އެންއީއީއޯސީގެ ތަރުޖަމާން މުހައްމަދު މަބްރޫކް އަޒީސް މީޑިއާ ބްރީފިން އެއްގައި ވާހަކަ ދައްކަވަނީ. އޭނާ ވިދާޅުވީ ކްލަސްޓާ އަކާ ގުޅުމެއް ނެތި ކޮވިޑަށް ޕޮޒިޓިވް ވި މީހުންގެ އަަދަދަކީ 87 ކަމަށް.
31 މެއި 2020 - 01:23
15 comments
ރާއްޖެއިން ކޮވިޑް-19 އަށް ޕޮޒިޓިވްވެ މިހާތަނަށް ރަނގަޅު ނުވެ ތިބި މީހުންގެ ތެރެއިން ކްލަސްޓާއަކާ ގުޅުމެއް ނެތް ވަކިވަކި ކޭސްތަކުގެ ގޮތުގައި ތިބީ އެންމެ 87 މީހުން ކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ)ން މިރޭ ބުނެފި އެވެ.
އެންއީއޯސީގައި ބޭއްވި ޕްރެސް ބްރީފިންގައި އެ ސެންޓަރުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ ކޮވިޑް-19 އަށް ޕޮޒިޓިވްވި މީހުންގެ ތެރެއިން 401 މީހަކުު މިހާރު ރަނގަޅުވެފައިވާ ކަމަށެވެ. ދެން ތިބި މީހުންގެ ތެރެއިން 1177 މީހުންނަކީ އެކި ކްލަސްޓާތަކުގެ ތެރޭގައި ހިމެނޭ މީހުން ކަމަށް އޭނާ ވިދާޅުވި އެވެ.
ރާއްޖޭގެ ކޭސްތަކުގެ އަދަދު މިހެން ހުރި އިރު ޓެސްޓްކުރުމުގައި އިސްކަން ދެނީ ވެސް ފެންނަ ކޭސްތަކާއި ގުޅުން ހުންނަ މީހުންނަށެވެ. އޭގެތެރެއިން ވެސް އެންމެ ބޮޑު އިސްކަމެއް ދެނީ އަލާމާތްތައް ހުންނަ މީހުންނަށެވެ. ސަވައިލެންސް ސާމްޕަލްގެ ގޮތުގައި ސާމްޕަލް ނަގަނީ މަދު އަދަދެއްގެ މީހުންގެ ގައިންނެވެ.
އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް މީޑިއާ ބްރީިފިން އެއްގައި ވާހަކަ ދައްކަވަނީ
ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ ކޮވިޑަށް މީހުން ޕޮޒިޓިވްވާ މިންވަރު މިހާރު ވެސް ފެންނަނީ އެއްވަރެއްގައި ހިފެހެއްޓިފައިވާ ތަން ކަމަށެވެެ. އެގޮތުން ފްރޮންޓްލައިންގައި މަސަައްކަތްކުރާ މީހުން ބައްޔަށް ޕޮޒިޓިވްވާ މިންވަރު ވެސް މިހާރު މަދުވެފައިވާ ކަމަށާއި އެއީ މީހުންގެ ދިރިއުޅުމުގެ ވައްޓަފާޅިއަށް އަންނަ ބަދަލުގެ ސަބުން ފެންނަ ނަތީޖާ ކަމަށް އޭނާ ވިދާޅުވި އެވެ.
"މި ހުރިހާ ކަމަކީ ވެސް އަޅުގަނޑު ބުނާނީ ހަގީގަތުގައި ބިހޭވިއަރަލް ޗޭންޖެއް، ހުރިހާ ލެވެލްއެއްގަައި، މާނައަކީ ދިވެހިން ވެސް ބިދޭސީން ވެސް އަދި ވަކި ހާއްސަ މަސައްކަތްތައް ކުރައްވާ ބޭފުޅުންގެ ދިރިއުޅުމުގެ ވައްޓަފާޅިއަށް މި ބަދަލުތައް އަންނަ ކަމުގެ އަލާމާތްތަކޭ މި ކޭސްތައް މިގޮތަށް މަދުވެން ދިއުމަކީ ވެސް ހަމަ،" އަފްޒަލް ވިދާޅުވި އެވެ.
