މަޖިލީހުގެ ޖަލްސާއެއްގެ ރިޔާސަތު ނަޝީދު ބަލަހައްޓަވަނީ: ކައުންސިލް މެމްބަރުންގެ ދައުރު އިތުރުކުރާ ބިލާ މެދު ސުޕްރީމް ކޯޓުގެ ލަފައަކަށް ވަނީ އެދިފައި -- ފޮޓޯ/މަޖިލިހުގެ އިދާރާ
27 މެއި 2020 - 23:24
33 comments
އާ ކައުންސިލް މެމްބަރުން އިންތިޚާބު ކުރެވެންދެން މިިހާރު ތިބި ކައުންސިލް މެމްބަރުންގެ ދައުރު ދެމިގެންދާ ގޮތަށް ގާނޫނުއަސާސީއަށް އިސްލާހު ގެންނަން ހުށަހަޅާފައިވާ ބިލް ރައްޔިތުންގެ މަޖިލީހަށް ބަލައިގަނެ، އެ ބިލާ މެދު ސުޕްރީމް ކޯޓުގެ ލަފައަކަށް އެދެން ރައްޔިތުންގެ މަޖިލީހުން މިރޭ ފާސްކޮށްފި އެވެ.
ކޮވިޑް-19 އާ ގުޅިގެން ލޯކަލް ކައުންސިލް އިންތިޚާބު އެއް އަހަރަށް ފަސް ކޮށްފައިވާތީ، މިހާރު ތިބި ކައުންސިލް މެމްބަރުންގެ ދައުރު ދެމިގެންދާ ގޮތަށް ގާނޫނުއަސާސީއަށް އިސްލާހު ގެންނަން ބިލް ހުށަހެޅީ ސަރުކާރުންނެވެ. އެކަމަކު ގާނޫނުއަސާސީ އަށް އެ ބަދަލު ގެނައުމާ މެދު ސަރުކާރަށް ނިސްބަތްވާ މެމްބަރުންގެ މެދުގައި ޚިޔާލު ތަފާތުވުން އުފެދުމުން އެ ކަމުގައި ސުޕްރީމް ކޯޓުގެ އިސްތިޝާރީ ލަފައަކަށް އެދެން އޮތީ ހުށަހަޅައިފަ އެވެ.
ސަރުކާރުގެ ފަރާތުން ބިލެތްދޫ ދާއިރާގެ އެމްޑީޕީގެ މެމްބަރު އަހުމަދު ހަލީމް (ދޮންބިލެތް) ހުށަހެޅުއްވި އެ ބިލް ބަލައިގަނެ، މުޅި މަޖިލިސް ހިމެނޭ ކޮމޓީއަކަށް ފޮނުވަން ފާސްކުރީ 61 މެމްބަރުންގެ ވޯޓުންނެވެ.
އެ ބިލާ މެދު ސުޕްރީމް ކޯޓުގެ ލަފައަށް އެދުމަށް މެމްބަރު ހަނިމާދޫ ދާއިރާ ދާއިރާގެ އެމްޑީޕީގެ މެމްބަރު އަބްދުލްޣަފޫރު މޫސާ ހުށަހެޅުއްވި ހުށަހެޅުއްވުން ފާސްވީ 61 މެމްބަރުންގެ ވޯޓުންނެވެ. އެކަމާ ދެކޮޅަށް ވޯޓު ދެއްވީ އެންމެ މެމްބަރެކެވެ.
މިރޭގެ ޖަލްސާގެ ރިޔާސަތުން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ، އެ ބިލާ މެދު ސުޕްރީމް ކޯޓުގެ ލަފައަކަށް އެދިފައިވާތީ އެ ކޯޓުގެ ލަފައެއް ލިބެންދެން މަޖިލީހުގެ ޖަލްސާ އެއްކޮށް ހުއްޓާ ނުލައި ކުރިއަށް ގެންދަވާނެ ކަމަށެވެ. އޭގެ ބަދަލުގައި މިރޭގެ ޖަލްސާ ވަގުތީ ގޮތުން މެދުކަނޑުއްވައްލައްވަނީ ކަމަށާއި ގާނޫނުގައިވާ ގޮތުގެ މަތިން ވަރަށް އަވަހަށް އެކަމުގައި ލަފައެއް ލިބޭނެ ކަމަށް އުއްމީދު ކުރައްވާ ކަމަށް ވެސް ނަޝީދު ވިދާޅުވި އެވެ.
