އޭޑީކޭގައި ޓެސްޓު ހަދަން ފެށުމުގެ ތައްޔާރީތައް ކުރިއަށްދަނީ-- ފޮޓޯ: އޭޑީކޭ
02 ޖޫން 2020 - 23:45
37 comments
އޭޑީކޭ ހޮސްޕިޓަލުން ކޮވިޑް-19 ގެ ޓެސްޓެއް ހަދައިދެނީ 675ރ. އަށް ކަމަށް ސަރުކާރުން މިރޭ ބުނެފި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި، ތަރުޖަމާނު މަބްރޫކް އަޒީޒް ވިދާޅުވީ އަމިއްލަ ގޮތުން އޭޑީކޭ ހޮސްޕިޓަލަށް ދައްކައިގެން ކޮވިޑް-19 އަށް ޓެސްޓް ހެދުމުގެ ފުރުސަތެއް ނޯންނާނެ ކަމަށެވެ. އޭގެ ބަދަލުގައި އެޗްޕީއޭ އިން ސާމްޕަލް ނެގުމަށް ފަހު، ޓެސްޓުކުރަން ބޭނުންކުރާނީ، އޭޑީކޭ ހޮސްޕިޓަލްގެ ލެބޯރެޓަރީގައި ކަމަށް ވިދާޅުވި އެވެ.
ރާއްޖޭގެ ފުރަތަމަ އަމިއްލަ ހޮސްޕިޓަލުން ހަރަދުކޮށްގެން ގެނައި ޕީސީއާރު މެޝިން ބޭނުންކޮށްގެން މިހާރު އަންނަނީ ކޮވިޑް-19 އަށް ޓެސްޓު ކުރަމުންނެވެ. މިހާތަނަށް ހެދި ޓެސްޓުތަކުގެ އަދަދު ސާފު ނުވިއަސް އޭޑީކޭއިން ދުވާލެއްގެ މައްޗަށް 500 އަށް ވުރެ ގިނަ ޓެސްޓް ހެދެ އެވެ.
މަބްރޫކް ވިދާޅުވި ގޮތުގައި ޓެސްޓުތައް ހެދުމަށް ފަހު، އޭޑީކޭ ހޮސްޕިޓަލުން، ބިލް ފޮނުވާނީ އައިޖީއެމްއެޗަށެވެ. އެ އަށް ފަހު ފައިސާ ދެއްކުމުގެ ކަންތައްތައް ކުރާނެ ކަމަށް ވިދާޅުވި އެވެ.
މިހާތަނަށް ފަރުވާއެއް ހޯދިފައިނުވާ ބައްޔަށް މީގެ ކުރިން ޓެސްޓު ކޮށްފައިވަނީ އައިޖީއެމްއެޗާއި ފުލުހުންގެ ފޮރެންސިކް ސާވިސްގަ އެވެ. މި ދެ ތަނުން ދުވާލެއްގެ މައްޗަށް 400 އެއްހާ ޓެސްޓު ހެދޭއިރު ސަރުކާރުން އަމާޒު ހިފާފައިވަނީ އެ އަދަދު 1،000 އަށް އިތުރުކުރުމަށެވެ.
އިއްޔެ ހަވީރު 6:00 އިން މިއަދުގެ ހަވީރު 6:00 އަށް 819 ސާމްޕަލެއްގެ ނަތީޖާ ލިބިފައި ވެ އެވެ. އޭގެ ތެރެއިން 12 މީހަކު ކޮވިޑް-19 އަށް ޕޮޒިޓިވްވި އެވެ. މިއަދު 855 ސާމްޕަލެއް ނަގާފައިވާއިރު ލިބިފައިވަނީ 412 މީހެއްގެ ނަތީޖާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރ. ޙަސަން ފުޅު
03 June 2020
ސަރުކާރުގެ ނާގާބިލް ކަން. ސަރުކާރައް މެސިން ގެނެވުން ނަމަ މިއަދު އޭޑީކޭ ފަހަތުން ދާކައް ނުޖެހޭ. ދުނިޔެ ލޮކްޑައުންގަ އޮއްވާ އޭޑީކޭ އިން މެސިން ގެނެވިފަ ސަރުކާރައް މެސިން ނުގެނެވުނު ސަބަބު ބަލާލަން ޖެހޭ..
