ފައްޅީގެ ބޭރުގައި ޓްރަމްޕް ބައިބަލް ހިއްޕަވައިގެން. --ފޮޓޯ:އޭއެފްޕީ
03 ޖޫން 2020 - 14:42
10 comments
ވޮޝިންޓަން (ޖޫން 3) - އެމެރިކާގެ ކަޅު ނަސްލުގެ މީހެއް ކަމަށްވާ ޖޯޖް ފްލޮއިޑް ފުލުހުން ހައްޔަރު ކުރަން އުޅުމުގެ ތެރޭގައި އޭނާ މަރުވުމުން މުޅި އެމެރިކާގައި ފެށި މުޒާހަރާތައް ވައިޓް ހައުސްގެ ބޭރުގައި ވެސް ވަރުގަދަ ކުރުމުން ރައްކާތެރި ކަމުގެ ފިޔަވަޅެއްގެ ގޮތުން ރައީސް ޑޮނަލްޑް ޓްރަމްޕް ބިމު އަޑީގެ ކޮޓަރިއަކަށްލި ވާހަކަ ނޫސްތަކުގައި ޖެހުމުން ޓްރަމްޕް ވަރަށް ބޮޑަށް ކޯފާ އިސްކުރެއްވި ކަމަށް ބައެއް މީހުން ބުނެފައިވެ އެވެ.
ފައްޅި އަށް ވަޑައިގެން، ޓްރަމްޕް ވައިޓް ހައުސް އަށް އެނބުރި ވަޑައިގަންނަވަނީ. --ފޮޓޯ:އޭއެފްޕީ
އެހެންވެ ޓްރަމްޕް ވަނީ މުޒާހަރާ އަށް ބިރުނުގަންނަކަން ދައްކާލުމުގެ ފޮޓޯ އިވެންޓެއް ބާއްވާލާފައި ކަމަށް ރިޕޯޓްތައް ބުނެ އެވެ. އެކަމަކު ވައިޓް ހައުސް އިން ބޭރަށް ހިންގަވާފައި ނުކުމެވަޑައިގެން ޕެންސިލްވޭނިއާ އެވެނިއު ހުރަސް ކުރައްވާ ފައްޅި އަށް ވަޑައިގަތުމުގެ ކުރިން ފުލުހުން ވަނީ އެ ސަރަހައްދުގައި މުޒާހަރާ ކުރި އެންމެން އެ ތަނުން ފޮނުވާލައިފަ އެވެ. ސުލްހަވެރިކަމާ އެކު މުޒާހަރާ ކުރި މީހުން ބޭރުކުރަން ފުލުހުން ވަނީ ކަރުނަ ގޭހާއި ރަބަރު ވަޒަން ބޭނުންކޮށްފަ އެވެ.
ފައްޅި އަށް ވަޑައިގެން، ޓްރަމްޕް ވައިޓް ހައުސް އަށް އެނބުރި ވަޑައިގަންނަވަނީ. --ފޮޓޯ:އޭއެފްޕީ
އިވެންޓުގެ ކުރިން ވައިޓް ހައުސްގެ ރޯޒް ގާޑަންގައި ވާހަކަ ދައްކަވަމުން ޓްރަމްޕް ވަނީ އެމަނިކުފާނަކީ ސުލްހަވެރި މުޒާހަރާތަކަށް ތާއީދުކުރައްވާ ބޭފުޅެއް ކަމަށް ވިދާޅުވެފަ އެވެ. ޕްރެސް ބްރީފިން ނިންމަވާލައްވަމުން ޓްރަމްޕް ވަނީ މުހިންމު ތަނަކަށް ވަޑައިގަންނަވަނީ ކަމަށް ވިދާޅުވެފަ އެވެ. އެއަށް ފަހު ވައިޓް ހައުސް އިން ނުކުމެވަޑައިގެން ހިންގަވާފައި ސެއިންޓް ޖޯންސް އެޕިސްކޮޕާލް ފައްޅި އަށް ވަޑައިގެން އެ ތަނުގެ ބޭރުގައި ބައިބަލްއެއް ހިއްޕަވައިގެން، ފޮޓޯ އަކަށް ހުއްޓިވަޑައިގަތެވެ.