ރާއްޖެއިން ކޮވިޑް-19 އަށް ޕޮޒިޓިވް ވި މީހުންގެ އަދަދަކީ މިއަދާ ހަމައަށް 1672 އެވެ. އޭގެ ތެރެއިން 401 މީހަކު ރަނގަޅުވި އިރު ފަސް މީހަކު ވަނީ އެ ބަލީގައި މަރުވެފަ އެވެ.
ރާއްޖޭގައި ކޮވިޑް-19 ޖެހުނު މީހުންގެ ތެރޭގައި އެންމެ ގިނައީ ބަންގްލަދޭޝްގެ މީހުންނެވެ. އެ ގައުމުގެ 863 މީހުންނަށް ބަލި ޖެހުނުއިރު ދިވެހިންގެ އަދަދު އުޅެނީ 555 ގަ އެވެ. އެ ބަލި އެންމެ ގިނައިން ޖެހިފައިވަނީ 31-40 އަހަރާ ދެމެދުގެ މީހުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދުން999
31 May 2020
ބަލަ ތިދައްކަނީކޮންވާހަކައެއް، ފަހަތުން ދުވެ 1672 މީހުން ޕޮޒިޓިވް ވިއިރު މަރުވީ 5 މީހުން، އޭގެތެރޭގައި 80 އަހަރުން މަތީމީހުން ހިމެނޭ. މަރުވާ ރޭޓް މަތީތޯ. ކިތައް ދިވެހިންތޯ މަރުވީ؟ ބޭކާރުގޮތުގައި ދައުލަތުގެ ފަންޑް ހުސްކޮށްލަނީތި އެއްވެސް ބެލުމެއް ނެތި. ދުނިޔޭގެ އިލްމުވެރިން ދައްކާ ވާހަކަތައް އަޑުއަހާބަލަ. ރައްޔިތުން ބައްދުކޮށްގެން ހާލުގައި ނުޖައްސާ. އާމްދަނީ އެއް ހޯދުމަށް ފުރުސަތުދީ.
އިބިރިހިމްބެއްޔާ
31 May 2020
ދުވާލަކަށް ސާޅީސް ފަންސާސް ކޭސް ފެންނަ ކަމަށް ވާނަމަ އެޔަކަށް ނުކިޔޭނެ މަދެކޭ. ދެންއެކަމަކު ކޭސްތަށް ފެންންނީ ކޮރަންޓީނުގަ ތިބި ކޮންޓެކް ތަކުގެ ތެރެއިން ކަމަށް ވާނަމަ އޯކޭ. ކޮރަންޓީނުން ބޭރުން ކޭސް ފެންނަ އަދަދު އެޗްޕީއޭ އިން ބުނެ ދެއްވަން އެބަޖެހޭ. ކުއްލިއަކަށް ބާރަށް ވައިރަސް ފެތުރި ކޮންޓްރޯލް ނުވުމަށް ވުރެ ލޮކްޑައުންގަ އަދި 4 ހަފްތާ ތިބެން ވެސް ރަގަޅު. ވޭން ގަދަ ކޮށް މިހާރު އުޅެފަ ވެސް ލޮކްޑައުން ދޫކޮށްލީމަ ހަމަ ނޭވާއެއް ލެވޭނީ އޭރުން.
ބޭރުމަތި
31 May 2020
މި ބައްޔަކީ ބަލިޖެހުނަސް ބަލިޖެހުނުކަން ނޭނގި ހުއްޓައި ރަނގަޅުވެސްވާ ބައްޔެއް. ބަލި ހުރިތޯ މި ބެލެނީ ކަމެއްދަމެއް ބޮޑުވެގެން ދާ މީހަކު ފެނިގެން އެމީހާ ޓެސްޓްކޮށްގެން. ދެން މިބަލަނީ އެމީހާގެ ކޮންޓަކްޓްވެފައި ތިބި މީހުން. އެ މީހާ ކޮންޓަކްޓްވި ކިތައް މީހުން ކިތައްކިތައް މީހުންނާ ކޮންޓަކްޓް ވެފައި ހުންނާނެ. އެ ހުރިހާ އެންމެން އެނގޭނީ ކިހިނެތް؟ ދެން މިބުނަނީ މަދޭ. ތިއެއް އެނގޭނީ ހޮސްޕިޓަލްތަކާއި ކްލިނިކުތައް ހުޅުވާލީމާ.