"އިރާދަކުރެއްވިއްޔާ ރަނުން ރަނަށް އަޅުގަނޑުމެންނަށް މިކަން ކޮށް ނިންމޭނެ،" ނަޝީދު
"މިހާރު މި އޮޮތް ހާލަތުގައި އެކަށީގެންވަނީ މާދަމާ ނުވަތަ އޭގެ އަނެއް ދުވަހު އެ ކޯޓުން އެ ލަފާ ލިބުން. އަޅުގަނޑު މި ދަންނަވާ ވާހަކަ އަކީ މިރޭގެ ޖަލްސާ އަޅުގަނޑު މެދުކަނޑައޭ ލާނީ، ހުއްޓައެއް ނުލާނަމޭ. އަޅުގަނޑުމެން ހުޅުވައިގެންނޭ މި ތިބީ،" ނަޝީދު ވިދާޅުވި އެވެ.
އެ މަނިކުފާނު ވިދާޅުވި ގޮތުގައި، އެ ބިލުގެ މަސައްކަތް މަޖިލީހުގައި މަޑުޖައްސާލާފައިި ނޯންނާނެ އެވެ. އެ ބިލުގެ ކަންކަން ކުރިއަށް ގެންދިޔައީ ރައްޔިތުންނަށް އެ ބިލާ މެދު މައުލޫމާތު ލިބުމުގެ ފުރުސަތު ދެއްވުމަށް ފަހު، މަޖިލީހުުގެ ގަވާއިދުގެ ތެރެއިން ކުރަންޖެހޭ ކަންކަން ފުރިހަމަ ކުރުމަށް ފަހު ކަމަށް ނަޝީދު ވިދާޅުވި އެވެ. ގާނޫނީ ލަސްކަމެއް ނާންނާނެހެން އެ މަސައްކަތް ނިންމަވާނެ ކަމަށް ވެސް ނަޝީދު ވިދާޅުވި އެވެ.
"އިރާދަކުރެއްވިއްޔާ ރަނުން ރަނަށް އަޅުގަނޑުމެންނަށް މިކަން ކޮށް ނިންމޭނެ،" އެ މަނިކުފާނު ވިދާޅުވި އެވެ.
އެ ބިލާ މެދު ސުޕްރީމް ކޯޓުގެ ލަފައަކަށް އެދެން ނިންމިއިރު، އެ ބިލަށް ވޯޓު ދޭން އެމްޑީޕީގެ ޕާލިމެންޓްރީ ގްރޫޕުން ރޭ ވަނީ ވިޕްލައިނެއް ވެސް ނެރެފަ އެވެ. އެކަމަކު އެ ބިލާ ދެކޮޅަށް އެމްޑީޕީގެ ބައެއް މެމްބަރުން މިއަދުގެ ޖަލްސާގައި ވެސް ވާހަކަ ދެއްކެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާގޯށި
28 May 2020
ކިތަންމެ ރުޅި އަޔަސް ރައީސް ނަޝީދަކީ ދިވެހިންނަށް ދުލާއި ގަލަމުގެ މިނިވަންކަން ގެނެސްދެއްވި ބޭފުޅާ އެކަމެއް ބަދަލެއް ނުކުރެވޭނެ.
އެއްލާލާތި
28 May 2020
ލޯކަލް ކައުންސިލް ތައް އެއީ ރާއްޖެ އަށް ބޭނުންވާ ބަޔެއް ނޫނޭ އެލޭޔަރ ގާނޫނު އަސާސީން ދުއްވާލަންވީއޭ...