ޓްރަމްޕް ވަޑައިގެންނެވި ފައްޅި ގާޑް ކުރުމަށް ފަހު ސީކްރެޓް ސާވިސްގެ ސްނައިޕަރުން އެނބުރި ވައިޓް ހައުސް އަށް ދަނީ. --ފޮޓޯ:އޭއެފްޕީ
ފައްޅިން ވައިޓް ހައުސް އަށް ވަޑައިގެންނެވީ ވެސް ސީކްރެޓް ސާވިސް އެޖެންޓުންނާ އެކު ހިންގަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުސަންބޭ
04 June 2020
ފިނޑިއެއްނޫން އެކަމަކު ބަންކަރަށްވަނީ އަތަން ރީތިތޯ ބަލާލަން. ލޮލް
ނަން
04 June 2020
ބިރުން ނޫންތަ މިދަނޑިވަޅުގަ ބަންކަރު ބަލާލަން ވަނީ. ބިރުން ވަންނަން ޖެހިދާނެކަމަށް ބަލާފަ!
ޕިނޯޗޭ
03 June 2020
ގަޓު ރައީސުން އުޅޭ ގޮތަކީ މީ.
ބޯގޯސް
03 June 2020
މީނާޔާ ނަތަންޔާހޫއާ އެއީ ދެ މުޖްރިމުން.
ކްރިމިނަލްސ
04 June 2020
މޯދީ އާއި ސުބްރަމާނިއަން މިލިސްޓުގެ ތެރެއަށް އިތުރު ކޮއްލަމާ.
އިބްރާހިމް ހުސައިން
03 June 2020
ބިރު ނުގަންނަކަން ދައްކާލިއިރު މަގުގެ ދެފަރާތުގައި ފުލުހުންގެ ސަފުތައް އަތުރާފައި ރަގަޅެއް ނޫން.މިއީ އެމެރިކާގައި ވައިޓް ސްޕްރިމަސީއަށް ޓްރަމްޕު މަސައްކަތް ކުރާތީ ވާގޮތް.އަދި ދުނިޔޭގެ އެކިބިތްތަކުގައި ހަނގުރާމައަށް ވާގިދީ ހަތިޔާރުވިއްކައި ހަދަނީ.އިހަކަށް ދުވަހަކު ނޫން ވެނެޒުއޭލާގެ ވެރިކަމުން މަދޫރޯ ވައްޓާލަން އުޅުނު ކަން ފަޅާއެރީވެސް.ލީބިޔާ،މިސްރު،ޔަމަން މިހެންގޮސް ކިޔާނެކަމެއްނެތް އެތައް ޤައުމެއްގެ ސަރުކާރުތައް ވައްޓާލައިފި.
ކުޑޭ
03 June 2020
ތީގެ މީހެއް ރާއްޖޭގައިވެސް އުޅޭ، އެކަމަކު އޭނާ މިވގުތު ވެރިކަން ނުލިބިގެން ތެޅެފޮޅެނީ
ސާބަހޭ
03 June 2020
ޓުރަމްޕާ ނަޝީދާ ހާދަ އެއްގޮތްކަންތައްތައް ގިނައޭ...
ނިރު
03 June 2020
ހަމައެކަނި މިލިޓަރީ ހަގުރާމަވެރިން ހަތިޔާރު ނުގެންގުޅޭ ރައްޔެތުން ތަކަކާ ދެކޮޅަށް ނެރުނު ދެރައީސުން ނަކީ ރައީސް ނަޝީދު ވެރިކަމުގަ ނަޝީދު އާ މިހާރު އެމެރިކާގަ ހިގަމުންދާ ޕީސްފުލް މުޒާހަރާތަށް ރޫޅާލުމަށް ރައީސް ޓްރަމްޕް
ާަބޫލޫބޭ
03 June 2020
މުޅިދުނިޔޭގަވެސް ސުޕްރީމްކޯޓް ފުރާޅުގެޓިނުނަގައިގެން ފަޑިޔާރުން ހައްޔަރުކުރި މީހަކީ ޔާމީނު. ޢެކަން ކުރުވީ ކޮންކަހަލަ ޔުނީފޯމެއްލައިގެންތިބިބައެއްކަން ފޮޓޯތަކުން ފެނުނު.