ފަރުވާ
03 June 2020
އޭޑީކޭއަށް މިހާރު ޕޭޝަންޓުން ނުލިބޭތީ މިއީ ސަރުކާރުން ލާރިކޮޅު ހޯދޭނެ ގޮތެއް.
ސާލިހު
03 June 2020
ާސަންދައިން 300 އަމިއްލަ ޖީބުން 375 މީކިހާބޮޑު ޖޯކެއް ކޮބާއާސަނދައިގެބޭނުމެއް މިކަންމިވާގޮތް ވިސްނާލަބަލަ ދެން ކީއްކުރާ ެާސަންދައެއް?????
ބައިތުލްމާލު
03 June 2020
ނޫނޭވާ މިއޮތީ ރައްޔިތުންނަށް ހެޔޮ ވެރިކަމެއް ކޮއްދޭން އައި ސަރުކާރެއް! ޤައުމުގެ އިއްޒަތްތެރި ރަޢީސެވެ. މިއީތޯއެވެ. ތިޔަ ވިދާލުވާ ސިއްޙީ ވެރިންގެ ލަފަ އާއި އިރުޝާދުގެ މަތިން ވެރިކަން ކުރާގޮތަކީ! މާތްﷲ ދެއްވާފައިވާ ބުއްދި އާއި ވިސްނުން ރަގަލު ގޮތުގައި ހިފާ މިހިރަ މިހިރަ ކަންކަން ހުއްޓުވާކަށް ނުވޭތޯއެވެ. ރައްޔިތުންގެ ފައިސާ ވަކި ބަޔަކު މިއޮތް ކައި ހުސްކުރަނީއެވެ. ޓެކްސް ނަގަނީ މި ބޭނުމުގަތޯއެވެ! އަދިވެސް ވިސްނާލުން ބުއްދިވެރިއެވެ.
ކަރުކަންލމަ
03 June 2020
ޑިމާންޑް އެންޑް ސަޕުލައި ގެ މައްސަލައެއް. ކަސްޓަމަރަށް އިތުރު ޗޮއިސް އެއް ނެތްކަން ސޭޓަށް އެގުނީމަ އަގުކިޔާނީ ހިތަށް އެރި އަގެއްގައި. ކަޑޫދޫ މިރުސް. ރޯދަމަހު ކަރާ. ކޮންމެ އަގެއްގައި ވެސް ކުރަން ޖެހިއްޖިއްޔާ ކުރާނެ. ފުރާނައެއް އަގުކުރަނީ މަރުދިޔައިން.
ހައް1
03 June 2020
ސީދާ ރައްޔިތުންގެ ލާރި އަންދާލަނީ
ސިކުނޑި
03 June 2020
އޭޑީކޭއަށް ދީފަ އޮތް ބިމުގެ ކުލި އަކަފޫޓަކަށް 1000ރ އަށް ބަދަލު ކުރަން ގޮވާލަން!!
އިންސާފް
03 June 2020
ބިމުކުލި ބޮޑުކުރީމަ ބޮޑުކުރާނީ ހިދުމަތުގެ އަގު. ހިދުމަތް ހޯދަނީ ރައްޔިތު މީހާ. އާސަންދައިން 200 ރުފިޔާ ރައްޔިތުމީހާ އަތުން 300 ރުފިޔާ.. ރައްޔިތުމިހާއަށް ފައިދާ ކުރާނެ އެއްވެސް ސިސްޓަމެއް އަދި މިރާއްޖެއަކު ނެތް.