ނެތީމޭނެތީމޭ
28 May 2020
ސްޕްރީމް ކޯޓުގެ ލަފައަކަށް އެދުން އެއީ ވަރަށް ރަނގަޅަށް ކުރައްވާ ކަމެކޭ ބުނަން މަމެން ނެތީމޭ...
ވައަތުފުއްކިނބަ
28 May 2020
ތިބޭފުޅުންނަށް ތިކަމުގައިހައްލެއް ނުހޯދެވިގެން އުލޭތީވެ މަމެންގެ 12އަހަރު ކުޑަތުއްތު ދަރިފުޅު ސުވާލުއެބަކުރެއެވެ. ބޭބެމެންނަށް އެކަންކުރަން ނޭގިގެން ހަމައުލެނީހެއްޔެވެ.ކޮއްކޮގެ އައިޑިއާ އަކީ ޤާނޫނަށް އިސްލާޙުނުގެނެސް ހަމައެޤާނޫނުގައި ތިރީގައި މިހެން ލިޔެލީމާއޯކޭވީއެވެ. ޤުދުރަތީހާދިސާ ދިމާވެއްޖެނަމަ،އެޙާދިސާއަކުން ޤައުމުއަރައިގަނެ އެކަން މަޖުލިހުން ކައުންސިލްގެ މެމްބަރުންނަށް އަންގަންދެންއެ މެމްބަރުން މަޤާމުތަކުގައި ދެމިތިބެންޖެހޭނެއެވެ. ސިމްޕަލް.
އެޑަމް
28 May 2020
ނަސީދަކީ ދެފަހަރު އެކައްޗެއް ކިޔާމީހެއްނޫންގިނަފަހަރައް އޭނަޔައްވެސް ކިޔޭނުކިޔޭއެއްޗެއްނޭގޭފަހަރުއާދޭ އެކަމުކަމުނުދާވާހަކައެއްދެއްކިއްޖެނަމަ ފަހުންފޫބައްދާނެ!ބިލްސްޕްރީމްކޯޓައްފޮނުވާފައެވަނީ އިންތިޚާބުބާއްވާނެދުވަސްކަޑައަޅާކައްނުވަތަމުއްދަތު ދިގުކޮއް ކުރު ކުރާކައްނޫން ބިލްގައޮތް ގާނޫނީ ޕޮއިންޓަކައްލަފާހޯދަން,އެއީ މިހާލަތުގާ ޤާނޫނުއަސާސީބަދަލުކުރެވިދާނެތޯ ނޫންތޯ އެޢީޤާނޫނުމާނަކުރާފަރާތްއަދިއެފަރާތުންމާނަކުރާގޮތްޖެހޭނީމަޖިލީހުންގަބޫލުކުރަން,އެއީމާނަކުރާފަރާތަކީއެއީކަމައްގާނޫނުއަސާސީގައެގޮތައްބުނެފައޮތީމާ!!
ދަތްނެތްކުއްޖާ
28 May 2020
ނިމިދިޔަ ސަރުކާރުން ނާއި މި ސަރުކާރުންވެސް ހަމަ ގަންނަނީ އެއްގަނޑެއްގެ ގޮތުގައި ސިފަކުރެވެނީ. މި ސަރުކާރުގެ ތަފާތަކީ އިންސާފުގެ މަގުން ކަންކަން ކުރިއަށް ދާނެކަން ދައްކަން ރައްޔިތުންގެ ލޮލުގައި އަނދުން އެލުވުން. މިވެރިންންށްވެސް ހެޔޮ ވެރިކަމެއް ކޮންދޭން އެގެނީއެއްނޫން. ބޮޑު ކަމެއް ޖެހޭ އިރަށް ކަންކަން ނިންމަން މިޖެހެނީ ސްޕްރިމް ކޯޓާއި ހަމައިން. ރައްޔިތުން ހުރިހާ ބާރެއް ދިނީމާވެސް ވެރިކަން ކުރަން ނޭގުނު ބަޔަކު މި ނޫނިއްޔާމު މަމެން ނުދެކެން.