ދަންނަ ނުދަންނަ
31 May 2020
އަޖާއިބެއްކަހަލަ ވާހަކަތަކެއް. ބަލިޖެހޭ މިންވަރު މަދުވެއްޖެ. މަދުވީ ކޮވިޑް އެކަންޏެއްނޫން. އެހެން ބަލިތައްވެސް މަދުވެއްޖެ. ބަލިޖެހޭވަރު މަދުވަނީއެއް ނޫން. އިހަށްވިއްޔާ ވާގޮތަކީ ކިރިޔަކިރިޔާ ކަމެއްވާއިރަށް ޑޮކްޓަރެއްގެ ކައިރިޔަށްދަނީ. މިހާރު ދާން އުނދަގޫކަމުން ކައިރި ތަނަކުން ބޭސްގުޅައެއް ހޯދައިގެން ކައިގެން ފަރުޖައްސާލަނީ. ޑޮކްޓަރަށް ދިޔަޔަސް ދެނީ އެބޭސްކަން އެމީހުންނަށް އެނގޭ. މިމީހުންނަށް ހީވަނީ ލޮކްޑައުންކުރީމާ ބަލިތައް މަދުވަނީ ކަމަށް.
ސާރވޭ
31 May 2020
ލޮކްޑައުންގެ ސަބަބުން އެހެން ބަލިތަށް ވެސް މަދު ވެއްޖެ އެވެ. މިސާލަކަށް އިންފްލެންޒާ، ޑެންގީ ހުން، އާދައި އަރިދަފުސް ރޯގާ ފަދަ
ދަންނަ ނުދަންނަ
31 May 2020
ތީ ބޮޑު ޖޯކެއް. އިންފްލެންޒާއަކާއި ޑެންގީއަކާއި އާދައިގެ އަރިދަފުސް މަދުވީއެއްނޫން. ތަނަކަށް މީހަކަށް ނުދެވެންޏާ ނުދާނެތާ. މިހާރު ނުދެވޭތީ އަމިއްލައަށް ފަރުވާކުރަނީ. ގިނަ މީހުންނަށް އެނގޭ ޑޮކްޓަރަށް ދިޔައިމާ ދޭ ބޭހުގެ ނަމާއި ބޭސް ބޭނުންކުރާ ގޮތްވެސް. ބައެއް މީހުން ގޭގައި ބޭސް ސްޓޮކްކޮށްގެންވެސް އުޅޭ. އަނެއް ބަޔަކު ބޭނުން ޖެހުނީމާ ގަނެގެން ކަނީ. މިމީހުންނަށް ހީވަނީ މަދުވަނީހެން.
އަދުރެމެމެތުސް
31 May 2020
އެޗް.ޕީ.އޭގެ އެވެއަރނަސް އެޑް ބުނާ ގޮތުން؛ 261=3×87 783=3×261 2349=3×783 ....... އެހެންވީމާ ނެތެއްނު އުފަލެއް!!!
މަބްރޫކުއަށް ސުވާލެއް
31 May 2020
ގޭގައި އޮތް 92 އަހަރިގެ ކާފަ އަކަށް ބަލި "ހަދިޔާ" ކުރެވުނު ގޮތް ސާފު ކޮށް ދެއްވާ ބަލަ .މަބުރޫކް. އަޅުގަޑު މެނަށް ސުވާލެއް ކުރެވޭނީ މިގޮތަށެވެ.