އިބިރިހިމްބެއްޔާ
03 June 2020
ވާއު! ދުވާލަކަށް ކޮވިޑު ޓެސްޓުން އެކަނި -/337،000ރ . ތިންދުވަހުން މިލައަނެއް! ގޯހެއްނޫންތާ ދޯ؟ މެޝިނުގެ އަގު މަހެއްގެ ތެރޭ ޗަލުވާލެވޭނެ ކަން ކަށަވަރު. މިވަރަށް ފައިސާ ސަރުކާރުން ނާ އާސަންދަތެރެ އިން ލިބޭ އިރު އަދި ކުޑަ ކުޑަ ކުއްޔަކަށް މުޅި އިމާރާތް ސަރުކާރުން ދީފަވާ އިރު ޚިދުމަތްތަކަށް ނަގާ އަގުތަށް އިންތިހާ އަށް ބޮޑު! މިކަން ހައްލުކުރަން މަޖިލިސްގެ މެމްބަރުން ނޫޅެނީ ކީއްވެ؟ މުޅި ބައިތުލްމާލު މިކާލަނީ މިރުސްކޮޅެއް ވެސް ލޮނު ކޮޅެއްވެސް ނުލާ!
ހަސަން އަލީ
03 June 2020
މީ ރާއްޖޭގެ ތާހިރު ސިސްޓަމް އޮންނަގޮތް. މިފަހަރު އެއްޗެއް ކައިއެލަނީ ސިސްޓަމް ތެރެއިން. ނަމަވެސް ފެންނަމީހެއް އަޑެއް އުފުލާނެ ފަރާތެއްނެތް. ނުކެރޭ ސަބަބަކީ ސްޕަރ މެޖޯރިޓީ މަޖިލީހެއް އޮތީމަ.. ސަރުކާރު ބިމެއްގަ ހޮސްފިޓަލެއް ހިންގާއިރު މިފަދަ ކާރިސާއެއްގައި މިހާބޮޑު އެއްޗެއް ދައްކައިގެން ޓެސްޓެއް ހެދުމަކީ ކޮރަޕްޝަނަށް އަމަލަކަށް ނުވޭބާ؟.. ވަކިބަޔަކު ކުރީމަ ހަމަ ކޮންމެ ކަމެއްވެސް އޯކޭއީތަ؟؟؟؟
އިބިރިއިބރި
03 June 2020
މަޖިލިސް މެމްބަރުންނޭ. އެއީ ދައުލަތުން މާ ސިންގާ މުސާރަ އާއި އިނާޔަތް ހަމަޖައްސާގެން މޭޒު އަޑިން ތިކަހަލަ ކަނތައްތއް ރާވަދީ ފަސޭހަ ކޮއްދޭ ްގްރޫޕް. އެމީޙުން ފުރަތަމަ އުވާލާގެން ކަމެއް ހަމައަށް އެޅޭނީ. ތިޔަ ބުނާ އޭޑިކޭ ނާޝިދު އަކީވެސް މަޖިލސް މެމްބަރެއްވީމަ އަދިވެސް ދައުލްތުން އޭނާ އަށް ބޮޑު މުސާރައާއި އިނާޔަތްތއްވެސް ދެޔެ.
ާަާާައަލީ ޝަފީގު
03 June 2020
ހާސްނުވޭ. މީގެބައެއް ޕާޓީހިންގަންލިބޭނެ.
hussain208
03 June 2020
ކާރިސާއެއްގެ ތެރޭގައިވެސް ބޭނުންވަނީ ވިޔަފާރި އުސޫލުން ނެގެން އޮތް އެންމެ ބޮޑުފައިދާއެއް ނަގަން. އެގިފައިވާގޮތުގައި އޭޑީކޭ ހުރި ބިން ސަރުކާރުން ކުއްޔަށްދީފައިވަނީ މާކެޓްއަގަކަށްނޫން. އެހެންކަމުން މިފަދަ ދަނޑިވަޅެއްގައި ރައްޔިތުންގެ ފައިސާ ތިޔަގޮތުގައި ފޭރުމަކީ ޒިންމާދާރު އަމަލެއް.