަކު އެންބުރި ނާދޭ. ތިމާގެ އަމިއްލަ މައިންބަފައިންނައް އޯގާތެރިވެ ރަހުމްކުރޭ
މިވަރެއްނެތް
26 May 2020
އިޚްލާޞްތެރިކަމާއެކު އެއްޗެއް ދަންނަވަންތޯ؟ ތިކުދިންނަށް ކޮވިޑު މެނޭޖްނުކުރެވުނުކަމާއި ކުރަންނޭގޭކަމާއި އެކަމުގެ ތަޖްރިބާނެތްކަމާއި އަފަދަ ތަޖްރިބާތިބި ބަޔަކު ސަރުކާރުން ހޯދާދީފައިނުވާކަމަށް އެއްބަސްވެ މަޤާމުތަކުން އިސްތިއުފާދީ. ކޮވިޑުގެ ނަމުގައި އެޅިފިޔަވަޅުގެ ސަބަބުން ރާއްޖޭގައި މަރުވި މީހުންގެ އަދަދު އެބަލިޖެހިގެން މަރުވީމީހުންނަށް ވުރެންގިނަ. އަދިކޮބާތޯ ހައިހޫނުކަމާއި ނަފްސާނީ ބަލިތަކާއި ބޮޑެތި ބަލިތަކުގެ ބޭސްނުލިބުމުގެ ސަބަބުން ވާގެއްލުން.