މަބުރޫކުއޒީޒުުުު76655
31 May 2020
މާމާގެ ފެމެލީ ބައެއް ވަނީ ޕޮޒިޓިވް ވެފައި. ޢެމީހުން އުޅެނީ އެއް ގެޔަކު އެހެން ފްލޯއެއްގައި. ޢެމީހުންފަރާތުން ކަމަށް ބުރަވެވެނީ7”
އެހާރާ މިހާރު
31 May 2020
ވީމާ މިރޭ މިސުވާލުގެ ޖަވާބު ދެއްވަން ވާނެއެވެ. އުމުރުން ދުވަސް ވި މީހުނާއި އެމީހުންގެ ބެލެނިވެރިން މިސުވާލު ޖަވާބު ވަރަށް ބޭނުން ވާނެއެވެ.
ރައްކާތެރި ވަމާ
31 May 2020
ފުރަތަމަ ތިމާގެ ކިބައިން އެހެން މީހެއް ދެން އެހެން މީހެއްގެ ކިބައިން ތިމާ
ކިހާ ދެރަ
31 May 2020
ޕޮޒޮޓިވް ވުމަކީ ބަލީގެ ވޭނަށް ވުރެ އެހެން ގޮތް ގޮތުން ލިބޭ ތުރާލާ ވޭން ބޮޑު ކަމެއް. އާއިލާ އާއި ދިރިއުޅޭ ތަނާއި އެކަހެރި ކޮށް ދިރި އުޅުން ބަދަލު ކޮށްލާ ކަމެއް.
ގަޓް ބްރޯ
31 May 2020
ފެންނަމުން މިދާކަންކަމުން އެނގެނީ އަދި އިތުރު ތިން ހަތަރުމަހަށް މާލެ ސަރަހައްދުގަ މި ލޮކްޑައުން ދެމެހެއްޓުމުގެ ވިސްނުމެއް ސަރުކާރުން އެބަ ގެންގުޅޭކަން. އެކަމަކު ސަރުކާރުން ބޭނުންވާ އެއާޕޯޓްތައް ހުޅުވާލުމާ ރިސޯޓްތައް ފުރާލުމާ ބަންގާޅީން މަސައްކަތްތަކަށް ނެރުންފަދަ ކަންކަން ފަހިކޮށްދޭނެކަމަށް ބެލެވޭ. އެޗްޕީއޭ އިން އާންމުކޮށް އިއުލާނު ނުކުރަނީސް ޖުލައިގަ އެއާޕޯޓް ޓޫރިޒަމް އަށް ހުޅުވާލާނެކަން މިނިސްޓަރ އަލީ ވަހީދު ހާމަކުރިކަން އެއީވެސް މީގެ ހެއްކަކަށްފުދޭ.
ހަސަނުބެ23423
31 May 2020
މިއީ ލޮކްޑައުންގެ ބޭނުމަކީ. ކްލަސްޓަރ ތަކުގެ ތެރޭގައި ވައިރަސް ހިފެހެއްޓުން. ލޮކްޑައުން ނެތްނަމަ ވަރަށް ބާރަށް ފެތުރޭނޭ
ދަންނަ ނުދަންނަ
31 May 2020
މިހާރު މިއޮތީ ފެތުރޭނެ ވަރަކަށް ފެތުރިފައި. ފެތުރިފައި އޮތްވަރު ޖެހިފައި ތިބީ ކިތައް މީހުންނަށް ކަމެއް ދަންނަ އެއްވެސް އިންސާނަކު ނުހުންނާނެ. ދޫކޮށްލީމާ ކިރިޔާ ކަމެއްވިޔަސް ޑޮކްޓަރަށް ދާނެ. މިހާރު ނުދެވޭތީ އެއްބަޔަކު ޕެނަޑޯލް ގުޅައަކުން އަނެއް ބަޔަކު އަނެއް އެއްޗެއް ކައިގެން ބަލި ރަނގަޅުވަނީ. މީ މިހެން ރަނގަޅުވާ ބައްޔަކަށްވާތީ އަސްލު ހަގީގީ މަންޒަރެއް ނުފެނޭ. ނުވެސް އެނގޭ.