ފޫހި
28 May 2020
މިދެން މާބޮޑު ކަމަކަށް ހަދައިގެން ކޮންކަމެއްތަ? ކަލޭމެން ކަލޭމެންނާއި ގޮއްޖެހި. ކޮވިޑް 19 އަށްވުރެ އެޖެންޑާ 19 ގެ އުނދަގޫބޮޑުވެއްޖެ.
ހޯރަފުށީ ޗާލުނަޔާ
28 May 2020
ނަޝީދުގެ ސިޔާސީ ހަޔާތަކީ ރާއްޖޭގެ ރައްޔިތުންގެ ހާލަތު ބަދަލުކުރުމަށް ކުރާ ވަރުގަދަ ޖިހާދެއް!
ހަންބޭ
28 May 2020
ސުޕްރީމް ކޯޓަށް ނުވަތަ އެހެން ޝަރުއީ ކޯޓަކަށް ވެސް އިންތިހާބެއްގެ ތާރީހު ކަނޑަނޭޅޭނެ ކަމަށާއި މިފަދަ ހާލަތުގައި އިންތިހާބުގެ ތާރީހާ ގުޅޭ ގޮތުން ބޭނުން ވަނީ ގާނޫނީ ފަރުވާއެއް ކަމަށް ރައްޔިތުންގެ ރައީސް ނަޝީދު 17 މާރޗްގަ ވިދާޅުވި އެވެ. ބަހުސްގެ ފުރުސަތުގަ ވާހަކަފުޅު ދައްކަވަމުން ރައީސް ނަޝީދު ވިދާޅުވީ އިންތިހާބު ފަސް ކުރުމަކީ ނުވަތަ އިންތިހާބުގެ ތާރީހު ކަނޑައެޅުމަކީ ސުޕްރީމް ކޯޓަށް ނުވަތަ އެހެން ކޯޓަކަށް ވެސް ލިބިފައިވާ ބާރެއް ނޫން ކަމަށެވެ.
ދިވެހިންދިއަން
28 May 2020
މިހާރުވެސް، ކުރިޔެކޭ އެއްފަދައިން ނަޝީދު ވިދާޅުވަނީ ސްޕްރީމް ކޯޓުން ކައުންސިލަރުންގެ ދައުރު ކަނޑައަޅާދިނުމަކަށް ނޫނެވެ. ސްޕްރީމްކޯޓަށް ފޮނުވަން ނިންމެވީ، ޤާނުނީ ހުށަހެޅުމަކާއި ޤާނޫނު އަސާސީއާއި ދެމެދު ސުވާލު އުފައްދާފައިވާތީވެ، ޤާނޫނީ ލަފަޔަކަށެވެ. އެވެސް، މެންބަރަކު އެގޮތަށް އެދިލެއްވުމުންނެވެ. އޮޅިވަޑައިގެންފައިވާތީވެ ދަންނަވާލީ.
ހަންޓޯ
28 May 2020
ލޯކަލް ކައުންސިލްތަކުގެ އިންތިހާބު ފަސް ކުރުމުގެ ބާރު ސުޕްރީމް ކޯޓަށް ނެތް ކަމަށް، ރައްޔިތުންގެ މަޖިލީހުގެ ރައީސް ނަޝީދު 17 މާރޗް 2020 ގައި ވިދާޅުވި. ލާމަރުކަޒީ ގާނޫނަށް ހުށަހަޅާފައިވާ އިސްލާހުގެ ބަހުސްގެ މަރުހަލާގެ ތެރެއިން ނަޝީދު ވިދާޅުވީ އިންތިހާބު ފަސްކޮށް އަދި އިންތިހާބުގެ ތާރީހު ކަނޑައެޅުމަކީ ސުޕްރީމް ކޯޓަށް ނުވަތަ އެހެން ކޯޓަކަށް ވެސް ލިބިފައިވާ ބާރެއް ނޫން ކަމަށާއި އެކަމަށް ފަރުވާއެއް ހޯދަން އޮތް ތަނަކީ ރައްޔިތުންގެ މަޖިލިސް ކަމަށެވެ.